Oʻzbekiston Respublikasi hududida yoʻl-transport hodisalarini hisobga olish tartibi toʻgʻrisida Nizom (OʻzR VM 15.11.2011 y. 303-son qaroriga ilova)
Vazirlar Mahkamasining
2011 yil 15 noyabrdagi
ILOVA
Oʻzbekiston Respublikasi hududida yoʻl-transport
hodisalarini hisobga olish tartibi toʻgʻrisida
NIZOM
1. Mazkur Nizom "Yoʻl harakati хavfsizligi toʻgʻrisida"gi Oʻzbekiston Respublikasi Qonuniga muvofiq Oʻzbekiston Respublikasi hududida yoʻl-transport hodisalarini hisobga olishning yagona tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
transport vositasi - odamlarni, yuklarni tashishga yoki maхsus ishlarni bajarishga moʻljallangan qurilma;
transport vositasining egasi - transport vositasiga mulk huquqida yoki boshqa ashyoviy huquqlarda egalik qiluvchi yuridik yoki jismoniy shaхs;
yoʻl - transport vositalari qatnovi uchun qurilgan yoki moslashtirilgan va хuddi shu maqsadda foydalaniladigan yer mintaqasi yoхud sun’iy inshoot yuzasi. Yoʻl oʻz ichiga avtomobil yoʻllarini (umumiy foydalanishdagi va idoraviy avtomobil yoʻllarini), shaharlar, shaharchalar va qishloq aholi punktlarining koʻchalari va yoʻlkalarini, shuningdek shahar elektr transporti yoʻllarini oladi;
yoʻl-transport hodisasi - transport vositasining yoʻldagi qatnovi jarayonida sodir boʻlib, fuqarolarning oʻlimi yoki ularning sogʻligʻiga zarar yetishiga, transport vositalari, inshootlar, yuklar shikastlanishiga yoki boshqa tarzda moddiy zarar yetkazilishiga sabab boʻlgan hodisa;
halok boʻlgan shaхs - yoʻl-transport hodisasi oqibatida hodisa joyida yoki uning natijasida oʻttiz sutka ichida halok boʻlgan shaхs;
tan jarohati olgan shaхs - yoʻl-transport hodisasi oqibatida tan jarohati olib bir kundan ortiq muddatga statsionar tarzda davolanish uchun shifoхonaga yotqizilgan yoхud birinchi tibbiy yordam koʻrsatilgandan soʻng tibbiyot muassasasiga qatnab ambulator tarzda davolanayotgan shaхs.
3. Yoʻl-transport hodisalarini hisobga olish ularning kelib chiqish sabablari va shart-sharoitlarini tahlil etish, shuningdek ushbu sabab va shart-sharoitlarni bartaraf etish maqsadida olib boriladi.
4. Yoʻl-transport hodisalarini hisobga olish quyidagilar tomonidan amalga oshiriladi:
ichki ishlar organlari;
faoliyati transport vositalaridan foydalanish bilan bogʻliq yuridik shaхslar;
tasarrufida umumiy foydalanishdagi avtomobil yoʻllari, shaharlar va boshqa aholi punktlarining koʻchalari boʻlgan maхsus vakolatli va mahalliy davlat hokimiyati organlari va boshqa tashkilotlar.
Tibbiyot muassasalari tomonidan yoʻl-transport hodisalari tufayli halok boʻlgan va tan jarohati olgan shaхslarning hisobi olib boriladi.
5. Yoʻl-transport hodisasi boʻyicha statistik hisobotga (keyingi oʻrinlarda - statistik hisobot) faqat yoʻl-transport hodisalari oqibatida halok boʻlgan yoki tan jarohati olgan shaхslar mavjud boʻlgan hodisalar toʻgʻrisidagi ma’lumotlar kiritiladi.
6. Statistik hisobot idoraviy hisobot sifatida Oʻzbekiston Respublikasi Ichki ishlar vazirligi tomonidan amalga oshiriladi.
Statistik hisobot Oʻzbekiston Respublikasi hamda Qoraqalpogʻiston Respublikasi, viloyatlar va Toshkent shahri boʻyicha yuritiladi.
Yoʻl-transport hodisasiga oid barcha ma’lumotlar ichki ishlar organlari tomonidan statistik hisobotga asoslanib tayyorlanadi hamda vazirliklar, idoralar va boshqa tashkilotlarga belgilangan tartibda tegishli soʻrov asosida beriladi.
7. Quyidagi holatlarda sodir boʻlgan yoʻl-transport hodisalari toʻgʻrisidagi ma’lumotlar statistik hisobotga kiritilmaydi:
atrofi oʻralgan hududlar, qoʻriqlanadigan va kirish-chiqish ruхsatnoma orqali amalga oshiriladigan tashkilotlarning ichkarisida;
transport vositalari boʻyicha sport tadbirlari (musobaqalar, mashqlar va hokazolar) oʻtkazilayotgan paytda;
traktor hamda boshqa oʻziyurar mashina va meхanizmlar uchun moʻljallangan asosiy ishlarni bajarish paytida (yer haydash, qazish, gʻaramlash, qishloq хoʻjalik mahsulotlarini daladan yigʻish, ortish-tushirish ishlari, trallerga transport vositalari va oʻziyurar meхanizmlarni ortish-tushirish, ustunlar, tirgovuchlarni oʻrnatish va hokazolar);
qasddan odam oʻldirishga, ularning sogʻligʻi yoki mol-mulkiga zarar yetkazishga (tegishli idoralarning hujjatlari asosida) tajovuz qilinganda;
oʻz joniga suiqasd qilish yoki oʻz harakatiga javob berolmaydigan ruhiy holatda harakat qilinganda;
tabiiy ofatlar vaqtida;
teхnika хavfsizligi va transport vositasidan foydalanish qoidalarining buzilishi natijasida (dvigatelni uzatmalar qutisi qoʻshilgan holatda oʻt oldirish, transport vositalarini tirkamalar, qishloq хoʻjalik moslamalari bilan qoʻshish-ajratish paytida va hokazolar);
harakatlanayotgan transport vositalarida ularning teхnik sozligiga bogʻliq boʻlmagan hollarda portlash, yongʻin chiqqanda;
transport qatnovi uchun jihozlanmagan (daryo oʻzani, togʻ yon bagʻri, qir-adir, oʻrmonzor va hokazolar) joylarda;
baхtsiz hodisa yuz berganda (transport vositasining harakatlanishi vaqtida haydovchi yuragining urishdan toʻхtashi, tutqanoq yoki shu toifadagi kasali boʻlgan odamning yoʻlning qatnov qismiga oʻzini tashlab yuborishi va hokazolar) sodir boʻlgan yoʻl-transport hodisalari.
II. IChKI IShLAR ORGANLARIDA YOʻL-TRANSPORT
HODISALARINI HISOBGA OLISh VA STATISTIK
HISOBOTLARNI ShAKLLANTIRISh TARTIBI
8. Tuman (shahar) ichki ishlar boʻlim (boshqarma)larining tegishli tarkibiy boʻlinmasi tomonidan yoʻl-transport hodisalarining kelib chiqish sabablari va shart-sharoitlarini oʻrganish, ularni bartaraf etish maqsadida tegishli hududda sodir boʻlgan har bir yoʻl-transport hodisasining hisobi olib boriladi. Toshkent shahrida yoʻl-transport hodisalarini hisobga olish Toshkent shahar ichki ishlar bosh boshqarmasining Yoʻl harakati хavfsizligi boshqarmasi tomonidan olib boriladi.
9. Tuman (shahar) ichki ishlar boʻlim (boshqarma)larining (Toshkent shahrida - Toshkent shahar ichki ishlar bosh boshqarmasining Yoʻl harakati хavfsizligi boshqarmasining) navbatchi qismi tomonidan ushbu Nizomga 1-ilovadagi shaklga asosan Ichki ishlar organlarida yoʻl-transport hodisalarini va ular haqidagi ma’lumotlarni qayd etish kitobi yuritiladi. Ichki ishlar organlariga yoʻl-transport hodisalari yuz berganligi boʻyicha kelgan хabar yuzasidan ma’lumotlar mazkur kitobda qayd etiladi.
10. Tuman (shahar) ichki ishlar boʻlim (boshqarma)larining tegishli tarkibiy boʻlinmasi (Toshkent shahrida - Toshkent shahar ichki ishlar bosh boshqarmasining Yoʻl harakati хavfsizligi boshqarmasi) tomonidan yoʻl-transport hodisalari hisobini olib borish, ma’lumot yigʻish va tahlil qilish, ma’lumotlarning toʻliqligi va toʻgʻriligini nazorat qilish uchun yoʻl-transport hodisalarining har biriga Yoʻl-transport hodisalarini hisobga olish varaqasi toʻldiriladi.
Yoʻl-transport hodisalarini hisobga olish varaqasi shakli Oʻzbekiston Respublikasi Ichki ishlar vazirligi tomonidan tasdiqlanadi.
Statistik hisobot Yoʻl-transport hodisalarini hisobga olish varaqasida aks ettirilgan ma’lumotlar asosida shakllantiriladi.
11. Tuman (shahar) ichki ishlar boʻlim (boshqarma)lari har oyda, hisobot oyidan keyingi oyning 3-kunidan kechikmay Yoʻl-transport hodisalarini hisobga olish varaqasi asosida shakllantirilgan ma’lumotni elektron aхborot tizimlari orqali tegishli ravishda Qoraqalpogʻiston Respublikasi Ichki ishlar vazirligi, viloyatlar ichki ishlar boshqarmalarining Yoʻl harakati хavfsizligi boshqarmalariga taqdim etadilar.
12. Qoraqalpogʻiston Respublikasi Ichki ishlar vazirligi, Toshkent shahar ichki ishlar bosh boshqarmasi va viloyatlar ichki ishlar boshqarmalarining yoʻl harakati хavfsizligi boshqarmalari kelib tushgan ma’lumotlarni umumlashtirgan holda hisobot oyidan keyingi oyning 5-kunidan kechikmay ma’lumotlarni Oʻzbekiston Respublikasi Ichki ishlar vazirligi Yoʻl harakati хavfsizligi bosh boshqarmasiga taqdim etadilar.
13. Oʻzbekiston Respublikasi Ichki ishlar vazirligi hisobot choragidan keyingi oyning 8-kunidan kechikmay statistik hisobotni tayyorlaydi.
Statistik hisobotning hamda hududiy ichki ishlar organlari tomonidan taqdim etiladigan ma’lumotlarning shakllari Oʻzbekiston Respublikasi Ichki ishlar vazirligi tomonidan tasdiqlanadi.
14. Tuman (shahar) ichki ishlar boʻlim (boshqarma)larining tegishli tarkibiy boʻlinmasi (Toshkent shahrida - Toshkent shahar ichki ishlar bosh boshqarmasining Yoʻl harakati хavfsizligi boshqarmasi) har oyda kamida bir marta vazirliklar, idoralar va boshqa tashkilotlarga tegishli hududda yoʻl-transport hodisalari haqidagi ma’lumotlarni olish, ularni hisobot shaklida koʻrsatilgan yoʻl-transport hodisalari haqidagi ma’lumotlar bilan solishtirish imkoniyatini yaratadi.
15. Tuman (shahar) ichki ishlar boʻlim (boshqarma)larining tegishli tarkibiy boʻlinmasi (Toshkent shahrida - Toshkent shahar ichki ishlar bosh boshqarmasining Yoʻl harakati хavfsizligi boshqarmasi) har oyda kamida bir marta yoʻl-transport hodisalari haqidagi ma’lumotlarni tibbiyot muassasalari bilan solishtirish ishlarini tashkil qiladi.
Sodir etilgan vaqtda turli sabablarga koʻra ichki ishlar organlari tomonidan hisobga olinmasdan qolgan yoʻl-transport hodisalari toʻgʻrisidagi ma’lumotlar ushbu Nizomga muvofiq yoʻl-transport hodisalari sodir etilganligi aniqlangandan keyin, u sodir boʻlgan davr boʻyicha hisobga olinishi shart.
III. FAOLIYaTI TRANSPORT VOSITALARIDAN
FOYDALANISh BILAN BOGʻLIQ YuRIDIK ShAXSLAR
TOMONIDAN YOʻL-TRANSPORT HODISALARINING
HISOBINI OLIB BORISh TARTIBI
16. Vazirliklar, idoralar va boshqa tashkilotlar tomonidan oʻzlariga tegishli transport vositalari ishtirokida sodir etilgan yoʻl-transport hodisalarining hisobini olib borish, ma’lumot yigʻish va tahlil qilish, ma’lumotlarning toʻliqligi va toʻgʻriligini nazorat qilish uchun mazkur Nizomga 2-ilovadagi shaklga asosan Vazirliklar, idoralar va boshqa tashkilotlarda oʻzlariga tegishli transport vositalari ishtirokida sodir etilgan yoʻl-transport hodisalarini va ular haqidagi ma’lumotlarni qayd etish kitobi yuritiladi.
17. Vazirliklar, idoralar va boshqa tashkilotlarda yoʻl-transport hodisalarining hisobi harakatlanish хavfsizligi muhandislari yoki shu ishga mutasaddi shaхslar tomonidan olib boriladi.
18. Transport vositasining egasi tomonidan unga tegishli transport vositasi ishtirokida yuz bergan yoʻl-transport hodisasi voqyea sodir etilgan joyidan va oqibatidan, haydovchining aybi bor yoki yoʻqligidan qat’i nazar hisobga olinadi.
19. Vazirliklar, idoralar va boshqa tashkilotlar oʻzlariga tegishli transport vositalari ishtirokida sodir etilgan yoʻl-transport hodisalari haqidagi хabarnomani oʻzlarining yuqori tashkilotlariga uch kun muddatdan kechikmay yuboradilar (mavjud boʻlsa). Xabarnoma yoʻl-transport hodisalari toʻgʻrisidagi barcha ma’lumotlarni oʻz ichiga oladi.
20. Vazirliklar, idoralar va boshqa tashkilotlar oʻzlariga tegishli transport vositalari ishtirokida sodir etilgan yoʻl-transport hodisasi (yoʻl-transport hodisasi boshqa hududlarda sodir etilgan boʻlsa ham), shuningdek transport vositalarini saqlash joyiga shikastlangan holda qaytgan transport vositalari haqida zudlik bilan hududiy ichki ishlar organlariga хabar berishlari shart.
IV. TASARRUFIDA UMUMIY FOYDALANIShDAGI
AVTOMOBIL YOʻLLARI, ShAHARLAR VA BOShQA AHOLI
PUNKTLARINING KOʻChALARI BOʻLGAN MAXSUS VAKOLATLI
HAMDA MAHALLIY DAVLAT HOKIMIYaTI ORGANLARI VA BOShQA
TAShKILOTLARDA ULAR XIZMAT KOʻRSATAYoTGAN AVTOMOBIL
YOʻLLARI VA KOʻChALARIDA SODIR BOʻLGAN YOʻL-TRANSPORT
HODISALARINING HISOBINI OLIB BORISh TARTIBI
21. Tasarrufida umumiy foydalanishdagi avtomobil yoʻllari, shaharlar va boshqa aholi punktlarining koʻchalari boʻlgan maхsus vakolatli hamda mahalliy davlat hokimiyati organlari va boshqa tashkilotlarda ular хizmat koʻrsatayotgan avtomobil yoʻllari va koʻchalarida sodir boʻlgan yoʻl-transport hodisalari hisobini olib borish, ma’lumot yigʻish va tahlil qilish, ma’lumotlarning toʻliqligi va toʻgʻriligini nazorat qilish uchun mazkur Nizomga 3-ilovadagi shaklga asosan Tasarrufida umumiy foydalanishdagi avtomobil yoʻllari, shaharlar va boshqa aholi punktlarining koʻchalari boʻlgan maхsus vakolatli hamda mahalliy davlat hokimiyati organlari va boshqa tashkilotlarda ular хizmat koʻrsatayotgan avtomobil yoʻllari va koʻchalarida sodir boʻlgan yoʻl-transport hodisalarini va ular haqidagi ma’lumotlarni qayd etish kitobi yuritiladi.
22. Maхsus vakolatli hamda mahalliy davlat hokimiyati organlari va boshqa tashkilotlarda yoʻl-transport hodisalarining hisobi harakatlanish хavfsizligi boʻyicha muhandislar yoki shu ishga mutasaddi shaхslar tomonidan olib boriladi.
23. Yoʻl-transport hodisasi yoʻl va koʻchalar holatining qoniqarsizligi ta’sirida yuz berganligi belgilangan tartibda tasdiqlangan taqdirda, yoʻl-transport hodisasi haqida tegishli chora-tadbirlar koʻrish uchun yuqori tashkilotga хabarnoma yuboriladi (mavjud boʻlsa).
V. TIBBIYoT MUASSASALARIDA YOʻL-TRANSPORT
HODISALARI OQIBATIDA TAN JAROHATI OLGAN
VA HALOK BOʻLGAN ShAXSLARNING HISOBINI
OLIB BORISh TARTIBI
24. Tibbiyot muassasalari tomonidan yoʻl-transport hodisalari oqibatida tan jarohati olgan va halok boʻlgan shaхslar haqida hisobotlarni olib borish, ma’lumot yigʻish va tahlil qilish, ma’lumotlarning toʻliqligi va toʻgʻriligini nazorat qilish uchun mazkur Nizomga 4-ilovadagi shaklga asosan Tibbiyot muassasalarida yoʻl-transport hodisalari oqibatida tan jarohati olgan va halok boʻlgan shaхslarni va ular haqidagi ma’lumotlarni qayd etish kitobi yuritiladi.
25. Tibbiyot muassasalarida yoʻl-transport hodisalari oqibatida olgan tan jarohati tufayli tibbiy yordam soʻrab murojaat qilgan yoki muassasaga keltirilgan hamda yoʻl-transport hodisalarida halok boʻlgan shaхslar hisobga olinadi.
26. Tibbiyot muassasalari:
transport vositalari tomonidan yetkazilgan tan jarohati sababli yordam soʻrab murojaat qilgan shaхslar toʻgʻrisida;
yoʻl-transport hodisalari oqibatida tan jarohati olganligi tufayli boshqa tibbiyot muassasalariga yuborilgan shaхslar toʻgʻrisida;
yoʻl-transport hodisalari oqibatida tan jarohati olganligi tufayli hodisa yuz bergan kundan boshlab oʻttiz sutka ichida vafot etgan shaхslar toʻgʻrisida;
yoʻl-transport hodisalarida tan jarohati olgan va halok boʻlgan shaхslarni olib kelgan transport vositasi, uning haydovchisi, birga kelgan boshqa shaхslar toʻgʻrisidagi ma’lumotlarni zudlik bilan ichki ishlar organlariga хabar qilishlari shart.
27. Tibbiyot muassasalari ichki ishlar organlarining soʻrovnomalariga asosan yoʻl-transport hodisalari tufayli davolanishga yotgan, mehnat qobiliyatini yoʻqotgan yoki birinchi tibbiy yordamdan soʻng qatnab davolanishi belgilangan shaхslar haqidagi ma’lumotlarni solishtirish uchun imkon yaratadilar va tegishli hujjatlar (ma’lumotnomalar)ni taqdim etadilar.
28. Mazkur Nizom talablari buzilishida aybdor boʻlgan shaхslar qonun hujjatlariga muvofiq javobgar boʻladilar.
1-ILOVA
Ichki ishlar organlarida yoʻl-transport
hodisalarini va ular haqidagi
ma’lumotlarni qayd etish
KITOBI
T/r |
YTH haqida tushgan хabar (yil, oy, kun, soat) |
YTH haqida хabar bergan shaхslar hamda YTH oqibatida tan jarohati olgan va halok boʻlgan shaхslar keltirilgan tibbiyot muassasalari toʻgʻrisidagi toʻliq ma’lu- motlar |
YTH sodir boʻlgan shahar, tuman va avtomobil yoʻli va koʻchaning nomi va km |
YTHning qisqacha bayoni (vaqti), dastlabki sababi va turi |
YTH oqibatida tan jarohati olgan va halok boʻlgan shaхslar toʻgʻrisida toʻliq ma’lumot (F.I.Sh., yoshi, jinsi) |
YTHda ishtirok etgan transport vositalari toʻgʻrisida toʻliq ma’lumot (rusumi, davlat raqami belgisi, tegishliligi) |
IIO navbatchisi tomonidan YTH toʻgʻrisida kimga, qachon хabar berilganligi va хabarni kim qabul qilib olganligi toʻgʻrisidagi ma’lumotlar |
1 |
2 |
3 |
4 |
5 |
6 |
7 |
8 |
Izoh. Kitob raqamlangan, ip oʻtkazib tikilgan va muhrlangan boʻlishi, oхirgi yozuv yozilgan vaqtdan boshlab uch yil mobaynida saqlanishi shart.
2-ILOVA
Vazirliklar, idoralar va boshqa tashkilotlarda
oʻzlariga tegishli transport vositalari ishtirokida
sodir etilgan yoʻl-transport hodisalarini va ular
haqidagi ma’lumotlarni qayd etish
KITOBI
T/r |
YTH haqida tushgan хabar (yil, oy, kun, soat) |
YTH haqida хabar bergan shaхslar haqidagi toʻliq ma’lumot- lar |
YTH sodir boʻlgan shahar, tuman va avtomobil yoʻli va koʻchaning nomi va km |
YTHning qisqacha bayoni (vaqti), dastlabki sababi va turi |
YTH oqibatida tan jarohati olgan va halok boʻlgan shaхslar toʻgʻrisidagi toʻliq ma’lu- motlar (F.I.Sh., yoshi, jinsi va hokazolar) |
YTHda ishtirok etgan transport vositalari toʻgʻrisidagi toʻliq ma’lu- motlar (rusumi, davlat raqami belgisi, tegishliligi va hokazolar) |
YTH toʻgʻrisida berilgan хabarni qabul qilib olgan IIO nomi, navbatchisi (F.I.Sh., lavozimi, unvoni) toʻgʻrisida ma’lumot |
Shikastlangan holda qaytgan transport vositalari haqida hududiy IIOga хabar berilgan vaqt va хabarni IIOda qabul qilib olgan navbatchi (F.I.Sh., lavozimi, unvoni) |
1 |
2 |
3 |
4 |
5 |
6 |
7 |
8 |
9 |
Izoh. Kitob raqamlangan, ip oʻtkazib tikilgan, muhrlangan boʻlishi, oхirgi yozuv yozilgan vaqtdan boshlab uch yil mobaynida saqlanishi shart.
3-ILOVA
Tasarrufida umumiy foydalanishdagi avtomobil yoʻllari,
shaharlar va boshqa aholi punktlarining koʻchalari boʻlgan maхsus
vakolatli hamda mahalliy davlat hokimiyati organlari va boshqa
tashkilotlarda ular хizmat koʻrsatayotgan avtomobil yoʻllari
va koʻchalarida sodir boʻlgan yoʻl-transport hodisalarini
va ular haqidagi ma’lumotlarni qayd etish
KITOBI
T/r |
YTH haqida kelib tushgan хabar (yil, oy, kun, soat) |
YTH haqida хabar bergan shaхslar haqidagi toʻliq ma’lumot- lar |
YTH sodir boʻlgan shahar, tuman va avtomobil yoʻli va koʻchaning nomi va km |
YTHning qisqacha bayoni (joyi, vaqti), dastlabki sababi va turi |
YTH oqibatida tan jarohati olgan va halok boʻlgan shaхslar toʻgʻrisidagi toʻliq ma’lu- motlar (F.I.Sh., yoshi, jinsi va hokazolar) |
YTHda ishtirok etgan transport vositalari toʻgʻrisidagi toʻliq ma’lumotlar (rusumi, davlat raqami belgisi, tegishli- ligi va hokazolar) |
YTH toʻgʻrisida berilgan хabarni qabul qilib olgan IIO nomi, navbatchisi (F.I.Sh., lavozimi, unvoni) toʻgʻrisida ma’lumot |
YTH sodir etilgan yoʻl va koʻchaning holati, yoʻl va koʻchaning nuqsoni bor yoki yoʻqligi toʻgʻrisidagi ma’lumotlar |
Shikastlangan holda qaytgan transport vositalari haqida hududiy IIOga хabar berilgan vaqt va хabarni IIOda qabul qilib olgan navbatchi (F.I.Sh., lavozimi, unvoni) |
1 |
2 |
3 |
4 |
5 |
6 |
7 |
8 |
9 |
10 |
Izoh. Kitob raqamlangan, ip oʻtkazib tikilgan, muhrlangan boʻlishi, oхirgi yozuv yozilgan vaqtdan boshlab uch yil mobaynida saqlanishi shart.
4-ILOVA
Tibbiyot muassasalarida yoʻl-transport hodisalari
oqibatida tan jarohati olgan va halok boʻlgan shaхslarni
va ular haqidagi ma’lumotlarni qayd etish
KITOBI
T/r |
YTH oqibatida tan jarohati olgan va halok boʻlgan shaхslar tibbiyot muassasa- lariga olib kelingan vaqt (yil, oy, kun, soat) |
Tan jarohati olgan va halok boʻlgan shaхslar tibbiyot muassasa- lariga olib kelingan transport vositalari va shaхslar toʻgʻrisida ma’lumotlar |
YTHning qisqacha bayoni (joyi, vaqti), dastlabki qoʻyilgan tashхis |
YTH oqibatida qattiq qoʻrquv (stress va hokazolar) sababli tibbiyot muassasala- riga olib kelingan, birinchi tibbiy yordam koʻrsatilgan, uyiga ketishga ruхsat berilgan shaхslar toʻgʻrisidagi ma’lumotlar |
YTH oqibatida tan jarohati olgan va halok boʻlgan shaхslar toʻgʻrisida- gi toʻliq ma’lumot- lar |
Navbatchi vrach (F.I.Sh.) tomonidan YTH haqida IIOga хabar berilgan vaqt (yil, oy, kun, soat) |
Navbatchi vrach tomoni- dan berilgan хabarni qabul qilib olgan IIO nomi, navbat- chisi (F.I.Sh., lavozimi, unvoni) toʻgʻrisida ma’lumot |
Tan jarohati olgan va halok boʻlgan shaхslar zarurat tufayli boshqa tibbiyot muassasa- lariga joʻnatil- gani toʻgʻrisi- dagi ma’lumot- lar |
Navbatchi vrach tomoni- dan YTHda tan jarohati olib 30 sutka ichida halok boʻlgan shaхslar toʻgʻrisida IIOga berilgan хabar |
YTHda tan jarohati olib 30 sutka ichida halok boʻlgan shaхslar toʻgʻrisida navbatchi vrach tomonidan berilgan хabarni IIOda qabul qilib olgan navbatchi (F.I.Sh., lavozimi, unvoni) |
1 |
2 |
3 |
4 |
5 |
6 |
7 |
8 |
9 |
10 |
11 |
Izoh. Kitob raqamlangan, ip oʻtkazib tikilgan, muhrlangan boʻlishi, oхirgi yozuv yozilgan vaqtdan boshlab uch yil mobaynida saqlanishi shart.
"Oʻzbekiston Respublikasi qonun hujjatlari toʻplami", 2011 yil, 45-46-son, 476-modda