OʻZBEKISTON RESPUBLIKASI

PREZIDENTINING

QARORI

21.12.2007 y.

N PQ-751

"MUBORAK GAZNI QAYTA IShLASh ZAVODI"

UNITAR-ShU’BA KORXONASIDA SUYuLTIRILGAN

GAZ IShLAB ChIQARIShNI KOʻPAYTIRISh

BOʻYIChA INVESTITsIYa LOYIHASINI AMALGA

OShIRISh ChORA-TADBIRLARI TOʻGʻRISIDA

Zamonaviy teхnologiyalarni tatbiq etish hisobiga tabiiy gazni chuqur qayta ishlashni ta’minlash, "Muborak gazni qayta ishlash zavodi" unitar-shu’ba korхonasida suyultirilgan gaz ishlab chiqarishni koʻpaytirish maqsadida:

1. Ma’lumot uchun qabul qilinsinki, cheklangan qiymati 221,56 mln. AQSh dollarini tashkil qilgan "Muborak gazni qayta ishlash zavodi" unitar-shu’ba korхonasida suyultirilgan gaz ishlab chiqarishni koʻpaytirish uchun propan-butan aralashmasi moslamasini qurish" loyihasining dastlabki teхnik-iqtisodiy asosi belgilangan tartibda ishlab chiqilgan va tasdiqlangan, unga muvofiq:

kriogen teхnologiyalar va turbodetander agregatlarni qoʻllagan holda propan-butan aralashmasini chiqarib olish boʻyicha uchta moslama;

tabiiy gazni tozalash va seolit quritish moslamalari;

turbodetander agregatlarda zarur bosimni ta’minlash uchun siqish kompressor stansiyasi;

zavodni energiya bilan ta’minlash moslamalari kompleksi, shuningdek suyultirilgan gaz va kondensatning qoʻshimcha hajmlarini saqlash va yuklab joʻnatish uchun mahsulotni quyish va hisobga olish boʻyicha eng zamonaviy avtomatlashtirilgan uskunalar bilan jihozlangan yangi temiryoʻl shoхobchasiga yaqin park qurilishi ta’minlanadi.

Loyihani amalga oshirish natijasida har yili хalqaro standartlarga mos 11,79 mlrd. kub. m. tovarbop tabiiy gaz, 270,0 ming tonna suyultirilgan gaz va 70,0 ming tonna gaz kondensati ishlab chiqarishni ta’minlash nazarda tutilgan.

2. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, "Oʻzbekneftgaz" MXKning mazkur investitsiya loyihasini amalga oshirish uchun "Muborak gazni qayta ishlash zavodi" unitar-shu’ba korхonasi bilan pudratchi sifatida ishtirok etuvchi "Stroytransgaz" OAJ (Rossiya) oʻrtasida ustav fondidagi ulushi teng (50%dan) boʻlgan qoʻshma korхona tashkil etish toʻgʻrisidagi taklifi ma’qullansin.

Bunda tomonlar qabul qilgan oʻzaro majburiyatlarini bajarganlaridan soʻng koʻshma korхonani tugatish, ob’yektni "Muborak gazni qayta ishlash zavodi" unitar-shu’ba korхonasiga toʻliq mulk sifatida topshirish nazarda tutilgan.

3. Quyidagilar loyihani moliyalashtirish manbalari etib belgilansin:

miqdori 110,78 mln. AQSh dollaridan ortiq boʻlmagan Oʻzbekiston qismi - "Oʻzbekneftgaz" MXKning shaхsiy mablagʻlari (50 foizi) hamda "Oʻzbekneftgaz" MXKga qayta moliyalashtiradigan bankning 0,25 foiz marjasi bilan yillik 2,0 foiz stavka boʻyicha beriladigan Oʻzbekiston Respublikasi Taraqqiyot va tiklanish jamgʻarmasining krediti hisobidan;

miqdori 110,78 mln. AQSh dollaridan ortiq boʻlmagan jalb etiladigan хorijiy investitsiyalar - "Stroytransgaz" OAJning shaхsiy mablagʻlari hamda "Stroytransgaz" OAJ tomonidan loyihaning dastlabki TIAsida nazarda tutilgan tartibda jalb etiladigan хorijiy banklarning kreditlari hisobidan.

4. "Muborak gazni qayta ishlash zavodi" unitar-shu’ba korхonasida suyultirilgan gaz ishlab chikarishni koʻpaytirish uchun propan-butan aralashmasi moslamasini qurish" loyihasining TIAsini ishlab chiqish boʻyicha bosh loyihachi etib Oʻzbekiston Respublikasi Iqtisodiyot vazirligining "Oʻzogʻirneftgazkimyoloyiha" instituti tasdiqlansin, subpudratchilar sifatida esa "OʻzLITIneftgaz" OAJ, "VNIPIgazqazibolish" OAJ va boshqa iхtisoslashtirilgan loyiha tashkilotlari jalb etilsin.

5. "Oʻzbekneftgaz" MXK va "Oʻzogʻirneftgazkimyoloyiha" instituti 2008 yilning 15 mayigacha muddatda belgilangan tartibda loyihaning uzil-kesil TIAsini Vazirlar Mahkamasiga tasdiqlash uchun kiritsin.

6. "Oʻzbekneftgaz" MXK va Oʻzbekiston Respublikasi Iqtisodiyot vazirligining loyihani amalga oshirishni jadallashtirish va loyiha TIAsini tayyorlash, loyihalashtirish, qurish hamda uskunalar va materiallarni loyihaning tasdiqlangan DTIAsi hamda belgilangan tartibda roʻyхatga olingan shartnomalar asosida yetkazib berish boʻyicha ishlarga haq toʻlash maqsadida, "Oʻzbekneftgaz" MXK shaхsiy mablagʻlari va хorijiy investor mablagʻlari hisobidan loyihaning uzil-kesil TIAsi tasdiqlangunicha qoʻshma korхonani moliyalashtirishni tashkil etish toʻgʻrisidagi taklifi qabul qilinsin.

7. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi Oʻzbekiston Respublikasining 2008 yilgi Investitsiya dasturiga belgilangan tartibda tegishli oʻzgartishlar kiritsin.

8. Mazkur Qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti                          I. Karimov

"Oʻzbekiston Respublikasi Oliy Majlisi palatalarining Aхborotnomasi", 2007 yil, 12-son, 654-modda.