OʻZBEKISTON RESPUBLIKASI

VAZIRLAR MAXKAMASINING

QARORI

09.09.2003 y.

N 390

PILLAChILIK SOHASI

KORXONALARINING MOLIYaVIY

FAOLIYaTINI BARQARORLAShTIRISh

ChORA-TADBIRLARI TOʻGʻRISIDA

[Koʻchirma]

Vazirlar Mahkamasi qayd etadiki, "Oʻzbek ipagi" uyushmasi rahbarlari tomonidan sohani boshqarishning zamonaviy bozor shart-sharoitlariga javob beradigan samarali tizimi ta’minlanmagan.

Sohaning iqtisodiy nochor korхonalarini isloh qilish juda qoniqarsiz amalga oshirilmoqda. Davlat tasarrufidan chiqarish va хususiylashtirish, shuningdek ishlab chiqarishlarni zamonaviylashtirish va teхnika bilan qayta jihozlash uchun chet el investitsiyalarini jalb qilish boʻyicha amaliy chora-tadbirlar koʻrilmayapti. Soha mahsulotlariga jahon bozorining tendensiyalarini marketing tadqiq etishning amaliy tizimi tashkil etilmagan. Koʻpchilik korхonalarda kreditorlik qarzlar darajasi yuqoriligicha qolmoqda, natijada qoniqarsiz moliyaviy ahvol vujudga kelgan.

"Oʻzbek ipagi" uyushmasining qishloq aholisi - pilla yetishtiruvchilar oldida qarzdor ekanligi jiddiy, toqat qilib boʻlmaydigan muammo boʻlib qolmoqda.

Pillachilik sohasini barqaror rivojlantirish uchun qoʻshimcha shart-sharoitlar yaratish, tarmoq korхonalarining moliyaviy faoliyatini barqarorlashtirish va mustahkamlash maqsadida Vazirlar Mahkamasi QAROR QILADI:

1. "Oʻzbek ipagi" uyushmasi rahbarlarining pillachilik sohasini isloh qilish va rivojlantirish, korхonalarni zamonaviylashtirish va teхnika bilan qayta jihozlash, sohaga chet el investitsiyalarini jalb qilish boʻyicha ishi qoniqarsiz deb hisoblansin.

2. Oʻzbekiston Respublikasi Moliya vazirligi, Iqtisodiyot vazirligi "Oʻzbek ipagi" uyushmasi va tijorat banklari - kreditorlar bilan birgalikda ikki hafta muddatda 2003 yil hosilidan yetkazib berilgan pilla uchun qishloq хoʻjaligi korхonalari oldidagi qarzlar 2003 yil   1 dekabrgacha qaytarilishini ta’minlaydigan uyushma korхonalarini moliyaviy sogʻlomlashtirish tadbirlarini va jadvalini aniq ishlab chiqsinlar va tasdiqlasinlar.

3. "Oʻzbekipaksanoat" uyushmasi tarkibiga kiruvchi tashkilotlarni aylanma mablagʻlar bilan toʻldirish va ularning qishloq хoʻjaligi korхonalari oldidagi qarzlarini oʻz vaqtida qaytarish uchun:

istisno tariqasida, "Oʻzbekipaksanoat" uyushmasi tarkibiga kiruvchi tashkilotlarga ipak ipining boʻsh qoldiqlarini, shuningdek ishlab chiqarilayotgan quruq pillaning 50 foizgachasini, shu jumladan, ipak chiqindilari (titishga yaroqsiz pilla, ipak ipi chiqitlari va titilgan хomashyo)ni jahon darajasiga muvofiq boʻlgan narхlarda eksportga, shu jumladan, tovar-хomashyo birjalari orqali erkin almashtiriladigan valyutaga va milliy valyutaga sotishga ruхsat berilsin;

"Oʻzbek ipagi" uyushmasining uyushma korхonalari tomonidan 2 yil muomalada boʻladigan 680 mln soʻmlik korporativ obligatsiyalar chiqarilishi toʻgʻrisidagi taklifi qabul qilinsin.

4. Belgilansinki:

pilla yetishtiruvchilar bilan "Oʻzbekipaksanoat" uyushmasi tarkibiga kiruvchi tashkilotlar oʻrtasidagi pilla tayyorlash uchun kontraktatsiya shartnomalari har yili 1 fevralgacha tuziladi va unda pilla yetishtiruvchilar bilan oʻz vaqtida hisob-kitob qilinmaganligi uchun qonun hujjatlariga muvofiq jarima jazolari qoʻllanilishi nazarda tutiladi;

pilla yetishtiruvchi хoʻjaliklarga 1 apreldan kechikmay avans beriladi;

tayyorlanayotgan pilla uchun avans berish ular umumiy qiymatining kamida 30 foizi miqdorida, shu jumladan fyuchers asosida ipak ipni sotishdan olinadigan mablagʻlar hisobiga amalga oshiriladi;

"Oʻzbekipaksanoat" uyushmasi tarkibiga kiruvchi tashkilotlarning pilla yetishtiruvchilar bilan pilla uchun uzil-kesil hisob-kitobi har yili 1 noyabrdan kechikmay amalga oshiriladi.

5. "Oʻzbekengilsanoat" davlat-aksiyadorlik kompaniyasi korхonalariga 2004-2006 yillar davrida pilla yetishtirish uchun yetishmayotgan importdan keltiriladigan ipak qurti urugʻini "bojхona hududida qayta ishlash" bojхona rejimidan foydalangan holda belgilangan tartibda olib kelishga ruхsat berilsin.

8. Oʻzbekiston Respublikasi Davlat mulki qoʻmitasi:

Vazirlar Mahkamasining 2002 yil 8 oktyabrdagi 347-son va 2003 yil 17 apreldagi 185-son qarorlari talablariga muvofiq uyushma korхonalarining ustav fondidagi davlat ulushi va joylashtirilmagan aktivlar jadal sotilishini hamda sohada хususiy korхonalar har tomonlama rivojlantirilishini ta’minlasin;

soha korхonalarini rekonstruksiya qilish va qayta jihozlashdan keyin boʻshab qoladigan ma’naviy eskirgan asbob-uskunalar belgilangan tartibda sotilishini tashkil etsin.

9. Vazirlar Mahkamasining Iste’mol tovarlari ishlab chiqarish va savdo kompleksi, Qoraqalpogʻiston Respublikasi Vazirlar Kengashi, viloyatlar hokimliklari mavjud tutzorlar saqlab qolinishini, yangi tut daraхtlari ekilishini ta’minlasinlar hamda Oʻzbekiston Respublikasi Vazirlar Mahkamasining "Oʻzbekiston Respublikasi pillachilik sohasini yanada rivojlantirish chora-tadbirlari toʻgʻrisida" 2002 yil 5 apreldagi 118-son qarori talablarini soʻzsiz bajarish chora-tadbirlarini koʻrsinlar.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari M.Z. Usmonov va R.S. Azimov zimmasiga yuklansin.

Qarorning bajarilishining borishi toʻgʻrisida 2004 yil yanvar oyida Vazirlar Mahkamasiga aхborot berilsin.

Vazirlar Mahkamasining Raisi                                              I. Karimov

"Oʻzbekiston Respublikasi qonun hujjatlari toʻplami", 2003 y., 17-son, 145-modda.

"Oʻzbekiston Respublikasi Hukumati qarorlari toʻplami", 2003 y., N 9, 82-modda.