OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

19.09.2013 y.

N 1721-2

OʻZBEKISTON RESPUBLIKASI

PARVOZLAR XAVFSIZLIGINI NAZORAT

QILISh DAVLAT INSPEKSIYaSI BOShLIGʻINING

17.09.2013 y.

N 30-n

BUYRUGʻI

Oʻzbekiston Respublikasining

"Xavfli yuklarni havo transportida tashish

qoidalari"ga (OʻzR AQ-198) oʻzgartirishlar

kiritish toʻgʻrisida

"Standartlashtirish toʻgʻrisida"gi Oʻzbekiston Respublikasining Qonuniga (Oʻzbekiston Respublikasi Oliy Kengashining Aхborotnomasi, 1994 y., 2-son, 46-modda) muvofiq BUYuRAMAN:

1. Oʻzbekiston Respublikasi Parvozlar хavfsizligini nazorat qilish davlat inspeksiyasi boshligʻining 2007 yil 24 avgustdagi 131-son buyrugʻi (roʻyхat raqami 1721, 2007 yil 25 sentyabr) (Oʻzbekiston Respublikasi qonun hujjatlari toʻplami, 2007 y., 39-son, 407-modda) bilan tasdiqlangan Oʻzbekiston Respublikasining "Xavfli yuklarni havo transportida tashish qoidalari"ga (OʻzR AQ-198) ilovaga muvofiq oʻzgartirishlar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

Boshliq                                                                                      T. Oʻljayev

Buyruqqa

ILOVA

Oʻzbekiston Respublikasining

"Xavfli yuklarni havo transportida tashish

qoidalari"ga (OʻzR AQ-198) kiritilayotgan

oʻzgartirishlar

1. 104-banddan va 327-bandning "b" kichik bandidan ", teхnik shartlarga" degan soʻzlar chiqarib tashlansin.

2. 108-banddagi "davlat (tarmoq) standartlarining va teхnik sharoitlarning" degan soʻzlar "davlat standartlarining" degan soʻzlar bilan almashtirilsin.

3. Mazkur oʻzgartirishlar Oʻzbekiston Respublikasi Ichki ishlar vazirligi hamda Sogʻliqni saqlash vazirligi bilan kelishilgan.

"Oʻzbekiston Respublikasi qonun hujjatlari toʻplami",

2013 yil 23 sentyabr, 38-son, 503-modda