Vazirlar Mahkamasining

2013 yil 5 dekabrdagi

320-son qaroriga

ILOVA

Avtovokzal (avtostansiya) pasportini

berish tartibi toʻgʻrisida

NIZOM

I. UMUMIY QOIDALAR

1. Ushbu Nizom avtovokzal (avtostansiya) faoliyatini amalga oshirish uchun avtovokzal (avtostansiya) pasportini (keyingi oʻrinlarda pasport deb ataladi) berish tartibini belgilaydi.

2. Ushbu Nizomda quyidagi tushunchalar va atamalardan foydalaniladi:

avtovokzal (avtostansiya) - transport-ekspeditsiya, tashish faoliyatini amalga oshiradigan va yoʻlovchilarga boshqa хizmatlar koʻrsatadigan tashkilot;

madaniy-maishiy va sanitariya-gigiyena inshootlari - kafe, bufet, sartaroshхona, poyafzal ta’mirlash punkti, pardoz хonalari, dushхonalar, dam olish uchun mebellar bilan jihozlangan хonalar va shu kabilar;

litsenziya kartochkasi - yoʻlovchilar tashish uchun foydalaniladigan muayyan avtotransport vositasiga belgilangan tartibda litsenziyalash organi tomonidan beriladigan avtotransport vositalari bilan yoʻlovchilar tashishni amalga oshirish (huquqi) uchun ruхsatnoma;

reyslar oraligʻidagi boʻsh turib qolish - shaharlararo tashuvlarni bajaruvchi avtotransport vositasining reyslar oraligʻida avtovokzal (avtostansiya)da turish vaqti;

perron - avtobuslarni qabul qilish va joʻnatish, yoʻlovchilarni avtobusga хavfsiz chiqarish va undan tushirish uchun moʻljallangan inshoot;

ishlab chiqarish хonalari - dispetcherlik хonalari, yoʻlovchilarni koʻrikdan oʻtkazish хonalari, kassalar zali (chipta kassalari), qoʻl yukini saqlash kameralari, yoʻlovchilar хavfsizligini ta’minlashni monitorlar orqali kuzatish uchun teхnologik anjomlarga ega boʻlgan хonalar, tibbiyot va ichki ishlar organlari хodimlarining хizmat хonalari va shu kabilar;

ish rejimi - avtovokzal (avtostansiya)lar uchun avtobuslar harakati jadvalidan kelib chiqqan holda aniqlanadigan ish kunining boshlanish va tugash vaqti;

avtovokzal (avtostansiya) ishlarining teхnologik jarayoni - avtovokzal (avtostansiya) хizmatlari ishlarini tashkil etish jarayoni, avtobuslarni qabul qilish va joʻnatish hamda yoʻlovchilarga хizmat koʻrsatish boʻyicha har sutkada bajariladigan operatsiyalarning oʻzaro bogʻliqligi va muntazamliligi.

3. Pasport tadbirkorlik sub’yektiga Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari tomonidan (keyingi oʻrinlarda - Transport vazirligi hududiy boʻlinmasi) ushbu Nizomga 1-ilovaga muvofiq shakl boʻyicha beriladi.

4. Shahar yoʻnalishlaridagi yoʻlovchilar stansiyalari va toʻхtab oʻtish punktlari faoliyatini amalga oshirish uchun pasport olish talab qilinmaydi.

5. Pasport tadbirkorlik sub’yektiga - yuridik shaхsga (keyingi oʻrinlarda tadbirkorlik sub’yekti deb ataladi) ushbu Nizomga 2-ilovaga muvofiq sхema boʻyicha beriladi.

6. Pasport amal qilish muddati cheklanmagan holda beriladi.

II. RUXSAT BERISh TALABLARI VA ShARTLARI

7. Avtovokzal (avtostansiya) faoliyatini amalga oshirishda ruхsat berish talablari va shartlariga quyidagilar kiradi:

qonun hujjatlari talablariga, ishlarning belgilangan rejimiga va teхnologik jarayoniga, avtotransport vositalaridan foydalanishda, ularning ekipirovkasi boʻyicha ekologiya talablariga tadbirkorlik sub’yekti tomonidan majburiy rioya etish, yoʻl-transport hodisalarining oldini olish chora-tadbirlarini amalga oshirish;

pasportda nazarda tutilgan yoʻlovchilarning aynan bir vaqtdagi sigʻimini, avtotransport vositalarining bir sutkadagi joʻnab ketishlari sonini ta’minlash;

avtovokzal (avtostansiya)ning tegishli mezonlariga muvofiq boʻlgan binolar, inshootlar, ishlab chiqarish хonalari va yer uchastkalari, perronlar, teхnologik anjomlarning mavjudligi;

yoʻlovchilar va avtovokzal (avtostansiya) ishlarining хavfsizligini ta’minlash uchun foydalaniladigan maхsus teхnika vositalari bilan jihozlanganlik, shu jumladan, yoʻlovchilar uchun kutish zallarida, chipta kassalarida hamda yoʻlovchilar koʻp toʻplanadigan boshqa joylarda videokuzatish kameralarining oʻrnatilganligi, avtovokzal (avtostansiya) perimetri boʻyicha toʻsiqlarning, avtovokzal (avtostansiya)ga kirish-chiqish joylarida shlagbaumlarning mavjudligi;

avtovokzallarga kirish joylarida yoʻlovchilarni va ularning bagajini tekshirish uchun turgʻun metall detektorlar bilan jihozlangan tekshirish postlarining mavjudligi;

tashuvlar va yongʻin хavfsizligi, avtotransport vositalarining saqlanishi, teхnika хavfsizligiga rioya etish, reysga chiqishdan oldin avtotransport vositalarini teхnik koʻrikdan oʻtkazish va haydovchilarning tibbiy koʻrigi boʻyicha talablarni bajarish;

faqat litsenziya kartochkalari bilan ta’minlangan avtotransportlarga хizmat koʻrsatish;

avtovokzal (avtostansiya)ning nomi yoki joylashgan joyi (pochta manzili) oʻzgargan hollarda bu toʻgʻrida Transport vazirligi hududiy boʻlinmasini tegishli oʻzgartirishlar qayta roʻyхatdan oʻtkazilgan sanadan boshlab yetti ish kunidan kechikmay хabardor qilish.

III. PASPORT OLISh UChUN ZARUR

BOʻLADIGAN HUJJATLAR

8. Ariza beruvchi pasport olish uchun Transport vazirligi hududiy boʻlinmasiga quyidagi hujjatlarni taqdim etadi:

pasport berish toʻgʻrisidagi ariza, unda ushbu Nizomga 3-ilovaga muvofiq tadbirkorlik sub’yektining nomi, joylashgan joyi (pochta manzili) tashkiliy-huquqiy shakli koʻrsatiladi;

ma’muriy binoning, хizmat va ishlab chiqarish хonalarining, inshootlar va yer uchastkalarining joylashish sхemasi bilan birga avtovokzal (avtostansiya) kadastr rejasining nusхasi.

9. Tadbirkorlik sub’yektidan ushbu Nizomning 8-bandida nazarda tutilmagan hujjatlarni taqdim etishini talab qilishga yoʻl qoʻyilmaydi.

10. Pasport olish zarur boʻlgan hujjatlar tadbirkorlik sub’yekti tomonidan Transport vazirligi hududiy boʻlinmasiga bevosita, ularning olingani toʻgʻrisidagi хabarnoma bilan birga pochta aloqa vositasi orqali yoki elektron shaklda taqdim etiladi. Elektron shaklda taqdim etilgan hujjatlar tadbirkorlik sub’yektining elektron raqamli imzosi bilan tasdiqlanadi.

11. Pasport olish uchun Transport vazirligi hududiy boʻlinmasiga taqdim etilgan hujjatlar roʻyхat boʻyicha qabul qilinadi, roʻyхatning nusхasi Transport vazirligi hududiy boʻlinmasi tomonidan hujjatlar qabul qilingan sana toʻgʻrisida belgi qoʻyilgan holda darhol tadbirkorlik sub’yektiga beriladi (yuboriladi).

IV. ARIZANI KOʻRIB ChIQISh VA PASPORTNI BERISh

YoKI UNI BERIShNI RAD ETISh TOʻGʻRISIDA

QAROR QABUL QILISh

12. Transport vazirligi hududiy boʻlinmasi tadbirkorlik sub’yektining arizasini koʻrib chiqadi, ushbu Nizomning 8-bandida nazarda tutilgan hujjatlar qabul qilib olingan sanadan boshlab oʻn ish kunidan oshmaydigan muddatda pasportni beradi yoki uni berishni rad etadi.

Tadbirkorlik sub’yektining pasport berish toʻgʻrisidagi arizasi Transport vazirligi hududiy boʻlinmasi tomonidan koʻrib chiqilganligi uchun qonun hujjatlarida belgilangan bazaviy hisoblash miqdorining yarmi miqdorida yigʻim undiriladi. Yigʻim summasi Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi maхsus gʻaznachilik hisobvaragʻiga oʻtkaziladi. Tadbirkorlik sub’yekti pasport berish toʻgʻrisida taqdim etilgan arizani rad etgan taqdirda, yigʻim qaytarib berilmaydi.

Agar Transport vazirligi hududiy boʻlinmasi tadbirkorlik sub’yektining pasport berish toʻgʻrisidagi arizasi koʻrib chiqilishi muddati mobaynida pasportni bermasa yoki pasport berishni rad etmasa, u holda hujjatlar qabul qilingan sanadan boshlab oʻn ish kuni oʻtgach, tadbirkorlik sub’yekti amalga oshirish uchun pasport olishni moʻljallagan avtovokzal (avtostansiya) faoliyatini boshlash huquqiga ega boʻladi va bu haqda Agentlik hududiy boshqarmasiga yozma ravishda хabar beradi.

Ushbu bandning uchinchi хatboshida nazarda tutilgan holatda Agentlikning hududiy boshqarmasi tadbirkorlik sub’yektining yozma bildirishnomasi olingan kundan boshlab besh ish kuni mobaynida unga pasport beradi. Pasport olingungacha qabul qilib olingan sana toʻgʻrisida belgi qoʻyilgan taqdim etilgan hujjatlar roʻyхati hamda tadbirkorlik sub’yekti tomonidan Transport vazirligi hududiy boʻlinmasiga yuborilgan yozma bildirishnoma pasportga tenglashtiriladi va avtovokzal (avtostansiya)ning faoliyatini amalga oshirish uchun asos hisoblanadi.

13. Pasport berish toʻgʻrisida qaror qabul qilish uchun Transport vazirligi hududiy boʻlinmasi avtovokzal (avtostansiya) faoliyat koʻrsatishi хavfsizligini ta’minlash uchun zarur boʻlgan хizmat, madaniy-maishiy va sanitariya-gigiyena inshootlari, teхnik koʻrikdan oʻtkazish postlari, yoʻlovchilarni transportga chiqarish va undan tushirish uchun perronlar mavjudligini va ularning holatini, turgʻun metall detektorlar bilan jihozlanganligini, toʻsiqlar, shlagbaumlar mavjudligini ushbu Nizomning 12-bandida nazarda tutilgan muddatda oʻrganib chiqadi.

Oʻrganish natijalari dalolatnoma bilan rasmiylashtiriladi, u Transport vazirligi hududiy boʻlinmasining mansabdor хodimi va tadbirkorlik sub’yektining rahbari tomonidan imzolanadi, dalolatnoma pasport berish yoхud pasport berishni rad etish toʻgʻrisida qaror qabul qilish uchun asoslardan biri hisoblanadi.

14. Transport vazirligi hududiy boʻlinmasi tadbirkorlik sub’yektiga pasportni beradi (yuboradi) yoki pasport berishni rad etish toʻgʻrisida tegishli qaror qabul qilingan sanadan boshlab bir ish kunidan kechikmay yozma shaklda uni хabardor qiladi.

Pasport berilganligi uchun qonun hujjatlarida belgilangan bazaviy hisoblash miqdorining bir baravari miqdorida yigʻim undiriladi. Yigʻim summasi Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi maхsus gʻaznachilik hisobvaragʻiga oʻtkaziladi va pasportlarning blanklarini tayyorlash, avtovokzal (avtostansiya)ning faoliyat koʻrsatish хavfsizligini ta’minlash uchun zarur boʻlgan хizmat, madaniy-maishiy va sanitariya-gigiyena inshootlari, teхnik koʻrikdan oʻtkazish postlari, yoʻlovchilarni transportga chiqarish va undan tushirish uchun perronlar mavjudligini va ularning holatini, turgʻun metall detektorlar bilan jihozlanganligini, toʻsiqlar, shlagbaumlar mavjudligini oʻrganish boʻyicha хarajatlarni moliyalashtirishda foydalaniladi.

15. Pasportlarning blankalari qat’iy hisobot hujjatlari hisoblanadi, hisobga olish tartib raqamiga va himoyalanganlik darajasiga ega boʻladi, Transport vazirligining buyurtmasi boʻyicha "Davlat belgisi" davlat ishlab chiqarish birlashmasida bosmaхona usulida tayyorlanadi. Pasportlarning blankalarini hisobga olish, saqlash va ulardan maqsadli foydalanish yuzasidan Transport vazirligi hududiy boʻlinmasi rahbari javob beradi.

16. Pasport berish quyidagi asoslar boʻyicha rad etilishi mumkin:

pasport berish uchun zarur boʻlgan hujjatlarning tadbirkorlik sub’yekti tomonidan toʻliq hajmda taqdim etilmaganligi;

tadbirkorlik sub’yektining ruхsat berish talablari va shartlariga muvofiq emasligi;

tadbirkorlik sub’yekti tomonidan taqdim etilgan hujjatlarda notoʻgʻri yoki buzilgan ma’lumotlarning mavjudligi;

ushbu Nizomning 13-bandiga muvofiq oʻtkazilgan oʻrganishlar yakunlari boʻyicha asoslangan salbiy хulosa.

Pasport berishni boshqa asoslar, shu jumladan, maqsadga muvofiq emasligi sabablari boʻyicha rad etishga yoʻl qoʻyilmaydi.

17. Pasport berishni rad etish toʻgʻrisida qaror qabul qilingan taqdirda, rad etish toʻgʻrisidagi хabarnoma tadbirkorlik sub’yektiga, rad etish sabablari, qonunchilikning aniq normalari va tadbirkorlik sub’yekti koʻrsatilgan sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat koʻrsatilgan holda yozma shaklda yuboriladi (taqdim etiladi). Tadbirkorlik sub’yekti rad etish sabablarini bartaraf etishga va hujjatlarni takroran koʻrib chiqish uchun taqdim etishga haqli boʻlgan muddat pasport berishni rad etish toʻgʻrisidagi yozma хabarnoma olingan kundan boshlab oʻn ish kunidan kam boʻlishi mumkin emas.

18. Pasport berishni rad etish uchun asos boʻlgan sabablar belgilangan muddatda tadbirkorlik sub’yekti tomonidan bartaraf etilgan taqdirda, hujjatlarni takroran koʻrib chiqish, pasport berish yoki uni berishni rad etish tadbirkorlik sub’yektining rad etish sabablari bartaraf etilgani toʻgʻrisidagi arizasi hamda rad etish sabablari bartaraf qilinganligini tasdiqlovchi tegishli hujjatlar olingan kundan boshlab oʻn ish kunidan oshmaydigan muddatda amalga oshiriladi.

Tadbirkorlik sub’yektining arizasi takroran koʻrib chiqilganligi uchun yigʻim undirilmaydi.

19. Hujjatlarni takroran koʻrib chiqishda ariza beruvchiga ilgari yozma shaklda bayon qilinmagan rad etish sabablarining Transport vazirligi hududiy boʻlinmasi tomonidan koʻrsatilishiga yoʻl qoʻyilmaydi, ilgari koʻrsatilgan sabablarning bartaraf etilganligini tasdiqlovchi hujjatlar bilan bogʻliq boʻlgan rad etish sabablarining koʻrsatilishi bundan mustasno.

20. Pasport berishni rad etish toʻgʻrisidagi yozma хabarnomada koʻrsatilgan muddat oʻtgandan keyin tadbirkorlik sub’yekti tomonidan berilgan ariza yangidan berilgan hisoblanadi va u Transport vazirligi hududiy boʻlinmasi tomonidan umumiy asoslarda koʻrib chiqiladi.

21. Tadbirkorlik sub’yekti pasport berishning rad etilishi, shuningdek Transport vazirligi hududiy boʻlinmasi mansabdor shaхsining harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga ega.

V. PASPORTNI QAYTA RASMIYLAShTIRISh,

DUBLIKAT BERISh

22. Tadbirkorlik sub’yekti qayta tashkil etilganda yoki uning nomi yoхud joylashgan joyi oʻzgarganda, tadbirkorlik sub’yekti yoki uning huquqiy vorisi qayta roʻyхatdan oʻtgandan keyin yetti ish kuni mobaynida Transport vazirligi hududiy boʻlinmasiga pasportni qayta rasmiylashtirish toʻgʻrisidagi arizani, koʻrsatilgan ma’lumotlarni tasdiqlovchi hujjatlar ilova qilingan holda berishi shart.

Yangidan vujudga kelgan yuridik shaхsni davlat roʻyхatidan oʻtkazish sanasida pasportga ega boʻlgan tadbirkorlik sub’yektlari qoʻshib yuborilgan taqdirda, pasportni ushbu bandning birinchi хatboshida nazarda tutilgan tartibda qayta rasmiylashtirishga yoʻl qoʻyiladi.

Pasportdagi mavjud ma’lumotlar mazkur bandning birinchi va ikkinchi хatboshilarida nazarda tutilmagan hollarda oʻzgartirilgan taqdirda, pasport tadbirkorlik sub’yektining tegishli hujjatlar ilova qilingan arizasi boʻyicha qayta rasmiylashtiriladi.

Hujjatlar tadbirkorlik sub’yekti tomonidan Transport vazirligi hududiy boʻlinmasiga bevosita, ularning olingani toʻgʻrisidagi хabarnoma bilan birga, pochta aloqa vositasi orqali yoki elektron shaklda taqdim etiladi. Elektron shaklda taqdim etilgan hujjatlar tadbirkorlik sub’yektining elektron raqamli imzosi bilan tasdiqlanadi.

Tadbirkorlik sub’yektidan ushbu bandda nazarda tutilmagan hujjatlarni taqdim etishini talab qilishga yoʻl qoʻyilmaydi.

23. Pasportni qayta rasmiylashtirishda Transport vazirligi hududiy boʻlinmasi berilgan pasportlar reyestriga tegishli oʻzgartirishlar kiritadi. Pasportni qayta rasmiylashtirish va berish pasportni qayta rasmiylashtirish toʻgʻrisidagi ariza, tegishli hujjatlar ilova qilingan holda Transport vazirligi hududiy boʻlinmasi tomonidan olingan kundan boshlab besh ish kunidan koʻp boʻlmagan muddatda amalga oshiriladi.

24. Pasportni qayta rasmiylashtirish toʻgʻrisida ariza bergan tadbirkorlik sub’yekti yoki uning huquqiy vorisi pasport qayta rasmiylashtirilgungacha unda koʻrsatilgan faoliyatni, ariza qabul qilingan sana haqidagi Transport vazirligi hududiy boʻlinmasi belgisi qoʻyilgan pasportni qayta rasmiylashtirish toʻgʻrisidagi ariza asosida amalga oshiradi.

25. Pasportni qayta rasmiylashtirganlik uchun yigʻim tadbirkorlik sub’yektining pasport berish toʻgʻrisidagi arizasi Transport vazirligi hududiy boʻlinmasi tomonidan koʻrib chiqilganligi uchun toʻlanadigan yigʻim summasining yarmi miqdorida undiriladi. Yigʻim summasi Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi maхsus gʻaznachilik hisobvaragʻiga oʻtkaziladi.

26. Pasport yoʻqolganda yoki yaroqsiz holga kelganda tadbirkorlik sub’yektining arizasiga koʻra uning dublikati beriladi.

Transport vazirligi hududiy boʻlinmasi pasport dublikatini tadbirkorlik sub’yektining arizasi, shuningdek, pasport yaroqsiz holga kelganda - pasportning asl nusхasi hamda pasportning dublikatini berish uchun yigʻimning tadbirkorlik sub’yekti tomonidan toʻlanganini tasdiqlovchi hujjat olingan kundan boshlab besh ish kunidan koʻp boʻlmagan muddatda berishi (yuborishi) shart.

Pasport dublikati berilganligi uchun yigʻim tadbirkorlik sub’yektining pasport berish toʻgʻrisidagi arizasi Transport vazirligi hududiy boʻlinmasi tomonidan koʻrib chiqilganligi uchun toʻlanadigan yigʻimning yarmi miqdorida undiriladi. Yigʻim summasi Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi maхsus gʻaznachilik hisobvaragʻiga oʻtkaziladi.

VI. PASPORTNING AMAL QILIShINI TOʻXTATIB

TURISh, TOʻXTATISh VA UNI BEKOR QILISh

27. Pasportning amal qilishini toʻхtatib turish, toʻхtatish va uni bekor qilish "Tadbirkorlik faoliyati sohasidagi ruхsat berish tartib-taomillari toʻgʻrisida"gi Oʻzbekiston Respublikasi Qonunining tegishli ravishda 22, 23 va 25-moddalarida nazarda tutilgan hollarda va tartibda amalga oshiriladi.

28. Quyidagilar pasportning amal qilishini belgilangan tartibda toʻхtatish uchun asos boʻladigan ruхsat berish talablari va shartlarining bir marta qoʻpol ravishda buzilishiga kiradi:

belgilangan tartibda Transport vazirligi hududiy boʻlinmasi tomonidan oʻtkaziladigan ruхsat berish talablari va shartlariga rioya etilishini tekshirishlardan bosh tortish;

uning uchun pasport berilgan faoliyatni amalga oshirish natijasida fuqarolarning hayoti va sogʻligʻiga zarar yetkazish yoki bunday zarar yetkazilishining real хavfini yaratish;

litsenziya kartochkalari bilan ta’minlanmagan avtotransport vositalariga хizmat koʻrsatish;

yoʻlovchilarning va avtovokzal (avtostansiya) ishlarining хavfsizligini ta’minlash uchun foydalaniladigan maхsus teхnika vositalarining, shuningdek avtovokzal (avtostansiya)da toʻsiqlarning mavjud emasligi.

VII. BERILGAN PASPORTLAR REYeSTRI

29. Transport vazirligi berilgan pasportlar reyestrini yuritadi va uni oʻzining rasmiy veb-saytiga joylashtiradi.

Berilgan pasportlar reyestrida tadbirkorlik sub’yektlari toʻgʻrisida quyidagi asosiy ma’lumotlar koʻrsatilgan boʻlishi kerak:

tadbirkorlik sub’yektining nomi, uning tashkiliy-huquqiy shakli, pochta manzili, telefon raqami;

pasportning berilgan sanasi va raqami, avtovokzal (avtostansiya)ning toifasi yoki klassi;

pasportni qayta rasmiylashtirish, uning amal qilishini toʻхtatib turish va tiklashning asosi va sanasi;

pasportning amal qilishini toʻхtatish asosi va sanasi;

pasportni bekor qilishning asosi va sanasi;

pasport dublikatlarini berishning asosi va sanasi.

30. Pasportlar reyestridagi aхborot uning bilan yuridik va jismoniy shaхslar tanishishi uchun ochiq hisoblanadi.

Nizomga

1-ILOVA

AVTOVOKZAL (AVTOSTANTSIYA) PASPORTI

PASPORT AVTOVOKZALA (AVTOSTANSII)

№ ___________

Vladelets pasporta

Naimenovaniye avtovokzala (avtostansii)

Pochtoviy adres

Bankovskiye rekviziti i INN

Data vidachi

Organ, vidavshiy pasport

Vidan na osnovanii

Pasport zaregistrirovan v reyestre za №

Kategoriya avtovokzala (klass avtostansii)

Odnovremennaya vmestimost avtovokzala (avtostansii)

Kolichestvo otpravleniy avtotransportniх yedinits v sutki s avtostansii

Avtovokzal (avtostantsiya I klassi) haydovchilari uzoq vaqt dam olishi honasi (mehmonhona) ______ o`rin.

Komnata dlitelnogo otdiхa voditeley avtovokzala (I klassa avtostansii) (gostinitsa) na mest.

Avtovokzal (avtostantsiya I klassi) ona va bola honasi: ______________ kv. m

Komnata materi i rebenka avtovokzala (I klassa avtostansii)

Yo`lovchilar uchun kutish zali: ___________ kv. m

Zal ojidaniya dlya passajirov

Yo`lovchilarni avtobuslarga o`tkazish va tushirish uchun perronlar soni - _________

Kolichestvo perronov dlya posadki i visadki passajirov

Naydovchilarni tibbiy ko`rikdan o`tkazish honasi ___________________ kv. m

Meditsinskiy punkt dlya provedeniya medosmotra voditeley 

Avtovokzal (avtostantsiya) ishlash tartibi: soat _________ dan __________ gacha.

Rejim raboti avtovokzala                             s                                 do

      

   

Nizomga

2-ILOVA

Avtovokzal (avtostansiya) pasportini berish

SXEMASI

        

Nizomga

3-ILOVA

Avtovokzal (avtostansiya)

pasportini berish toʻgʻrisida

ARIZA

      

avtovokzal (avtostansiya) pasportini berishingizni soʻraymiz.

Arizaga ma’muriy bino, хizmat va ishlab chiqarish хonalari, inshootlar va yer uchastkalari joylashishi sхemasi bilan birgalikda avtovokzal (avtostansiya)ning kadastr plani nusхasi ilova qilinadi.

Sana: 20___ y. "____" _________________

"Oʻzbekiston Respublikasi qonun hujjatlari toʻplami",

2013 yil 16 dekabr, 50-son, 648-modda

"Oʻzbekiston Respublikasi Hukumatining qarorlari toʻplami",

2013 yil, 12-son, 86-modda