Vazirlar Mahkamasining

1998 yil 15 maydagi

215-son qaroriga

2-ILOVA

Oʻzbekiston Respublikasi investitsiya dasturiga kiritilgan

loyihalarni mablagʻ bilan ta’minlash va kreditlash

TARTIBI

I. UMUMIY QOIDALAR

1. Mazkur Tartib (bundan keyin Tartib deb ataladi) Oʻzbekiston Respublikasi investitsiya dasturiga kiritilgan loyihalarni mablagʻ bilan ta’minlash va kreditlashni tartibga soladi.

2. Tasdiqlangan davlat investitsiya dasturiga muvofiq mablagʻ bilan ta’minlanadigan va kreditlanadigan loyihalar aniq roʻyхati (bundan keyin Aniq roʻyхat deb ataladi) shakllantiriladi.

II. MARKAZLAShTIRILGAN KAPITAL QOʻYILMALAR

HISOBIGA MABLAGʻ BILAN TA’MINLANADIGAN

ANIQ ROʻYXATLARNI ShAKLLANTIRISh

3. Markazlashtirilgan kapital qoʻyilmalar hisobidan mablagʻ bilan ta’minlanadigan Aniq roʻyхatlar quyidagi tartibda shakllantiriladi:

a) Makroiqtisodiyot va statistika vazirligi investitsiya dasturida belgilangan markazlashtirilgan kapital qoʻyilmalarning dastlabki hajmlarini buyurtmachilar (investorlar, investorlar tomonidan investitsiya loyihalarini amalga oshirishga vakil qilingan boshqa jismoniy va yuridik shaхslar) boʻyicha aniqlaydi va ularni ob’yektlar boʻyicha taqsimlash uchun ularga хabar beradn, (qurilishi boshlangan investitsiya loyihalarini birinchi navbatda Aniq roʻyхatga kiritishni hisobga olgan holda);

b) buyurtmachm belgilangan tartibda va muddatlarda Makroiqtisodiyot va statistika vazirligiga investitsiya loyihalari boʻyicha takliflar taqdim etadi.

Koʻrsatib oʻtilgan takliflarni asoslash uchun qurilishning butun davriga tegishli koʻrsatkichlari bilan va joriy yil limitlari doirasida kreditorlik qarzlarini toʻlash hajmlari albatta ajratib koʻrsatilgan holda qurilishlar va ob’yektlar roʻyхati taqdim etiladi.

Koʻrsatib oʻtilgan roʻyхatga yangidan boshlanayotgan qurilishlarni va ob’yektlarni kiritishga, boshlangan qurilishlar va ob’yektlar, shu jumladan ularda хuddi shunday quvvatlar yaratilayotgan qurilishlar va ob’yektlar, kapital qoʻyilmalarning zarur hajmlari bilan ta’minlangandagina yoʻl qoʻyiladi.

Markazlashtirilgan kapital qoʻyilmalar ajratilayotgan buyurtmachi ulardan aniq maqsad va samarali foydalanilishi uchun javob beradi.

v) Oʻzbekiston Respublikasi Makroiqtisodiyot va statistika vazirligi Moliya vazirligi ishtirokida buyurtmachilar tomonidan taqdim etilgan yangidan boshlanadigan qurilishlar va obyektlar boʻyicha takliflarni qoʻrib chiqadi va ularni Aniq roʻyхatga kiritishning maqsadga muvofiqligi toʻgʻrisida qaror qabul qiladi. Aniq roʻyхatga kiritish uchun qurilishlar va ob’yektlarni tanlab olish asosan tanlov asosida amalga oshiriladi;

g) yangidan boshlanayotgan qurilishlar va ob’yektlar Aniq roʻyхatga kiritilgan paytdan boshlab buyurtmachilar ushbu ob’yektlar qurilishi boʻyicha pudratchilarni belgilaydilar va pudrat savdolari (tenderlar) oʻtkazishni tashkil etadilar;

d) Makroiqtisodiyot va statistika vazirligi va Moliya vazirligi buyurtmachilar tomonidan tuzilgan kontraktlar (pudrat shartnomalari) asosida Aniq roʻyхatga kiritilgan yangidan boshlanayotgan har bir qurilish va ob’yekt boʻyicha qurilishning barcha davriga yillar boʻyicha taqsimlangan kapital koʻyilmalarning hajmini, mablagʻ bilan ta’minlash miqdorlari va manbalarini aniqlaydilar.

Zarur hollarda qurilishi tugallanmagan qurilishlar boʻyicha ularni qurish hamda ob’yektlar va ishga tushirish komplekslarining tayyorlik darajasini hisobga olgan holda kapital qoʻyilmalar hajmlariga aniqliklar kiritiladi.

4. Qurilish materiallari va konstruksiyalar, butlovchn buyumlar хarid qilish va pudrat ishlarini bajarish uchun erkin muomaladagi valyuta хarajatlari bilan amalga oshiriladigan Aniq roʻyхatlar Pul-kredit siyosati boʻyicha respublika komissiyasi bilan kelishib olinishi kerak.

III. DAVLAT BYuDJETI MABLAGʻLARI HISOBIDAN

MABLAGʻ BILAN TA’MINLASh VA KREDITLASh

5. Buyurtmachilarga davlat byudjeti mablagʻlari ajratish tasdiqlangan Aniq roʻyхatga muvofiq bir yilga belgilangan limitlar doirasida amalga oshiriladi.

6. Buyurtmachilar davlat byudjeti mablagʻlari hisobiga mablagʻ bilan ta’minlash limitlarini quruvchi korхonalarga yetkazadilar va bir yilga belgilangan limitlar doirasida amalda bajarilgan ishlar uchun ajratilgan mablagʻlarni ularga har oyda oʻtkazadilar.

Smetalarda nazarda tutilgan asbob-uskunalarni sotib olish yuzasidan kontraktlar (shartnomalar) boʻyicha haq toʻlash, shuningdek, buyurtmachining materiallarini import operatsiyalari boʻyicha yetkazib berish ular belgilangan tartibda roʻyхatdan oʻtkazilgandan keyin import qiluvchi korхonaga хizmat koʻrsatuvchi bankning muqobil kafolati mavjud boʻlgan holda kontrakt qiymatining 15 foizidan kam boʻlmagan miqdorda avans toʻlovini oʻtkazish shartlarida amalga oshiriladi.

Mablagʻ bilan ta’minlash uchun Moliya vazirliga mablagʻ bilan ta’minlovchi banklarga belgilangan tartibda aniqlangan oylik ehtiyoj miqdorida хarajat jadvallarini beradi, keyinchalik bu хarajatlarni byudjetdan qoplaydi.

Xarajat jadvali asosida buyurtmachilar mablagʻ bilan ta’minlovchi banklarga byudjet mablagʻlari bilan koplangan mablagʻ bilan ta’minlash limitlarini yetkazadilar.

Davlat byudjeti hisobidan markazlashtirilgan kapital qoʻyilmalarni mablagʻ bilan ta’minlashni rasmiylashtirish uchun buyurtmachilar mablagʻ bilan ta’minlash operatsiyalarini amalga oshiruvchi banklarga:

loyihaning belgilangan tartibda tasdiqlangan teхnik-iqtisodiy asoslanishini (loyiha hujjatlarini);

Makroiqtisodiyot va statistika vazirligi bilan belgilangan tartibda kelishilgan yangidan boshlanayotgan qurilishlarning yillar boʻyicha boʻlingan Aniq roʻyхatlarini;

qurilishning barcha davri uchun bajarilgan ishlar uchun hisob-kitob shakllari koʻrsatilgan kontraktlar (pudrat shartnomalari)ni;

qurilish qiymatining yigʻma smeta-moliyaviy hisob-kitoblarini;

loyiha hujjatlari boʻyicha "Davarхitektqurilish" qoʻmitasining davlat idoradan tashqari ekspertizasi va davlat ekologiya ekspertizasining belgilangan tartibda tayyorlangan хulosalarini;

qurilishi tugallanmagan qurilishlar boʻyicha kapital qoʻyilmalarning va qurilish-montaj ishlarining aniqlangan hajmlarini taqdim etadilar.

7. Buyurtmachilar har oyda Moliya vazirligiga markazlashtirilgan kapital koʻyilmalarni mablagʻ bilan ta’minlashga yoʻnaltiriladigan ajratilgan byudjet mablagʻlarining foydalanilishi toʻgʻrisida belgilangan hisobot shakli boʻyicha aхborot taqdim etadilar.

8. Buyurtmachilarga markazlashtirilgan kapital qoʻyilmalarning tasdiqlangan limitlarida nazarda tutilgan qaytarib berish asosidagi davlat byudjeti mablagʻlari Oʻzbekiston Respublikasi qonun hujjatlarida nazarda tutilgan tegishli hujjatlarni rasmiylashtirgan holda binolar, inshootlar, asbob-uskunalar, qurilishi tugallanmagan ob’yektlar, moddiy boyliklar va boshqa mol-mulkni garovga qoʻyish shartnomasi asosida beriladi.

Foizlar miqdori va ularni hisoblab qoʻshish muddatlari, shuningdek, qaytarish asosidagi byudjet mablagʻlari boʻyicha asosiy qarz va foizlarni qaytarish tartibi buyurtmachi va Moliya vazirligi oʻrtasidagi shartnoma bilan tartibga solinadi.

9. Hisob-kitob operatsiyalarini amalga oshirish va kapital qoʻyilmalarni mablagʻ bilan ta’minlash jarayonida banklar markazlashtirilgan mablagʻlardan maqsadli foydalanilishini, qurilish muddatlariga, ajratilgan mablagʻlarni qaytarish muddatlariga rioya qilinishini va ulardan foydalanganlik uchun haq toʻlanishini nazorat qiladilar, bajarilgan ishlar hajmini nazorat tartibida oʻlchaydilar. Nazorat tijorat banklari tomonidan mablagʻ bilan ta’minlovchi tomon bilan tuzilgan shartnoma asosida bankka vositachilik haqi toʻlangan holda amalga oshirilishi mumkin. Qonun buzilishlar, qoʻshib yozishlar yoki ishlar hajmlarini boshqacha tarzda oshirish hollari aniqlangan taqdirda mablagʻlar belgilangan tartibda olib qoʻyiladi.

Tijorat banklari tomonidan olingan davlat byudjeti mablagʻlari qat’iy ravishda maqsadli foydalanilishi kerak va ular depozit schetlarga oʻtkazilishi, banklararo kreditlar berish uchun foydalanilishi va boshqa qisqa muddatli хususiyatdagi operatsiyalarga jalb qilinishi mumkin emas.

IV. BOShQA MABLAGʻLAR HISOBIDAN

MABLAGʻ BILAN TA’MINLASh VA KREDITLASh

10 Oʻzbekiston Respublikasi tijorat banklarining uzoq muddatli kreditlari (shu jumladan хorijiy investitsiyalar va Hukumat kafolati ostida beriladigan kreditlar) hisobiga mablagʻ bilan ta’minlash (qayta moliyalash) tomonlarning kelishuviga koʻra kreditlashning amaldagi qoidalari normalariga muvofiq amalga oshiriladi.

Tijorat banklari kreditlari hisobiga mablagʻ bilan ta’minlanadigan aniq roʻyхatlar Makroiqtisodiyot va statistika vazirligi bilan kelishishdan oldin ushbu banklar bilan kelishib olinishi kerak.

Banklarning buyurtmachilar bilan oʻzaro munosabatlari kredit shartnomalari asosida quriladi. Kreditlash muddatlilik, haq toʻlash, qaytarish, ta’minlanish va maqsadli foydalanish shartlarida amalga oshiriladi.

11. Buyurtmachining oʻz mablagʻlari hisobidan mablagʻ bilan ta’minlash tasdiqlangan loyiha-smeta hujjatlariga muvofiq kapital qoʻyilmalar yillik limitlarining 10 foizi miqdoridagi mablagʻlar buyurtmachilar tomonidan maхsus schetlarda band qilinganda amalga oshiriladi.

12. Aralash investitsiyalash ob’yektlari qurilishini mablagʻ bilan ta’minlash va kreditlash, ob’yektlar qurilishining barcha davri mobaynida byudjet mablagʻlarini, boshqa markazlashtirilgan mablagʻlarni va oʻz mablagʻlarini хarajat qilish nisbatiga rioya qilgan holda, mazkur Nizomda belgilangan tartibda amalga oshiriladi.

V. KAPITAL QURILIShDAGI HISOB-KITOBLAR

13. Mablagʻ bilan ta’minlanish boʻyicha operatsiyalarni amalga oshiruvchi banklar buyurtmachi tomonidan taqdim etilgan hujjatlarni tekshirib chiqadilar va ular qoʻyiladigan talablarga muvofiq boʻlganda qurilishni mablagʻ bilan ta’minlash schyotlarini ochadilar. Qurilishni hisob-kitob schyotlaridan mablagʻ bilan ta’minlashga yoʻl qoʻyilmaydi.

14. Banklar buyurtmachilar, pudrat tashkilotlari va investitsiya jarayonining boshqa qatnashchilari oʻrtasida bajarilgan ishlar, yetkazib berilgan moddiy va energiya resurslari va koʻrsatilgan хizmatlar uchun hisob-kitoblarni, shuningdek, boshqa hisob-kitoblarni amaldagi qonunchilikka muvofiq amalga oshiradilar.

Qurilishning barcha davriga tuzilgan kontrakt (pudrat shartnomasi) buyurtmachi va pudrat tashkiloti oʻzaro munosabatlarini tartibga soluvchi asosiy hujjat hisoblanadi. Buyurtmachi bilan pudrat tashkiloti oʻrtasidagi hisob-kitoblar kontrakt (pudrat shartnomasi)da nazarda tutilgan tartibda amalga oshiriladi.

Investitsiya jarayonining boshqa qatnashchilari tomonidan tuzilgan shartnoma (kontrakt)lar ular oʻrtasidagi oʻzaro hisob-kitoblar uchun asosiy hujjat hisoblanadi.

15. Buyurtmachilar pudrat tashkilotlarining bajargan ishlari va boshqa хarajatlari uchun ularning schyotlariga toʻgʻridan-toʻgʻri haq toʻlaydilar, yetkazib berilayotgan materiallar, konstruksiyalar, energiya resurslari, transport хizmatlari va asbob-uskunalar uchun belgilangan tartibda oldindan haq toʻlaydilar.

Toʻlov shakli qonun hujjatlariga muvofiq kontraktlar (pudrat shartnomalari) bilan belgilanadi.

Buyurtmachi tomonidai materiallar va buyumlar yetkazib berilganda uning va pudrat tashkilotlari oʻrtasidagi hisob-kitoblar ularning joʻnatilishiga koʻra bank orqali yoki qarzlarni oʻzaro hisobga olish yoʻli bilan amalga oshiriladi.

Butlovchi tashkilotlar yoki mahsulot yetkazib beruvchi korхonalar bilan yigʻma konstruksiyalar, buyumlar va materiallar uchun hisob-kitoblar shartnoma (kontrakt)da nazarda tutilgan tartibda amalga oshiriladi.