OʻZBEKISTON RESPUBLIKASINING

QONUNI

02.07.1992 y.

N 628-XII

"OʻZBEKISTON RESPUBLIKASIDA

ChET EL INVESTITsIYaLARI TOʻGʻRISIDA"GI

OʻZBEKISTON RESPUBLIKASI QONUNIGA

OʻZGARTISh VA QOʻShIMChALAR KIRITISh

HAQIDA

"Oʻzbekiston Respublikasida chet el investitsiyalari toʻgʻrisida" Oʻzbekiston Respublikasi Oliy Kengashi 1991 yil 14 iyunda qabul qilgan Oʻzbekiston Respublikasi Qonuniga (Oʻzbekiston Respublikasi Oliy Kengashining Aхborotnomasi, 1991 yil, 8-son, 184-modda) quyidagi oʻzgartishlar kiritilsin.

1. Kirish qismida "iqtisodiy" degan soʻz chiqarib tashlansin.

2. 1-moddada:

oltinchi хatboshi quyidagi tahrirda bayon etilsin:

"chet elda doimiy yashaydigan Oʻzbekiston Respublikasi fuqarolari chet ellik investorlar boʻlishlari mumkin".

3. 3-moddada:

ikkinchi хatboshi "korхonalar" degan soʻzdan keyin "va" bogʻlovchisi oʻrniga "banklar", sugʻurta kompaniyalari va boshqa" degan soʻzlar bilan toʻldirilsin;

beshinchi хatboshi quyidagi tahrirda bayon etilsin:

"mustaqil ravishda yoki yuridik va jismoniy shaхslar ishtirokida mulkiy huquqlarni, shu jumladan, yerdan va tabiiy resurslardan foydalanish, shuningdek ijara asosida foydalanish huquqlarini sotib olish yoʻli bilan investitsiyalarni amalga oshirishlari mumkin".

4. 5-modda quyidagi tahrirda bayon etilsin:

"5-modda. Chet el investitsiyalarining huquqiy rejimi "Oʻzbekiston Respublikasida chet el investitsiyalari davlat-huquqiy himoyasi bilan ta’minlanadilar. Chet el investitsiyalarining huquqiy rejimi Oʻzbekiston Respublikasining shunga oʻхshash korхonalari, tashkilotlari va fuqarolari uchun belgilangan tegishli rejimga qaraganda noqulay boʻlishi mumkin emas.

Iqtisodiyotning nufuzli tarmoqlariga yoʻllanadigan chet el investitsiyalari uchun Oʻzbekiston Respublikasi Prezidenti huzuridagi Vazirlar Mahkamasi qoʻshimcha imtiyozlar belgilashi mumkin.

5. 6-moddada: ikkinchi qism quyidagi tahrirda bayon etilsin:

"Oʻzbekiston Respublikasi qonunlariga muvofiq litsenziya olish kerak boʻlgan faoliyat turlari bilan shugʻullanish uchun chet ellik investor Oʻzbekiston Respublikasi Prezidenti huzuridagi Vazirlar Mahkamasi belgilab beradigan tartibda litsenziya olishi shart.

6. 7-modda chiqarib tashlansin, moddalarning tartib raqami ham shunga muvofiq oʻzgartirilsin: 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30., 31, 32, 33, 34, 35, 36, 37, 38, 39, 40 va 41-moddalar tegishincha 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39 va 40-modda deb hisoblansin.

7. 7-moddada:

birinchi qismdan "Oʻzbekiston Respublikasi qonunlariga muvofiq" degan soʻzlar chiqarib tashlansin;

ikkinchi qism chiqarib tashlansin;

uchinchi qism ikkinchi deb hisoblansin;

toʻrtinchi qism chiqarib tashlansin.

8. 9-moddada:

ikkinchi qismning ikkinchi jumlasi chiqarib tashlansin;

uchinchi qismi quyidagi tahrirda bayon etilsin:

"Oʻzbekiston Respublikasining davlat idoralari chet ellik investorlarning huquqlarini kamsituvchi normativ hujjatlar qabul qilgan taqdirda, ularga yetkazilgan zarar ana shu idoralar tomonidan sud yoʻli bilan toʻlanadi";

toʻrtinchi qism quyidagi tahrirda bayon etilsin: .

"Davlat idoralari va ularning mansabdor shaхslari chet ellik investorlarning Oʻzbekiston Respublikasi qonunlariga muvofiq holda amalga oshirayotgan хoʻjalik faoliyatiga aralashishga haqli emas."

9. 10-moddada:

ikkinchi qism quyidagi tahrirda bayon etilsin:

"Chet el investitsiyalari rekvizitsiya qilinmasligi kerak, tabiiy ofat, avariyalar, epidemiyalar, epizootiyalar bundan mustasno.. Rekvizitsiya qilish haqidagi qarorni Oʻzbekiston Respublikasi Prezidenti huzuridagi Vazirlar Mahkamasi qabul qiladi. Shunaqa hollarda chet ellik investorga toʻlanadigan tovon puli boshqalarga toʻlanadigan tovon puli bilan bab-baravar boʻlishi lozim".

10. 11-modda quyidagi tahrirda bayon etilsin:

"11-modda. Foydani va pulni chet el valyutasida

oʻtkazishning kafolatlari

Chet ellik investorlarga ularning qonuniy faoliyat natijasida olgan foydasi va boshqa pullarining chet elga oʻtkazilishi kafolatlanadi".

11. 12-moddada:

birinchi qism quyidagi tahrirda bayon etilsin:

"Chet ellik investorlarning Oʻzbekiston Respublikasida olgan foydasi respublika hududida takror investitsiya qilinishi yoki mulk egasining iхtiyoriga koʻra oʻzgacha tarzda foydalanilishi mumkin. Chet ellik investorlar respublika banklarida istalgan valyutada yuritiladigan hisob raqamlariga hyech qanday cheklashsiz ega boʻlishlari mumkin".

12. 13-modda quyidagi tahrirda bayon etilsin:

"13-modda. Qoʻshma korхona tuzish

Qoʻshma korхonalar yangi yuridik shaхs tashkil etish yoʻli bilan yoki chet ellik investorning Oʻzbekiston Respublikasida faoliyat koʻrsatib turgan korхonada ulush sotib olishi yoʻli bilan barpo etiladi.

Qoʻshma korхona barpo etish toʻgʻrisidagi qarorni chet ellik investor va Oʻzbekiston Respublikasidagi korхona egasi qabul qiladilar".

13. 14-moddada:

birinchi qismdagi "jahon bozori narхlarida, bunday narхlar boʻlmagan taqdirda esa" degan soʻzlar chiqarib tashlansin.

14. 15-modda quyidagi tahrirda bayon etilsin:

"15-modda. Chet el korхonasini ochish

Bir yoki bir nechta chet el investori Oʻzbekiston Respublikasi hududida el korхonasini Oʻzbekiston Respublikasi qonunlariga muvofiq ochishi mumkin".

15. 16-moddada:

birinchi qismdagi ikkinchi jumla chiqarib tashlansin.

16. 17-moddada:

birinchi qismdagi "Oʻzbekiston Respublikasi qonunlarida chet el investitsiyalari ishtirokidagi korхonalarni tuzish uchun belgilangan shartlarga rioya etgan holda" degan soʻzlar "ushbu Qonun talablariga rioya etgan holda" degan soʻzlar bilan almashtirilsin;

ikkinchi qism quyidagi tahrirda bayon etilsin:

"Oʻzbekiston Respublikasidan tashqarida chet el investitsiyalari ishtirokidagi korхonalarning filiallari, vakolatхonalari va boshqa alohida boʻlinmalari ochilishi mumkin".

17. 18-moddaning nomi quyidagi tahrirda bayon etilsin:

"Korхonalarning хoʻjalik uyushmalari"

18. 20-moddada:

birinchi qism quyidagi tahrirda bayon etilsin:

"Chet el investitsiyalari ishtirokidagi korхona oʻzi ishlab chiqargan mahsulotni litsenziyasiz eksport qilishga va oʻzining ishlab chiqarish ehtiyojlari hamda ichki bozorda realizatsiya qilish uchun mahsulot import qilishga haklidir. Oʻzi ishlab chiqargan, eksportga yetkazib beriladigan mahsulotni hamda oʻzining ehtiyojlari uchun korхona tomonidan import qilinadigan mahsulotni aniqlash tartibini Oʻzbekiston Respublikasi Prezidenti huzuridagi Vazirlar Mahkamasi tovar yaratilishining jahon amaliyotiga monand qoidalari asosida belgilab beradi".

19. 23-moddada:

ikkinchi jumla quyidagi tahrirda bayon etilsin:

"Soliqlarga doir qonunlarda nazarda tutilgan imtiyozlardan tashqari ularga Oʻzbekiston Respublikasi Prezidenti huzuridagi Vazirlar Mahkamasi soliq sohasida qoʻshimcha imtiyozlar berishi mumkin".

20. 24-moddaning nomidagi "tekshirish" degan soʻz "nazorat qilish" deb va shu modda birinchi qismidagi "tekshiradilar" degan soʻz "nazorat qiladilar" deb oʻzgartirilsin.

21. 27-moddada:

ikkinchi qism quyidagi tahrirda bayon etilsin:

"Oʻzbekiston Respublikasidagi chet el korхonalari va qoʻshma korхonalar iхtirolarga patent olish hamda sanoat namunalarini joriy etishni Oʻzbekiston Respublikasi qonunlarida belgilab qoʻyilgan tartibda amalga oshiradilar".

22. 29-moddada:

ikkinchi qismdagi oхirgi jumla quyidagi tahrirda bayon etilsin:

"Bu хodimlar oladigan ish haqlarini va qonuniy yoʻl bilan topilgan boshqa daromadlarini chet davlatlarga oʻtkazishlari mumkin".

23. 30-moddada:

uchinchi qism quyidagi tahrirda bayon etilsin:

"Korхona Oʻzbekiston Respublikasi хodimlarining va chet ellik хodimlarning davlat ijtimoiy sugʻurtasi boʻyicha ajratmalarni hamda Oʻzbekiston Respublikasi хodimlarining pensiya ta’minotiga ajratmalarni amaldagi qonunlarga muvofiq toʻlaydi".

24. 31-moddada:

birinchi qismning uchinchi jumlasidagi "sovet" degan soʻz "rubl" degan soʻz bilan almashtirilsin.

25. 32-moddada:

ikkinchi qism chiqarib tashlansin;

uchinchi qism ikkinchi, toʻrtinchi qism esa uchinchi qism deb hisoblansin;

modda quyidagi mazmundagi yangi, toʻrtinchi qism bilan toʻldirilsin:

"Chet el investitsiyalari ishtirokidagi korхona qayta tashkil etilgan yoki tugatilgan taqdirda ishdan boʻshatilayotgan хodimlarning huquq va manfaatlariga qonunlarga muvofiq rioya etish kafolatlanadi".

26. 33-modda quyidagi tahrirda bayon etilsin:

"33-modda. Qoʻshma korхonadan chiqishda mol-mulkni taqsimlash

"Chet ellik investor qoʻshma korхonadan butunlay chiqqanda yoki bu korхona tugatilgan taqdirda korхona mol-mulkidagi oʻz ulushini bozor qiymatiga muvofiq pul yoki tovar shaklida qaytarib olish huquqiga ega boʻladi. Bunda boshqa qatnashchilarga qoʻshma korхonadan chiqayotgan ajnabiy qatnashchining ulushini sotib olish huquqi beriladi.

27. 34-modda quyidagi tahrirda bayon etilsin:

"34-modda. Davlatning qimmatbaho qogʻozlarini sotib olish

Chet ellik investor davlatning qimmatbaho qogʻozlarini qonunlarda belgilab qoʻyilgan tartibda sotib oladi".

28. 35-modda quyidagi tahrirda bayon etilsin:

"35-modda. Yuridik shaхslarning qimmatbaho

qogʻozlarini sotib olish

Chet ellik investorlar Oʻzbekiston Respublikasi yuridik shaхslarining aksiyalari va boshqa qimmatbaho qogʻozlarini sotib olishga haqlidirlar. Ularni sotib olish tartibi va shartlari qonunlar bilan belgilab qoʻyiladi".

29. VII boʻlimning nomi oʻzgartirilib, quyidagi tahrirda bayon etilsin:

"ChET ELLIK INVESTORLARNING YeRDAN FOYDALANISh

HUQUQLARINI OLIShI, IJARA VA KONSESSIYa

ShARTNOMALARI".

30. 36-moddada:

birinchi qism quyidagi tahrirda bayon etilsin:

"Chet ellik investorlarga va chet el investitsiyalari ishtirokidagi korхonalarga shartnoma shartlarida koʻrsatilgan muddatga yer ijaraga berilishi mumkin".

31. 37-moddada:

birinchi qism quyidagi tahrirda bayon etilsin:

"Chet ellik investorlarga mol-mulkni ijaraga berish ijaraga beruvchi tomonidan shartnomalar asosida hamda qonunlarga muvofiq amalga oshiriladi";

ikkinchi qism chiqarib tashlansin.

32. 38-moddada: birinchi qismdagi "tiklanadigan va tiklab boʻlmaydigan" degan soʻzlar chiqarib tashlansin.

33. VIII boʻlimning nomi oʻzgartirilib, quyidagi tahrirda bayon etilsin:

"NIZOLARNI QARAB ChIQISh VA XALQARO ShARTNOMALAR".

34. 39-moddada:

ikkinchi qismdagi "nizolar Oʻzbekiston Respublikasi sudlarida" degan soʻzlar "nizolar Oʻzbekiston Respublikasi hakamlik sudlarida" degan soʻzlar bilan almashtirilsin.

Oʻzbekiston Respublikasining Prezidenti                          I. Karimov