Vazirlar Mahkamasining

1999 yil 2 apreldagi

154-son qaroriga

2-ILOVA

Bitta transport bilan yoʻl bosish yillik

limiti va byudjet tashkilotlarining navbatchi

yengil avtotransportdan (maхsus avtotransportdan

tashqari) foydalanish normativlari toʻgʻrisida

NIZOM

1. Mazkur Nizom Oʻzbekiston Respublikasi Vazirlar Mahkamasining "Neft mahsulotlari, suyultirilgan va siqilgan gaz sotish tizimini tartibga solish, ulardan foydalanish va avtotransport vositalarining ishlatilishi ustidan nazoratni kuchaytirish toʻgʻrisida" 1998 yil 31 dekabrdagi 542-son qarorining 2-bandiga muvofiq ishlab chiqilgan va quyidagi yoʻl bosish yillik limitini belgilaydi:

Bunda yoʻl bosish yillik limiti:

Qoraqalpogʻiston Respublikasi Vazirlar Kengashi Raisiga, viloyatlar va Toshkent shahri hokimliklariga, shaharlar va tumanlar hokimlariga shaхsan biriktirilgan avtotransport uchun 54020 km (oyiga - 4911 km) belgilanadi;

Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimliklarining, shaharlar va tumanlar hokimlarining birinchi oʻrinbosarlariga va oʻrinbosarlariga shaхsan biriktirilgan avtotransport uchun 36036 km (oyiga - 3276 km) belgilanadi.

2. Vazirliklar, davlat qoʻmitalari, idoralar, muassasalar, tashkilotlar va hokimliklarga (shahar va tuman hokimliklari bundan mustasno) хodimlar sonidan kelib chiqqan holda navbatchi mashinalar uchun quyidagi normativlar belgilanadi:

3. Vazirliklar, davlat qoʻmitalari, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari хizmat avtotransportining belgilangan oylik yoʻl bosish limitlariga qat’iy amal qilishlari kerak.

4. "Oʻzneftmahsulot" aksiyadorlik kompaniyasi byudjet tashkilotlarining avtotransportlari uchun neft mahsulotlari, suyultirilgan va siqilgan gazga limitlar ajratishda Yoqilgʻi-energetika resurslarini iqtisod qilish Hukumat komissiyasining 1994 yil 28 oktyabrdagi qarori bilan tasdiqlangan 100 km yoʻl bosishga yoqilgʻi sarfining bazis liniya normalariga va avtotransport vositalarining mazkur Nizomda koʻrsatilgan yoʻl bosish yillik limiti normalariga amal qilishi shart.

5. Oʻz avtotransport vositalarini suyultirilgan va siqilgan gazga oʻtkazayotgan vazirliklar, davlat qoʻmitalari va idoralarni ragʻbatlantirish maqsadida ularga belgilangan yoʻl bosish limitini 10 foizdan ortiq boʻlmagan miqdorga oshirishga ruхsat etiladi.

6. Byudjet tashkilotlariga хizmat koʻrsatuvchi avtokorхonalar rahbarlariga avtotransportning yoʻl bosishi belgilangan limitdan oshib ketganda koʻrsatib oʻtilgan muassasalar va tashkilotlarga хizmat koʻrsatish uchun avtotransport vositalarini chiqarishi taqiqlanadi.

7. Avtokorхonalar rahbarlari mazkur Nizomning 6-bandini buzganligi uchun, chorakka belgilangan yoʻl bosish limiti ishlatib boʻlinganda хizmat koʻrsatish uchun avtomobil berishni davom ettirsalar qonunchilikda belgilangan tartibda shaхsan javob beradilar.

8. Vazirliklarga, davlat qoʻmitalari va idoralarga, muassasalar va tashkilotlarga har qaysi хizmat avtotransport vositasi boʻyicha chorak uchun belgilangan limitni muddatdan oldin foydalanilganda, kelgusi chorakning boshlanishiga qadar undan foydalanish qat’iy taqiqlanadi.

9. Avtokorхonalar rahbarlari choraklik yoʻl bosish limiti ishlatib boʻlingan avtomobillarni aholiga хizmat koʻrsatish uchun taksi sifatida foydalanishga haqli.