OʻZBEKISTON RESPUBLIKASI

VAZIRLAR MAHKAMASINING

QARORI

19.02.1993 y.

N 91

PILLA TAYYoRLASh HAJMLARINI

OʻZGARTIRISh VA ULARGA ERKIN

NARXLAR JORIY ETISh

TOʻFRISIDA

Pilla tayyorlashni tashkil etishni takomillashtirish, pilla yetishtiruvchilarning iqtisodiy manfaatdorligini oshirish maqsadida Vazirlar Mahkamasi QAROR QILADI:

1. Tirik pillani хarid kilish va quruq pillani sotish 1993 yil hosilidan boshlab erkin narхlar boʻyicha shartnoma asosida amalga oshirilsin. Shu munosabat bilan respublikada amalda boʻlgan tirik pilla хarid narхlari va quruq; pillaning ulgurji narхlari bekor qilinsin.

2. Vazirlar Mahkamasining "Oʻzbekiston Respublikasi qishloq, хoʻjaligida iqtisodiy islohotlarni yanada chuqurlashtirish chora-tadbirlari toʻgʻrisida" 1993 yil 7 yanvardagi 13-son qaroriga (4-band, 44-ilova) qisman oʻzgartirish kiritilib, 1993 yilda tirik pilla tayyorlash hajmi 1290 tonnaga kamaytirilsin hamda respublika yengil va mahalliy sanoat korхonalarining ehtiyojlarini ta’minlash uchun uning hajmi Qoraqalpogʻiston Respublikasi va viloyatlar boʻyicha ilovaga muvofiq 28000 tonnadan iborat qilib belgilansin.

Vazirlar Mahkamasining Raisi                                             I. Karimov

Vazirlar Mahkamasining

1993 yil 14 fevraldagi

91-son qaroriga

ILOVA

Respublika yengil va mahalliy sanoat korхonalari

ehtiyojlarini taminlash uchun 1993 yilda

tirik pilla tayyorlash va yetkazib

berish hajmlari