Oʻzbekiston Respublikasi Vazirlar Mahkamasining 07.03.2013 y. 70-son "Oʻzbekiston Respublikasi Vazirlar Mahkamasining "Uz-China Uran" mas’uliyati cheklangan jamiyati Oʻzbekiston-Xitoy qoʻshma korхonasini tashkil etish toʻgʻrisida" 2009 yil 28 avgustdagi 251-son qaroriga oʻzgartirishlar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.03.2013 y.
N 70
OʻZBEKISTON RESPUBLIKASI
VAZIRLAR MAHKAMASINING "UZ-CHINA
URAN" MAS’ULIYaTI ChEKLANGAN JAMIYaTI
OʻZBEKISTON-XITOY QOʻShMA KORXONASINI
TAShKIL ETISh TOʻGʻRISIDA" 2009 YIL
28 AVGUSTDAGI 251-SON QARORIGA
OʻZGARTIRIShLAR KIRITISh HAQIDA
Vazirlar Mahkamasining "Uz-China Uran" mas’uliyati cheklangan jamiyati Oʻzbekiston-Xitoy qoʻshma korхonasi faoliyatini kengaytirish chora-tadbirlari toʻgʻrisida" 2013 yil 14 yanvardagi 9-son qaroriga muvofiq, shuningdek "Uz-China Uran" mas’uliyati cheklangan jamiyat qoʻshma korхonasi ustav fondining koʻpaytirilishi munosabati bilan Vazirlar Mahkamasi QAROR QILADI:
1. Vazirlar Mahkamasining "Uz-China Uran" mas’uliyati cheklangan jamiyati Oʻzbekiston-Xitoy qoʻshma korхonasini tashkil etish toʻgʻrisida" 2009 yil 28 avgustdagi 251-son qarorining 3-bandi quyidagi tahrirda bayon qilinsin:
"3. Belgilansinki, "Uz-China Uran" mas’uliyati cheklangan jamiyati qoʻshma korхonasining ustav kapitali miqdori 8576,0 ming AQSh dollarini tashkil etadi, undan:
"CGNPC URC" kompaniyasining 50 foiz miqdoridagi ulushi pul mablagʻlari va asbob-uskunalar hisobiga shakllantiriladi;
Oʻzbekiston Respublikasi Davlat geologiya va mineral resurslar qoʻmitasining 50 foiz miqdoridagi ulushi Navoiy viloyatidagi istiqbolli Boztov va Meshetin maydonlarida ilgari olib borilgan uran boʻyicha geologiya-qidiruv ishlari davomida olingan geologik, geofizik va boshqa ma’lumotlar hisobiga shakllantiriladi".
2. Oʻzbekiston Respublikasi Davlat geologiya va mineral resurslar qoʻmitasi muassislarning qoʻshma korхona ustav fondiga qoʻshimcha ulushi munosabati bilan "Uz-China Uran" mas’uliyati cheklangan jamiyati qoʻshma korхonasi ta’sis hujjatlariga 2013 yil 1 avgustgacha boʻlgan muddatda, belgilangan tartibda tegishli oʻzgartirishlar kiritilishini ta’minlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2013 yil 18 mart, 11-son, 142-modda