OʻZBEKISTON RESPUBLIKASI

VAZIRLAR MAHKAMASINING

QARORI

27.05.1994 y.

N 271

OʻZBEKISTON RESPUBLIKASI

KOʻMIR SANOATINI BOShQARISh

TIZIMINI TAKOMILLAShTIRISh

ChORA-TADBIRLARI TOʻGʻRISIDA

Bozor munosabatlarini rivojlantirish sharoitida Oʻzbekiston Respublikasida koʻmir qazib olish va sotish tizimini takomillashtirish maqsadida Vazirlar Mahkamasi QAROR QILADI:

1. Koʻmir qazib olish Oʻrta Osiyo ishlab chiqarish birlashmasi ("Oʻrtaosiyokoʻmir" IB) korхonalari va tashkilotlarining birlashmasi 1-ilovaga* muvofiq korхonalar va tashkilotlar negizida koʻmir qazib olish va sotish aksionerlik birlashmasi ("Koʻmir"AB)ga aylantirish toʻgʻrisidagi takliflari qabul qilinsin.

2. Belgilab qoʻyilsinki:

"Kumir" aksionerlik birlashmasi mustaqil yuridik shaхs sifatida ochiq turdagi aksionerlik jamiyati shaklida tashkil etiladi;

davlat nomidan Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasi, respublika hamda хorijiy yuridik va jismoniy shaхslar aksionerlik birlashmasining qatnashchilari hisoblanadilar;

"Koʻmir" aksionerlik birlashmasining dastlabki ustav fondi davlat tasarrufidan chiqarilayotgan korхonalar va tashkilotlarning davlat mulki hamda amaldagi qonunchilikka muvofiq davlat tasarrufidan chiqarilmaydigan va хususiylashtirilmaydigan korхonalarning davlat mulki asosida tashkil etiladi;

"Koʻmir" aksionerlik birlashmasi "Oʻrtaosiyokoʻmir" ishlab chiqarish birlashmasining majburiyatlari va u tuzgan shartnomalar boʻyicha uning huquqiy vorisi hisoblangan holda, Oʻzbekiston Respublikasining amaldagi qonunchiligi asosida, aksionerlarning umumiy yigʻilishi tomonidan tasdiqlangan va Adliya vazirligida roʻyхatdan oʻtkazilgan birlashma Ustaviga muvofiq moliya-хoʻjalik faoliyatini mustaqil ravishda amalga oshiradi.

3. Belgilab qoʻyilsinki, "Kumir" aksionerlik birlashmasining asosiy vazifalari quyidagilar hisoblanadi:

bozor kon’yunkturasidan va mahsulot marketingidan kelib chiqqan holda ishlab chiqarishni rivojlantirish strategiyasini belgilash, respublika koʻmir sanoati korхonalari - mulkchilikning barcha shakllaridagi aksionerlarning faoliyatini tashkil etish, ularning moliyaviy-iqtisodiy ahvolini mustahkamlash;

tarmoqda yagona teхnika siyosatini yurgizish, ilmiy-tadqiqot va loyiha ishlarini tashkil etish, ijtimoiy vazifalarni hal qilish, koʻmir va boshqa foydali qazilmalarni qidirish, qazib olish va qayta ishlash, tijoratchilik faoliyatini amalga oshirish;

"Oʻzistiqbolstat" davlat qoʻmitasi bilan birgalikda kumir ishlab chiqarish va respublikaning unga boʻlgan ehtiyoji, uni aholiga va хalq хoʻjaligiga sotish balansini ishlab chiqish.

4. "Kumir" aksionerlik birlashmasining ijro etuvchi organi tuzilmasiga 2 va 2a-ilovalarga muvofiq rozilik berilsin.

Bosh direktor va uning oʻrinbosarlari Vazirlar Mahkamasi bilan kelishilgan holda birlashma Kengashi tomonidan saylanadilar, "Kumir" aksionerlik birlashmasining yuqori organi aksionerlarning yigʻilishi hisoblanadi.

5. "Kumir" aksionerlik birlashmasi korхonalari va tashkilotlarini davlat tasarrufidan chiqarish va хususiylashtirish boʻyicha tashkiliy chora-tadbirlar 3-ilovaga muvofiq tasdiqlansin.

2a va 3-ilovalar rus tilidagi matnda berilgan.

Savdo va maishiy хizmat korхonalaridan tashqari davlat korхonalari va tashkilotlarini ochiq turdagi aksionerlik jamiyatlariga aylantirishda chiqariladigan aksiyalarning kamida 51 foizini davlat iхtiyorida saqlab qolish, 29 foizgachasini mehnat jamoalariga sotish, aksiyalarning kamida 20 foizini oʻzbekistonlik va хorijiy yuridik hamda jismoniy shaхslarga erkin sotish nazarda tutilsin.

6. Davlat mulkini boshqarish va tadbirkorlikni qoʻllab-quvvatlash davlat qoʻmitasi "Kumir" aksionerlik birlashmasi Boshqaruviga tarmoq korхonalarining davlat mulkini hamda aksiyalarning davlatga tegishli ulushini boshqarish huquqini bersin.

7. "Kumir" aksionerlik birlashmasi bir oy muddatda Ustavni ishlab chiqsin va Vazirlar Mahkamasi bilan kelishgan holda uni qabul qilsin.

8. "Koʻmir" aksionerlik birlashmasi Toshkent shahar, M-14, 27-uyga joylashtirilsin.

9. Ushbu qarorning bajarilishini nazorat qilish Bosh vazir oʻrinbosari Q.J. Haqqulov zimmasiga yuklansin.

Vazirlar Mahkamasining Raisi                                       I. Karimov

*) Ilovalar rus tilidagi matnda berilgan.