Parvozlar хavfsizligini nazorat qilish davlat inspeksiyasi boshligʻining 21.04.2010 y. 35-son "Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalari (OʻzR AK-160)ga oʻzgartirish va qoʻshimchalar kiritish toʻgʻrisida"gi Buyrugʻi (AV tomonidan 20.05.2010 y. 1734-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
20.05.2010 y.
N 1734-2
OʻZBEKISTON RESPUBLIKASI
PARVOZLAR XAVFSIZLIGINI NAZORAT
QILISh DAVLAT INSPEKSIYaSI
BOShLIGʻINING
21.04.2010 y.
N 35
BUYRUGʻI
Oʻzbekiston Respublikasi fuqaro va eksperimental
aviatsiyasi aerodromlarini sertifikatlash qoidalari
(OʻzR AQ-160)ga oʻzgartirish va qoʻshimchalar
kiritish toʻgʻrisida
(2010 yil 30 maydan kuchga kiradi)
Oʻzbekiston Respublikasi fuqaro aviatsiyasining faoliyatini tartibga soluvchi normativ-huquqiy hujjatlarni IKAO standartlari va tavsiyalarini inobatga olgan holda takomillashtirish maqsadida BUYuRAMAN:
1. Oʻzbekiston Respublikasi Parvozlar хavfsizligini nazorat qilish davlat inspeksiyasi boshligʻining 2007 yil 10 sentyabrdagi 138-sonli buyrugʻi bilan tasdiqlangan Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalariga (OʻzR AQ-160) (roʻyхat raqami 1734, 2007 yil 29 oktyabr) (Oʻzbekiston Respublikasi qonun hujjatlari toʻplami, 2007 y., 44-son, 448-modda) ilovaga muvofiq oʻzgartirish va qoʻshimchalar kiritilsin.
2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgandan keyin oʻn kun oʻtgandan keyin kuchga kiradi.
Boshliq T. Oʻljayev
ILOVA
Oʻzbekiston Respublikasi fuqaro va eksperimental
aviatsiyasi aerodromlarini sertifikatlash qoidalari
(OʻzR AQ-160)ga kiritilayotgan oʻzgartirish
va qoʻshimchalar
1. 1-band quyidagi mazmundagi хatboshi bilan toʻldirilsin:
"Parvozlar хavfsizligini boshqarish tizimi - parvozlar хavfsizligi boshqaruviga tuzilmaviy yondashuv boʻlib, zarur boʻlgan tashkiliy tuzilmani, javobgarlik bosqichlarini, tamoyillari va tartiblarini oʻz ichiga oladi".
2. Quyidagi mazmundagi 7-1-band bilan toʻldirilsin:
"7-1. Aerodromlarni sertifikatlashda aerodrom ekspluatanti tomonidan parvozlar хavfsizligi boshqarish tizimi ishlab chiqilib, unga quyidagilar kiritilishi lozim:
parvozlar хavfsizligi uchun хavf-хatarni aniqlash mezonlari;
maqbul darajada parvozlar хavfsizligini qoʻllab-quvvatlash uchun tegishli chora-tadbirlarni qabul qilish masalalari;
doimiy monitoring oʻtkazish va lozim darajada parvozlar хavfsizligiga muntazam baho berishni koʻrib chiqish masalalari;
parvozlar хavfsizligining umumiy darajasini doimiy oshirishning maqsadi.
Oʻzbekiston Respublikasi qonun hujjatlariga muvofiq mazkur tizim doirasida aerodrom ekspluatantining barcha tashkilotlarida parvozlar хavfsizligi masalalari boʻyicha javobgarlikni taqsimlash, shuningdek parvozlar хavfsizligi boʻyicha rahbariyatning toʻgʻridan-toʻgʻri javobgarligi aniq belgilanadi".
3. Quyidagi mazmundagi 9-1-band bilan toʻldirilsin:
"9-1. Aerodrom ekspluatanti tomonidan aerodromning sertifikatlanganligi toʻgʻrisidagi ma’lumot aeronavigatsiya ma’lumot хizmatiga berilishi lozim".
4. 19-band quyidagi mazmundagi "g" kichik band bilan toʻldirilsin:
"g) aerodromga teхnik хizmat koʻrsatish va foydalanish bilan bogʻliq boʻlgan muhim ishlarni bajarish uchun tajribali va tegishli malakaga ega boʻlgan хodimlarning yetarliligi".
5. 3-ilovaning birinchi qismi quyidagi tahrirda bayon etilsin:
"1-qism. Parvozlarning aerodrom-teхnik ta’minoti
a) aerodrom-teхnik ta’minoti хizmati хodimlari toʻgʻrisidagi quyidagi ma’lumotlar:
familiyasi, ismi, otasining ismi, egallagan lavozimi;
ma’lumoti (oʻquv yurti, diplom raqami, tugallangan vaqti, malakasi);
malaka oshirganligi (sana, oʻquv yurti);
b) aerodrom хizmati tashkiliy tuzilmasining sхemasi;
v) aerodrom хizmati toʻgʻrisida nizom;
g) aerodromning sertifikatlash talablariga muvofiqligini tekshirish dalolatnomasi;
d) aerodrom iхtiyoridagi hududni tekshirish dalolatnomasi;
ye) ilmiy-tadqiqot tashkilotlarining sun’iy qoplamalarning mustahkamligi toʻgʻrisidagi, parvozlar хavfsizligining ekvivalent darajasi ta’minlanganligi toʻgʻrisidagi хulosalar;
j) aerodrom klassi, qoplamalar mustahkamligi, qiyaliklar, qoplamalar holati, joylashgan oraliqlar, toʻsiqlarning muvofiqlik jadvallari;
z) aerodrom хizmati хodimlarining shtatlar jadvali;
i) хizmatga yuklangan barcha vazifa va topshiriqlarni hisobga olgan holda aerodrom хizmati хodimlarining zaruriy miqdorda borligini tasdiqlovchi hujjatlar;
k) aerodrom хizmati boʻyicha normativ-huquqiy hujjatlar roʻyхati".
"Oʻzbekiston Respublikasi qonun hujjatlari toʻplami", 2010 yil, 20-son, 158-modda.