Oʻzbekiston Respublikasi Prezidentining 09.07.2004 y. PF-3454-son "Sanoatda va konchilikda ishlarning beхatar olib borilishini nazorat qilish agentligini Oʻzbekiston Respublikasi Sanoatda, konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasiga aylantirish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
09.07.2004 y.
N PF-3454
SANOATDA VA KONChILIKDA
IShLARNING BEXATAR OLIB BORILIShINI
NAZORAT QILISh AGENTLIGINI OʻZBEKISTON
RESPUBLIKASI SANOATDA, KONChILIKDA VA
KOMMUNAL-MAIShIY SEKTORDA IShLARNING
BEXATAR OLIB BORILIShINI NAZORAT QILISh
DAVLAT INSPEKSIYaSIGA AYLANTIRISh
TOʻGʻRISIDA
Oʻzbekiston Respublikasi Prezidentining "Respublika davlat boshqaruvi organlari tizimini takomillashtirish toʻgʻrisida" 2003 yil 9 dekabrdagi PF-3358-son Farmoniga muvofiq va Sanoatda, gaz ta’minoti hamda kon nazorati sohasida boshqaruv tuzilmasini yanada takomillashtirish va ishlarning beхatar olib borilishini nazorat qilish samaradorligini ta’minlash maqsadida:
1. Sanoatda va konchilikda ishlarning beхatar olib borilishini nazorat qilish agentligi Oʻzbekiston Respublikasi Sanoatda konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasi ("Sanoatkonteхnazorat" davlat inspeksiyasi)ga aylantirilsin,
3. Belgilab qoʻyilsinki, Oʻzbekiston Respublikasi Sanoatda, konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasi qayta tashkil etilayotgan Sanoatda va konchilikda ishlarning beхatar olib borilishini nazorat qilish agentligining huquqiy vorisi hisoblanadi.
4. Oʻzbekiston Respublikasi Prezidentining "Oʻzbekiston Respublikasi Sanoatda va konchilikda ishlarning beхatar olib borilishini nazorat qilish davlat qoʻmitasini Sanoatda va konchilikda ishlarning beхatar olib borilishini nazorat qilish agentligiga aylantirish toʻgʻrisida" 2000 yil 7 fevraldagi PF-2535-son Farmoni oʻz kuchini yuqotgan deb hisoblansin.
5. Oʻzbekiston Respublikasi Vazirlar Mahkamasi bir hafta muddatda Oʻzbekiston Respublikasi Sanoatda, konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasi faoliyatini tashkil etish masalalari boʻyicha qaror qabul qilsin.
6. Mazkur Farmonning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.
Oʻzbekiston Respublikasi Prezidenti I. Karimov
"Oʻzbekiston Respublikasi qonun hujjatlari toʻplami", 2004 yil, 28-son, 319-modda.