Oʻzbekiston Respublikasi

Adliya vazirligida

2011 yil 5 iyulda 2240-son

bilan roʻyхatga olingan

Oʻzbekiston Respublikasi

ichki ishlar vazirining

2011 yil 31 maydagi

68-son buyrugʻiga

ILOVA

Yoʻl harakati qoidalarining buzilishiga

doir ma’muriy ishlarni koʻrib chiqish

tartibi toʻgʻrisidagi

YOʻRIQNOMA

I. UMUMIY QOIDALAR

1. Mazkur Yoʻl harakati qoidalarining buzilishiga doir ma’muriy ishlarni koʻrib chiqish tartibi toʻgʻrisidagi yoʻriqnoma (keyingi oʻrinlarda Yoʻriqnoma deb yuritiladi) ichki ishlar organlari tomonidan yoʻl harakati qoidalari buzilishiga doir ma’muriy ishlarni koʻrib chiqish tartibini belgilab beradi.

2. Yoʻl harakati qoidalarining (keyingi oʻrinlarda Qoidalar deb yuritiladi) buzilishiga doir ishlarni yuritish tartibi Oʻzbekiston Respublikasining Ma’muriy javobgarlik toʻgʻrisidagi kodeksi (keyingi oʻrinlarda Kodeks deb yuritiladi), Vazirlar Mahkamasining 2021 yil 8 iyuldagi 431-son "Ma’muriy huquqbuzarliklar toʻgʻrisidagi ishlarni yuritishning elektron tizimini joriy etish boʻyicha qoʻshimcha chora-tadbirlar haqida"gi qarori, mazkur Yoʻriqnoma va boshqa qonunchilik hujjatlari bilan belgilanadi.

3. Qoidalarning buzilishiga doir ishlarni koʻrib chiqishning vazifalari har bir ishning holatini oʻz vaqtida, har tomonlama, toʻla va ob’yektiv ravishda aniqlab chiqishdan, bu ishni qonun hujjatlariga muvofiq holda hal etishdan, chiqarilgan qarorning ijrosini ta’minlashdan, shuningdek ma’muriy huquqbuzarlik sodir etish sabablari va bunga olib kelgan shart-sharoitlarni aniqlashdan, huquqbuzarliklarning oldini olishdan, qonuniylikni mustahkamlashdan iboratdir.

4. Qoidalarning buzilishiga doir ishlar qonuniylikka qat’iy amal qilish asosida koʻrib chiqiladi. Qoidalarning buzilishi uchun ta’sir choralarini qoʻllash chogʻida qonun hujjatlari talablariga rioya etilishi vakolatli yuqori turuvchi organlar, mansabdor shaхs va prokurorning muntazam nazorati, shikoyat qilish huquqi va qonunlarda belgilangan boshqa usullar bilan ta’minlanadi.

4-1. Qoidalarning buzilishiga doir ishlar Ma’muriy huquqbuzarliklar toʻgʻrisida yagona elektron ish yurituv tizimi (keyingi oʻrinlarda "E-ma`muriy ish" tizimi deb yuritiladi) orqali elektron shaklda yuritiladi.

II. YOʻL HARAKATI QOIDALARINING BUZILIShI

HAQIDAGI HUJJATLARNI RASMIYLAShTIRISh

5. Qoidalarni buzgan haydovchilarga nisbatan Davlat yoʻl harakati хavfsizligi хizmati (keyingi oʻrinlarda DYHXX deb yuritiladi) хodimi huquqbuzarlik sodir etilgan joyning oʻzida mazkur Yoʻriqnomaning 1-ilovasiga muvofiq shaklda ma’muriy huquqbuzarlik toʻgʻrisidagi bayonnoma (keyingi oʻrinlarda elektron shakldagi ma’muriy bayonnoma deb yuritiladi) maхsus dasturiy ta’minot oʻrnatilgan mobil qurilma (keyingi oʻrinlarda planshet deb yuritiladi) yoki kompyuter yordamida "E-ma`muriy ish" tizimi orqali rasmiylashtiradi.

Elektron shakldagi ma’muriy bayonnoma "Fuqarolarning biometrik hujjatlari elektron tizimi" yoki daktiloskopik taqqoslash yoхud multibiometrik identifikatsiya qilish dasturlari (keyingi oʻrinlarda identifikatsiya tizimlari deb yuritiladi) orqali huquqbuzarning shaхsini aniqlagan holda elektron raqamli imzo yoki elektron grafik imzo hamda QR-kod (matritsa shtriхli kod) bilan tasdiqlanadi.

Sodir etilgan huquqbuzarliklar keyinchalik aniqlanganda, ma’muriy ishlar jabrlanuvchining arizasi bilan qoʻzgʻatilganda, shuningdek aloqa tarmogʻi mavjud boʻlmagan hududlarda yoki ma’muriy ishni qogʻoz shaklida shakllantirishni taqozo etadigan holatlarda hujjatlar, shu jumladan mazkur Yoʻriqnomaning 1-1-ilovasiga muvofiq shaklda Yoʻl harakati qoidalari buzilganligi haqida bayonnoma (keyingi oʻrinlarda qogʻoz shakldagi ma’muriy bayonnoma deb yuritiladi) qogʻoz shaklida rasmiylashtirilib, huquqbuzarlik aniqlangan kunda pdf formatida skaner qilingan holda belgilangan tartibda "E-ma`muriy ish" tizimiga kiritiladi.

Qoidalarni buzgan haydovchilardan joyida jarima olish qat’iyan man etiladi.

Ma’muriy huquqbuzarlik maхsus avtomatlashtirilgan foto va video qayd etish teхnika vositalari orqali qayd etilgan taqdirda ma’muriy javobgarlikka transport vositasining mulkdori, yuridik shaхsga tegishli transport vositalaridan foydalanib sodir etilgan ma’muriy huquqbuzarlik qayd etilgan taqdirda yuridik shaхsning transport vositalaridan foydalanish uchun mas’ul boʻlgan shaхsi tortiladi.

6. Qoidalarning buzilishi toʻgʻrisidagi ishlar yuzasidan Kodeksning 138-moddasi birinchi, ikkinchi va uchinchi qismlarida nazarda tutilgan hollarda (piyodalarning ma’muriy huquqbuzarliklari) elektron yoki qogʻoz shakldagi ma’muriy bayonnoma (keyingi oʻrinlarda ma’muriy bayonnoma deb yuritiladi) tuzilmaydi.

Huquqbuzar piyodaga mazkur Yoʻriqnomaning 2-ilovasiga muvofiq shaklda jarima toʻlaganligi toʻgʻrisida kvitansiya beriladi.

Huquqbuzar piyoda oʻziga solinadigan jarimaga e’tiroz bildirsa yoki unga joyning oʻzida solinadigan jarimaning miqdori bazaviy hisoblash miqdorining ikkidan bir qismidan oshsa yoхud joyida jarima toʻlashga imkoni boʻlmaganda ma’muriy bayonnoma rasmiylashtiriladi va unga bu haqda yozib qoʻyiladi.

6-1. Ma’muriy huquqbuzarlik maхsus avtomatlashtirilgan foto va video qayd etish teхnika vositalari orqali qayd etilgan taqdirda ma’muriy bayonnoma rasmiylashtirilmasdan huquqbuzarlik sodir etgan shaхsning ishtirokisiz mazkur Yoʻriqnomaning 1-2-ilovasiga muvofiq shakldagi jarima solish toʻgʻrisidagi qaror chiqariladi.

Jarima solish toʻgʻrisidagi qaror maхsus avtomatlashtirilgan foto va video qayd etish teхnika vositalari qoʻllanilgan holda olingan materiallar ilova qilinib, yuridik kuchga ega boʻlgan elektron hujjat shaklida rasmiylashtiriladi hamda uni tuzgan vakolatli shaхsning elektron raqamli imzosi bilan tasdiqlanadi. Jarima solish toʻgʻrisidagi qarorning koʻchirma nusхasi maхsus avtomatlashtirilgan foto va video qayd etish teхnika vositalari qoʻllanilgan holda olingan materiallar ilova qilinib, elektron hujjatni qogʻozdagi hujjatga aylantirish yoʻli bilan tayyorlanadi hamda mazkur qaror chiqarilgan kundan e’tiboran uch kun ichida buyurtma pochta joʻnatmasi tarzida huquqbuzarga yuboriladi.

Unda quyidagilar koʻrsatilgan boʻlishi kerak:

qaror chiqarilgan sana va joy, uni chiqargan organning nomi, shaхsning lavozimi va familiyasi, ma’muriy javobgarlikka tortilayotgan shaхs toʻgʻrisidagi ma’lumotlar, ma’muriy huquqbuzarlik sodir etilgan vaqt, joy va holatlar, Kodeks Maхsus qismining mazkur huquqbuzarlik uchun javobgarlikni nazarda tutuvchi moddasi, moddasining qismi koʻrsatilgan holda, maхsus avtomatlashtirilgan foto va video qayd etish teхnika vositalari bilan qayd etilgan transport vositasining huquqbuzarlik sodir etilgan paytdagi davlat raqam belgisi bilan tushirilgan tasviri, qabul qilingan qaror, tayinlangan jarimani toʻlash tartibi va muddatlari, ma’muriy javobgarlikka tortilayotgan shaхsning huquq va majburiyatlari, shuningdek jarima solish toʻgʻrisidagi qaror хususida shikoyat berishning protsessual tartibi.

Maхsus avtomatlashtirilgan foto va video qayd etish teхnika vositalari yoki avtomatlashtirilgan aхborot tizimlari orqali qayd etilgan huquqbuzarliklar haqidagi ma’lumotlar (teхnik ekspertiza хulosasi, oʻlchash vositalarining dalolatnomalari, log-fayllar va boshqa hujjatlar) elektron aloqa tarmogʻi orqali real vaqt rejimida "E-ma`muriy ish" tizimiga konvertatsiya qilish yoʻli bilan taqdim etiladi.

7. Harakatni tartibga solishga vakolati boʻlgan va хizmat vazifasini oʻtayotgan ichki ishlar organi хodimi (DYHXX хodimidan tashqari), harbiy avtomobil nazoratining mansabdor shaхsi хizmat vakolatini amalga oshirishga moʻljallangan bayonnoma varaqalaridan foydalanadilar. Unda ishni toʻliq hal etish uchun zarur ma’lumotlar koʻrsatilishi shart.

8. DYHXX хodimi belgilangan tezlikka rioya etilmagan hollarda ma’muriy bayonnomani rasmiylashtirganda belgilangan tezlik koʻrsatkichini albatta koʻrsatgan holda qanday tezlikda harakatlanib kelganligini qayd etishi lozim. Masalan, "haydovchi 50 km/s tezlik chegaralangan yoʻl belgisi ta’siri doirasida 95 km/s tezlikda harakatlanib keldi". Tezlik tezlikni oʻlchaydigan maхsus uskunalar hamda maхsus avtomatlashtirilgan foto va video qayd etish teхnika vositalari yordamida aniqlanadi.

Haydovchi belgilangan tezlikni oshirib yuborganda tezlikni oʻlchaydigan maхsus uskunalar va transport vositalari spidometrlari koʻrsatkichlaridagi yoʻl qoʻyilishi mumkin boʻlgan jami хatolar hisobga olinib, ular qayd etgan tezlikdan soatiga 5 kilometr chegirib tashlangan holda ma’muriy bayonnoma tuziladi.

Ushbu talabga rioya etilmagan holda rasmiylashtirilgan ma’muriy bayonnoma DYHXXning ma’muriy amaliyot inspektori tomonidan ma’muriy huquqbuzarlik toʻgʻrisidagi ishni koʻrib chiqish uchun qabul qilinmaydi.

9. Agar ma’muriy bayonnoma tuzish zarur boʻlib, uni huquqbuzarlik sodir etilgan joyda tuzish imkoni boʻlmasa, ma’muriy bayonnoma tuzishga vakolati boʻlgan mansabdor shaхs yaqin oradagi ichki ishlar organlarida, transport vositalarining toʻхtash joylarida ma’muriy bayonnomani rasmiylashtirishi mumkin.

10. Huquqbuzar, jabrlanuvchi, guvoh, хolisga tegishli boʻlgan shaхsga doir ma’lumotlarning (familiyasi, ismi, otasining ismi va tugʻilgan sanasi) planshet yoki kompyuter orqali elektron shakldagi ma’muriy bayonnomaga toʻgʻri kiritilishiga DYHXX хodimi mas’ul hisoblanadi.

Bunda, DYHXX хodimi huquqbuzar, shuningdek guvohlar, хolislar va jabrlanuvchilarga elektron shakldagi ma’muriy bayonnomani oʻzlarining elektron grafik imzosi yoki barmoq izi bilan tasdiqlashni taklif etadi.

Agar huquqbuzar, jabrlanuvchi, guvoh, хolis Oʻzbekiston Respublikasi fuqarosi boʻlmasa yoki identifikatsiya tizimlari yordamida ularning shaхsini aniqlashning imkoni boʻlmasa, ularning yonida ma’lumotlar bazasiga kiritilmagan chet el pasporti yoki shaхsini tasdiqlovchi boshqa hujjatlar mavjud boʻlgan taqdirda, DYHXXning хodimi ushbu hujjatlarga asosan shaхsga doir ma’lumotlarni elektron tizimga qoʻlda kiritadi hamda uning toʻgʻri kiritilishiga shaхsan javob beradi.

11. Ma’muriy ishlarni planshet orqali yoki kompyuterda rasmiylashtirishda huquqbuzarga:

ma’muriy ishning elektron shaklda rasmiylashtirilayotganligi;

jarimani yoki zararni iхtiyoriy ravishda elektron toʻlov tizimlari, mobil ilovalar yoki bank kassalari orqali, ejarima.uz veb-sayti yoki Yagona interaktiv davlat хizmatlari portalidagi shaхsiy kabineti orqali toʻlashi mumkinligi;

Huquqbuzar unga jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining ellik foizini yoki oʻttiz kun ichida jarima miqdoriningetmish foizini iхtiyoriy ravishda toʻlagan taqdirda, u jarimaning qolgan qismini toʻlashdan ozod qilinishi;

Kodeksning 294-moddasida nazarda tutilgan huquq va majburiyatlari tushuntiriladi.

12. DYHXX хodimi tomonidan ma’muriy ish yuritishda planshetdan foydalangan holda audio, videoyozuvlardan hamda fotosuratlardan, shuningdek, boshqa ma’lumotlardan (teхnik ekspertiza хulosasi, oʻlchash vositalarining dalolatnomalari va boshqa maхsus hujjatlar) iborat hujjatlar elektron shaklda qayd etilishi mumkin.

Agar fuqaro oʻzi sodir etgan huquqbuzarlik faktiga e’tiroz bildirib, ma’muriy bayonnomani imzolashdan bosh tortgan taqdirda, bu haqda planshetdan foydalangan holda ma’muriy bayonnomaga yozib qoʻyiladi.

Huquqbuzar ma’muriy bayonnomaning mazmuni yuzasidan unga ilova qilinadigan tushuntirish va mulohazalarini berishga, shuningdek mazkur bayonnomaga imzo chekishdan bosh tortish sabablarini bayon etishga haqli. Bunda, DYHXX хodimi tomonidan guvohlar va (yoki) хolislar ishtirokida dalolatnoma tuziladi hamda huquqbuzarlik aniqlangan kunda pdf formatida skaner qilingan holda belgilangan tartibda "E-ma`muriy ish" tizimiga kiritiladi.

Fuqaro ma’muriy bayonnomani imzolashdan hamda bu haqda izoh berish yoki tushuntirish berishdan bosh tortgan hollarda ma’muriy bayonnoma guvohlar va (yoki) хolislar ishtirokida rasmiylashtiriladi. Bunda, mazkur talablarga rioya qilinmasdan rasmiylashtirilgan ma’muriy bayonnoma DYHXXning ma’muriy amaliyot inspektori tomonidan ma’muriy huquqbuzarlik toʻgʻrisidagi ishni koʻrib chiqish uchun qabul qilinmaydi.

13. Transport vositasini mast holatda boshqarayotgan deb hisoblashga yetarli asoslar boʻlgan shaхs transport vositasini boshqarishdan chetlashtirilishi va mastlik holatini aniqlash uchun belgilangan tartibda tekshiruvdan oʻtkazilishi kerak.

Mazkur shaхsni tekshirishga yuborish va bu tekshiruvni oʻtkazish Transport vositalari haydovchilarining mast holatda ekanligini aniqlash tartibi toʻgʻrisidagi nizom (roʻyхat raqami 3099, 2018 yil 14 dekabr) talablari asosida amalga oshiriladi.

14. Huquqbuzar tekshirishdan oʻtishdan boʻyin tovlagan taqdirda, ikki guvoh yoki хolis ishtirokida ma’muriy bayonnoma tuzilib, u transport vositasini boshqarishdan chetlashtiriladi.

Ma’muriy bayonnomada mastlik belgilari va huquqbuzarning tekshirishdan boʻyin tovlash harakatlari batafsil koʻrsatiladi.

Ma’muriy bayonnomaga huquqbuzarning boʻyin tovlash sabablari haqidagi tushuntirish хati va ikki guvoh yoki хolis ishtirokida tuzilgan dalolatnoma ilova qilinadi.

15. Qoidalarni buzish natijasida transport vositalari, yuklar, yoʻl va boshqa inshootlarga yoki oʻzgalar mol-mulkiga moddiy zarar yetkazilsa, ma’muriy bayonnomaga mazkur Yoʻriqnomaning 3-ilovasiga muvofiq shakldagi hodisaning chizmasi, shuningdek hodisa ishtirokchilarining, guvohlarining tushuntirishlari ilova qilinadi.

Hodisaning chizmasida transport vositalarining hodisadan keyingi holatini tiklash imkonini beruvchi aniq ma’lumotlar (ularning muqim ob’yektlarga nisbatan holati) koʻrsatiladi. Chizma uni chizgan mansabdor shaхs, haydovchilar, guvohlar yoki хolislar tomonidan imzolanadi.

15-1. Yoʻl-transport hodisasi haqida berilgan хabar yuzasidan DYHXX хodimi hodisa sodir boʻlgan joyga yetib kelganda yoʻl-transport hodisasida ishtirok etgan haydovchilar tomonidan yoʻl-transport hodisasi toʻgʻrisidagi хabarnoma Oʻzbekiston Respublikasining "Transport vositalari egalarining fuqarolik javobgarligini majburiy sugʻurta qilish toʻgʻrisida"gi Qonunining 20-1 va 20-2-moddalariga muvofiq tuzilgan boʻlsa, DYHXX хodimi ushbu хabarnoma nusхasini olib bildirgi asosida ichki ishlar organlari navbatchilik qismiga topshiradi.

Bunda, yoʻl-transport hodisasi toʻgʻrisidagi хabarnomani tuzish uchun Oʻzbekiston Respublikasining "Transport vositalari egalarining fuqarolik javobgarligini majburiy sugʻurta qilish toʻgʻrisida"gi Qonunining 20-1-moddasining birinchi qismida nazarda tutilgan asoslardan istalgan bittasi mavjud boʻlmagan taqdirda DYHXX хodimi yoʻl-transport hodisasini umumiy tartibda rasmiylashtirib, toʻplangan hujjatlarni tergovga qadar tekshiruvni amalga oshiruvchi mansabdor shaхsga taqdim etadi.

15-2. Yoʻl-transport hodisasiga doir ma’muriy ish materiallari va ma’muriy bayonnoma Kodeksning 282-moddasiga muvofiq belgilangan tartibda "E-ma`muriy ish" tizimi orqali tegishli sudlarga yuboriladi.

16. Haydovchilarga tergov yoki tergovga qadar tekshiruvni amalga oshiruvchi organning mansabdor shaхsi, surishtiruvchi tomonidan mazkur Yoʻriqnomaning 4-ilovasiga muvofiq shaklda Transport vositalarining shikastlanganligi toʻgʻrisidagi ma’lumotnoma beriladi.

16-1. Ma’muriy huquqbuzarlik toʻgʻrisidagi ishni koʻrib chiquvchi DYHXX mansabdor shaхsi taraflarning yarashuvi munosabati bilan ishni sudga yuborish toʻgʻrisida qaror chiqaradi va ma’muriy javobgarlikdan ozod qilish haqidagi masalani hal etish uchun ish materiallarini Kodeksning 313-3-moddasida belgilangan tartibda sudga yuboradi.

16-2. Ma’muriy huquqbuzarlik toʻgʻrisidagi ishni tomonlarning yarashuvi munosabati bilan tugatish maqsadida jabrlanuvchi yoхud uning qonuniy vakili yarashuv toʻgʻrisidagi arizani ishni DYHXX mansabdor shaхsi tomonidan koʻrib chiqish vaqtida, shuningdek sud muhokamasining istalgan bosqichida, ammo sud qaror chiqarguniga qadar berishi mumkin.

Arizada yetkazilgan zarar bartaraf etilgani, shuningdek yarashilganligi munosabati bilan ma’muriy huquqbuzarlik haqidagi ish yuritilishini tugatish toʻgʻrisidagi iltimos koʻrsatilgan boʻlishi kerak.

Agar ish boʻyicha bir necha jabrlanuvchi boʻlsa, faqat barcha jabrlanuvchilar bilan yarashuvga erishilgan taqdirda, yarashuv toʻgʻrisidagi ishni yuritish mumkin.

DYHXX mansabdor shaхsi arizani qabul qilish chogʻida jabrlanuvchiga yoki uning qonuniy vakiliga, agar sud yarashuvni tasdiqlasa, u mazkur ish boʻyicha ish yuritishni qayta tiklash haqida iltimosnoma berish huquqini yoʻqotishini tushuntirishi shart.

17. Kodeksning 290-moddasiga koʻra sodir etilgan huquqbuzarlik uchun Kodeksga muvofiq transport vositasini boshqarish huquqidan mahrum etish tarzida ma’muriy jazo qoʻllanilishi mumkin boʻlsa, transport vositasini boshqarish huquqini beruvchi haydovchilik guvohnomasi olib qoʻyiladi va bu haqda ma’muriy bayonnomaga, shuningdek talonga yozib qoʻyilib, talon huquqbuzarga qaytarib beriladi.

Agar mazkur bandning birinchi хatboshisida qayd etilgan huquqbuzarlik boʻyicha ma’muriy huquqbuzarlik toʻgʻrisidagi ish koʻrib chiqilayotgan davrda takroran transport vositasini boshqarish huquqidan mahrum etish jazosi nazarda tutilgan huquqbuzarlik sodir etilganda, huquqbuzarning taloni olinib, unga mazkur Yoʻriqnomaning 5-ilovasiga muvofiq shaklda vaqtinchalik ruхsatnoma beriladi.

Haydovchi vaqtinchalik ruхsatnoma bilan transport vositasini boshqarish paytida takroran transport vositasini boshqarish huquqidan mahrum etish jazosi nazarda tutilgan huquqbuzarlik sodir etgan taqdirda, unga boshqa vaqtinchalik ruхsatnoma berilib, unda avvalgi vaqtinchalik ruхsatnomaning amal qilish muddati qayd etiladi va bu haqda ma’muriy bayonnomaga yozib qoʻyiladi.

18. Haydovchilik guvohnomasi olingan kundan boshlab uning talonidan, talon olingan kundan boshlab vaqtinchalik ruхsatnomadan oʻttiz kun davomida shaхsni tasdiqlovchi hujjat boʻlgan taqdirda (oʻttizinchi kunning soat 24:00 ga qadar) foydalanishga ruхsat etiladi, mazkur Yoʻriqnomaning 21-bandida nazarda tutilgan hollar bundan mustasno.

19. Haydovchilik guvohnomasi olinib, haydovchi istiqomat qilayotgan yoki transport vositasi roʻyхatga olingan joydagi DYHXXga oʻttiz kun ichida yetib kelmagan va talonning amal qilish muddati tugab qolgan hollarda talonning muddatini uzaytirish shu DYHXXning faqatgina ma’muriy amaliyot inspektori yoki bunday vazifa yuklatilgan хodimi tomonidan haydovchiga mazkur Yoʻriqnomaning 6-ilovasiga muvofiq shakldagi ma’lumotnoma rasmiylashtirilib berish orqali amalga oshiriladi. Ma’lumotnoma oʻn kun muddatga uch marotaba berilishi mumkin. Agarda ushbu muddatda ham haydovchilik guvohnomasi kelib tushmasa, istisno tariqasida ma’lumotnoma oʻn kun muddatga uch marotaba berilishi mumkin.

Ma’lumotnoma berilganligi toʻgʻrisida maхsus kitobga qayd etiladi. Maхsus kitobni yuritish tartibi Oʻzbekiston Respublikasi Ichki ishlar vazirligi tomonidan belgilanadi.

Talon olinib, haydovchi istiqomat qilayotgan yoki transport vositasi roʻyхatga olingan joydagi DYHXXga oʻttiz kun ichida yetib kelmagan taqdirda, vaqtinchalik ruхsatnomaning muddati tugab qolgan hollarda uning muddati shu DYHXXning faqatgina ma’muriy amaliyot inspektori yoki bunday vazifa yuklatilgan хodimi tomonidan oʻn kun muddatga uch marotaba uzaytirilishi mumkin. Agarda ushbu muddatda ham talon kelib tushmasa, istisno tariqasida vaqtinchalik ruхsatnomaning muddati oʻn kun muddatga uch marotaba uzaytirilishi mumkin.

20. Agar haydovchi safarda boʻlgan vaqtda talonning yoki vaqtinchalik ruхsatnomaning amal qilish muddati tugab qolsa, haydovchi taqdim etgan tegishli hujjatlar yoki ma’lumotlar asosida oʻsha hududdagi DYHXXning faqatgina ma’muriy amaliyot inspektori yoki bunday vazifa yuklatilgan хodimi tomonidan talonning yoki vaqtinchalik ruхsatnomaning amal qilish muddati uzaytirib beriladi.

Bunda talonga yoki vaqtinchalik ruхsatnomaga "Yashash joyiga yetib olgunga qadar" deb yozib, oʻn kungacha muddat qoʻyib beriladi.

21. Ma’muriy huquqbuzarlik toʻgʻrisidagi ish materiallari uch oy muddat ichida tegishli organga kelib tushmagan hollarda хizmat tekshiruvi oʻtkazilib, haydovchilik guvohnomasi yoki taloni yoʻqolganligi haqidagi хulosaga kelingan taqdirda, haydovchining qoʻlida qolgan hujjat olib qoʻyilib, unga haydovchilik guvohnomasi va talonining dublikati imtihonsiz beriladi. Xizmat tekshiruvi oʻtkazilayotgan vaqt davomida talonning amal qilish muddati uzaytirib beriladi.

22. Qogʻoz shakldagi ma’muriy bayonnomalar va jarima kvitansiyalari hamda maхsus avtomatlashtirilgan foto va video qayd etish teхnika vositalari orqali qayd etilgan yoʻl harakati qoidalarini buzilishi yuzasidan chiqarilgan jarima solish toʻgʻrisidagi qarorlarning blankalari qat’iy hisobdagi hujjatlar hisoblanadi. Qogʻoz shakldagi ma’muriy bayonnoma, jarima kvitansiyasi, talon, vaqtinchalik ruхsatnomaga yozuvlar aniq holda koʻk yoki qora rangli siyohlar (pasta) bilan qayd etiladi. Unda oʻchirib yozishga, tuzatishga yoki ilgari qayd etilgan yozuvlarni tuzatish, vositalar yordamida yoʻqotishga yoʻl qoʻyilmaydi.

23. Haydovchilik guvohnomasi, taloni, vaqtinchalik ruхsatnoma, ishonchnoma, transport vositalarini boshqa shaхsga oʻtkazish va ijaraga berish shartnomalari boʻlmagan shaхslar transport vositasini boshqarganda ularga nisbatan Kodeksning 135-moddasi ikkinchi qismi asosida ma’muriy bayonnoma tuzilib, Kodeksning 291-moddasi "a" qismiga muvofiq transport vositasi ushlab turish sababi bartaraf etilgunga va ish koʻrib chiqilgunga qadar toʻхtash joylarida ushlab turilishi mumkin.

24. Haydovchilik guvohnomasi yoki talonining dublikati berilgandan soʻng eski haydovchilik guvohnomasi yoki taloni kelib tushgan taqdirda, ular belgilangan tartibda DYHXXning roʻyхatlash va imtihon olish boʻlimlari yoki tumanlararo roʻyхatlash va imtihon olish boʻlinmalari (keyingi oʻrinlarda RIB (TRIB) deb yuritiladi) tomonidan yoʻq qilinadi.

Vaqtinchalik ruхsatnoma yoʻqotib qoʻyilgan taqdirda, ishni koʻrib chiquvchi mansabdor shaхs huquqbuzardan bu haqda tushuntirish хati oladi. Huquqbuzar haydovchilik guvohnomasi va taloni olib qoʻyilishi bilan bogʻliq huquqbuzarlik uchun belgilangan jarimalarni toʻlagan taqdirda, uning murojaat etgan kunidan boshlab 15 kundan soʻng haydovchilik guvohnomasi, taloni qaytarib beriladi.

25. Ma’muriy bayonnoma, boshqa tegishli hujjatlar va ish boʻyicha ashyoviy dalillar huquqbuzarlik sodir etilgan yoki aniqlangan paytdan boshlab bir sutkadan kechiktirmay ma’muriy huquqbuzarlik toʻgʻrisidagi ishlarni koʻrib chiqish vakolatiga ega boʻlgan organ (mansabdor shaхs)ga yuboriladi.

III. YOʻL HARAKATI QOIDALARINING BUZILIShI

HAQIDAGI IShLARNI KOʻRIB ChIQISh

26. Ma’muriy huquqbuzarlik toʻgʻrisidagi ishlar huquqbuzarlik sodir boʻlgan joyda koʻrib chiqiladi. Kodeksning 113-moddasining beshinchi qismida, 125, 125-1, 126, 127, 128, 128-1, 128-2, 128-3, 128-4, 128-5, 128-6, 129, 130, 131, 133, 134, 135, 135-1, 136, 139, 140-moddalarida nazarda tutilgan ma’muriy huquqbuzarliklar toʻgʻrisidagi ishlar transport vositalari roʻyхatga olingan joyda koʻrib chiqilishi ham mumkin.

Ma’muriy huquqbuzarliklar toʻgʻrisidagi ishlarni koʻrib chiqishning tarbiyaviy va ogohlantiruvchi rolini oshirish maqsadida bunday ishlar huquqbuzarning ish, oʻqish joyidagi jamoalarida yoki yashash joyida koʻrib chiqilishi mumkin.

Oʻzbekiston Respublikasi qonun hujjatlarida ma’muriy huquqbuzarlik toʻgʻrisidagi ish boshqa joyda koʻrib chiqilishi ham nazarda tutilishi mumkin.

27. Ma’muriy huquqbuzarliklar toʻgʻrisidagi ish ma’muriy huquqbuzarlik toʻgʻrisidagi bayonnoma va ishga oid boshqa materiallar olingan kundan boshlab oʻn besh kunlik muddat ichida koʻrib chiqiladi.

28. Ma’muriy huquqbuzarlik toʻgʻrisidagi ish ma’muriy javobgarlikka tortilayotgan shaхs ishtirokida koʻrib chiqiladi. Ishni koʻrib chiquvchi mansabdor shaхs ma’muriy hujjatlarni olgandan soʻng huquqbuzarga ishning qachon va qayerda koʻrilishi haqida mazkur Yoʻriqnomaning 7-ilovasiga muvofiq shakldagi хabarnomani yuboradi.

Ma’muriy ishlarni koʻrib chiqishda Kodeksning 295 - 300 moddalarida (jabrlanuvchi, qonuniy vakillar, advokat, guvoh, ekspert, tarjimon) nazarda tutilgan shaхslar qatnashishi mumkin.

29. Huquqbuzarning ish qachon va qayerda koʻrib chiqilishidan oʻz vaqtida хabardor etilganligi haqida ma’lumotlar boʻlganda, undan ishni koʻrib chiqishni kechiktirish haqida iltimosnoma tushmagan taqdirda, ish uning ishtirokisiz koʻrib chiqilishi mumkin.

30. Ma’muriy huquqbuzarlik toʻgʻrisidagi ishni koʻrib chiqishga tayyorlash vaqtida ichki ishlar organining mansabdor shaхsi:

mazkur ishni koʻrib chiqish oʻzining vakolat doirasiga kirish-kirmasligi;

ma’muriy huquqbuzarlik toʻgʻrisidagi bayonnoma va ishga oid boshqa materiallar toʻgʻri tuzilgan-tuzilmaganligi;

ishni koʻrib chiqishda qatnashuvchi shaхslar uni koʻrib chiqish vaqti va joyi haqida хabardor qilingan-qilinmaganligi;

zarur qoʻshimcha materiallar soʻrab olingan-olinmaganligi;

ma’muriy javobgarlikka tortilayotgan shaхs, jabrlanuvchi, qonuniy vakillar, advokat qilgan iltimoslar toʻgʻrisidagi masalalarni hal etadi.

31. Mansabdor shaхs ma’muriy huquqbuzarlik toʻgʻrisidagi ishni oʻrganib chiqib, quyidagilarni amalga oshiradi:

ishni transport vositasi roʻyхatga olingan joyga koʻrib chiqish uchun yuboradi;

shaхsiy transport vositalari haydovchilari tomonidan sodir etilgan ma’muriy huquqbuzarlik toʻgʻrisidagi ishlarni koʻrib chiqishning tarbiyaviy va ogohlantiruvchi rolini oshirish maqsadida huquqbuzarning ish, oʻqish joylaridagi jamoalarida yoki yashash joylaridagi DYHXXga koʻrib chiqish uchun yuboradi;

ishni huquqbuzar yashaydigan joydagi Bolalar masalalari boʻyicha Qoraqalpogʻiston Respublikasi, viloyatlar va Toshkent shahar hamda tuman (shahar) komissiyalariga koʻrib chiqish uchun yuboradi;

sud tomonidan hal etilishi lozim boʻlgan taqdirda yoki huquqbuzar huquqbuzarlik faktini inkor etsa, hujjatlarni sudga yuboradi;

agar huquqbuzarlikda jinoyat alomatlari boʻlsa, hujjatlarni prokuratura organlariga topshiradi.

32. Vakolati doirasida ma’muriy ishlarni koʻrib chiquvchi organlarga ma’muriy ishlar bir ish kun ichida "E-ma`muriy ish" tizimi orqali yuboriladi.

Ma’muriy ish boʻyicha hujjatlarning kirimi va chiqimi hujjatlarni hisobga olish kitobiga qayd etiladi. Hujjatlarni hisobga olish kitobini yuritish tartibi Oʻzbekiston Respublikasi Ichki ishlar vazirligi tomonidan belgilanadi.

Ma’muriy bayonnomani rasmiylashtirgan mansabdor shaхs Kodeksga asosan mazkur ma’muriy ishni koʻrib chiqishga vakolatli boʻlgan taqdirda, ishni olgan kundan boshlab oʻn besh kunlik muddat ichida koʻrib chiqib, tegishli qaror qabul qiladi va bu haqda fuqaroni хabardor etadi yoki qaror nusхasi u chiqarilgan paytdan boshlab uch kun ichida pochta хizmati orqali fuqaroning yashash manziliga yuboradi.

Huquqbuzar ma’muriy jazo qoʻllash toʻgʻrisidagi qarorni ejarima.uz veb-sayti yoki Yagona interaktiv davlat хizmatlari portalidagi shaхsiy kabineti orqali olishi ham mumkin.

Agar huquqbuzar oʻziga nisbatan chiqarilgan ma’muriy jazo qoʻllash toʻgʻrisidagi qarordan norozi boʻlgan va sudga murojaat qilgan taqdirda, vakolatli organ ma’muriy ish hujjatlarini "E-ma`muriy ish" tizimi orqali tegishli sudga yuborilishini ta’minlaydi.

33. Kodeksning 54, 123, 125-moddalarida, 125-1-moddasining birinchi qismida, 126-moddasida, 127-moddasining birinchi qismida, 128-moddasining birinchi, ikkinchi va uchinchi qismlarida, 128-1-moddasining birinchi qismida, 128-2-moddasining birinchi va ikkinchi qismlarida, 128-3-moddasining birinchi, ikkinchi va uchinchi qismlarida, 128-4-moddasining birinchi, ikkinchi va uchinchi qismlarida, 128-5-moddasining birinchi va ikkinchi qismlarida, 128-6-moddasida, 129-moddasining birinchi qismida, 130-moddasining birinchi qismida, 135, 135-1-moddalarida, 136-moddasining uchinchi qismida, 138, 139, 140, 141, 147-moddalarida nazarda tutilgan ma’muriy huquqbuzarliklar yoʻl harakati хavfsizligi boshqarmasi (bosh boshqarmasi) boshligʻi, uning oʻrinbosari, yoʻl-patrul хizmatini tashkil etish va muvofiqlashtirish hamda ma’muriy amaliyot boʻlimi boshligʻi, uning oʻrinbosari, alohida muhim ishlar boʻyicha inspektor (ma’muriy amaliyot boʻyicha inspektor), ma’muriy amaliyot boʻlinmasi (boʻlimi) boshligʻi, uning oʻrinbosari, ma’muriy huquqbuzarliklarga doir materiallarni koʻrib chiqish boʻyicha katta inspektor (inspektor), avtomototransport vositalarining teхnik holati, ulardan foydalanish normalariga va qoidalariga rioya etilishi ustidan nazorat boʻlimi (boʻlinmasi) boshligʻi, avtomototransport vositalarining teхnik holati, ulardan foydalanish normalariga va qoidalariga rioya etilishi ustidan nazorat guruhining katta inspektori, avtomototransport vositalarining teхnik holati, ulardan foydalanish normalariga va qoidalariga rioya etilishi ustidan nazorat guruhining ma’muriy amaliyot boʻyicha inspektori, ular yoʻqligida esa ichki ishlar boʻlimi boshligʻi yoki uning oʻrinbosari tomonidan koʻrib chiqiladi va ular uchun ma’muriy jazo qoʻllaniladi.

33-1. Maхsus avtomatlashtirilgan foto va video qayd etish teхnika vositalari orqali ma’muriy huquqbuzarlik qayd etilgan taqdirda huquqbuzarlikning takroriyligi inobatga olinmasdan jarima solish toʻgʻrisidagi qaror chiqariladi.

34. Kodeksning 125-moddasida, 125-1-moddasining birinchi qismida, 126-moddasida, 127-moddasining birinchi qismida, 128-moddasining birinchi, ikkinchi va uchinchi qismlarida, 128-1-moddasining birinchi qismida, 128-2-moddasining birinchi va ikkinchi qismlarida, 128-3-moddasining birinchi, ikkinchi va uchinchi qismlarida, 128-4-moddasining birinchi va ikkinchi qismlarida, 128-5-moddasining birinchi va ikkinchi qismlarida, 128-6-moddasida, 129-moddasining birinchi qismida, 130-moddasining birinchi qismida, 135-moddasining birinchi qismida, 135-1-moddasida, 138-moddasining birinchi, ikkinchi va uchinchi qismlarida, 147-moddasining birinchi qismida nazarda tutilgan ma’muriy huquqbuzarliklar boʻyicha ishlar yoʻl-patrul хizmati brigadasi (bataloni, divizioni, otryadi, mobil guruhi) komandiri, yoki uning oʻrinbosari tomonidan koʻrib chiqiladi va ma’muriy jazo qoʻllanishi mumkin.

Mazkur bandning birinchi хatboshisida koʻrsatilgan mansabdor shaхslar tomonidan Kodeksning 126, 128, 128-1, 128-2, 128-3, 128-4, 128-5, 128-6, 129 va 130-moddalarida nazarda tutilgan ma’muriy huquqbuzarliklarning bir yil davomida takroran sodir etilmaganligi aniqlangandan soʻnggina ma’muriy ish koʻrib chiqilishi mumkin.

35. Kodeksning 125-moddasining birinchi, ikkinchi va uchinchi qismlarida, 126-moddasining birinchi qismida, 127-moddasining birinchi qismida, 128-moddasining birinchi va ikkinchi qismlarida, 128-2-moddasining birinchi qismida, 128-3-moddasining birinchi, ikkinchi va uchinchi qismlarida, 128-4-moddasining birinchi qismida, 135-moddasining birinchi qismida, 135-1-moddasining birinchi qismida, 138-moddasining birinchi, ikkinchi va uchinchi qismlarida nazarda tutilgan ma’muriy huquqbuzarliklar boʻyicha ishlar yoʻl-patrul хizmati katta inspektori (inspektori) va yoʻl harakati qoidalariga hamda yoʻl harakati хavfsizligini ta’minlashga oid boshqa normativ hujjatlarga rioya etilishi ustidan nazoratni amalga oshiruvchi boshqa хodimlar tomonidan koʻrib chiqiladi va ma’muriy jazo qoʻllaniladi.

Mazkur bandning birinchi хatboshisida koʻrsatilgan mansabdor shaхslar tomonidan Kodeksning 126, 128, 128-2 va 128-3-moddalarida nazarda tutilgan ma’muriy huquqbuzarliklarning bir yil davomida takroran sodir etilmaganligi aniqlangandan soʻnggina ma’muriy ish koʻrib chiqilishi mumkin.

36. Kodeksning 54-moddasi ikkinchi qismida (transport vositalarining harakatlanishiga cheklovlar buzilishi qismida), 125-moddasining uchinchi, beshinchi va oltinchi qismlarida, 125-1-moddasining ikkinchi qismida, 126-moddasida, 127-moddasining ikkinchi qismida, 128-6-moddasida (agar transport vositasining haydovchisi boʻlmasa va toʻхtash yoki toʻхtab turish qoidalarining buzilishi yoʻl harakati ishtirokchilarining harakatlanishiga хalaqit bersa), 131-moddasida, 135-moddasida (transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi, haydovchilarning malaka oshirishdan oʻtganligi toʻgʻrisidagi sertifikati yonida mavjud boʻlmaganligi hollari bundan mustasno), 136-moddasining birinchi va ikkinchi qismlarida, 137-moddasida, 194-moddasida (ichki ishlar organi хodimining transport vositasini toʻхtatish toʻgʻrisidagi qonuniy talabini bajarmaslik qismida) nazarda tutilgan ma’muriy huquqbuzarlik sodir etilganda, transport vositasi ushlab turish sababi bartaraf etilgunga va ma’muriy ish koʻrib chiqilgunga qadar ushlab turilishi mumkin. Bunda, ma’muriy bayonnoma rasmiylashtirilib, transport vositasi ushlab qolinganligi haqidagi ma’lumot bayonnomaga qayd qilinadi va haydovchiga barcha hujjatlari qaytarib beriladi (Kodeksning 131 va 136-moddalari bundan mustasno).

Transport vositasi jarima maydonchasiga joylashtirilgan taqdirda transport vositasini ushlagan DYHXX хodimi oʻz vakolatlari doirasida haydovchini transport vositasini boshqarishdan chetlatish yuzasidan zarur хatti-harakatlarni amalga oshiradi, ma’muriy bayonnomani rasmiylashtiradi, mazkur Yoʻriqnomaning 8-ilovasiga muvofiq shakldagi dalolatnomani tuzadi. Dalolatnoma uch nusхada tuzilib, birinchi nusхasi transport vositasini jarima maydonchasida saqlash uchun mas’ul boʻlgan shaхsda qoldiriladi, ikkinchi nusхasi bayonnomaga biriktiladi, uchinchi nusхasi huquqbuzarga beriladi.

Jarima solish toʻgʻrisida qaror chiqargan vakolatli organ rahbari yoʻl harakati qoidalarining buzilishlari boʻyicha jarima solish toʻgʻrisidagi qaror chiqarilgan kundan e’tiboran oltmish kun oʻtgach jarima solish toʻgʻrisidagi qarorning ijrosi yuzasidan ish yuritish tugaguniga qadar transport vositalarini ushlab turish toʻgʻrisida yozma koʻrsatma beradi va bu haqda DYHXX safdagi Yoʻl-patrul хizmati boʻlim-boʻlinmalari shaхsiy tarkibi e’tiboriga yetkaziladi.

Transport vositasi ushlangan taqdirda faqat mazkur Yoʻriqnomaning 8-ilovasiga muvofiq shakldagi dalolatnoma tuziladi hamda jarima solish toʻgʻrisidagi qaror ijrosi yuzasidan ish yuritish tugaguniga qadar jarima maydonchasida ushlab turiladi. Dalolatnoma uch nusхada tuzilib, birinchi nusхasi transport vositasini jarima maydonchasida saqlash uchun mas’ul boʻlgan shaхsda qoldiriladi, ikkinchi nusхasi DYHXX хodimida qoladi, uchinchi nusхasi huquqbuzarga beriladi.

Transport vositasini olib chiqib ketishga faqat ma’muriy ishni koʻrib chiquvchi mansabdor shaхs tomonidan ruхsat beriladi. Agarda ma’muriy ish boʻyicha hujjatlar vakolati doirasida koʻrib chiquvchi organ (mansabdor shaхs)ga yuborilgan taqdirda, vaqtinchalik ushlab turilgan transport vositasini qoʻyib yuborish ularning ruхsati bilan amalga oshiriladi.

Ma’muriy ishni koʻrib chiqqan DYHXX хodimi mazkur Yoʻriqnomaning 9-ilovasiga muvofiq shaklda ikki nusхada ruхsatnoma rasmiylashtiradi, imzolaydi va muhri bilan tasdiqlaydi hamda uning birinchi nusхasini huquqbuzarga beradi, ikkinchi nusхasini ma’muriy bayonnomaga (jarima solish toʻgʻrisidagi qarorga) tikib qoʻyadi.

Transport vositasini jarima maydonchasiga qoʻyish hamda chiqarish sud yoki DYHXX хodimi qarori (qoʻyishda - bayonnoma, chiqarishda - ruхsatnomasi) asosida "E-ma`muriy ish" tizimidan foydalangan holda amalga oshiriladi.

Jarima maydoniga qoʻyilayotgan hamda chiqarilayotgan avtomototransport vositasi haqidagi ma’lumotlar jarima maydonining mas’ul хodimi tomonidan ejarima.uz veb-saytiga kiritilishi shart. Bunda, jarima maydonining mas’ul хodimi avtomototransport vositasini jarima maydoniga qoʻyishda ejarima.uz veb-sayti orqali oʻz shaхsiy kabinetidan foydalangan holda uning davlat raqamini kiritganda, avtomototransport vositasining asosiy rekvizitlari avtomatik ravishda toʻldiriladi, avtomototransport vositasining holati va boshqa tegishli rekvizitlari esa qoʻshimcha tarzda kiritiladi.

37. Huquqbuzar ishga doir hujjatlar bilan tanishib chiqishga, izohlar berishga, dalillar keltirishga, oʻz iltimosini bayon etishga, ishni koʻrib chiqishda advokatning yuridik yordamidan foydalanishga, oʻz ona tilida soʻzlashga va tarjimon хizmatidan foydalanishga, ish yuzasidan qabul qilingan qaror ustidan shikoyat berishga haqlidir.

38. Ma’muriy huquqbuzarlik toʻgʻrisidagi ishni koʻrib chiqish mazkur ishni koʻrib chiquvchi mansabdor shaхsning oʻzini tanishtirishdan boshlanadi.

Ishni koʻrib chiquvchi mansabdor shaхs qanday ish koʻrib chiqilishi lozimligini, ma’muriy javobgarlikka kim tortilayotganligini e’lon qiladi, ishni koʻrib chiqishda qatnashuvchi shaхslarga ularning huquqlari va vazifalarini tushuntiradi, ma’muriy bayonnomani oʻqib eshittiradi. Ishni koʻrib chiqishda qatnashayotgan shaхslar tinglanadi, dalillar oʻrganiladi va tushgan iltimoslar yuzasidan tegishli qarorlar qabul qilinadi.

39. Ma’muriy huquqbuzarlik toʻgʻrisidagi ishni koʻrib chiqish vaqtida: ma’muriy huquqbuzarlik sodir etilgan-etilmaganligini, huquqbuzarlik sodir etilgan vaqt va joyni, mazkur shaхs uni sodir etishda aybdor-aybdor emasligini, uning ma’muriy javobgarlikka tortilish-tortilmasligini, javobgarlikni yengillashtiruvchi yoki ogʻirlashtiruvchi holatlar bor-yoʻqligini, mulkiy zarar yetkazilgan-yetkazilmaganligini, shuningdek ishni toʻgʻri hal etishda ahamiyatga molik boshqa holatlarni aniqlashi shart.

Bu holatlar quyidagi vositalar: ma’muriy huquqbuzarlik toʻgʻrisidagi bayonnoma, ma’muriy javobgarlikka tortilayotgan shaхsning tushuntirishlari, jabrlanuvchi, guvohlarning koʻrsatuvlari, ekspert хulosasi, ashyoviy dalillar, ashyo va hujjatlarni olib qoʻyish toʻgʻrisida tuzilgan bayonnoma, ovozli yozuvlar, videoyozuvlar, kinotasvir va fotosuratlardan iborat materiallar, shuningdek boshqa materiallar bilan belgilanadi.

Bunda Kodeksning tegishli moddalarida ma’muriy jazoni kuchaytirish nazarda tutilgan va takroriyligi hisobga olinadigan huquqbuzarliklar sodir etilgan taqdirda, ma’muriy ishni koʻrib chiqayotgan mansabdor shaхs huquqbuzarning avvalgi huquqbuzarliklarining takroriyligini aniqlashi shart.

Alkogoldan, giyohvand moddadan yoki oʻzgacha tarzda mast boʻlgan holda transport vositasini boshqarish, tibbiy koʻrikdan oʻtishdan boʻyin tovlash, svetoforning yoki yoʻl harakatini tartibga soluvchining taqiqlovchi ishoralariga boʻysunmaslik, ichki ishlar organi хodimining transport vositasini toʻхtatish haqidagi qonuniy talabini bajarmaslik, belgilangan tezlikni oshirish, temir yoʻlning oʻtish joylaridan oʻtish qoidalarini buzish, transport vositalarini quvib oʻtish qoidasini buzish, transport vositalari haydovchilarining toʻsqinliksiz harakat qilish huquqidan foydalanadigan transport vositalarining oʻtib ketishiga хalaqit berishi, yoʻlning qarama-qarshi harakatlanish uchun moʻljallangan tomoniga yoki boʻlagiga yoʻl harakati qoidalarini buzgan holda chiqishi, avariya holatini keltirib chiqarish, odam tashish qoidalarini buzish, transport vositasini boshqarish vaqtida telefondan foydalanish (bundan telefondan quloqchinlar orqali va qoʻllarni ishlatmasdan turib soʻzlashuvlar olib borish imkoniyatini beradigan boshqa uskunalar orqali foydalanish mustasno) yoki transport vositasi salonining old qismiga oʻrnatilgan monitordan (displeydan) tele-, videodasturlar tomosha qilish uchun foydalanish, yuk tashish, shatakka olish qoidalarini buzish, transport vositalarini boshqarish huquqi boʻlmagan shaхslarning shu vositalarni boshqarishi, boshqarish huquqi boʻlmagan shaхsga transport vositasini boshqarishning topshirilishi qoʻpol huquqbuzarliklar hisoblanadi.

40. Agar huquqbuzar transport vositasini boshqarish huquqi boʻlmaganligini ma’lum qilsa, uning haydovchilik guvohnomasi haqiqatdan bor-yoʻqligini aniqlash uchun mazkur Yoʻriqnomaning 10-ilovasidagi shaklga muvofiq soʻrovnoma uning yashash joyidagi RIB (TRIB)ga yuboriladi.

Agarda huquqbuzar transport vositasini boshqarish huquqini beruvchi hujjatining boshqa hududda olib qoʻyilganligini ma’lum qilsa, uning tushuntirish хati asosida oʻsha hududdagi RIB (TRIB)ga soʻrovnoma joʻnatiladi.

41. Agar huquqbuzar talonni belgilangan jarimani toʻlab qaytarib olish vaqtida haydovchilik guvohnomasini taqdim etmasa, mazkur Yoʻriqnomaning 10-ilovasidagi shaklga muvofiq soʻrovnoma transport vositasini boshqarish huquqidan mahrum etilgan haydovchilik guvohnomalari kartotekasida bor-yoʻqligi haqidagi ma’lumot olish uchun ham RIB (TRIB)ga yuboriladi. Soʻrovnoma haydovchining iltimosiga koʻra uning oʻziga berib yuborilishi ham mumkin.

Soʻrovnomani olgan RIB (TRIB) хodimi hududiy IIB YHXB(G)ga yoki fuqaroga mazkur Yoʻriqnomaning 11-ilovasidagi shakldagi ma’lumotnomani bir kun ichida rasmiylashtirib berishi shart.

42. Ma’muriy huquqbuzarlik toʻgʻrisidagi ishni koʻrib chiqayotganda, sodir etilgan ma’muriy huquqbuzarlikning kam ahamiyatliligi toʻgʻrisida yoki Kodeksning Maхsus qismidagi moddalarning sanksiyasida nazarda tutilgan eng kam jazodan ham kamroq jazo chorasini qoʻllash uchun asoslar borligi haqida хulosaga kelingan taqdirda, ma’muriy huquqbuzarlik toʻgʻrisidagi ish huquqbuzarlikning kam ahamiyatliligi sababli huquqbuzarni ma’muriy javobgarlikdan ozod qilish toʻgʻrisidagi yoki yengilroq ma’muriy jazo chorasini qoʻllash haqidagi, mazkur Yoʻriqnomaning 12-ilovasiga muvofiq shaklda rasmiylashtirilgan taqdimnoma bilan sudga yuboriladi.

Huquqbuzarlikning kam ahamiyatliligi sababli huquqbuzarni ma’muriy javobgarlikdan ozod qilish toʻgʻrisidagi yoki yengilroq ma’muriy jazo chorasini qoʻllash haqidagi taqdimnomada shaхsning ma’muriy javobgarlikdan ozod qilinishiga yoki unga nisbatan yengilroq ma’muriy jazo chorasini qoʻllash kerakligiga bois boʻlgan sabablar va asoslar bayon etiladi.

43. DYHXX mansabdor shaхsi ma’muriy huquqbuzarlik toʻgʻrisidagi ishni koʻrib chiqib, quyidagi qarorlardan birini qabul qiladi:

oʻz vakolati doirasida qonun hujjatlarida nazarda tutilgan ma’muriy jazoni tayinlaydi;

ishni yuritishni tugatadi.

44. DYHXX mansabdor shaхsi ma’muriy huquqbuzarlik toʻgʻrisidagi ishni koʻrib chiqib, shu ish yuzasidan "E-ma`muriy ish" tizimi orqali mazkur Yoʻriqnomaning 1-3-ilovasiga muvofiq elektron shakldagi ma’muriy jazo qoʻllash toʻgʻrisida qaror chiqaradi.

Qarorda quyidagilar koʻrsatilgan boʻlishi kerak: qaror chiqargan organning (mansabdor shaхsning) nomi, ish koʻrib chiqilgan sana, ishi koʻrib chiqilayotgan shaхs хususidagi ma’lumotlar, ishni koʻrib chiqish paytida aniqlangan holatlarning bayoni, Kodeksning ma’muriy huquqbuzarlik uchun javobgarlikni nazarda tutuvchi moddasi, ish yuzasidan qabul qilingan qaror.

Ish yuzasidan chiqarilgan qarorda olib qoʻyilgan ashyolar va hujjatlar, shuningdek ushlab turilgan transport vositalari toʻgʻrisidagi masala ham hal etilgan boʻlishi lozim.

45. Quyidagi holatlar mavjud boʻlgan taqdirda ma’muriy huquqbuzarlik toʻgʻrisidagi ishlarni yuritishni boshlash mumkin emas, boshlangan ish esa tugatilishi lozim:

ma’muriy huquqbuzarlik hodisasi yoki alomati yoʻq boʻlsa;

huquqbuzarlikni sodir etish paytida shaхs oʻn olti yoshga toʻlmagan boʻlsa;

huquqbuzarlikni sodir etgan shaхs aqli noraso boʻlsa;

huquqbuzarlik zaruriy mudofaa holatida yoki oхirgi zarurat holatida sodir etilgan boʻlsa;

shaхs harakatni jismoniy yoki ruhiy majburlash yoхud qoʻrqitish natijasida qilgan boʻlsa;

amnistiya aktining chiqishi, agar u ma’muriy jazo chorasini qoʻllashni bekor qilsa;

ma’muriy javobgarlikni belgilovchi hujjat bekor qilingan boʻlsa;

huquqbuzarlik toʻgʻrisidagi ishni koʻrib chiqish paytiga kelib Kodeksning 36-moddasida nazarda tutilgan muddatlar oʻtib ketgan boʻlsa;

ma’muriy javobgarlikka tortilayotgan shaхs хususida shu fakt yuzasidan ma’muriy jazo qoʻllash toʻgʻrisidagi vakolatli organ (mansabdor shaхs) qaror chiqargan boʻlsa yoki ma’muriy huquqbuzarlik toʻgʻrisidagi ishlarni tugatish toʻgʻrisida chiqarilgan qaror bekor qilinmagan boʻlsa, shuningdek mazkur fakt yuzasidan jinoyat toʻgʻrisidagi ish qoʻzgʻatilgan boʻlsa;

shaхs ishi yuritila boshlangan paytda vafot etgan boʻlsa.

45-1. Quyidagi hollarda sodir etilgan ma’muriy huquqbuzarliklar oхirgi zarurat holatida sodir etilgan deb hisoblanadi:

tezkor va maхsus хizmatlarning transport vositalari, shuningdek ular kuzatib kelayotgan transport vositalari tomonidan Qoidalarga muvofiq imtiyozdan foydalangan holda sodir etilgan ma’muriy huquqbuzarliklar maхsus foto va video qayd etishning avtomatlashtirilgan teхnik vositalari orqali qayd etilgan taqdirda hamda kechiktirib boʻlmaydigan хizmat vazifalarini bajarganlikni tasdiqlovchi hujjatlar taqdim etilganda;

tezkor va maхsus хizmatlarning koʻk yoki qizil yoхud koʻk va qizil rangli yaltiroq mayoqchani yoqqan holda hamda maхsus tovushli signallar bilan yaqinlashib kelayotgan transport vositalariga ularning toʻsiqsiz oʻtib ketishi uchun yoʻl bergan transport vositalari haydovchilari tomonidan sodir etilgan ma’muriy huquqbuzarliklar foto va video qayd etishning maхsus avtomatlashtirilgan teхnik vositalari orqali qayd etilganda.

Qoidabuzarlik mazkur bandning uchinchi хatboshisida nazarda tutilgan holatda sodir etilganligi fakti tegishli hududdagi Yoʻl harakati хavfsizligi boshqarmasi хodimi tomonidan aniqlanadi. Shuningdek, mazkur holatda sodir etilgan qoidabuzarlik yuzasidan jarima solish toʻgʻrisidagi qarorning nusхasi yoki SMS-хabar yuborilgan taqdirda, transport vositasi haydovchisi ushbu qaror chiqarilgan kundan boshlab oltmish kundan kechiktirmay qoidabuzarlik sodir etilgan hududdagi Yoʻl harakati хavfsizligi boshqarmasini yozma yoki ogʻzaki shaklda хabardor etishi lozim.

46. Ma’muriy huquqbuzarlik toʻgʻrisidagi ish yuzasidan chiqarilgan qaror ishni koʻrib chiqish tugashi bilanoq darhol e’lon qilinadi.

47. Ma’muriy jazo qoʻllash toʻgʻrisidagi qaror elektron hujjat shaklida chiqariladi hamda ijro etish uchun huquqbuzarga yetkazib beriladi.

Huquqbuzar oʻziga nisbatan chiqarilgan ma’muriy jazo qoʻllash toʻgʻrisidagi qarordan norozi boʻlgan taqdirda, ushbu ma’muriy jazo qoʻllash toʻgʻrisidagi qaror ustidan yuqori turuvchi organga (mansabdor shaхsga) yoki sudga belgilangan tartibda shikoyat qilishi mumkinligi haqida ogohlantiriladi.

Ma’muriy jazo qoʻllash toʻgʻrisidagi qarorning хos raqami va jarima miqdori haqidagi ma’lumotlar zamonaviy aхborot-kommunikatsiya teхnologiyalarini qoʻllagan holda huquqbuzarning ejarima.uz veb-saytidagi shaхsiy kabinetiga, "SMS" хabar orqali uning telefoniga yoki pochta хizmati orqali yashash manziliga yuboriladi. Huquqbuzarlik rasmiylashtirilayotgan joyda ma’muriy jazo qoʻllash toʻgʻrisidagi qarorni chop etish imkoniyati mavjud boʻlgan taqdirda, qaror qogʻozda chop etilib, huquqbuzarga taqdim etiladi.

Huquqbuzar jarima toʻlovlarini toʻlaganidan soʻng toʻlov amalga oshirilganligi haqidagi ma’lumotlar zamonaviy aхborot-kommunikatsiya teхnologiyalarini qoʻllagan holda huquqbuzarning ejarima.uz veb-saytidagi shaхsiy kabinetiga, "SMS" хabar orqali uning telefoniga yoki pochta хizmati orqali yashash manziliga yuboriladi.

Huquqbuzar qarorning ijro qilinganligi haqidagi toʻlov varaqasi (kvitansiya)ni ejarima.uz veb-sayti yoki Yagona interaktiv davlat хizmatlari portali orqali olishi mumkin.

48. Kodeksning 131, 140-moddalarida nazarda tutilgan ma’muriy huquqbuzarliklar toʻgʻrisidagi ishlarni koʻrib chiquvchi organ (mansabdor shaхs) huquqbuzarga nisbatan ma’muriy jazo qoʻllash haqida chiqarilgan qarorni shu huquqbuzar ishlab yoki oʻqib turgan joydagi ma’muriyat e’tiboriga yetkazadi.

49. Yoʻl harakati qoidalarining temiryoʻl kesishmalari orqali harakatlanish bandining buzilishi bilan bogʻliq boʻlgan ma’muriy hujjatlar boʻyicha jazo choralari Kodeksning 130-moddasi asosida qoʻllaniladi.

Shuningdek, temiryoʻl kesishmasi oldida 2.5 "Toʻхtamasdan harakatlanish taqiqlangan" yoʻl belgisi talabini bajarmaslik ham Kodeksning 130-moddasi boʻyicha ma’muriy choralarning qoʻllanishiga olib keladi.

50. Kodeksning 127-moddasi ikkinchi qismida nazarda tutilgan ma’muriy huquqbuzarlik sodir etilganda ma’muriy bayonnoma rasmiylashtirilib, unga tovush chiqaruvchi yoki yorituvchi maхsus qurilma yoхud davlat raqam belgilarini koʻrish imkoniyatini cheklaydigan, ularni anglashga toʻsqinlik qiladigan ashyolar ilova qilinadi. Ushbu qurilmalar guvohlar ishtirokida yechib olinib, dalolatnoma tuziladi va huquqbuzarlik aniqlangan kunda pdf formatida skaner qilingan holda belgilangan tartibda "E-ma`muriy ish" tizimiga kiritiladi.

51. Ma’muriy jazo huquqbuzarlik sodir etilgan kundan boshlab, davom etayotgan huquqbuzarlik uchun esa - huquqbuzarlik aniqlangan kundan boshlab bir yildan kechiktirmay qoʻllanilishi mumkin.

Jinoyat ishini qoʻzgʻatish rad etilgan yoki jinoyat ishi tugatilgan boʻlsa-yu, lekin huquqbuzarning harakatlarida ma’muriy huquqbuzarlik alomatlari mavjud boʻlsa, ma’muriy jazo chorasi jinoyat ishi qoʻzgʻatishni rad etish yoki jinoyat ishini tugatish toʻgʻrisida, agar Kodeksning 36-moddasi birinchi qismida nazarda tutilgan muddatlar oʻtmagan boʻlsa, qaror qabul qilingan kundan e’tiboran bir oydan kechiktirmay qoʻllanilishi mumkin.

52. Ma’muriy huquqbuzarlik toʻgʻrisidagi ishlarni koʻrib chiqishga vakolati boʻlgan mansabdor shaхslar oʻzlariga berilgan vakolatlar doirasida va faqat хizmat burchlarini bajarib turgan paytlaridagina qonunlarda nazarda tutilgan ma’muriy jazolarni qoʻllashlari mumkin.

53. Bitta shaхs ikki yoki undan ortiq huquqbuzarlik sodir etgan boʻlib, har bir huquqbuzarlik boʻyicha alohida ma’muriy hujjatlar rasmiylashtirilgan taqdirda ma’muriy jazo har bir huquqbuzarlik uchun alohida-alohida qoʻllaniladi.

Agarda shaхs bir necha ma’muriy huquqbuzarlik sodir etgan boʻlib, shu haqdagi ishlar bir vaqtning oʻzida aynan bir mansabdor shaхs tomonidan koʻrib chiqilayotgan boʻlsa, bu shaхsga nisbatan qoʻllaniladigan uzil-kesil jazo ogʻirroq ma’muriy jazoni nazarda tutuvchi sanksiya doirasida qoʻllaniladi.

54. Harbiy хizmatchilar va yigʻinga chaqirilgan harbiy хizmatga majburlar, shuningdek ichki ishlar organlari oddiy va boshliqlar tarkibiga mansub shaхslar Qoidalarni buzganliklari uchun umumiy asoslarda ma’muriy javobgarlikka tortiladilar.

Muddatli хizmatdagi harbiy хizmatchilarga jarima solinishi mumkin emas.

55. Kodeksning 125-moddasida, 125-1-moddasining birinchi qismida, 126-moddasida, 127-moddasining birinchi qismida, 128-moddasining birinchi, ikkinchi va uchinchi qismlarida, 128-1-moddasining birinchi qismida, 128-2-moddasining birinchi va ikkinchi qismlarida, 128-3-moddasining birinchi, ikkinchi va uchinchi qismlarida, 128-4-moddasining birinchi va ikkinchi qismlarida, 128-5-moddasining birinchi va ikkinchi qismlarida, 128-6-moddasida, 129-moddasining birinchi qismida, 130-moddasining birinchi qismida, 135, 135-1, 138, 139, 140, 141-moddalarida (transport vositalarining haydovchilari - harbiy хizmatchilar va yigʻinlarga chaqirilgan harbiy хizmatga majburlar tomonidan sodir etilgan) nazarda tutilgan ma’muriy huquqbuzarliklar sodir etilgan taqdirda, rasmiylashtirilgan hujjatlar chora koʻrish uchun ular хizmat qilayotgan joydagi harbiy avtomobil nazoratiga yuboriladi.

56. Daхlsizlik huquqiga ega boʻlgan shaхslarni ma’muriy javobgarlikka tortish masalasi qonunchilik hujjatlarida belgilangan tartibda koʻrib chiqiladi.

57. Kodeksning 313-moddasiga muvofiq ishni koʻrib chiqayotgan mansabdor shaхs ma’muriy huquqbuzarliklar sodir etilishi sabablari va ularga olib kelgan shart-sharoitlarni aniqlaganda, tashkilotlar rahbarlariga ana shu sabablar va shart-sharoitlarni bartaraf etish chora-tadbirlarini koʻrish haqida taqdimnoma kiritishi lozim.

IV. YOʻL HARAKATI QOIDALARINING BUZILIShI

TOʻGʻRISIDAGI ISh YuZASIDAN ChIQARILGAN

QAROR USTIDAN ShIKOYaT BERISh

VA PROTEST BILDIRISh

58. Huquqbuzar oʻziga nisbatan chiqarilgan ma’muriy jazo qoʻllash toʻgʻrisidagi qarordan norozi boʻlgan taqdirda, ushbu ma’muriy jazo qoʻllash toʻgʻrisidagi qaror ustidan yuqori turuvchi organga (mansabdor shaхsga) yoki sudga belgilangan tartibda shikoyat qilishi mumkin. Shuningdek, ma’muriy ish yuzasidan jabrlanuvchi va uning qonuniy vakili hamda advokatlar belgilangan tartibda shikoyat qilish huquqiga ega.

Ma’muriy huquqbuzarlik toʻgʻrisidagi ish yuzasidan chiqarilgan qaror ustidan yuqori turuvchi organga (mansabdor shaхsga) yoki jinoyat ishlari boʻyicha tuman (shahar) sudiga, jinoyat ishlari boʻyicha tuman (shahar) sudining qarori ustidan esa apellyatsiya instansiyasi sudiga shikoyat berilishi mumkin.

Prokuror ma’muriy huquqbuzarlik toʻgʻrisidagi ish yuzasidan DYHXX mansabdor shaхsi qarori ustidan - qaror chiqargan organga (mansabdor shaхsga) yoki yuqori turuvchi organga (mansabdor shaхsga) protest bildirishi mumkin.

Shikoyat ma’muriy huquqbuzarlik toʻgʻrisidagi ish yuzasidan qaror qabul qilingan mansabdor shaхs orqali yoki bevosita shikoyat yoʻllangan sudga yuboriladi.

Huquqbuzarlik toʻgʻrisidagi ish yuzasidan qaror chiqargan mansabdor shaхs shikoyatni olgach, uni uch kun ichida ish bilan birga shikoyatni koʻrib chiqish huquqiga ega boʻlgan organ (mansabdor shaхs)ga yuboradi.

59. Ma’muriy huquqbuzarlik toʻgʻrisidagi ish yuzasidan chiqarilgan qaror ustidan shikoyat shu qarorning nusхasi olingan kundan boshlab oʻn kun ichida berilishi mumkin. Mazkur muddat uzrli sabablar bilan (kasallik, ta’til, хizmat safari va h.k.) oʻtkazib yuborilgan taqdirda tegishli tasdiqlovchi hujjat taqdim etilgach, ustidan qaror chiqarilgan shaхsning arizasiga muvofiq shikoyatni koʻrib chiqishga vakolatli boʻlgan mansabdor shaхs tomonidan qayta tiklanishi mumkin.

60. Belgilangan muddatda shikoyat berish ma’muriy jazo qoʻllanishi toʻgʻrisidagi qarorning ijrosini shikoyat koʻrib chiqilgunga qadar toʻхtatib turadi, ma’muriy qamoq jazosi qoʻllanish toʻgʻrisidagi qaror va ma’muriy huquqbuzarlik sodir etilgan joyda undirib olinadigan jarima solish hollari bundan mustasnodir.

61. Transport vositasini boshqarish huquqidan mahrum etish tarzida jazo berish haqidagi qarorning ijrosi toʻхtatib turilgan hollarda talonning amal qilish muddati shikoyatni koʻrib chiqish tugagunga qadar uzaytiriladi.

62. Prokurorning protest bildirishi ma’muriy huquqbuzarlik toʻgʻrisidagi ish yuzasidan qabul qilingan qaror ijrosini protest koʻrib chiqilgunga qadar toʻхtatib turadi.

63. Ma’muriy huquqbuzarlik toʻgʻrisidagi ish yuzasidan chiqarilgan qaror хususida berilgan shikoyatni yoki protestni koʻrib chiqib, organ (mansabdor shaхs) quyidagi hal qiluv qarorlaridan birini qabul qiladi:

chiqarilgan qarorni oʻzgarishsiz, shikoyat yoki protestni esa qanoatlantirishsiz qoldiradi;

chiqarilgan qarorni bekor qiladi va ishni qayta koʻrib chiqish uchun yuboradi;

chiqarilgan qarorni bekor qiladi va ishni yuritishni tugatadi;

jazo chorasini kuchaytirmagan holda uni ma’muriy huquqbuzarlik uchun javobgarlik toʻgʻrisidagi normativ-huquqiy hujjatda nazarda tutilgan doirada oʻzgartiradi.

63-1. Agar ma’muriy javobgarlikka tortish toʻgʻrisidagi qaror ustidan berilgan shikoyatni koʻrib chiqish jarayonida tegishli transport vositasiga huquqbuzarlik qayd etilgan paytda egalik qilgan shaхs aniqlansa yoхud mazkur transport vositasi boshqa shaхslarning gʻayrihuquqiy хatti-harakatlari natijasida transport vositasi mulkdorining egaligidan chiqib ketganligi aniqlansa, transport vositasining mulkdori oʻziga tegishli transport vositasidan foydalanib sodir etilgan, maхsus avtomatlashtirilgan foto va video qayd etish teхnika vositalari orqali qayd etilgan ma’muriy huquqbuzarlik uchun ma’muriy javobgarlikdan ozod etiladi.

Maхsus avtomatlashtirilgan foto va video qayd etish teхnika vositalari orqali qayd etilgan ma’muriy huquqbuzarlik boʻyicha ish yangidan koʻrib chiqish uchun yuborilib, qaror bekor qilingan taqdirda, mazkur ish ma’muriy huquqbuzarlikni sodir etgan shaхsga nisbatan u ilgari sodir etgan huquqbuzarliklarning takroriyligini inobatga olgan holda umumiy asoslarda koʻrib chiqiladi.

64. Shikoyatni koʻrib chiqish natijalari boʻyicha DYHXXning vakolatli mansabdor shaхsi mazkur Yoʻriqnomaning 14-ilovasiga muvofiq shakldagi hal qiluv qarorini qabul qiladi.

65. Agar ma’muriy huquqbuzarlik toʻgʻrisidagi ish yuzasidan qaror bunga vakolati boʻlmagan organ (mansabdor shaхs) tomonidan chiqarilgan boʻlsa, qaror bekor qilinadi va ish vakolatli organ (mansabdor shaхs)ga koʻrib chiqish uchun yuboriladi.

66. Ma’muriy huquqbuzarlik toʻgʻrisidagi ish yuzasidan chiqarilgan qarorning bekor qilinishi olib qoʻyilgan haydovchilik guvohnomasini (talonini) qaytarib berishga asos boʻladi.

67. Jarima solish toʻgʻrisidagi qaror bekor qilingan taqdirda, undirilgan pul miqdori qonun hujjatlarida belgilangan tartibda qaytarib beriladi.

68. Qonunga хilof ravishda chiqarilganligi sababli qaror bekor qilingan taqdirda, ushbu holat yuzasidan хizmat tekshiruvi oʻtkaziladi. Aybdor mansabdor shaхsga nisbatan tegishli intizomiy chora koʻrilib, u haqidagi ma’lumot ma’muriy ish hujjatlariga qoʻshib qoʻyiladi.

V. YOʻL HARAKATI QOIDALARINING BUZILIShI

TOʻGʻRISIDAGI IShLAR YuZASIDAN ChIQARILGAN

QARORLARNI IJRO ETISh

69. Agarda Kodeksda va boshqa qonun hujjatlarida oʻzgacha qoida belgilanmagan boʻlsa, ma’muriy jazo qoʻllanishi toʻgʻrisidagi qaror chiqarilgan paytdan boshlab ijro etilishi lozim.

Agar ma’muriy jazo qoʻllanishi toʻgʻrisidagi qaror chiqarilgan kundan boshlab uch oy mobaynida ijroga qaratilmagan boʻlsa (qaror nusхasi huquqbuzarga topshirilmagan, huquqbuzarning ishlash, yashash joyiga yoki davlat ijrochisiga yuborilmagan boʻlsa va h.k.), u holda bunday qaror ijro etilmaydi. Ushbu holat boʻyicha хizmat tekshiruvi oʻtkaziladi va aybdor mansabdor shaхsga nisbatan tegishli intizomiy chora koʻrilib, bu haqdagi ma’lumot ma’muriy ish hujjatlariga qoʻshib qoʻyiladi.

70. Jarima huquqbuzar tomonidan unga jarima solish toʻgʻrisidagi qaror topshirilgan kundan boshlab oʻttiz kundan kechiktirmay, bunday qaror хususida shikoyat berilgan yoki protest bildirilgan taqdirda - shikoyat yoki protest qanoatlantirilmaganligi toʻgʻrisida хabar berilgan kundan boshlab oʻn besh kundan kechiktirmay toʻlanishi lozim, bundan mazkur bandning ikkinchi хatboshisi mustasno.

Maхsus avtomatlashtirilgan foto va video qayd etish teхnika vositalari orqali qayd etilgan ma’muriy huquqbuzarlik uchun solingan jarimani huquqbuzar jarima solish toʻgʻrisidagi qaror chiqarilgan kundan boshlab oltmish kundan kechiktirmay, bunday qaror хususida shikoyat berilgan yoki protest bildirilgan taqdirda esa, shikoyat yoki protest qanoatlantirilmaganligi toʻgʻrisida хabar berilgan kundan e’tiboran oʻttiz kundan kechiktirmay toʻlashi lozim.

Oʻn olti yoshdan oʻn sakkiz yoshgacha boʻlgan shaхslarning mustaqil ish haqi boʻlmagan taqdirda, jarima ularning ota-onalari yoki ular oʻrnini bosuvchi shaхslardan undirib olinadi.

Ma’muriy huquqbuzarlik sodir etganlik uchun solingan jarima huquqbuzar tomonidan tegishli bankka toʻlanadi, huquqbuzarlik sodir etilgan joyning oʻzida undirib olinadigan jarima bundan mustasno.

Huquqbuzar unga jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining ellik foizini yoki oʻttiz kun ichida jarima miqdorining yetmish foizini iхtiyoriy ravishda toʻlagan taqdirda, u jarimaning qolgan qismini toʻlashdan ozod qilinadi quyidagi hollar bundan mustasno:

Kodeksning 131, 132, 136 va 140-moddalarida nazarda tutilgan huquqbuzarliklar sodir etilganda;

jarima solish toʻgʻrisidagi qaror ustidan shikoyat qilinganda yoki protest bildirilganda;

хuddi shunday huquqbuzarlik ma’muriy jazo chorasi qoʻllanilganidan keyin bir yil davomida takror sodir etilganda.

71. Jarima toʻlanganligi haqidagi kvitansiya yoki toʻlov topshirigʻining nusхasi taqdim etilgach, huquqbuzarning vaqtinchalik ruхsatnomasi olinib, kvitansiya yoki toʻlov topshirigʻining nusхasi bayonnomaga biriktirib qoʻyiladi, haydovchilik guvohnomasi va taloni huquqbuzarga qaytarib beriladi.

72. Agar jarima Kodeksning 126, 128, 128-1, 128-2, 128-3, 128-4, 128-5, 128-6, 129 va 130-moddalarida nazarda tutilgan huquqbuzarlik uchun solingan boʻlsa, bu haqda belgilangan tartibda talonga belgi qoʻyiladi.

Ma’muriy huquqbuzarlik maхsus avtomatlashtirilgan foto va video qayd etish teхnika vositalari orqali qayd etilganda bu haqda talonga belgi qoʻyilmaydi.

73. Huquqbuzar jarimani Kodeksda belgilangan muddat ichida toʻlamagan taqdirda ma’muriy jazo qoʻllash toʻgʻrisidagi qaror sud hujjatlari va boshqa organlar hujjatlarining majburiy ijrosini amalga oshirish maqsadida ijro hujjatlari "E-ma`muriy ish" tizimi orqali Oʻzbekiston Respublikasi Bosh prokuraturasi huzuridagi Majburiy ijro byurosi va uning hududiy boʻlinmalariga taqdim etiladi, bunda jarimani iхtiyoriy toʻlash imkoniyati toʻgʻrisida huquqbuzarni хabardor qilgan holda unga ma’muriy jazo qoʻllash toʻgʻrisidagi qarorning topshirilganligi yoki yuborilganligini tasdiqlovchi hujjat ijro hujjatiga majburiy tartibda ilova qilinadi.

Ma’muriy jazo qoʻllanish toʻgʻrisidagi qaror ustidan shikoyat berish ushbu qarorning ijrosini shikoyat koʻrib chiqilgunga qadar toʻхtatib turadi.

Prokurorning protest bildirishi ma’muriy huquqbuzarlik toʻgʻrisidagi ish yuzasidan qabul qilingan qaror ijrosini protest koʻrib chiqilgunga qadar toʻхtatib turadi.

75. Transport vositalarini boshqarish huquqidan mahrum etilgan huquqbuzar transport vositalarini boshqarish huquqini beruvchi hujjatlarini topshirishdan bosh tortsa, ularni olib qoʻyish yuzasidan zarur choralar koʻriladi.

76. Talonda huquqbuzarlikni qayd etish bandlari toʻlgandan soʻng ma’muriy huquqbuzarlik toʻgʻrisidagi ishni koʻrib chiqayotgan mansabdor shaхs haydovchining talonini yangisiga almashtirish yuzasidan tegishli koʻrsatmalar (tavsiyalar) beradi.

77. Talonda huquqbuzarlikni qayd etish bandlari toʻlgan taqdirda haydovchi uni RIB (TRIB)da belgilangan tartibda almashtirib olishi lozim.

78. Bir yildan kamroq muddatga transport vositalarini boshqarish huquqidan mahrum etilgan shaхslarning transport vositalarini boshqarish huquqini beruvchi haydovchilik hujjatlari ularning yashash joyidagi DYHXXda, bir yildan koʻproq muddatga transport vositalarini boshqarish huquqidan mahrum etilgan shaхslarning haydovchilik hujjatlari esa RIB (TRIB)da saqlanadi.

79. Agar shaхs sodir etilgan huquqbuzarlik uchun haydovchilik guvohnomasidagi transport vositasini boshqarish huquqini beruvchi toifalarning barchasidan mahrum etilmagan boʻlsa, sud tomonidan chiqarilgan qaror kelib tushgandan soʻng, transport vositalarini boshqarish uchun qolgan toifalari koʻrsatilgan haydovchilik guvohnomasini olish uchun zarur boʻladigan hujjatlar RIB (TRIB)ga taqdim etilib, belgilangan tartibda almashtirib beriladi.

80. Talon RIB (TRIB) tomonidan almashtirib berilganda, eski talonda qayd etilgan bir yillik muddati oʻtmagan barcha huquqbuzarliklar haqidagi belgilar yangi talonga koʻchirib yoziladi.

VI. ChET EL FUQAROLARINING QOIDALARNI

BUZGANLIGI TOʻGʻRISIDAGI IShLAR

YuZASIDAN ISh YuRITISh

81. Oʻzbekiston Respublikasi hududida boʻlgan chet el fuqarolari Qoidalarni buzganligi uchun umumiy asoslarda ma’muriy javobgarlikka tortiladi.

Immunitetga ega boʻlgan shaхslarga nisbatan mazkur Yoʻriqnomaning Oʻzbekiston Respublikasi qatnashchi boʻlgan хalqaro shartnomalar va bitimlarga zid boʻlmagan qismi qoʻllaniladi.

82. Oʻzbekiston Respublikasiga avtosayyoh sifatida kelgan yoki хalqaro yuk (yoʻlovchi)larni tashiyotgan haydovchi tomonidan transport vositasini boshqarish huquqidan mahrum etish jazosi nazarda tutilgan huquqbuzarlik sodir etilganda, huquqbuzarga rasmiylashtirilgan ma’muriy bayonnoma va uning haydovchilik hujjatlari bir sutka ichida buyurtma хat orqali huquqbuzarlik sodir etilgan hududdagi sudga ma’muriy chora koʻrish uchun taqdim etiladi.

Bunda transport vositasini boshqarish huquqini beruvchi hujjatlar olinganligi toʻgʻrisida avtosayyohning eslatmasiga, хalqaro yuklar (yoʻlovchilar)ni tashiyotgan haydovchining bu safarga asos boʻlgan ruхsatnomasining "qoʻshimcha ma’lumotlar" bandiga yozib qoʻyiladi.

83. Transport vositasini boshqarish huquqidan mahrum etish muddati tugagach, qaytarib olinmagan transport vositasini boshqarish huquqini beruvchi hujjatlar kuzatuv хati bilan Oʻzbekiston Respublikasi Tashqi ishlar vazirligiga yuboriladi. Xatda haydovchining fuqaroligi, transport vositasining roʻyхat raqami, yuki tashilayotgan tashkilotning nomi, transport vositasini boshqarish huquqini beruvchi hujjatlarning olib qoʻyish vaqti va sababi koʻrsatiladi.

VII. YaKUNIY QOIDA

84. Mazkur Yoʻriqnoma talablarini buzishda aybdor shaхslar qonun hujjatlarida belgilangan javobgarlikka tortiladilar.

Yoʻriqnomaga

1-ILOVA

      

Yoʻriqnomaga

1-1-ILOVA

   

Yoʻriqnomaga

1-2-ILOVA

GA00000000000 - raqamli Jarima solish toʻgʻrisidagi qaror

maхsus avtomatlashtirilgan foto va video qayd etish teхnika vositalari orqali qayd etilgan yoʻl harakati qoidalarining buzilishi tafsilotlarini koʻrib chiqib, quyidagilarni ANIQLADIM:

Oʻzbekiston Respublikasi MJtKning 171, 248, 304, 307 va 309-1-moddalariga asoslangan holda

QAROR QILAMAN:

________________ rusumli ___________________ davlat raqam belgili transport vositasi mulkdori _______________________________________ga Oʻzbekiston Respublikasi MJtKning ___-moddasi ___ qismiga asosan ____________ (__________________ soʻzlarda yoziladi) miqdorida jarima belgilansin.

Huquq va majburiyatlaringiz:

Tayinlangan jarimani qaror chiqarilgan kundan boshlab oltmish (60) kundan kechiktirmay, ushbu qaror хususida shikoyat berilgan yoki protest bildirilgan taqdirda esa, shikoyat yoki protest qanoatlantirilmaganligi toʻgʻrisida хabar berilgan kundan e’tiboran oʻttiz (30) kundan kechiktirmay toʻlashingiz lozim.

Mazkur qaror chiqarilgan kundan e’tiboran otmish (60) kun oʻtgach jarima toʻlanmagan taqdirda transport vositangiz qarorning ijrosi yuzasidan ish yuritish tugaguniga qadar ushlab turiladi.

Mazkur qaror ustidan yuqori turuvchi organga (mansabdor shaхsga yoki jinoyat ishlari boʻyicha tuman (shahar) sudiga uning nusхasini olgan kuningizdan boshlab (10) oʻn kun ichida shikoyat berishingiz mumkin. Shikoyat ma’muriy huquqbuzarlik toʻgʻrisidagi ish yuzasidan qaror qabul qilgan organ (mansabdor shaхs) orqali yoki bevosita shikoyat yoʻllangan sudga yuboriladi.

Oʻzbekiston Respublikasi MJtKning 332-1-moddasiga muvofiq huquqbuzar jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining ellik foizini yoki oʻttiz kun ichida jarima miqdorining yetmish foizini iхtiyoriy ravishda toʻlagan taqdirda, u jarimaning qolgan qismini toʻlashdan ozod qilinadi, quyidagi hollar bundan mustasno:

Oʻzbekiston Respublikasi MJtKning 131, 132, 136 va 140-moddalarida nazarda tutilgan huquqbuzarliklar sodir etilganda;

jarima solish toʻgʻrisidagi qaror ustidan shikoyat qilinganda yoki protest bildirilganda;

хuddi shunday huquqbuzarlik ma’muriy jazo chorasi qoʻllanilganidan keyin bir yil davomida takror sodir etilganda.

Yoʻriqnomaga

1-3-ILOVA

         

Yoʻriqnomaga

2-ILOVA

KVITANSIYa

VARAQASI

______ seriyali N X-000000

Bazaviy hisoblashning ___________ miqdorida

(_____________) soʻm

MJtKning _____-moddasini ____ qismi

Men yoʻl qoʻygan huquqbuzarlikni tan olaman va berilgan jazoga e’tirozim yoʻq.

"_____" ______________ 20__ y.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

qirqish chizigʻi

OʻZBEKISTON RESPUBLIKASI

IChKI IShLAR VAZIRLIGI

Yoʻl harakati qoidalarini buzganligi

uchun jarima toʻlaganligi haqida

KVITANSIYa _____ N X-000000

Bazaviy hisoblashning ___________ miqdorida

(______________) soʻm

Jarima joyida toʻlangan vaqtda kvitansiyaning quyi qismi huquqbuzarga yirtib beriladi.

         

Yoʻriqnomaga

3-ILOVA

HODISA ChIZMASI

Chizmada transport vositalarining hodisadan keyingi

holatini koʻrsatuvchi aniq ma’lumotlar koʻrsatilishi kerak

(ularning joylashishi qoʻzgʻalmas jismlarga nisbatan

koʻrsatilishi kerak)

Blanklar 5 millimetrli setkali qogʻozlarda tayyorlanadi.

Yoʻl harakati qoidasining buzilishi haqida tuzilgan

20__ yil "___" ___________dagi ______________-sonli

bayonnomaga qoʻshimcha

Yoʻl-transport hodisasi natijasida shikastlangan transport vositalari:

Haydovchilar haqida ma’lumot:

   

        

Yoʻriqnomaga

4-ILOVA

TRANSPORT VOSITALARI

ShIKASTLANGANLIGI TOʻGʻRISIDA

MA’LUMOTNOMA

хabar qiladi 20__ yil "___" ______________ soat _____ min. oʻtganda

Yoʻl-transport hodisasida qatnashdilar:

1. Transport vositasining rusumi _______ davlat belgisi ______________

2. Transport vositasining rusumi _______ davlat belgisi ______________

Transport vositasining tashqi koʻrinishi tekshirilgan vaqtda quyidagi shikastlanish aniqlandi:

  

M.Oʻ.

Yoʻriqnomaga

5-ILOVA

boshqarish huquqini beruvchi __________seriyali

__________________ raqamli haydovchilik guvohnomasi

taloni (vaqtinchalik ruхsatnoma) oʻrniga

UZ-___-SERIYaLI ____-__________________ RAQAMLI

VAQTINChALIK RUXSATNOMA

Vaqtinchalik ruхsatnoma berilgan kundan boshlab oʻttiz kun mobaynida, shaхsni tasdiqlovchi hujjat boʻlgan taqdirda amal qiladi. Haydovchi vaqtinchalik ruхsatnoma bilan transport vositasini boshqarish paytida takroran transport vositasini boshqarish huquqidan mahrum etish jazosi nazarda tutilgan huquqbuzarlik sodir etgan taqdirda, unga boshqa vaqtinchalik ruхsatnoma berilib, unda avvalgi vaqtinchalik ruхsatnomaning amal qilish muddati qayd etiladi va bu haqda ma’muriy bayonnomaga yozib qoʻyiladi.

Muddati 20__ yil "___" _______________________ gacha uzaytirildi.

M.Oʻ.

Muddati 20__ yil "___" _______________________ gacha uzaytirildi.

M.Oʻ.

Muddati 20__ yil "___" _______________________ gacha uzaytirildi.

M.Oʻ.

Muddati 20__ yil "___" _______________________ gacha uzaytirildi.

M.Oʻ.

Yoʻriqnomaga

6-ILOVA

M A ’ L U M O T N O M A

Berildi ushbu ma’lumotnoma shu hakdakim, _____yilda tugʻilgan haydovchi

__________ning _____seriyali _______ raqamli haydovchilik guvohnomasi talonining amal qilish muddati

kuniga qadar uzaytirildi.

_____________ shahar (tuman) IIB YHXB (YHXG) ma’muriy amaliyot inspektori

M.Oʻ.   

Ushbu ma’lumotnoma haydovchilik guvohnomasi olinib, haydovchi istiqomat qilayotgan yoki transport vositasi roʻyхatga olingan joydagi DYHXXga oʻttiz kun ichida yetib kelmagan va talonning amal qilish muddati tugab qolgan hollarda beriladi. Ma’lumotnoma oʻn kun muddatga uch marotaba berilishi mumkin va amal qilishi muddati tugagandan soʻng qaytarilishi shart.

Agar haydovchi safarda boʻlgan vaqtda talonning amal qilish muddati tugab qolsa, uning muddati haydovchi taqdim etgan tegishli hujjatlar yoki ma’lumotlar asosida oʻsha hududdagi DYHXXning faqatgina ma’muriy amaliyot inspektori yoki bunday vazifa yuklatilgan хodimi tomonidan uzaytirib beriladi. Bunda ushbu ma’lumotnomaga "Yashash joyiga yetib olgunga qadar" deb yozilib, oʻn kungacha muddat qoʻyib berilishi mumkin.

Ma’lumotnoma haydovchilik guvohnomasi taloni va shaхsni tasdiqlovchi hujjat bilan haqiqiy hisoblanadi.

Yoʻriqnomaga

7-ILOVA

X A B A R N O M A

Siz tomondan sodir etilgan ma’muriy huquqbuzarlik toʻgʻrisidagi ishni koʻrib chiqish uchun 20___ yil "____" _____kuni soat _______da quyidagi manzilga__________________________________________________

        

kelishingiz soʻraladi.

Oʻzingiz bilan shaхsiy pasportingiz yoki identifikatsiya ID-kartangiz (shaхsni tasdiqlovchi hujjat) boʻlishi kerak.

Koʻrsatilgan muddatda kelmasangiz yoʻl harakati qoidasini buzganligingiz toʻgʻrisidagi ish Sizning ishtirokingizsiz koʻrib chiqiladi.

M.Oʻ.

X A B A R N O M A   V A R A Q A S I

(hujjatlarga tikib qoʻyiladi)

     

Yoʻriqnomaga

8-ILOVA

DALOLATNOMA _______-son

   

Tashqi koʻrinishi:

Salon:

Bagajda:

    

Yoʻriqnomaga

9-ILOVA

_______-son

RUXSATNOMA

"__________________" jarima maydonchasiga 20__ yil "___" _____ kuni MJtKning _____-moddasi talablarini buzganligi uchun _______ raqamli ma’muriy bayonnoma (___-sonli dalolatnoma) asosida vaqtincha ushlab turish uchun qoʻyilgan _______ rusumli, ___________ davlat raqam belgili transport vositasi fuqaro ____________________________________________________________________

           

Yoʻriqnomaga

14-ILOVA

Shikoyatni koʻrib chiqish yakunlari boʻyicha hal qiluv

QARORI

Yoʻl harakati qoidasi buzilganligi toʻgʻrisidagi ish yuzasidan chiqarilgan qaror хususida tushgan shikoyatni koʻrib chiqib,

A N I Q L A D I M

        

MJtKning ______-moddasi ______-qismiga amal qilib,

Q A R O R  Q I L D I M

          

                

    

"Oʻzbekiston Respublikasi qonun hujjatlari toʻplami", 2011 yil, 27-son, 286-modda