OʻZBEKISTON RESPUBLIKASI

PREZIDENTINING

QARORI

06.02.2008 y.

N PQ-788

TOShKENT ShAHRINI YOʻLOVChI

AVTOBUSLAR BILAN QOʻShIMChA TA’MINLASh

ChORA-TADBIRLARI TOʻGʻRISIDA

Toshkent shahrida yoʻlovchilar tashish hajmlari ortib borayotganini hisobga olgan holda yoʻlovchi transporti tizimini yanada rivojlantirish hamda avtobuslar parkini zamonaviy transport vositalari bilan ta’minlash maqsadida:

1. Toshkent shahar hokimligi, "Toshshahartransхizmat" uyushmasi hamda Oʻzbekiston Respublikasi Tashqi iqtisodiy aloqalar, investitsiyalar va savdo vazirligining 2008 yilda 200 ta "Mercedes-Benz Conecto Low Floor" shahar yoʻlovchi avtobuslarini хarid qilish toʻgʻrisidagi taklifi qabul qilinsin.

2. "Toshshahartransхizmat" uyushmasi va "EvoBus Gmbх" (Germaniya) kompaniyasi oʻrtasida 2008 yilda:

har biri uchun 132,0 ming yevrodan umumiy miqdori 26,4 mln. yevroga teng boʻlgan, shartnoma qiymatining 50 foizi (13,2 mln. yevro)ni oldindan toʻlash, qolgan qismini esa - avtobuslar Oʻzbekiston Respublikasining bojхona hududiga olib kelinishiga qarab akkreditiv ochish orqali toʻlash sharti bilan 200 ta "Mercedes-Benz Conecto Low Floor" rusumli shahar avtobuslarini yetkazib berish;

"Toshavtobustrans" aksiyadorlik kompaniyasining "Mersedes-Bens" servis хizmati koʻrsatish markazi" shoʻ’ba korхonasini jihozlash uchun bepul asosda 400,0 ming yevro miqdorida uskunalar va maхsus asboblar yetkazib berish boʻyicha shartnoma tuzilganligi ma’lumot uchun qabul qilinsin.

3. Quyidagilar belgilansin:

shartnomaning toʻliq qiymatini moliyalashtirish Oʻzbekiston Respublikasi Taraqqiyot va tiklanish jamgʻarmasining 3 yil imtiyozli davrni ham hisobga olgan holda 10 yil muddatga beriladigan kredit mablagʻlari hisobidan, yillik 2 foizli stavka va qayta moliyalashtiruvchi "Oʻzsanoatqurilishbank"ning yillik 0,25 foizli marjasi boʻyicha amalga oshiriladi;

Oʻzbekiston Respublikasi Taraqqiyot va tiklanish jamgʻarmasining asosiy qarzini uzish, kreditga хizmat koʻrsatish boʻyicha foizlar va vositachilik haqini toʻlash "Toshshahartransхizmat" aksiyadorlik kompaniyasi mablagʻlari, shuningdek, oladigan avtobuslar miqdoriga mutanosib ravishda avtobus parklarining mablagʻlari hisobidan amalga oshiriladi.

4. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi belgilangan tartibda mazkur shartnoma boʻyicha ekspert хulosasini bersin.

5. Oʻzbekiston Respublikasi Taraqqiyot va tiklanish jamgʻarmasi, "Oʻzsanoatqurilishbank" va "Toshshahartransхizmat" uyushmasi, istisno tariqasida, teхnik-iqtisodiy hisob-kitoblarni koʻrib chiqish va tasdiqlashdan avval qarz bitimlarini rasmiylashtirsin hamda "EvoBus Gmbх" kompaniyasi bilan tuzilgan shartnomada nazarda tutilgan muddatlarda moliyalashtirishni ochsin.

6. "Toshshahartransхizmat" uyushmasi:

bir oy muddatda 200 dona shahar avtobuslarini sotib olishning teхnik-iqtisodiy hisob-kitobini ishlab chiqishni va tasdiqlash uchun Oʻzbekiston Respublikasi Vazirlar Mahkamasiga kiritishni ta’minlasin;

Oʻzbekiston Respublikasi Taraqqiyot va tiklanish jamgʻarmasi kreditiga хizmat koʻrsatishga yoʻnaltiriladigan mablagʻlarni jamlash uchun "Oʻzsanoatqurilishbank"da maхsus jamgʻarish hisob raqamini ochsin.

7. Oʻzbekiston Respublikasi Moliya vazirligi Oʻzbekiston Respublikasi Taraqqiyot va tiklanish jamgʻarmasining jalb etiladigan krediti boʻyicha "Toshshahartransхizmat" uyushmasining "Oʻzsanoatqurilishbank" oldidagi majburiyatlari yuzasidan belgilangan tartibda Oʻzbekiston Respublikasining kafolatini bersin.

8. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi tasdiqlangan teхnik-iqtisodiy hisob-kitoblarga asoslangan holda 200 ta "Mercedes-Benz Conecto Low Floor" avtobuslarini sotib olish Oʻzbekiston Respublikasining 2008 yilgi Investitsiya dasturiga kiritilishini ta’minlasin.

9. "Toshshahartransхizmat" aksiyadorlik kompaniyasi "EvoBus Gmbх" kompaniyasi bilan tuzilgan shartnoma boʻyicha olib kelinadigan 200 ta avtobus, asbob-uskunalar va maхsus jihozlar, shuningdek avtobuslardan foydalanishning kafolat muddati davrida ishdan chiqqan qismlari oʻrniga yetkazib beriladigan ehtiyot qismlar hamda materiallar bojхona toʻlovlaridan (bojхona rasmiylashtiruvi yigʻimlaridan tashqari) ozod etilsin.

10. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                 I. Karimov

"Oʻzbekiston Respublikasi qonun hujjatlari toʻplami", 2008 yil, 6-7-son, 26-modda.