OʻZBEKISTON RESPUBLIKASI

VAZIRLAR MAHKAMASINING

QARORI

09.03.2010 y.

N 41

2010 YILDA XALQARO AHAMIYaTGA

VA DAVLAT AHAMIYaTIGA EGA BOʻLGAN

UMUMIY FOYDALANILADIGAN AVTOMOBIL

YOʻLLARINI TA’MIRLASh DASTURLARI

TOʻGʻRISIDA

Oʻzbekiston Respublikasi Prezidentining “2007-2010 yillarda umumiy foydalaniladigan avtomobil yoʻllari qurilishini rivojlantirish chora-tadbirlari toʻgʻrisida” 2006 yil 20 dekabrdagi PQ-535-son qaroriga muvofiq, shuningdek yuqori хalqaro talablar va standartlarga javob beradigan avtomobil yoʻllari tarmogʻini yanada rivojlantirish va takomillashtirish, хalqaro ahamiyatga va davlat ahamiyatiga ega boʻlgan umumiy foydalaniladigan avtomobil yoʻllarini хalqaro transport yoʻlaklariga keng integratsiyalashni ta’minlash maqsadida Vazirlar Mahkamasi QAROR QILADI:

1. Quyidagilar:

2010 yilda хalqaro ahamiyatga ega boʻlgan umumiy foydalaniladigan avtomobil yoʻllarini mukammal va oʻrtacha ta’mirlash dasturi 1-ilovaga* muvofiq;

2010 yilda davlat ahamiyatiga ega boʻlgan umumiy foydalaniladigan avtomobil yoʻllarini mukammal va oʻrtacha ta’mirlash dasturi 2-ilovaga* muvofiq tasdiqlansin.

2. Ushbu qaror bilan tasdiqlangan dasturlarga (keyingi oʻrinlarda dasturlar deb ataladi) kiritilgan ob’yektlarni mukammal va oʻrtacha ta’mirlashni moliyalashtirish Oʻzbekiston Respublikasi Moliya vazirligi huzuridagi Respublika yoʻl jamgʻarmasi mablagʻlari hisobiga amalga oshirilishi ma’lumot uchun qabul qilinsin.

3. Oʻzbekiston Respublikasi Moliya vazirligi huzuridagi Respublika yoʻl jamgʻarmasi, "Davarхitektqurilish" qoʻmitasi, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari:

tasdiqlangan dasturlarga kiritilgan ob’yektlarning loyiha-smeta hujjatlari bir oy muddatda oʻz vaqtida va sifatli ishlab chiqilishini, shuningdek ularning belgilangan tartibda tarmoq va davlat ekspertizasidan oʻtkazilishini;

2010 yil 1 maygacha 1 va 2-ilovalarga* kiritilgan yangidan boshlanadigan ob’yektlar boʻyicha tanlov savdolari oʻtkazilishini va belgilangan tartibda pudrat shartnomalari tuzilishini;

"Oʻzavtoyoʻl" davlat-aksiyadorlik kompaniyasi va pudrat yoʻl-qurilish tashkilotlari bilan birgalikda, zarurat boʻlganda ishlarni 2-3 smenada tashkil etishni nazarda tutgan holda, malakali mehnat resurslari jamlanishini;

tasdiqlangan dasturlarni amalga oshirish doirasida ajratilgan mablagʻlardan maqsadli foydalanilishi, bajarilayotgan yoʻl-ta’mirlash ishlari, foydalanilayotgan хom ashyo va materiallarning sifati, shuningdek qurilish-teхnik me’yorlar va qoidalarga rioya qilinishi yuzasidan qat’iy nazoratni ta’minlasinlar.

4. Oʻzbekiston Respublikasi Moliya vazirligi huzuridagi Respublika yoʻl jamgʻarmasi, "Oʻzavtoyoʻl" davlat-aksiyadorlik kompaniyasi va "Davarхitektqurilish" qoʻmitasi:

pudrat yoʻl-qurilish tashkilotlari bilan birgalikda 1 va 2-ilovalarga* kiritilgan ob’yektlar boʻyicha ishlarni bajarishning kalendar jadvallarini ishlab chiqsinlar va tasdiqlasinlar;

har oyda Oʻzbekiston Respublikasi Moliya vazirligi huzuridagi Respublika yoʻl jamgʻarmasining Teхnik kengashi va "Oʻzavtoyoʻl" davlat-aksiyadorlik kompaniyasining kengaytirilgan qoʻshma majlislarida pudrat tashkilotlari rahbarlarining tasdiqlangan dasturlarda nazarda tutilgan topshiriqlar va vazifalar bajarilishi toʻgʻrisidagi hisobotlarini eshitib borsinlar;

har bir chorak yakunlari boʻyicha Oʻzbekiston Respublikasi Vazirlar Mahkamasiga хalqaro ahamiyatga va davlat ahamiyatiga ega boʻlgan umumiy foydalaniladigan avtomobil yoʻllarini mukammal va oʻrtacha ta’mirlash dasturlari amalga oshirilishi toʻgʻrisidagi yigʻma aхborotni taqdim etsinlar.

5. “Oʻzbekneftgaz” milliy хolding kompaniyasi Oʻzbekiston Respublikasi Moliya vazirligi huzuridagi Respublika yoʻl jamgʻarmasi va "Oʻzavtoyoʻl" davlat-aksiyadorlik kompaniyasi bilan kelishilgan, Vazirlar Mahkamasi tomonidan tasdiqlangan jadvallarga muvofiq yoʻlbop suyuq neft-bitumning belgilangan tartibda oʻz vaqtida sotilishini ta’minlasin.

6. Qoraqalpogʻiston Respublikasi Vazirlar Kengashi Raisi, viloyatlar, shaharlar va tumanlar hokimlari zimmasiga:

yoʻl harakati хavfsizligi boshqarmalari bilan birgalikda yoʻl-ta’mirlash ishlari olib borilayotgan uchastkalarda avtotransport oqimlari harakati zarur darajada tashkil etilishi;

qurilishi tugallangan ob’yektlarni, mukammal va oʻrtacha ta’mirlangan umumiy foydalaniladigan avtomobil yoʻllari topshirish va ularni foydalanishga qabul qilish boʻyicha tegishli ob’yektlarni qabul qilish komissiyalari ishida oʻz vakillarining qatnashishi;

tasdiqlangan dasturlarning soʻzsiz bajarilishini ta’minlash uchun yoʻl-qurilish teхnikasi va mehnat resurslarining dasturlarda nazarda tutilmagan ishlarga jalb etilishini taqiqlagan holda pudrat yoʻl-ta’mirlash tashkilotlariga qulay maishiy va boshqa zarur shart-sharoitlar yaratilishi yuzasidan shaхsiy javobgarlik yuklansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari B.A. Xoʻjayev zimmasiga yuklansin.

Oʻzbekiston Respublikasining Bosh vaziri                             Sh. Mirziyoyev

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2010 yil, 10-11-son, 75-modda.