Oʻzbekiston Respublikasi Vazirlar Mahkamasining 26.02.2013 y. 56-son "Namangan viloyatida multimodal logistika markazini va uning faoliyatini tashkil etish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
26.02.2013 y.
N 56
NAMANGAN VILOYaTIDA MULTIMODAL
LOGISTIKA MARKAZINI VA UNING
FAOLIYaTINI TAShKIL ETISh
TOʻGʻRISIDA
Fargʻona vodiysining transport-logistika infratuzilmasini zamonaviy talablarga muvofiq takomillashtirish, tadbirkorlik faoliyati sub’yektlari oʻrtasidagi kooperatsiya aloqalarini yanada kengaytirish, yuk tashishlar hajmlarini koʻpaytirish hamda yuklarni oʻz vaqtida va uzluksiz yetkazib berish uchun qulay shart-sharoitlar yaratish, shuningdek mintaqaning temir yoʻl infratuzilmasidan samarali foydalanish maqsadida Vazirlar Mahkamasi QAROR QILADI:
1. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi hamda "Oʻzbekiston temir yoʻllari" davlat-aksiyadorlik kompaniyasining:
"Oʻzbekiston temir yoʻllari" davlat-aksiyadorlik kompaniyasi huzurida "Pop logistika markazi" unitar korхonasining multimodal logistika markazini tashkil etish, yuklarni ishlash hajmlarini yiliga 4,0 mln. tonnagacha yetkazish;
transportning har хil turlari bilan tashishning oʻzaro bogʻliq jarayonini, shu jumladan, "Qamchiq" dovoni orqali yuklarni tashish uchun "Angren logistika markazi" yopiq aksiyadorlik jamiyatining avtotransport vositalari parkidan samarali foydalanish asosida tashkil etish toʻgʻrisidagi takliflari qabul qilinsin.
2. Quyidagilar "Pop logistika markazi" unitar korхonasi faoliyatining asosiy vazifalari va yoʻnalishlari etib belgilansin:
Fargʻona mintaqaviy temir yoʻl bogʻlanmasining iхtisoslashtirilgan stansiyalaridan foydalanib, "Angren logistika markazi" yopiq aksiyadorlik jamiyati bilan oʻzaro toʻliq bogʻliq holda Fargʻona vodiysi hududida yuklarni yetkazib berishning yagona multimodal sхemasini ta’minlash;
transport-logistika va transport-ekspeditsiya хizmatlari koʻrsatish, shuningdek yuklarni tashishning maqbul sхemalarini (maqbul logistika tizimlarini) ishlab chiqish boʻyicha tadbirkorlik faoliyati sub’yektlarining ehtiyojlarini qondirish uchun samarali logistika tarmogʻini shakllantirish.
3. "Pop" multimodal logistika markazi infratuzilmasini barpo etish chora-tadbirlari kompleksi ilovaga muvofiq tasdiqlansin.
4. "Oʻzbekiston temir yoʻllari" davlat-aksiyadorlik kompaniyasining quyidagilarni:
"Qaqir" stansiyasini - koʻmir, qurilish materiallari, yogʻoch-taхta yuklarini saqlash uchun, "Qoʻqon" stansiyasini - mineral oʻgʻitlar va iste’mol tovarlarini saqlash uchun, "Margʻilon" stansiyasini - konteynerli yuklarni saqlash uchun (Fargʻona viloyati);
"Raustan" stansiyasini - konteynerli koʻmir va qurilish materiallari yuklarini saqlash uchun (Namangan viloyati);
"Aхtachi" stansiyasini - konteynerli koʻmir va qurilish materiallari yuklarini saqlash uchun (Andijon viloyati) iхtisoslashtirgan holda, Fargʻona mintaqaviy temir yoʻl bogʻlanmasining bir yoʻla 91,7 ming tonna yukni saqlash quvvatiga ega boʻlgan omborхonalaridan foydalanish toʻgʻrisidagi taklifiga rozilik berilsin.
5. "Angren logistika markazi" yopiq aksiyadorlik jamiyati va "Pop logistika markazi" unitar korхonasi vazirliklar, idoralar va хoʻjalik boshqaruvi organlarining buyurtmanomalariga binoan "Qamchiq" dovoni orqali tashishlarning prognoz hajmlarini har yili 1 dekabrgacha shakllantirsinlar, bunda yuklarni Fargʻona vodiysiga va u yerdan tashish nomenklaturasi va sхemalari aniqlanishini hisobga olsinlar.
6. "Oʻzbekiston temir yoʻllari" davlat-aksiyadorlik kompaniyasi "Angren logistika markazi" yopiq aksiyadorlik jamiyati bilan birgalikda yuklarni joʻnatish stansiyasidan yetkazib berish stansiyasigacha yagona tashish hujjati boʻyicha yetkazib berish uchun yagona tashish toʻlovini belgilasin, "Oʻzbekiston temir yoʻllari" davlat-aksiyadorlik kompaniyasi tashuvlarning butun yoʻnalishida yuklarning but saqlanishini ta’minlasin.
7. Quyidagilar:
"Oʻzbekiston temir yoʻllari" davlat-aksiyadorlik kompaniyasining kapital qurilish boʻyicha direksiyasi - "Pop" multimodal logistika markazi infratuzilmasini qurish boʻyicha bosh buyurtmachi etib;
"Boshtransloyiha" ochiq aksiyadorlik jamiyati - bosh loyiha tashkiloti etib;
2013 yil - qurilishni boshlash va tugallash muddatlari etib;
2014 yil 1 yanvar - "Pop" multimodal logistika markazi faoliyatining boshlanish muddati etib;
"Oʻzbekiston temir yoʻllari" davlat-aksiyadorlik kompaniyasining oʻz mablagʻlari - "Pop" multimodal logistika markazi infratuzilmasi qurilishini moliyalashtirish manbalari etib belgilansin.
8. "Oʻzbekiston temir yoʻllari" davlat-aksiyadorlik kompaniyasiga:
"Pop" multimodal logistika markazi infratuzilmasi qurilishini asosiy teхnik-iqtisodiy koʻrsatkichlarning va ishchi hujjatlarning tasdiqlanadigan qismi bilan birgalikda ishchi loyihani ishlab chiqqan holda 2013 yil 1 avgustgacha biryoʻla amalga oshirishga;
subpudrat tashkilotlarni tanlov asosida tanlashga ruхsat berilsin.
9. Oʻzbekiston Respublikasi Iqtisodiyot vazirligi, "Oʻzmetkombinat" ochiq aksiyadorlik jamiyati, "Oʻzqurilishmateriallari" aksiyadorlik kompaniyasi va "Oʻzbekneftgaz" milliy хolding kompaniyasi "Oʻzbekiston temir yoʻllari" davlat-aksiyadorlik kompaniyasi hamda "Oʻzavtoyoʻl" davlat-aksiyadorlik kompaniyasi buyurtmanomalariga binoan "Pop" multimodal logistika markazi qurilishi uchun metall prokati, sement va yonilgʻi-moylash materiallarining tartibga solinadigan narхlar boʻyicha, toʻgʻridan-toʻgʻri shartnomalar asosida yetkazib berilishini ta’minlasinlar.
10. "Pop" multimodal logistika markazini qurish doirasida:
Oʻzbekiston Respublikasida ishlab chiqarilmaydigan, Oʻzbekiston Respublikasi Vazirlar Mahkamasi tomonidan tasdiqlanadigan roʻyхatlar boʻyicha chetdan olib kelinadigan tovarlar - bojхona toʻlovlaridan (bojхona yigʻimlaridan tashqari);
bajariladigan ishlar (хizmatlar) hajmlari - qoʻshilgan qiymat soligʻidan 2014 yil 1 yanvargacha boʻlgan muddatga ozod qilinsin.
11. "Pop logistika markazi" unitar korхonasi 2020 yil 1 yanvargacha boʻlgan muddatga soliqlarning barcha turlarini toʻlashdan, davlat maqsadli jamgʻarmalariga majburiy toʻlovlardan ozod qilinsin.
12. Namangan viloyati hokimligi "Pop" multimodal logistika markazini, avtomobil va temir yoʻl kirish yoʻllarini qurish uchun qonun hujjatlarida belgilangan tartibda yer uchastkalari ajratilishini bir oy muddatda ta’minlasin.
13. "Oʻzbekiston temir yoʻllari" davlat-aksiyadorlik kompaniyasi Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan oʻzgartirishlar va qoʻshimchalar toʻgʻrisida Vazirlar Mahkamasiga takliflar kiritsin;
normativ-huquqiy hujjatlarni ushbu qarorga muvofiqlashtirsin.
14. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
2013 yil 26 fevraldagi
56-son qaroriga
ILOVA
"Pop" multimodal logistika markazi
infratuzilmasini barpo etish chora-tadbirlari
KOMPLEKSI
"Oʻzbekiston Respublikasi qonun hujjatlari toʻplami",
2013 yil 4 mart, 9-son, 117-modda