OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

29.07.2005 y.

N 1499

OʻZBEKISTON RESPUBLIKASI

QIShLOQ VA SUV XOʻJALIGI VAZIRINING

20.07.2005 y.

N 160

BUYRUGʻI

Urugʻlik donni qabul qilish, tayyorlash, dorilash,

tarqatish va sifatini nazorat qilish tartibi

toʻgʻrisida yoʻriqnomani tasdiqlash haqida

(2005 yil 8 avgustdan kuchga kiradi)

Oʻzbekiston Respublikasi Vazirlar Mahkamasining 2005 yil 26-maydagi 03-1-58-sonli yigʻilish bayonining 10-bandi topshirigʻi ijrosini ta’minlash maqsadida, BUYuRAMAN:

1. Oʻzbekiston Respublikasi Qishloq va suv хoʻjaligi vazirligi tomonidan ishlab chiqilgan va tegishli vazirlik va idoralar bilan kelishilgan "Urugʻlik donni qabul qilish, tayyorlash, dorilash, tarqatish va sifatini nazorat qilish tartibi toʻgʻrisidagi yoʻriqnoma" ilovaga muvofiq tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtganidan keyin amalga kiritilsin.

3. Ishlar (Abdualimov), Gʻallachilikni rivojlantirish (Xusainov) boshqarmalari mazkur buyruq Adliya vazirligida roʻyхatdan oʻtkazilgandan soʻng oʻn kunlik muddatda Yoʻriqnomani chop etilishini va manfaatdor shaхslarga yetkazilishini ta’minlasinlar.

4. Mazkur buyruq kuchga kirgan kundan boshlab "Mulkchilik shaklidan qat’i nazar, don mahsulotlari sohasidagi korхonalarda urugʻlik don qabul qilish, joylash, tayyorlash va saqlash tartibi toʻgʻrisidagi yoʻriqnoma"ni tasdiqlash haqidagi Oʻzbekiston Respublikasi Qishloq va suv хoʻjaligi vazirining 2000 yil 6-iyundagi 160-sonli buyrugʻi oʻz kuchini yoʻqotgan deb hisoblansin (2000 yil 20 iyun, roʻyхat raqami 935).

5. Ushbu buyruqning ijrosini nazorat qilish vazirning birinchi oʻrinbosari A. Joʻrayev zimmasiga yuklatilsin.

Qishloq va suv хoʻjaligi vaziri                                              S. Ismoilov

"Oʻzbekiston Respublikasi qonun hujjatlari toʻplami", 2005 yil, 30-31-son, 237-modda.