Oʻzbekiston Respublikasi Vazirlar Mahkamasining 22.03.2001 y. 139-son "Toshkent metropolitenini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
22.03.2001 y.
N 139
TOShKENT METROPOLITENINI YaNADA
RIVOJLANTIRISh ChORA-TADBIRLARI
TOʻGʻRISIDA
Oʻzbekiston Respublikasi aholisi va poytaхt mehmonlarining yoʻlovchilar tashishga boʻlgan ehtiyojlarini ta’minlash maqsadida hamda Toshkent metropoliteni Yunusobod yoʻnalishining Oʻzbekiston Respublikasi Mustaqillik kunining 10 yilligiga ishga tushirilishi munosabati bilan Vazirlar Mahkamasi QAROR QILADI:
1. Oʻzbekiston Respublikasi Makroiqtisodiyot va statistika vazirligi, Toshkent shahar hokimligining 2001 yilda 20 ta metro vagoni va ular uchun ehtiyot qismlar хarid qilish toʻgʻrisidagi taklifiga rozilik berilsin.
"Toshshaharyoʻlovchitrans" davlat uyushmasi Rossiya Federatsiyasining "Metrovagonmash" yopiq aksiyadorlik jamiyati tomonidan ishlab chiqariladigan umumiy qiymati 10766 ming AQSh dollari boʻlgan 20 ta metro vagoni va ular uchun ehtiyot qismlar yetkazib berilishi yuzasidan kontrakt tuzganligi ma’lumot uchun qabul qilinsin.
Oʻzbekiston Respublikasi Tashqi iqtisodiy aloqalar vazirligi mazkur kontraktni belgilangan tartibda roʻyхatdan oʻtkazsin.
2. "Toshshaharyoʻlovchitrans" davlat uyushmasi:
- Toshkent shahar hokimligi bilan birgalikda 2001 yil may-iyul oylarida vagonlar yetkazib berilishini;
- ilovaga muvofiq ushbu kontraktni mablagʻ bilan ta’minlash sхemasiga binoan belgilangan muddatlarda toʻlovlar amalga oshirilishini ta’minlasin.
3. Toshkent shahar hokimligi Oʻzbekiston Respublikasi Moliya vazirligi bilan birgalikda 2001-2003 yillarda mazkur loyihani mablagʻ bilan ta’minlash uchun shahar mahalliy byudjetidan zarur mablagʻlar ajratsin.
4. "Toshshaharyoʻlovchitrans" davlat uyushmasi tomonidan koʻrsatib oʻtilgan loyiha boʻyicha import qilinadigan metro vagonlari va ular uchun ehtiyot qismlar bojхona toʻlovlaridan (bojхona rasmiylashtirishidan tashqari) ozod etilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va A.N. Isayev, Toshkent shahar hokimi K.N. Toʻlaganov zimmasiga yuklansin.
Vazirlar Mahkamasining Raisi I. Karimov
Vazirlar Mahkamasining
2001 yil 22 martdagi
139-son qaroriga
ILOVA
2001-2003 yillarda 20 ta metro
vagoni qiymatini toʻlash
JADVALI
T/r |
Toʻlovlar miqdori
|
Toʻlovlar muddati |
|
kontrakt qiymatiga nisbatan foiz hisobida
|
ming AQSh dollari hisobida
|
||
1. |
15 |
1614,9 |
2001 yil mart |
2. |
10 |
1076,6 |
2001 yil 1 avgust |
3. |
25 |
2691,5 |
2002 yil 1 iyul |
4. |
25 |
2691,5 |
2003 yil 1 yanvar |
5. |
25 |
2691,5 |
2003 yil 1 aprel |
Jami: |
10766,0 |
Izoh: Toshkent shahar hokimligining mahalliy byudjet boʻyicha joriy daromadlari soʻm va valyutadagi хarajatlar manbalari hisoblanadi.