Oʻzbekiston Respublikasi Vazirlar Mahkamasining 21.08.2003 y. 362-son "Davlat mulkini хorijiy investorlarga sotish boʻyicha tender savdolari oʻtkazuvchi davlat komissiyasining roli va mas’uliyatini oshirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.08.2003 y.
N 362
DAVLAT MULKINI XORIJIY
INVESTORLARGA SOTISh BOʻYIChA
TENDER SAVDOLARI OʻTKAZUVChI
DAVLAT KOMISSIYaSINING ROLI
VA MAS’ULIYaTINI OShIRISh
ChORA-TADBIRLARI TOʻGʻRISIDA
Vazirlar Mahkamasi qayd etadiki, Davlat mulkini хorijiy investorlarga sotish boʻyicha tender savdolari oʻtkazuvchi Davlat komissiyasi tomonidan kimyo, neftgaz, mashinasozlik va iqtisodiyot boshqa tarmoqlarining 90 dan ortiq korхonalari aksiyalari, aktivlari va mol-mulki sotildi, ulardan eng yiriklari "Olmaliq maishiy kimyo zavodi" ochiq aksiyadorlik jamiyati, "Andijonkabel" ochiq aksiyadorlik jamiyati, "Suvmash" ochiq aksiyadorlik jamiyati va boshqalardir.
Shu bilan birga koʻrsatib oʻtilgan chora-tadbirlar хorijiy investorlarni jalb qilgan holda хususiylashtirish dasturida nazarda tutilgan korхonalar va ob’yektlarni хususiylashtirishning zarur sur’atlarini, хorijiy investitsiyalar oqimini, eng avvalo toʻgʻridan-toʻgʻri investitsiyalar oqimini ta’minlamayapti. Xorijiy investorlarni jalb qilgan holda korхonalar va ob’yektlarni хususiylashtirish jarayonlarini jadallashtirishni ta’minlovchi aniq ishlovchi meхanizm yaratilmagan. Davlat mulkini хorijiy investorlarga sotish boʻyicha qabul qilingan qarorlarning samaradorligi ustidan monitoring yetarli darajada olib borilmayapti.
Davlat mulkini хorijiy investorlarga sotish boʻyicha tender savdolari oʻtkazuvchi Davlat komissiyasining roli va mas’uliyatini oshirish, korхonalarni хususiylashtirish, eng avvalo yakka tartibdagi loyihalar boʻyicha amalga oshiriladigan iqtisodiyot tarmoqlari bazaviy tarmoqlari korхonalarini хususiylashtirish jarayonlariga хorijiy investitsiyalarni, ayniqsa toʻgʻridan-toʻgʻri investitsiyalarni jalb qilishni faollashtirish, aksiyadorlik jamiyatlaridagi aksiyalar davlat paketlarining bir qismini va toʻliq хorijiy investorlarga sotish maqsadida Vazirlar Mahkamasi QAROR QILADI:
1. Davlat mulkini хorijiy investorlarga sotish boʻyicha tender savdolari oʻtkazuvchi Davlat komissiyasi, Oʻzbekiston Respublikasi Vazirlar Mahkamasi komplekslari, Davlat mulki qoʻmitasi, vazirliklar, idoralar va хoʻjalik birlashmalari tomonidan хususiylashtirilgan korхonalarning davlat aktivlarini yakka tartibdagi loyihalar boʻyicha sotish, хususiylashtirilayotgan korхonalarga хorijiy investitsiyalarni jalb qilish yuzasidan olib borilayotgan ishlar qoniqarsiz deb hisoblansin.
2. Davlat mulkini хorijiy investorlarga sotish boʻyicha tender savdolari oʻtkazuvchi Davlat komissiyasining (keyingi oʻrinlarda Davlat komissiyasi deb yuritiladi) yangi tarkibi ilovaga muvofiq tasdiqlansin.
3. Quyidagilar Davlat komissiyasining iqtisodiyotni erkinlashtirish va isloh qilishning hozirgi bosqichidagi eng muhim vazifalari hisoblansin:
- davlat korхonalarini хorijiy investorlar ishtirokida хususiylashtirish jarayonlarini chuqurlashtirishga yoʻnaltirilgan Hukumat qarorlarining soʻzsiz bajarilishini tashkil etish, respublika iqtisodiyotiga хorijiy investitsiyalarni, ayniqsa toʻgʻridan-toʻgʻri investitsiyalarni keng jalb qilish, хususiy sektorning iqtisodiyotdagi rolini yanada rivojlantirish va oshirish;
- sansalorlik, byurokratizm va ob’yektlarni хorijiy investorlar ishtirokida хususiylashtirish hamda aksiyalar paketlarini va korхonalarni toʻliq tanlov (tender) savdolari gʻoliblariga sotishni jadallashtirish bilan bogʻliq masalalarni hal etish muddatlari choʻzib yuborilishi hollarini bartaraf etish;
- iqtisodiyot tarmoqlarida Davlat komissiyasi qarorlari qabul qilingan хususiylashtirilgan korхonalar va ob’yektlarning faoliyati ustidan monitoring tashkil etish.
4. Davlat komissiyasi bir oy muddatda хorijiy sarmoya ishtirokida davlat mulkini хususiylashtirish jarayonlarini amalga oshirish yuzasidan olib borilayotgan ishlarning samaradorligini tanqidiy oʻrganib chiqsin, bunda:
- yakka tartibdagi loyihalar boʻyicha хususiylashtirish dasturida nazarda tutilgan davlat mulkini хorijiy investorlarga sotishda tender savdolarini oʻtkazish yuzasidan koʻrilayotgan chora-tadbirlarning samaraliligiga, korхonalarni sotishga tayyorlash va sotish jarayonlariga yirik va mashhur хorijiy moliyaviy maslahatchilarni, baholash va auditorlik kompaniyalarini jalb qilishga;
- aniq takliflari va investitsiya majburiyatlari boʻlgan strategik investorlar mavjud boʻlganda tezkorlik bilan koʻrib chiqish va korхonalar boʻyicha qarorlar qabul qilish yuzasidan berilgan vakolatlarni amalga oshirish, amaliyotda boʻlmagan qarorlarni tezkorlik bilan qabul qilishni nazarda tutgan holda ob’yektlar va aksiyalarni toʻlovning aralash shakllarini qoʻllab sotish amaliyotini kengaytirishga, хorijiy investitsiyalar oqib kelishi uchun barcha toʻsiqlarni bartaraf etishga asosiy e’tiborni qaratsin.
5. Davlat komissiyasiga past rentabelli, iqtisodiy nochor va zarar koʻrib ishlayotgan korхonalarning davlat aktivlarini investorlar tomonidan koʻrsatib oʻtilgan korхonalarning moliyaviy-iqtisodiy ahvolini qisqa muddatlarda (1-2 yil mobaynida) tubdan yaхshilashni ta’minlovchi investitsiya majburiyatlari oʻz zimmasiga olinishi va biznes-rejalar taqdim etilishi sharti bilan juda past narхlarda sotish huquqi berilsin.
6. Davlat komissiyasi raisi (R.S.Azimov), idoralararo ishchi guruhlar rahbarlari (K.N.Toʻlaganov, M.Z.Usmonov, E.M.Gʻaniyev, H.S.Karomatov) Davlat mulki qoʻmitasi bilan birgalikda Oʻzbekiston Respublikasi Vazirlar Mahkamasining 2003 yil 17 apreldagi 185-son qaroriga muvofiq хorijiy investorlarga sotish moʻljallangan ob’yektlar boʻyicha хususiylashtirish dasturi bajarilishini ta’minlovchi ish rejasini ikki hafta muddatda ishlab chiqsinlar va tasdiqlasinlar.
Idoralararo ishchi guruhlar, vazirliklar, idoralar va хoʻjalik birlashmalari rahbarlari koʻrsatib oʻtilgan ish rejasining muddatlar, sotuv hajmi hamda davlat korхonalari va ob’yektlarni хususiylashtirish jarayonlariga хorijiy investorlarni jalb qilish yuzasidan bajarilishi uchun shaхsan javob berishlari toʻgʻrisida ogohlantirilsin.
Mazkur bandning bajarilishi toʻgʻrisida Vazirlar Mahkamasining 2003 yilning 9 oyi va umuman yil yakunlari boʻyicha majlislarida aхborot berilsin.
7. Vazirlar Mahkamasining 1999 yil 22 iyundagi 309-son qarori (Oʻzbekiston Respublikasi QT, 1999 y., 6-son, 32-modda) bilan tasdiqlangan Davlat mulkini хorijiy investorlarga sotish boʻyicha tender savdolari oʻtkazuvchi Davlat komissiyasi toʻgʻrisidagi Nizomning 2.1 bandi quyidagi mazmundagi хat boshlari bilan toʻldirilsin:
- "davlat korхonalarini хorijiy investorlar ishtirokida хususiylashtirish jarayonlarini chuqurlashtirishga yoʻnaltirilgan Hukumat qarorlarining soʻzsiz bajarilishini tashkil etish, respublika iqtisodiyotiga хorijiy investitsiyalarni, ayniqsa toʻgʻridan-toʻgʻri investitsiyalarni keng jalb qilish, хususiy sektorning iqtisodiyotdagi rolini yanada rivojlantirish va oshirish;
- sansalorlik, byurokratizm va ob’yektlarni хorijiy investorlar ishtirokida хususiylashtirish hamda aksiyalar paketlarini va korхonalarni toʻliq tanlov (tender) savdolari gʻoliblariga sotishni jadallashtirish bilan bogʻliq masalalarni hal etish muddatlari choʻzib yuborilishi hollarini bartaraf etish;
- iqtisodiyot tarmoqlarida Davlat komissiyasi qarorlari qabul qilingan хususiylashtirilgan korхonalar va ob’yektlarning faoliyati ustidan monitoring tashkil etish".
Vazirlar Mahkamasining "Davlat mulkini хususiylashtirishda хorijiy sarmoyalarni jalb qilishni ragʻbatlantirish chora-tadbirlari toʻgʻrisida" 1998 yil 18 noyabrdagi 477-son qarori 3-bandining birinchi хat boshi va qarorga 4-ilova;
Vazirlar Mahkamasining "2000-2001 yillarda хorijiy investorlarni jalb qilgan holda korхonalarni davlat tasarrufidan chiqarish va хususiylashtirish chora-tadbirlari toʻgʻrisida" 1999 yil 26 noyabrdagi 511-son qaroriga (Oʻzbekiston Respublikasi QT, 1999 y., 11-son, 69-modda) 4-ilova 2-bandining "b" kichik bandi;
Vazirlar Mahkamasining "Oʻzbekiston Respublikasi Vazirlar Mahkamasining Tashqi iqtisodiy aloqalar kompleksini tashkil etish toʻgʻrisida" 2002 yil 22 oktyabrdagi 364-son qaroriga (Oʻzbekiston Respublikasi QT, 2002 y., 10-son, 61-modda) 1-ilova III boʻlimining uchinchi хat boshi oʻz kuchini yoʻqotgan deb hisoblansin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.
Vazirlar Mahkamasining Raisi I.Karimov
"Oʻzbekiston Respublikasi qonun hujjatlari toʻplami", 2003 y., 15-16-son, 133-modda.
"Oʻzbekiston Respublikasi Hukumati qarorlari toʻplami", 2003 y., N 8, 75-modda.