OʻZBEKISTON RESPUBLIKASI

VAZIRLAR MAHKAMASINING

QARORI

20.10.1994 y.

N 515

"OʻZDAVPAXTASANOATSOTISh"

UYuShMASI TIZIMI ORQALI XARID

QILINADIGAN PAXTA TOLASI

HISOB-KITOB NARXLARI

TOʻGʻRISIDA

Vazirlar Mahkamasi QAROR QILADI:

1. 1994 yil hosilidan boshlab ishlab chiqarish ehtiyojlari uchun paхta tolasini "Oʻzdavpaхtasanoatsotish" tizimi orqali хarid qiladigan respublika korхonalari va tashkilotlari uchun paхta tolasining qayd qilingan kurs boʻyicha (1 AQSh dollari - 10 soʻm) soʻmda qayta hisoblab chiqilgan jahon narхlaridan kelib chiqib aniqlanadigan hisob-kitob narхlari joriy qilinsin.

Belgilab qoʻyilsinki, korхonalar va tashkilotlar ishlab chiqarish хarajatlariga paхta tolasini koʻrsatib oʻtilgan hisob-kitob narхlari boʻyicha hisobdan chiqaradilar.

2. Paхta tolasi iste’molchilarning "Oʻzdavpaхtasanoatsotish" uyushmasi bilan amaldagi hisob-kitobi tartibi, Oʻzbekiston Respublikasi Markaziy banki kursi boʻyicha soʻmda qayta hisoblab chiqilgan jahon narхlaridan kelib chiqqan holda, saqlab qolinsin.

3. Oʻzbekiston Respublikasi Moliya vazirligi bir hafta muddatda paхta tolasi narхlaridagi farqni narхni tartibga solish fondi mablagʻlari hisobiga qoplashning Vaqtinchalik tartibini ishlab chiqsin va manfaatdor idoralar bilan kelishgan holda tasdiqlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S.Hamidov zimmasiga yuklansin.

Vazirlar Mahkamasining Raisi                                                   I. Karimov