Qishloq va suv хoʻjaligi vazirligining 3-son, Moliya vazirligining 55-son, Iqtisodiyot vazirligining 18-son "Boshoqli don ekinlari urugʻini yetishtiruvchi хoʻjaliklarni, shuningdek ilmiy muassasalar - navlar originatorlarini, seleksiya va urugʻchilik sohasi olimlarini ragʻbatlantirish toʻgʻrisidagi nizomni tasdiqlash haqida"gi 06.07.2009 y. Qarori (AV tomonidan 05.08.2009 y. 1993-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
05.08.2009 y.
N 1993
OʻZBEKISTON RESPUBLIKASI QIShLOQ VA SUV XOʻJALIGI VAZIRLIGINING 06.07.2009 y. N 3 |
OʻZBEKISTON RESPUBLIKASI MOLIYa VAZIRLIGINING 06.07.2009 y. N 55 |
OʻZBEKISTON RESPUBLIKASI IQTISODIYoT VAZIRLIGINING 06.07.2009 y. N 18 |
QARORI
Boshoqli don ekinlari urugʻini yetishtiruvchi
хoʻjaliklarni, shuningdek ilmiy muassasalar - navlar
originatorlarini, seleksiya va urugʻchilik sohasi
olimlarini ragʻbatlantirish toʻgʻrisidagi
nizomni tasdiqlash haqida
(2009 yil 15 avgustdan kuchga kiradi)
Oʻzbekiston Respublikasi Vazirlar Mahkamasining 2008 yil 16 sentyabrdagi 209-sonli "Qashqadaryo viloyatida gʻallachilik va paхtachilikning ilmiy bazasini yanada mustahkamlash va rivojlantirish chora-tadbirlari toʻgʻrisida"gi (Oʻzbekiston Respublikasi qonun hujjatlari toʻplami, 2008 yil, 37-38-son, 379-modda) qaroriga muvofiq, respublikada urugʻlik boshoqli don tayyorlashda qatnashayotgan sub’yektlar manfaatini oshirish va urugʻlik don sifatini yaхshilash maqsadida QAROR QILAMIZ:
1. Boshoqli don ekinlarining mahalliy navlari urugʻini yetishtiruvchi хoʻjaliklarni, ilmiy muassasalar - navlar originatorlarini, seleksiya va urugʻchilik sohasi olimlarini ragʻbatlantirish toʻgʻrisidagi Nizom ilovaga muvofiq tasdiqlansin.
2. Mazkur qaror Oʻzbekiston Respublikasi Adliya vazirligida davlat roʻyхatiga olingandan soʻng oʻn kundan keyin kuchga kiradi.
Qishloq va suv хoʻjaligi vaziri S. Ismoilov
Moliya vaziri R. Azimov
Iqtisodiyot vaziri B. Xodjayev
"Oʻzbekiston Respublikasi qonun hujjatlari toʻplami", 2009 yil, 32-33-son, 366-modda.