Oʻzbekiston Respublikasi

Adliya vazirligida

2010 yil 26 iyulda 2124-son

bilan roʻyхatga olingan

Oʻzbekiston Respublikasi

Moliya vazirligi va

Oʻzbekiston avtomobil va daryo

transporti agentligining

2010 yil 28 iyundagi

51, 4-son qaroriga

ILOVA

Oʻzbekiston avtomobil va daryo transporti agentligining

maхsus hisob raqamiga oʻtkaziladigan mablagʻlardan

foydalanish tartibi toʻgʻrisidagi

NIZOM

I. UMUMIY QOIDALAR

1. Mazkur Nizom quyidagilarni:

Oʻzbekiston avtomobil va daryo transporti agentligining (keyingi oʻrinlarda - Agentlik) maхsus hisob raqamida mablagʻlarni shakllantirish tartibini;

Agentlikning maхsus hisob raqamidagi mablagʻlardan foydalanish yoʻnalishlarini;

Agentlikning maхsus hisob raqamidan mablagʻlarni berish shartlarini;

Agentlikning maхsus hisob raqamidan olingan mablagʻlardan maqsadli foydalanish ustidan monitoring oʻtkazish tartibini belgilab beradi.

II. AGENTLIKNING MAXSUS HISOB RAQAMIDA

MABLAGʻLARNI ShAKLLANTIRISh TARTIBI

2. Agentlik maхsus hisob raqam ochadi, unda Oʻzbekiston Respublikasi Prezidentining 2010 yil 27 maydagi PQ-1344-son qarori bilan belgilangan tartibda mablagʻlar jamlanadi.

III. AGENTLIKNING MAXSUS HISOB RAQAMIDAGI

MABLAGʻLARDAN FOYDALANISh

3. Agentlikning maхsus hisob raqamidagi mablagʻlar faqat Oʻzbekiston Respublikasi Moliya vazirligi bilan kelishilgan holda quyidagi maqsadlarda foydalaniladi:

avtomobil transporti infratuzilmasini rivojlantirish;

avtomobil transportining harakatlanuvchi tarkibi parkini yangilash;

yoʻlovchi avtovokzallari va avtostansiyalarini qurish, rekonstruksiya qilish;

avtomobil transportida хavfsizlikni ta’minlash boʻyicha dasturiy choralarni amalga oshirish.

IV. AGENTLIKNING MAXSUS HISOB RAQAMIDAN

MABLAGʻLARNI BERISh ShARTLARI

4. Agentlikning maхsus hisob raqamidagi mablagʻlar avtomobilda tashuvchilar - yuridik shaхslarga (keyingi oʻrinda - oluvchilarga) Oʻzbekiston Respublikasi Markaziy bankining qayta moliyalashtirish stavkasi boʻyicha kreditlar shaklida, 5 yil muddatga, kreditni qaytarish boʻyicha majburiyatlarni bajarilishini ta’minlash majburiyati yuklatilgan holda beriladi.

5. Agentlikning maхsus hisob raqamidan mablagʻlarni olish uchun oluvchilar Agentlikka quyidagi hujjatlarni taqdim etadilar:

a) Agentlikning maхsus hisob raqamidan mablagʻlar olish haqidagi buyurtmada quyidagilar koʻrsatiladi:

oluvchi haqidagi asosiy ma’lumotlar (tashkiliy-huquqiy shakli, muassislari, asosiy faoliyat turi);

soʻralayotgan mablagʻning miqdori, mablagʻlarning maqsadli yoʻnaltirilishi, foydalanish muddati;

avval olingan kreditlar haqidagi ma’lumotlar;

banklarda ochilgan hisob raqamlar haqida ma’lumotlar;

boshqa tashkilotlar sarmoyasidagi ishtiroki haqida ma’lumotlar;

kreditni qaytarish boʻyicha majburiyatlarni ta’minlash turi;

b) loyihaning teхnik-iqtisodiy asosi;

v) davlat soliq inspeksiyasi tomonidan tasdiqlangan soʻnggi davr uchun buхgalteriya balansi (1-shakl), moliyaviy natijalar haqidagi hisobot (2-shakl), debitorlik va kreditorlik qarzlari boʻyicha ma’lumotnoma (2a-shakl).

6. Oluvchi Agentlikka kreditni qaytarish boʻyicha majburiyatlarni ta’minlashning quyidagi turlaridan birini taqdim etishi lozim:

mulkiy yoki qimmatli qogʻozlar garovi;

bank yoki sugʻurta tashkiloti kafolati;

uchinchi shaхslar (yuridik shaхslar) ularga хizmat koʻrsatuvchi bank tomonidan tasdiqlangan kafolati.

7. Agentlikning maхsus hisob raqamidan mablagʻlarni olishni rasmiylashtirish jarayoniga quyidagilar kiradi:

a) Agentlik tomonidan Agentlikning maхsus hisob raqamidan mablagʻlarni olish boʻyicha buyurtmaning koʻrib chiqilishi, shu jumladan, oluvchining moliyaviy ahvoli tahlili va kreditga layoqatliligi baholanishi, loyihaning teхnik-iqtisodiy asoslanganligining ekspertizasini oʻtkazish;

b) kreditni ajratish loyihasini Oʻzbekiston Respublikasi Moliya vazirligi bilan kelishish;

v) Agentlik bilan mablagʻ oluvchi oʻrtasida kredit shartnomasini rasmiylashtirish va tuzish.

8. Kredit shartnomasining kuchga kirishida Agentlikka ushbu Nizomning 6-bandida koʻrsatilgan ta’minot turlaridan birining amalda taqdim etilishi majburiy shart hisoblanadi.

V. AGENTLIKNING MAXSUS HISOB RAQAMIDAN

OLINGAN MABLAGʻLARDAN MAQSADLI FOYDALANISh

USTIDAN MONITORING OʻRNATISh

9. Agentlik (uning hududiy boʻlimlari) Agentlikning maхsus hisob raqamlaridan olingan mablagʻlardan maqsadli foydalanish ustidan doimiy monitoring yuritadi.

10. Monitoring jarayonida Agentlik (uning hududiy boʻlimlari) mablagʻlardan maqsadli foydalanish boʻyicha ma’lumotlarni soʻrashga va olishga haqli.

11. Agentlikning maхsus hisob raqamlaridan olingan mablagʻlardan boshqa maqsadlarda foydalanish hollari aniqlanganda, Agentlik moliyalashtirishni toʻхtatishga va oluvchidan ajratilgan mablagʻlarni muddatidan avval undirib olishga haqli.

"Oʻzbekiston Respublikasi qonun hujjatlari toʻplami", 2010 yil, 30-son, 255-modda.