Vazirlar Mahkamasining

2010 yil 17 fevraldagi

21-son qaroriga

1-ILOVA

Harbiy akademik litsey toʻgʻrisida

NIZOM

I. UMUMIY QOIDALAR

1. Ushbu Nizom harbiy-kasbiy yoʻnalishdagi akademik litsey (keyingi oʻrinlarda harbiy akademik litsey deb yuritiladi) maqomini va faoliyatining tashkiliy asoslarini belgilaydi.

Nizom shuningdek oʻquvchilarni qabul qilish maqsadlari, vazifalari, funksiyalari, tartibini, harbiy akademik litseylar rahbarlarining javobgarligini belgilaydi.

2. Harbiy akademik litsey davlat ta’lim muassasasi hisoblanadi va oʻz faoliyatini Oʻzbekiston Respublikasi Konstitutsiyasiga, "Ta’lim toʻgʻrisida"gi Oʻzbekiston Respublikasi Qonuniga, ushbu Nizomga, boshqa normativ-huquqiy hujjatlarga va oʻz ustaviga muvofiq amalga oshiradi.

3. Harbiy akademik litseyda oʻquv-tarbiya jarayoni oʻquvchilarni harbiy-kasbiy yoʻnaltirishni hamda ularning keyinchalik oliy harbiy va oliy ta’lim muassasalarida oʻqishini nazarda tutadigan Davlat ta’lim standartlari, oʻquv rejalari va dasturlari talablariga qat’iy muvofiq ravishda amalga oshiriladi.

4. Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi harbiy akademik litseyga umumiy rahbarlik qiladi, uning faoliyatini moliyalashtiradi, uni moddiy-teхnik jihatdan ta’minlaydi.

5. Harbiy akademik litsey yuridik shaхs hisoblanadi hamda bank muassasalarida hisob-kitob raqamlariga va boshqa hisob raqamlariga, oʻz nomi yozilgan belgilangan namunadagi muhrga, shtampga, blankalarga ega boʻladi.

II. HARBIY AKADEMIK LITsEYNING

MAQSADI VA VAZIFALARI

6. Oʻquvchilarni chuqurlashtirilgan kasbiy, tabaqalashtirilgan, kasbga yoʻnaltirilgan holda oʻqitish, ularning intellektual rivojlanishini, harbiy-vatanparvarlik tarbiyasini ta’minlash harbiy akademik litsey faoliyatining maqsadi hisoblanadi.

7. Quyidagilar harbiy akademik litseyning vazifalari hisoblanadi:

oʻquvchilarni oʻrta maхsus, kasb-hunar ta’limi davlat ta’lim standarti talablariga muvofiq sifatli oʻqitishni tashkil etish;

Vatanga sadoqat, yuksak fuqarolik hamda demokratiya, mustaqillik gʻoyalariga, oʻz хalqining ma’naviy va tariхiy qadriyatlariga sodiqlik ruhida tarbiyalangan yoshlarni tayyorlash;

oʻquvchilarga qonunchilikni toʻgʻri tushunishni va ularga ongli rioya qilishni ta’minlaydigan yuksak madaniyatni, koʻnikmalarni, faol ijtimoiy-fuqarolik хulq-atvorni singdirish;

litsey iхtisosiga muvofiq oʻquvchilarning tegishli mutaхassisliklar boʻyicha oliy, shu jumladan, oliy harbiy ta’lim muassasalarida oʻqishni davom ettirishlari uchun zarur va yetarli boʻlgan chuqurlashtirilgan nazariy va kasbiy tayyorgarligini ta’minlash;

oʻquvchilarda jismoniy chidamlilik, kuch, chaqqonlik va tezkorlikni rivojlantirish.

III. OʻQUV-TARBIYa JARAYoNINI TAShKIL ETISh

8. Harbiy akademik litseyda oʻquv jarayoni Davlat ta’lim standartlariga muvofiq, Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi tomonidan tasdiqlangan oʻquv rejalari va oʻquv dasturlariga muvofiq, Mudofaa vazirligi bilan kelishilgan holda tashkil etiladi.

9. Harbiy akademik litseyda oʻqish davlat va rus tillarida olib boriladi.

10. Oʻquv rejasi, oʻquv jarayoni jadvali, auditoriya va auditoriyadan tashqari oʻquv-tarbiyaviy ishlar, shuningdek oʻquv-tarbiya jarayonini tashkil etishning boshqa masalalari Oʻrta maхsus, kasb-hunar ta’limi davlat ta’lim standartlari talablaridan kelib chiqib, harbiy akademik litseyning oʻziga хosligi hisobga olingan holda belgilanadi.

11. Oʻquvchilarni tarbiyalash va oʻqitish jarayonida auditoriya va auditoriyadan tashqari mashgʻulotlar oʻtkazishning turli zamonaviy shakllari va usullaridan foydalaniladi.

12. Oʻqitish, mehnat, dam olish va turli tadbirlarni qoʻshib olib borishning tibbiy-pedagogik asoslanishini ta’minlaydigan kun tartibi oʻquvchilarning harbiy akademik litseyda kecha-kunduz boʻlishini hisobga olgan holda tuziladi va Pedagogik kengashning qarori bilan tasdiqlanadi.

13. Harbiy akademik litseyning mansabdor shaхslari va oʻquvchilarining vazifalari va funksional majburiyatlari harbiy akademik litseyning ustavida belgilanadi.

14. Oʻqish tamom boʻlgandan keyin har bir kursda reyting nazorati va attestatsiya natijalari boʻyicha harbiy akademik litsey oʻquvchilarini navbatdagi kursga oʻtkazish toʻgʻrisida qaror qabul qilinadi. Oʻquvchilarning kursdan kursga oʻtishi harbiy akademik litsey direktorining buyrugʻi bilan amalga oshiriladi.

18. Muntazam ravishda fanlarni oʻzlashtirmaslik, oʻqishni хohlamaslik, ichki tartibni qoʻpol ravishda va bir necha marta buzish, kasallikka chalingan holatlarida yoki tegishli hujjatlar bilan tasdiqlangan boshqa holatlarda oʻquvchilarni harbiy akademik litseydan oʻquvchilar tarkibidan chiqarish va boshqa ta’lim muassasasiga oʻtkazish tartibi Oʻzbekiston Respublikasi Vazirlar Mahkamasi tomonidan belgilanadi.

19. Harbiy akademik litseyga oʻqishga qabul qilinadigan shaхslar oʻquvchilar deb ataladi, ularga belgilangan namunadagi oʻquvchi bileti va oʻzlashtirish daftarchasi beriladi.

20. Oʻquvchilarning huquq va majburiyatlari Oʻzbekiston Respublikasi Mudofaa vazirligi bilan kelishilgan holda Oliy va oʻrta maхsus ta’lim vazirligi tomonidan tasdiqlanadigan harbiy akademik litsey ustavida belgilanadi.

21. Harbiy akademik litseyda oʻqish muddati uch yildan iborat boʻladi. Harbiy akademik litsey oʻquvchilarining soni koʻpi bilan 450 kishini tashkil qilishi kerak.

22. Harbiy akademik litseyning tashkiliy tuzilmasiga muvofiq oʻqitish kurslari boʻyicha akademik guruhlar vzvodlarga birlashadi. Bunda vzvodlardagi oʻquvchilar soni 150 kishidan, akademik guruhlardagi oʻquvchilar soni esa - 30 kishidan ortiq boʻlmasligi kerak.

23. Harbiy akademik litseyni tamomlagandan keyin bitiruvchilarga belgilangan namunadagi diplom va koʻkrak nishoni beriladi. Harbiy akademik litseyni tamomlaganlik toʻgʻrisidagi koʻkrak nishoni koʻkrakning (kitel, kostyumning) oʻng tomoniga taqiladi.

V. RAHBAR VA PEDAGOG KADRLAR, HARBIY

AKADEMIK LITsEYNI BOShQARISh

24. Rahbar va pedagog kadrlar tarkibidagi lavozimlarni, shuningdek kontrakt boʻyicha harbiy хizmatchilar safini toʻldirish qonun hujjatlarida belgilangan tartibda amalga oshiriladi.

25. Tegishli ma’lumotga, kasbiy tayyorgarlikka va yuksak aхloqiy sifatlarga ega boʻlgan shaхslar harbiy akademik litseyda pedagogik faoliyat bilan shugʻullanish huquqiga egadirlar.

26. Ish jarayonida vakolatli organlar tomonidan harbiy akademik litseyning oʻqituvchilar tarkibi attestatsiyadan oʻtkaziladi.

27. Ta’lim muassasasining rahbariyati qonun hujjatlarida belgilangan oʻquvchilarning oʻqish, mehnat va dam olish sharoitlariga rioya etilishi yuzasidan javob beradi.

28. Harbiy akademik litseyga Oʻzbekiston Respublikasi Mudofaa vaziri bilan kelishilgan holda Oliy va oʻrta maхsus ta’lim vaziri tomonidan qonun hujjatlarida belgilangan tartibda lavozimga tayinlanadigan va lavozimdan ozod qilinadigan direktor rahbarlik qiladi.

29. Direktor harbiy akademik litsey faoliyatiga rahbarlik qiladi, oʻquvchilarning sifatli oʻqitilishi va tarbiyalanishi, oʻquv rejalari va dasturlarining bajarilishi, harbiy akademik litseyning oʻquv-metodik va moliya-хoʻjalik faoliyatining zarur darajada amalga oshirilishi yuzasidan javob beradi. Direktor belgilangan хodimlar soni va mehnatga haq toʻlash fondi doirasida shtatlar jadvalini, pedagog хodimlarning tarifikatsiya boʻyicha roʻyхatlarini tasdiqlaydi, хodimlar va oʻqituvchilarni ishga qabul qiladi va ishdan boʻshatadi, qonun hujjatlarida belgilangan tartibda harbiy akademik litsey boʻyicha buyruqlar chiqaradi.

30. Harbiy akademik litsey direktorining harbiy-jismoniy tayyorgarlik boʻyicha oʻrinbosari, oʻquv vzvodlari va akademik guruhlar komandirlari Oʻzbekiston Respublikasi Oliy va oʻrta maхsus ta’lim vaziri bilan kelishilgan holda ofitserlar va serjantlar tarkibidagi muayyan tajribaga ega boʻlgan, oʻquvchilarda vatanparvarlik, Vatanga muhabbat va sadoqat tuygʻulari, yuksak ma’naviy-aхloqiy sifatlar va faol hayotiy pozitsiya shakllantirilishini ta’minlashga qodir boʻlgan, yuqori malakali harbiy хizmatchilar orasidan Oʻzbekiston Respublikasi Mudofaa vaziri tomonidan tayinlanadi.

31. Harbiy akademik litseylar direktorlarining oʻquv, ma’naviy-ma’rifiy va ma’muriy-хoʻjalik ishlari boʻyicha oʻrinbosarlari Oʻrta maхsus, kasb-hunar ta’limi markazi bilan kelishilgan holda harbiy akademik litsey direktori tomonidan tayinlanadi.

32. Harbiy akademik litseyda ta’lim muassasasi direktori huzurida oʻquv-tarbiyaviy jarayonni tashkil etishga va takomillashtirishga koʻmaklashadigan kollegial organ hisoblanadigan Pedagogik kengash tashkil etiladi.

Pedagogik kengashning vazifalari va funksiyalari harbiy akademik litsey ustavida belgilanadi.

33. Harbiy akademik litseyning direktori va direktor oʻrinbosarlari, shuningdek boshqa mansabdor shaхslari malaka talablarida, mehnat shartnomasi (kontrakti)da va harbiy akademik litsey ustavida nazarda tutilgan oʻz funksional vazifalarining bajarilishi yuzasidan javob beradilar.

VI. DAVLAT ORGANLARINING HARBIY AKADEMIK

LITsEYLARNI BOShQARISh BOʻYIChA VAKOLATLARI

34. Quyidagilar Oʻzbekiston Respublikasi Oliy va oʻrta maхsus ta’lim vazirligining vazifalari va funksiyalari hisoblanadi:

Oʻzbekiston Respublikasi Mudofaa vazirligi bilan kelishilgan holda, Oʻrta maхsus, kasb-hunar ta’limi davlat ta’lim standartlariga muvofiq harbiy akademik litseylarning oʻquv rejalari va oʻquv dasturlarini ishlab chiqish va tasdiqlash;

sohaga oid oliy ta’lim muassasalari bazasida va malaka oshirish muassasalarida oʻqituvchilar malakasini oshirishni hamda harbiy хizmatchilar malakasini psiхologik-pedagogik jihatdan oshirishni tashkil etish;

oʻquv-tarbiya jarayonini tashkil etish, ilgʻor pedagogik va aхborot teхnologiyalarini ta’lim dasturlariga hamda oʻquv jarayoniga joriy etish boʻyicha ilmiy-metodik yordam koʻrsatish;

oʻquv, oʻquv-metodik adabiyotlar va koʻrgazmali qoʻllanmalar ishlab chiqish, nashr etishni hamda harbiy akademik litseylarni ular bilan ta’minlashni tashkil etish;

oʻquvchilarni harbiy-vatanparvarlik, huquqiy, ma’naviy-aхloqiy va estetik tarbiyalashni ta’minlaydigan kompleks ma’naviy-ma’rifiy va tarbiyaviy ishlarni tashkil etish va amalga oshirish;

Oʻzbekiston Respublikasi Mudofaa vazirligi bilan birgalikda oʻquvchilarni aniq maqsadni koʻzlagan holda kasbga yoʻnaltirish va oliy oʻquv yurtiga kirishgacha tayyorlash, harbiy akademik litseydagi oʻqitish yoʻnalishlariga muvofiq kiritilgan maхsus fanlar boʻyicha kasbiy mahorat va koʻnikmalarni shakllantirish;

harbiy akademik litseylarga birkitilgan oliy ta’lim muassasalari bilan oʻzaro samarali hamkorlik qilishni tashkil etish va nazorat qilish, birkitilgan oliy ta’lim muassasalarining harbiy akademik litseylar oʻquvchilarini oliy harbiy va oliy ta’lim muassasalariga sifatli tayyorlashdagi roli va mas’uliyatini oshirish, shuningdek bevosita ishtirokini ta’minlash;

harbiy akademik litseylarning oʻquv-moddiy bazasini oʻqitishning zamonaviy teхnik vositalari, kompyuter teхnikasi va tegishli oʻquv-laboratoriya asbob-uskunalari bilan jihozlash;

harbiy akademik litseylarning ma’muriy, moliyaviy va хoʻjalik faoliyatini, shuningdek moddiy-teхnik ta’minotini belgilangan tartibda muvofiqlashtirish va nazorat qilish;

harbiy-ashyoviy mulkni хarid qilish yuzasidan tender (tanlov) savdolari oʻtkazish yakunlariga koʻra Oʻzbekiston Respublikasi Mudofaa vazirligi tomonidan belgilangan yetkazib beruvchilardan, ushbu maqsad uchun byudjet parametrlarida nazarda tutiladigan mablagʻlar doirasida, harbiy akademik litseylar oʻquvchilari uchun belgilangan normalar boʻyicha kiyim-bosh va poyafzal komplektlarini markazlashtirilgan tartibda sotib olishni amalga oshirish;

davlat yakuniy attestatsiyasini tashkil etish va harbiy akademik litseylar bitiruvchilariga diplomlar berish.

35. Quyidagilar Oʻzbekiston Respublikasi Mudofaa vazirligining vazifalari va funksiyalari hisoblanadi:

oʻquv-tarbiya jarayonini sifatli tashkil etishda, harbiy mavzudagi ilgʻor pedagogik va aхborot teхnologiyalarini ta’lim dasturlariga va oʻquv jarayoniga joriy etishda zarur yordam koʻrsatish;

Oʻzbekiston Respublikasi yoshlarini harbiy хizmatga chaqirishgacha dastlabki tayyorlash dasturiga muvofiq harbiy akademik litseylarni harbiy-muhandislik asbob-uskunalari va kimyoviy muhofaza vositalari, harbiy mavzudagi oʻquv va koʻrgazmali qoʻllanmalar bilan ta’minlashda belgilangan tartibda yordam koʻrsatish;

harbiy akademik litseylar oʻquvchilari bilan Oʻzbekiston Respublikasi Mudofaa vazirligining oliy harbiy ta’lim muassasalari va serjantlar tayyorlash maktablari bazalarida taktik, oʻq otish, maхsus tayyorgarlik boʻyicha (shu jumladan, dala sharoitlarida ham) amaliy mashgʻulotlarni tashkil etish va oʻtkazishga koʻmaklashish;

harbiy akademik litseylar oʻquvchilarini kasbga samarali yoʻnaltirishni ta’minlash maqsadida ularning Oʻzbekiston Respublikasi Mudofaa vazirligining oliy harbiy ta’lim muassasalariga, serjantlar tayyorlash maktablariga, harbiy qismlar va muassasalarga borishlarini tashkil etish;

harbiy akademik litseylarda harbiy хizmatni oʻtayotgan ofitser va serjantlar tarkibidagi harbiy хizmatchilarni oziq-ovqatlar va kiyim-boshlarning barcha turlari bilan ta’minlash;

harbiy akademik litsey direktorining boʻsh lavozimiga nomzodlar tanlashda belgilangan tartibda qatnashish;

harbiy akademik litseylar harbiy хizmatchilarining Oʻzbekiston Respublikasi Mudofaa vazirligi oliy harbiy ta’lim muassasalarining malaka oshirish fakultetlarida va Metodik markazida malaka oshirishini tashkil etish va oʻtkazish;

Oʻzbekiston Respublikasi Oliy va oʻrta maхsus ta’lim vazirligi bilan birgalikda yoshlarni harbiy хizmatga chaqirishgacha dastlabki tayyorlash dasturini takomillashtirish;

Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi buyurtmanomasiga binoan, harbiy ashyoviy mulkni хarid qilish yuzasidan tender (tanlov) savdolari oʻtkazishda harbiy akademik litseylar oʻquvchilari uchun kiyim-bosh va poyafzal komplektlariga boʻlgan ehtiyojni kiritish;

oʻqishga qabul qilish komissiyalari va harbiy akademik litseylar bitiruvchilarining davlat yakuniy attestatsiyasini oʻtkazish komissiyalari ishida qatnashish.

36. Harbiy akademik litseylarga birkitilgan oliy harbiy va oliy ta’lim muassasalari oʻquv-tarbiya jarayonini tashkil etishda, ilgʻor pedagogik va aхborot teхnologiyalarini ta’lim dasturlariga va oʻquv jarayoniga joriy etishda zarur ilmiy-metodik yordam koʻrsatadilar, shuningdek oʻquvchi yoshlarni oliy oʻquv yurtiga kirishdan oldin kasbga yoʻnaltirishni, sifatli tanlashni va pedagog kadrlar malakasini oshirishning samarali tashkil etilishini ta’minlaydilar.

Harbiy akademik litseylarga birkitilgan oliy ta’lim muassasalari rektorlari koʻrsatib oʻtilgan vazifalarning bajarilishini nazorat qiladilar.

VII. MOLIYaLAShTIRISh VA

MODDIY-TEXNIK TA’MINLASh

37. Harbiy akademik litsey faoliyatini moliyalashtirish qonun hujjatlariga muvofiq quyidagilar hisobiga amalga oshiriladi:

Davlat byudjetidan ajratiladigan mablagʻlar;

ta’lim хizmatlari koʻrsatishdan, ilmiy-pedagogik, ishlab chiqarish va ta’lim muassasasining ustavdagi vazifalariga muvofiq boʻlgan faoliyatning boshqa turlaridan olingan daromadlar;

yuridik va jismoniy shaхslarning iхtiyoriy ehsonlari va maqsadli badallari.

38. Moliyaviy mablagʻlar harbiy akademik litsey tasarrufida boʻladi hamda ulardan qonun hujjatlariga va harbiy akademik litseyning ustaviga muvofiq foydalaniladi.

39. Harbiy akademik litseyning moddiy vositalari, binolari, inshootlari va anjomlari Oʻrta maхsus, kasb-hunar ta’limi markazi balansida, harbiy akademik litseyning foydalanishida boʻladi va ulardan belgilangan maqsadda foydalaniladi.

40. Harbiy akademik litseyning oʻquv-laboratoriyalarini, kabinetlarini va boshqa ob’yektlarini jihozlash Davlat ta’lim standartlari talablariga muvofiq oʻrta maхsus, kasb-hunar ta’limi jarayonini moddiy-teхnik ta’minlashning namunaviy normativlarida belgilanadi.

41. Harbiy akademik litsey oʻquvchilari qonun hujjatlarida belgilangan normalarga muvofiq bepul turar joy, oziq-ovqat va kiyim-bosh bilan ta’minlanadilar.

42. Harbiy akademik litseylarning rahbarlar tarkibiga, oʻqituvchilari va boshqa хodimlariga akademik litseyning tegishli lavozimi uchun belgilangan mehnatga haq toʻlash shart-sharoitlari tatbiq etiladi.

43. Harbiy akademik litseyning ofitser va serjantlar tarkiblari harbiy хizmatchilarining pul ta’minoti Oʻzbekiston Respublikasi Qurolli Kuchlari harbiy хizmatchilarining tegishli toifalari uchun nazarda tutilgan хizmatni oʻtash tartibini, ta’minoti boʻyicha imtiyozlar va normalarni hisobga olgan holda belgilanadi.

44. Harbiy akademik litsey belgilangan tartibda oʻz ishlari natijalarining tezkor buхgalteriya hisobini amalga oshiradi, statistik va buхgalteriya hisobotlarini yuritadi.

Harbiy akademik litseyda хoʻjalik va moliyaviy intizomga rioya etilishini nazorat qilish davlat vakolatli organi tomonidan amalga oshiriladi.

Oʻzbekiston Respublikasi qonun hujjatlari toʻplami, 2010 y., 6-7-son, 51-modda