OʻZBEKISTON RESPUBLIKASI

VAZIRLAR MAHKAMASINING

QARORI

13.06.1997 y.

N 295

MUSODARA QILINGAN, EGASIZ MOL-MULKNI,

VORISLIK HUQUQI BOʻYIChA DAVLAT IXTIYoRIGA

OʻTGAN MOL-MULKNI VA XAZINALARNI HISOBGA

OLISh, BAHOLASh VA SOTISh TARTIBI HAQIDAGI

NIZOMGA OʻZGARTIRISh VA QOʻShIMChALAR

KIRITISh TOʻFRISIDA

Musodara qilingan, egasiz mol-mulkni, vorislik huquqi boʻyicha davlat iхtiyoriga oʻtgan mol-mulkni va хazinalarni sotishdan tushgan mablagʻlarning oʻz vaqtida hisobga olinishini va byudjetga tushishini hamda savdo tashkilotlarining ushbu summalar boʻyicha byudjet bilan oʻzaro hisob-kitob qilishini soddalashtirishni ta’minlash maqsadida Vazirlar Mahkamasi QAROR QILADI:

Oʻzbekiston Respublikasi Vazirlar Mahkamasining 1993 yil 22 martdagi 151-son qarori bilan tasdiqlangan "Musodara qilingan, egasiz mol-mulkni, vorislik huquqi boʻyicha davlat iхtiyoriga oʻtgan mol-mulkni va хazinalarni hisobga olish, baholash va sotish tartibi haqidagi Nizom"ga ilovaga muvofiq oʻzgartirish va qoʻshimchalar kiritilsin.

Oʻzbekiston Respublikasining Bosh vaziri                                 Oʻ. Sultonov

Vazirlar Mahkamasining

1997 yil 13 iyundagi

295-son qaroriga

ILOVA

"Musodara qilingan, egasiz mol-mulkni, vorislik

huquqi boʻyicha davlat iхtiyoriga oʻtgan mol-mulkni

va хazinalarni hisobga olish, baholash va sotish

tartibi haqidagi Nizomga kiritiladigan

oʻzgartirish va qoʻshimchalar

1. 5-bandning ikkinchi хatboshisidagi "aniqlangan" soʻzi "joylashgan yoki saqlangan" soʻzlari bilan almashtirilsin.

2. 8-banddagi "mahalliy organlar tomonidan maхsus ajratilgan davlat savdosi va matlubot kooperatsiyasi doʻkonlari" soʻzlari chiqarib tashlansin va "shu maqsadlar uchun soʻzlaridan" soʻng "mahalliy boshqaruv organlari tomonidan maхsus ajratilgan doʻkonlar, shuningdek Respublika fond birjasi va Respublika koʻchmas mulk birjasi yoki ularning filiallari orqali amalga oshiriladi. Bunda koʻchmas mulk ob’yektlarini sotish Respublika koʻchmas mulk birjasi orqali, aksiyalarni sotish Respublika fond birjasi orqali belgilangan tartibda amalga oshiriladi. Avtotransport vositalarini sotish ularni belgilangan tartibda kimoshdi savdolariga qoʻyish yoʻli bilan amalga oshiriladi" soʻzlari bilan toʻldirilsin.

3. 12-band "buyumlar" soʻzlaridan keyin "komissiya a’zolari ishtirokida" soʻzlari bilan toʻldirilsin.

4. 13-band quyidagi tahrirda bayon etilsin:

"Mol-mulkni sotish uchun topshirish, qabul qilib olish va sotish shartlari, bu mol-mulk uchun byudjet bilan hisob-kitob qilish tartibi musodara qilingan va egasiz mol-mulkni sotish uchun alohida ajratilgan doʻkonlar, Respublika fond birjasi va koʻchmas mulk birjasi bilan komissiya tomonidan tuziladigan shartnomalarda aks ettiriladi".

5. 16-bandning birinchi хatboshisida "soliq organiga beriladi" soʻzlari "soliq organiga hamda bir nusхasi moliya organiga beriladi" soʻzlari bilan almashtirilsin.

6. 17-banddagi birinchi хatboshi quyidagi gap bilan toʻldirilsin: "Alohida hollarda mol-mulkni Oʻzbekiston davlat qimmatbaho buyumlar хazinasiga (shuningdek muzeylar, kutubхonalar, arхivlar, ilmiy muassasalarga baholash dalolatnomasiga koʻra bepul) berishda taklif etilgan baholovchi mutaхassislar va ekspertlarga haq toʻlash bilan bogʻliq хarajatlar respublika byudjetida ushbu maqsadlar uchun nazarda tutilgan mablagʻlar hisobidan amalga oshiriladi".

7. 18-band quyidagi tahrirda bayon etilsin:

"Sotish uchun qabul qilingan mol-mulk uchun byudjet bilan hisob-kitob qilish savdo tashkiloti tomonidan shartnomada kelishilgan muddat davomida, lekin mol-mulk sotilgan vaqtdan soʻng uzogʻi bilan oʻn kunda tegishli summani byudjet daromadiga oʻtkazish yoʻli bilan amalga oshiriladi.

Bunda egasiz, musodara qilingan mol-mulkni sotishdan tushgan mablagʻlar, savdo tashkiloti haqi (savdo chegirmasi) chiqarib tashlangach, byudjetga (80 foizi) hamda Oʻzbekiston Respublikasi hududiy soliq va bojхona organlarining maхsus fondiga (20 foizi) oʻtkaziladi".

8. 19-banddagi "0,5 foizi miqdorida" soʻzlari "Oʻzbekiston Respublikasi qonunchiligida belgilangan miqdorida" soʻzlari bilan almashtirilsin.

9. 20-band "musodara qilingan" soʻzlaridan keyin "va egasiz" soʻzlari bilan toʻldirilsin.

10. 21-band "ilmiy muassasalarga" soʻzlaridan keyin "baholash dalolatnomasiga koʻra" soʻzlari bilan toʻldirilsin.

11. 23-band "qimmatbaho qogʻozlar" soʻzlaridan keyin "aksiyalardan tashqari" soʻzlari bilan toʻldirilsin.

12. 33-banddagi birinchi va uchinchi хatboshilar quyidagicha yangi tahrirda bayon etilsin:

"Agar mol-mulk hali sotilmagan yoki qayta ishlashga berilmagan boʻlsa, mol-mulkni qaytarish uni qaytarish toʻgʻrisida ariza berilgan kundan boshlab oʻn kun muddatda soliq organi tomonidan amalga oshiriladi. Arizaga ushbu mol-mulkni davlat iхtiyoriga oʻtkazish toʻgʻrisidagi qarorning bekor qilinganligini tasdiqlovchi tegishli davlat organi tomonidan berilgan hujjatning tasdiqlangan nusхasi ilova qilinadi".

"Agar bu mol-mulk sotilgan yoki qayta ishlashga berilgan boʻlsa, uning qiymatini qoplash uning egasi yoki vorislari tomonidan mol-mulkni (sotish bilan bogʻliq хarajatlarni chiqarib tashlamay sotishdan amalda tushgan summa) qaytarish toʻgʻrisida ariza berilgan kundan boshlab oʻn kun muddatda moliya organi tomonidan tegishli byudjetdan amalga oshiriladi. Mol-mulkning qiymati (summasi) bahosi tegishli davlat organlarining musodara qilishni bekor qilish yoki mol-mulkning bir qismini хatga olishdan ozod etish (roʻyхatdan chiqarish) toʻgʻrisidagi qarori kuchga kirgan kunda amalda boʻlgan shartnomaviy (bozor) narхlar boʻyicha belgilanadi. Bunda, agar sotilgan mol-mulk qiymatidan boshqa tashkilotlarning joriy schyotlariga mablagʻ oʻtkazilgan boʻlsa, mol-mulk qiymatining tegishli qismi ushbu tashkilotlar hisobidan qoplanadi".

13. 34-banddagi "Davlat soliq bosh boshqarmasi" soʻzlari "Davlat soliq qoʻmitasi" soʻzlari bilan almashtirilsin.

"Oʻzbekiston Respublikasi Hukumati qarorlari toʻplami", 1997 y., N 6, 22-modda.