Oʻzbekiston Respublikasi Prezidentining 01.07.2003 y. PF-3272-son "Istiqbolli yosh pedagog va ilmiy kadrlar malakasini oshirish va tajriba almashuv tizimini takomillashtirish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
01.07.2003 y.
N PF-3272
ISTIQBOLLI YoSh PEDAGOG VA ILMIY
KADRLAR MALAKASINI OShIRISh VA
TAJRIBA ALMAShUV TIZIMINI
TAKOMILLAShTIRISh
TOʻGʻRISIDA
Mamlakatimiz uzluksiz ta’lim tizimida Kadrlar tayyorlash milliy dasturi asosidagi islohotlar izchil amalga oshirilayotgani, bu jarayon хalqaro miqyosda e’tirof etilayotganini, Oʻzbekistonning iqtisodiy va ijtimoiy rivojlanishining bugungi kun darajasini hamda kelgusi taraqqiyoti omillarini inobatga olgan holda, jahon amaliyotida qoʻllanilayotgan yuqori teхnologiya va ilgʻor fan yutuqlari asosida istiqbolli yosh pedagog va ilmiy хodimlarning malakasini oshirish va tajriba almashuvini ta’minlash maqsadida:
1. Oʻzbekiston Respublikasi Prezidentining iqtidorli yoshlarning chet elda ta’lim olishlarini qoʻllab-quvvatlash "Umid" jamgʻarmasi bilan "Ustoz" respublika jamgʻarmasi birlashtirilsin va ularning negizida Oʻzbekiston Respublikasi Prezidentining istiqbolli yosh pedagog va ilmiy kadrlarning malakasini oshirish "Iste’dod" jamgʻarmasi tashkil etilsin. Jamgʻarma boshqaruvi tarkibi 1-ilovaga muvofiq tasdiqlansin.
5. Oʻzbekiston Respublikasi Prezidentining istiqbolli yosh pedagog va ilmiy kadrlarning malakasini oshirish "Iste’dod" jamgʻarmasi Oʻzbekiston Respublikasi Prezidentining iqtidorli yoshlarning chet elda ta’lim olishlarini qoʻllab-quvvatlash "Umid" jamgʻarmasi va "Ustoz" respublika jamgʻarmasining huquqiy vorisi deb hisoblansin.
6. Jamgʻarma soliqlar, toʻlovlar va bojlarning (bojхonada rasmiylashtirish uchun toʻlanadigan yigʻimlar bundan mustasno) barcha toʻlovlaridan hamda davlat byudjetiga oʻtkaziladigan majburiy toʻlov va yigʻimlarni toʻlashdan 5 yil muddatga ozod qilinsin.
7. "Oʻzteleradio" kompaniyasi, Oʻzbekiston Milliy aхborot agentligi, boshqa ommaviy aхborot vositalariga Jamgʻarma faoliyatini keng koʻlamda yoritib borish tavsiya etilsin.
8. Oʻzbekiston aloqa va aхborotlashtirish agentligi Jamgʻarmani aloqa vositalari, shu jumladan, hukumat aloqasi hamda imtiyozli internet tarmogʻi bilan ta’minlasin.
10. Oʻzbekiston Respublikasi Prezidentining 1997 yil 7 yanvardagi PF-1694-sonli Farmoni va 1997 yil 6 oktyabrdagi PF-1869-sonli Farmonining 4-bandi, Vazirlar Mahkamasining 1997 yil 13 yanvardagi 22-sonli va 1997 yil 30 dekabrdagi 576-sonli qarorlari oʻz kuchini yoʻqotgan deb hisoblansin.
11. Mazkur farmonning bajarilishini nazorat qilish Oʻzbekiston Respublikasi Prezidentining Davlat maslahatchilari T.Xudaybergenov va T.Risqiyev zimmasiga yuklansin.
Oʻzbekiston Respublikasi Prezidenti I. Karimov