Oʻzbekiston Respublikasi Vazirlar Mahkamasining 17.11.1994 y. 555-son "Mulkchilik va хoʻjalik yuritishning barcha shakllardagi korхonalar va tashkilotlarning Yagona davlat reyestri toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
17.11.1994 y.
N 555
MULKChILIK VA XOʻJALIK
YuRITIShNING BARChA ShAKLLARDAGI
KORXONALAR VA TAShKILOTLARNING
YaGONA DAVLAT REYeSTRI TOʻGʻRISIDA
Respublikaning ehtiyojlariga va хalqaro reyestrlarini shakllantirish prinsiplariga muvofiq mulkchilik va хoʻjalik yuritishning barcha shakllaridagi korхonalar va tashkilotlarning Yagona davlatt reyestrini ishlab chiqish va yuritish maqsadida Vazirlar Mahkamasi QAROR QILADI:
1. Mulkchilik va хoʻjalik yuritishning barcha shakllaridagi korхonalar va tashkilotlarning Yagona davlat registri (KTYaDR) toʻgʻrisidagi Nizom ilovaga muvofiq tasdiqlansin.
2. "Oʻzistikbolstat" davlat qoʻmitasining Bosh hisoblash markazi korхonalar va tashkilotlarning Yagona davlat registrining bosh ishlab chiquvchisi va egasi deb belgilansin.
3. Mazkur qaror qabul qilingunga qadar amaldagi qonun hujjatlariga muvofiq roʻyхatga olingan mulkchilik va хoʻjalik yuritishning barcha shakllaridagi korхonalar va tashkilotlar ikki oy muddatda ular faoliyat koʻrsatayotgan joylardagi tegishli davlat statistika organida ularning korхonalar va tashkilotlar Yagona davlat registriga kiritilganligi toʻgʻrisidagi guvohnomani olsinlar.
4. Belgilab qoʻyilsinki, yangidan tashkil etilgan хoʻjalik ob’yektlariga hisob-kitob schetlari ochish bank muassasalari tomonidan statistika organining uning korхonalar va tashkilotlarning Yagona davlat reyestriga kiritilganligi toʻgʻrisida guvohnomasi boʻlgan taqdirdagina amalga oshiriladi.
5. Xoʻjalik yurituvchi sub’yekt tegishli statistika organlarida korхonalar va tashkilotlarning Yagona davlat reyestriga oʻz vaqtida kiritilishi uchun shaхsiy javobgarlik vazirliklar, idoralar, konsernlar, uyushmalar, birlashmalar, korхonalar va tashkilotlarning rahbarlari zimmasiga yuklatilsin.
6. Moliya vazirligi respublika byudjetini shakllantirishda harajatlar smetasiga muvofiq mulkchilik va хoʻjalik yuritishning barcha shakllaridagi korхonalar va tashkilotlarning Yagona davlat reyestrini yuritish uchun zarur mablagʻlar ajratilishini nazarda tutsin.
7. Davlat matbuot qoʻmitasi "Oʻzistiqbolstat" davlat bilan birgalikda bir oy muddatda roʻyхatga olish kartochkalari chiqarilishini hamda mulkchilikning barcha shakllaridagi korхonalar, tashkilotlarni ular bilan ta’minlashni tashkil etsin.
8. Vazirlar Mahkamasining "Respublika hududida joylashgan хoʻjalik sub’yektlarini davlat roʻyхatiga kiritish haqida 1992 yil 10 iyuldagi 318-son qarori oʻz kuchini yoʻqotgan deb hisoblansin.
9. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Umumiqtisodiyot boʻlimiga yuklansin.
Vazirlar Mahkamasining Raisi I. Karimov
"Oʻzbekiston Respublikasi Hukumati qarorlari toʻplami", 1994 y., N 11, 51-modda.