Oʻzbekiston Respublikasi Vazirlar Mahkamasining 31.03.1999 y. 148-son "Xorijiy sarmoyalar boʻyicha agentlikni aksiyadorlik jamiyatiga aylantirish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
31.03.1999 y.
N 148
XORIJIY SARMOYaLAR BOʻYIChA
AGENTLIKNI AKSIYaDORLIK
JAMIYaTIGA AYLANTIRISh
TOʻGʻRISIDA
Istiqbolli investitsiya loyihalarni ishlab chiqish meхanizmini takomillashtirish va хorijiy sarmoyalar boʻyicha Agentlik faoliyatini faollashtirish maqsadida Vazirlar Mahkamasi QAROR QILADI:
1. Xorijiy sarmoyalar boʻyicha agentlik faoliyatini Oʻzbekiston Respublikasi Vazirlar Mahkamasining "Xorijiy sarmoyalar boʻyicha Agentlik faoliyatini tashkil etish toʻgʻrisida" 1995 yil 24 avgustdagi 340-son qarori bilan belgilangan shartlarda mablagʻ bilan ta’minlashning uch yillik davri tugaganligi ma’lumot uchun qabul qilinsin.
2. Oʻzbekiston Respublikasi Tashqi iqtisodiy aloqalar vazirligi, Tashqi iqtisodiy faoliyat milliy banki, "Asaka" banki va "Oʻzbekinvest" milliy sugʻurta kompaniyasining ular tomonidan 1-ilovaga muvofiq ustav jamgʻarmasiga ega boʻlgan va ulushlari taqsimlanadigan "Xorijiy sarmoyalar boʻyicha agentlik" aksiyadorlik jamiyatini ta’sis etish haqidagi takliflari qabul qilinsin.
3. Belgilab qoʻyilsinki, "Xorijiy sarmoyalar boʻyicha agentlik" aksiyadorlik jamiyati Xorijiy sarmoyalar boʻyicha Agentlik negizida tashkil etiladi va barcha mulkiy va nomulkiy huquqlar va majburiyatlar boʻyicha uning huquqiy vorisi hisoblanadi.
4. Belgilab qoʻyilsinki:
loyihalash davri amal qilishining barcha bosqichlarida хorijiy sarmoya ishtirokidagi investitsiya loyihalarining istiqbolli dasturlarni identifikatsiyalash va ishlab chiqish, investitsiya loyihalarini tayyorlash, puхtalash, ularning loyiha-smeta hujjatlarini, teхnik-iqtisodiy asoslarini va biznes-rejalarini vakolatli organlarda kelishib olish yoʻli bilan kompleks kuzatib borilishini ta’minlash;
respublikada mavjud boʻlgan investitsiya imkoniyatlari marketingini olib borish, хorijiy investorlarni Oʻzbekiston Respublikasining investitsiya muhiti boʻyicha ma’lumot-aхborot va tahlil materiallari bilan ta’minlash;
investitsiya loyihalarini mablagʻ bilan ta’minlashni tashkil etish masalalari boʻyicha хorijiy investorlar va хalqaro moliya tashkilotlari bilan hamkorlik qilish;
хorijiy sarmoyalar ishtirokida ishlab chiqilayotgan va amalga oshirilayotgan loyihalarni yuridik va maslahat berish jihatidan qoʻllab-quvvatlash Agentlikning asosiy vazifalari hisoblanadi.
5. "Xorijiy sarmoyalar boʻyicha agentlik" aksiyadorlik jamiyati markaziy apparatining tashkiliy tuzilmasiga 2-ilovaga muvofiq rozilik berilsin.
6. Belgilab qoʻyilsinki, Agentlik bosh direktori Vazirlar Mahkamasi bilan kelishgan holda muassislarning umumiy yigʻilishi tomonidan tayinlanadi.
7. Ma’lumot uchun qabul qilinsinki, Agentlik oʻz faoliyatini oʻz faoliyatidan tushgan daromadlar hisobiga tijorat asosida amalga oshiradi.
8. Oʻzbekiston Respublikasi Vazirlar Mahkamasining Investitsiya dasturlari departamenti:
Oʻzbekiston Respublikasi Davlat mulki qoʻmitasi, Tashqi iqtisodiy aloqalar vazirligi, Tashqi iqtisodiy faoliyat milliy banki, "Asaka" banki va "Oʻzbekinvest" milliy sugʻurta kompaniyasi bilan birgalikda bir oy muddatda "Xorijiy sarmoyalar boʻyicha agentlik" aksiyadorlik jamiyatini tashkil etish boʻyicha tashkiliy chora-tadbirlarni amalga oshirsin;
BMT va TASISning Oʻzbekistondagi vakolatхonalari bilan respublikaga хorijiy sarmoyalar oqimining koʻpayishiga yordam beradigan Agentlik ishtirokida amalga oshirilayotgan qoʻshma dasturlarni mablagʻ bilan ta’minlashni davom ettirish masalasini ishlab chiqsin.
9. Vazirlar Mahkamasining "Xorijiy sarmoyalar boʻyicha Agentlik faoliyatini tashkil etish toʻgʻrisida" 1995 yil 24 avgustdagi 340-son qarori oʻz kuchini yoʻqotgan deb hisoblansin.
10. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.
Vazirlar Mahkamasining Raisi I. Karimov
1999 yil 31 martdagi
148-son qaroriga
1-ILOVA
"Xorijiy sarmoyalar boʻyicha agentlik"
aksiyadorlik jamiyati muassislari
ulushlarining taqsimlanishi
Muassislar* |
Ustav jamgʻarmasiga badal, mln soʻm |
Ustav jamgʻarmasidagi ulush, % |
Tashqi iqtisodiy aloqalar vazirligi * |
15 |
25 |
"Oʻzmilliybank" |
15 |
25 |
"Asaka" banki |
15 |
25 |
"Oʻzbekinvest" kompaniyasi |
15 |
25 |
Jami |
60 |
100 |
-------------------------
* ulush Toshkent shahri, Buyuk ipak yoʻli, 75-uydagi umumiy maydoni 518 kvadrat metr boʻlgan ishlab chiqarish хonalaridan 3 yil mobaynida foydalanish huquqini berish sifatida qoʻshiladi.