Oʻzbekiston Respublikasining 24.12.2012 y. OʻRQ-342-son "Normativ-huquqiy hujjatlar toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida"gi Qonuni (Qonunchilik palatasi tomonidan 01.11.2012 y. qabul qilingan, Senat tomonidan 05.12.2012 y. ma’qullangan)
OʻZBEKISTON RESPUBLIKASINING
QONUNI
24.12.2012 y.
N OʻRQ-342
"NORMATIV-HUQUQIY HUJJATLAR
TOʻGʻRISIDA"GI OʻZBEKISTON RESPUBLIKASI
QONUNIGA OʻZGARTISh VA QOʻShIMChALAR
KIRITISh HAQIDA
Qonunchilik palatasi tomonidan 2012 yil 1 noyabrda qabul qilingan
Senat tomonidan 2012 yil 5 dekabrda ma’qullangan
1-modda. Oʻzbekiston Respublikasining 2000 yil 14 dekabrda qabul qilingan "Normativ-huquqiy hujjatlar toʻgʻrisida"gi 160-II-sonli Qonuniga (Oʻzbekiston Respublikasi Oliy Majlisining Aхborotnomasi, 2001 yil, N 1-2, 8-modda; 2004 yil, N 1-2, 18-modda; 2005 yil, N 1, 18-modda) oʻzgartish va qoʻshimchalar kiritilib, uning yangi tahriri tasdiqlansin (ilova qilinadi).
2-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini ta’minlasin.
3-modda. Ushbu Qonun rasmiy e’lon qilingan kundan e’tiboran kuchga kiradi.
Oʻzbekiston Respublikasining Prezidenti I. Karimov
“Xalq soʻzi”, 2012 yil 25 dekabr
"Oʻzbekiston Respublikasi qonun hujjatlari toʻplami", 2012 yil, 52-son, 583-modda
"Oʻzbekiston Respublikasi Oliy Majlisi palatalarining Aхborotnomasi", 2012 yil, 12-son, 333-modda