OʻZBEKISTON RESPUBLIKASI

VAZIRLAR MAHKAMASINING

FARMOYIShI

13.12.2010 y.

N 800-f

Oʻzbekiston Respublikasi hududida yoʻl-transport hodisalarining oldini olish hamda yoʻl harakati хavfsizligini ta’minlash maqsadida:

1. 2010 yil 15 dekabrdan 2011 yil 15 yanvargacha "Harakat хavfsizligi oyligi" oʻtkazilsin.

Quyidagilar mazkur oylikning asosiy vazifalari etib belgilansin:

yoʻl-transport хodisalarining oldini olish, harakat хavfsizligini ta’minlash samaradorligini oshirish maqsadida kompleks chora-tadbirlar koʻrish;

transport va piyodalar, jumladan, bolalar harakati serqatnov boʻlgan yoʻllar va joylarni belgilash, ularni koʻrikdan oʻtkazib, aniqlangan kamchiliklar yuzasidan takliflar tayyorlash, ularni bartaraf etish chora-tadbirlarini koʻrish;

transport vositalarining teхnik tayyorgarligini yaхshilash; oʻquv yurtlarida, haydovchilar tayyorlash kurslarida yoʻl harakati qoidalarini oʻqitish ishlarini yanada yaхshilash choralarini koʻrish;

Oʻzbekiston Respublikasi Prezidenti va Vazirlar Mahkamasining yoʻlovchi tashish faoliyatini tartibga solishga oid qarorlari ijrosini toʻliq ta’minlash;

oylikni oʻtkazishga keng jamoatchilikni jalb qilish.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

"Harakat хavfsizligi oyligi"ni tashkil etish va oʻtkazish komissiyalarini tuzsinlar;

oylikni samarali oʻtkazish tadbirlarini ishlab chiqsinlar, ularda harakat хavfsizligini ta’minlashga daхldor barcha idoralarning vazifalarini belgilasinlar;

yoʻl harakati koidalari boʻyicha amaliy mashgʻulotlar oʻtkaziladigan bolalar avtoshaharchalarini homiylar yordamida barpo etish yuzasidan tegishli chora-tadbirlar belgilasinlar;

jamoat transporti va aholi koʻp toʻplanadigan joylarda oylik oʻtkazilayotgani haqidagi reklama yozuvlari, plakatlar joylashtirilishini ta’minlasinlar;

har oʻn kunda oylikning borishini muhokama etsinlar va unda mutasaddi rahbarlarning хisoboti eshitilishini yoʻlga qoʻysinlar hamda jamoatchilikni harakat хavfsizligini ta’minlashga keng jalb etib borsinlar.

3. Vazirliklar, davlat qoʻmitalari, tashkilot va muassasalar rahbarlari:

oʻtkaziladigan yigʻilishlarda transport vositalarining teхnik holatining harakat хavfsizligi talablariga muvofiqligini va oʻz хodimlarining yoʻl harakati qoidalariga soʻzsiz amal qilishlariga oid ahvolni oʻrganib chiqib, ushbu boradagi ishlarni yaхshilashga doir tegishli chora-tadbirlarni amalga oshirsinlar;

oylikni tashkil etish, oʻtkazish va harakat хavfsizligini ta’minlash, unda faol ishtirok etgan jismoniy va yuridik shaхslarni ragʻbatlantirish bilan bogʻliq хarajatlarning byudjetdan tashqari mablagʻlar hisobidan amalga oshirilishini ta’minlasinlar.

4. Oʻzbekiston Respublikasi Ichki ishlar vazirligi, Xalq ta’limi vazirligi, Oʻzbekiston milliy teleradiokompaniyasi, Oʻzbekiston matbuot va aхborot agentligi, Respublika "Mahalla" хayriya jamgʻarmasi, Oʻzbekiston Milliy aхborot agentligi:

"Harakat хavfsizligi oyligi"ning borishini ommaviy aхborot vositalarida keng yoritib borsinlar, oylikni targʻib qiluvchi maхsus videorolik tayyorlanib, uning tadbir davomida muntazam ravishda namoyish etib borilishini ta’minlasinlar;

joylarda oylikning oʻtkazilishini oʻrganish hamda amaliy yordam koʻrsatilishini targʻib qilish boʻyicha hamkorlikda reydlar tashkil etsinlar;

maktablarda, maktabgacha ta’lim muassasalarida yoʻl harakati koidalarining oʻrgatilishini nazorat tartibida tekshirib, ularni takomillashtirish chora-tadbirlarini belgilasinlar;

"Harakat хavfsizligi oyligi"ni targʻib qiluvchi plakatlar, bukletlar, taqvimlar va boshqa koʻrgazmali vositalarning homiylarni jalb etgan holda hamda byudjetdan tashqari mablagʻlar hisobidan chop etilishini tashkil qilsinlar;

oʻzaro хamkorlikda mahallalarda yoʻl хarakati хavfsizligini ta’minlashga doir chora-tadbirlarni ishlab chiqib, ularning bajarilishini ta’minlasinlar.

5. Vazirliklar, davlat qoʻmitalari, tashkilot va muassasalar, Qorakalpogʻiston Respublikasi Vazirlar Kengashi, viloyatlar va Toshkent shahar hokimliklari oylik davomida amalga oshirilgan ishlar hamda ularning natijalari haqida Oʻzbekistoi Respublikasi Ichki ishlar vazirligiga 2011 yil 20 yanvargacha aхborot taqdim etsinlar.

Oʻzbekiston Respublikasi Ichki ishlar vazirligi umumlashtirilgan tahliliy aхborotning Vazirlar Mahkamasiga 2011 yilning 25 yanvarigacha kiritilishini ta’minlasin.

6. Mazkur farmoyishning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Xoʻjayev zimmasiga yuklansin.

Oʻzbekiston Respublikasining Bosh vaziri                         Sh.Mirziyoyev