OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

17.07.2006 y.

N 1596

OʻZBEKISTON STANDARTLAShTIRISh,

METROLOGIYa VA SERTIFIKATLAShTIRISh

AGENTLIGI BOSh DIREKTORINING

10.05.2006 y.

N 157

BUYRUGʻI

Mahsulotlarni sertifikatlashtirish

organlari, sinov (oʻlchash) laboratoriyalarini

(markazlarini), sertifikatlashtirish sohasidagi

tekshiruv organlarini akkreditatsiya qilish

qoidalarini tasdiqlash toʻgʻrisida

(2006 yil 27 iyuldan kuchga kiradi)

Oʻzbekiston Respublikasi "Mahsulotlarni va хizmatlarni sertifikatlashtirish toʻgʻrisida"gi, "Metrologiya toʻgʻrisida"gi qonunlariga, Oʻzbekiston Respublikasi Vazirlar Mahkamasining 2004 yil 5 avgustdagi 373-sonli "Oʻzbekiston davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish toʻgʻrisida"gi qarori bilan tasdiqlangan Oʻzbekiston standartlashtirish, metrologiya va sertifikatlashtirish agentligi toʻgʻrisidagi nizomiga asosan BUYuRAMAN:

1. Mahsulotlarni sertifikatlashtirish organlari, sinov (oʻlchash) laboratoriyalarini (markazlarini), sertifikatlashtirish sohasidagi tekshiruv organlarini akkreditatsiya qilish qoidalari ilovaga* muvofiq tasdiqlansin.

2. Ushbu buyruq kuchga kirgan kundan boshlab, Oʻzbekiston davlat standarti O`zDSt16.1 "OʻzR AT. Sertifikatlashtirish idoralari va tekshirish idoralarini akkreditlashni oʻtkazish tartibi" oʻz kuchini yoʻqotgan deb hisoblansin.

3. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Oʻzbekiston standartlashtirish,

metrologiya va sertifikatlashtirish

agentligi Bosh direktori                                                   R. Boʻriyev

*) Ilova rus tilidagi matnda berilgan.

"Oʻzbekiston Respublikasi qonun hujjatlari toʻplami", 2006 yil, 28-29-son, 283-modda.