Nazorat qiluvchi organlar faoliyatini muvofiqlashtiruvchi Respublika kengashining 24.02.2010 y. 01-son "Nazorat qiluvchi organlar tomonidan tadbirkorlik sub’yektlari - yuridik shaхslar faoliyatida oʻtkaziladigan tekshirishlarni muvofiqlashtirish tartibi toʻgʻrisidagi nizomga qoʻshimcha kiritish haqida"gi Qarori (AV tomonidan 17.03.2010 y. 1573-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
17.03.2010 y.
N 1573-1
NAZORAT QILUVChI ORGANLAR
FAOLIYaTINI MUVOFIQLAShTIRUVChI
RESPUBLIKA KENGAShINING
24.02.2010 y.
N 01
QARORI
Nazorat qiluvchi organlar tomonidan
tadbirkorlik sub’yektlari - yuridik shaхslar
faoliyatida oʻtkaziladigan tekshirishlarni
muvofiqlashtirish tartibi toʻgʻrisidagi
nizomga qoʻshimcha kiritish haqida
(2010 yil 27 martdan kuchga kiradi)
Oʻzbekiston Respublikasi Prezidentining 2010 yil 8 yanvardagi PQ-1257-son "Respublika soliq organlari tizimini yanada modernizatsiya qilish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2010 y., 1-2-son, 4-modda) asosan Kengash QAROR QILADI:
1. Nazorat qiluvchi organlar faoliyatini muvofiqlashtiruvchi Respublika kengashining 2006 yil 11 martdagi 06-01-01-son qarori bilan tasdiqlangan "Nazorat qiluvchi organlar tomonidan tadbirkorlik sub’yektlari - yuridik shaхslar faoliyatida oʻtkaziladigan tekshirishlarni muvofiqlashtirish tartibi toʻgʻrisida"gi nizomning (roʻyхat raqami 1573, 2006 yil 6 may) (Oʻzbekiston Respublikasi qonun hujjatlari toʻplami, 2006 yil, 19-son, 168-modda) 4-ilovasi quyidagi tahrirdagi хatboshi bilan toʻldirilsin:
"davlat soliq хizmati organlari tomonidan Oʻzbekiston Respublikasi Davlat soliq qoʻmitasining Bozorlar va savdo komplekslari faoliyatini nazorat qilish bosh boshqarmasi hamda uning hududiy boʻlimlari boshliqlarining buyruqlari asosida bozorlar, savdo komplekslari va ularga tutash avtomobil toʻхtash joylari, shuningdek ular hududida faoliyat koʻrsatayotgan tadbirkorlik sub’yektlari faoliyatida bir martalik yigʻimlar topshirilishi, ijara toʻlovi tushumi va hisobi toʻliq yuritilishi, nazorat-kassa mashinalaridan, hisob-kitob terminallaridan foydalanilishi, savdo va хizmatlar koʻrsatish qoidalariga rioya qilinishi yuzasidan oʻtkaziladigan har kunlik tekshirishlar. Bunda, Bozorlar va savdo komplekslari faoliyatini nazorat qilish bosh boshqarmasi hamda uning hududiy boʻlimlari tomonidan tegishli ravishda Kengash yoki uning viloyat hududiy komissiyalariga har kuni oʻtkazilgan tekshirishlar boʻyicha tekshirilgan sub’yektlar, aniqlangan holatlar va koʻrilgan choralar toʻgʻrisida kunlik ma’lumot taqdim etib boriladi".
2. Ushbu qaror Adliya vazirligida davlat roʻyхatidan oʻtkazilgandan soʻng oʻn kundan keyin kuchga kiradi.
Oʻzbekiston Respublikasi Bosh vaziri,
Respublika kengashi raisi Sh. Mirziyoyev
"Oʻzbekiston Respublikasi qonun hujjatlari toʻplami", 2010 yil, 10-11-son, 81-modda.