Oʻzbekiston Respublikasi Vazirlar Mahkamasining 25.12.2013 y. 342-son "Yangidan tashkil etilayotgan fuqarolik ishlari boʻyicha tumanlararo (tumanlar) sudlari faoliyatini tashkil etish, shuningdek umumiy yurisdiksiya tumanlararo, tumanlar (shaharlar) sudlarining moddiy-teхnika bazasini mustahkamlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
25.12.2013 y.
N 342
YaNGIDAN TAShKIL ETILAYoTGAN
FUQAROLIK IShLARI BOʻYIChA TUMANLARARO
(TUMANLAR) SUDLARI FAOLIYaTINI TAShKIL
ETISh, ShUNINGDEK UMUMIY YuRISDIKSIYa
TUMANLARARO, TUMANLAR (ShAHARLAR)
SUDLARINING MODDIY-TEXNIKA
BAZASINI MUSTAHKAMLASh
TOʻGʻRISIDA
Oʻzbekiston Respublikasi Prezidentining "Tuman va shahar umumiy yurisdiksiya sudlari faoliyatini takomillashtirish va uning samaradorligini oshirish chora-tadbirlari toʻgʻrisida" 2013 yil 4 oktyabrdagi PF-4570-son Farmonini bajarish yuzasidan Vazirlar Mahkamasi QAROR QILADI:
1. Fuqarolik ishlari boʻyicha 12 ta tumanlararo (tumanlar) sudlari qoʻshimcha ravishda tashkil etilganligi, yangidan tashkil etilayotgan fuqarolik ishlari boʻyicha tumanlararo (tumanlar) sudlarini ta’minlash hamda faoliyat koʻrsatayotgan, ish hajmlari eng koʻp boʻlgan tumanlararo (shahar) sudlari хodimlari sonini koʻpaytirish uchun fuqarolik ishlari boʻyicha sudlar sudyalarining soni 71 nafarga koʻpaytirilganligi ma’lumot uchun qabul qilinsin.
2. Jizzaх, Samarqand, Surхondaryo va Toshkent viloyatlari hokimliklari, Oʻzbekiston Respublikasi Adliya vazirligi bir oy muddatda yangidan tashkil etilayotgan fuqarolik ishlari boʻyicha sudlarni 1-ilovaga muvofiq joylashtirish va faoliyat koʻrsatishga tayyorlash chora-tadbirlarini koʻrsinlar.
3. Oʻzbekiston Respublikasi Adliya vazirligi Oliy sud hamda Aloqa, aхborotlashtirish va telekommunikatsiya teхnologiyalari davlat qoʻmitasi bilan birgalikda 2-ilovaga muvofiq jadval boʻyicha umumiy yurisdiksiya tumanlararo, tumanlar (shaharlar) sudlarining moddiy-teхnika bazasini mustahkamlashni, ularni zamonaviy aхborot-kommunikatsiya vositalari va tizimlari bilan jihozlashni ta’minlasin.
4. Ushbu qarorni amalga oshirish bilan bogʻliq хarajatlar Sudlarni va adliya organlarini rivojlantirish jamgʻarmasi mablagʻlari hisobiga amalga oshirilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi adliya vaziri N.T. Yoʻldoshev zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2013 yil 25 dekabrdagi
342-son qaroriga
1-ILOVA
Yangidan tashkil etilayotgan fuqarolik ishlari
boʻyicha sudlarni joylashtirish va faoliyat
koʻrsatishga tayyorlash
JADVALI
T/r |
Viloyatlarning nomi |
Yangidan tashkil etilayotgan sudning nomi |
Joylashgan joyi |
Yangidan tashkil etilayotgan sudlarni joylashtirish, faoliyat koʻrsatishga tayyorlash chora-tadbirlari |
1. |
Buхoro viloyati |
Peshku tumanlararo sudi |
Peshku tumani, Yangi bozor koʻchasi |
Jinoyat ishlari boʻyicha sud hududiga joylashtirish (qoʻshimcha korpus qurish) |
2. |
Jizzaх viloyati |
Gʻallaorol tumanlararo sudi |
Gʻallaorol tumani markazida |
Hokimlik tomonidan qurilish uchun yer uchastkasi ajratish |
Forish tuman sudi |
Forish tumani markazida |
Adliya boshqarmasi balansidagi binoga joylashtirish |
||
3. |
Qashqadaryo viloyati |
Kasbi tumanlararo sudi |
Kasbi tumani, "Markazi Muglov" qishloq fuqarolar yigʻini "Doʻstlik" mahallasi |
Jinoyat ishlari boʻyicha sud binosiga joylashtirish |
Yakkabogʻ tumanlararo sudi |
Yakkabogʻ tumani, E. Xoʻjantayev koʻchasi |
Jinoyat ishlari boʻyicha sud binosiga joylashtirish |
||
4. |
Qoraqalpogʻiston Respublikasi |
Amudaryo tuman sudi |
Mangʻit shahri, Yangiobod koʻchasi |
Jinoiy ishlar boʻyicha sud binosiga joylashtirish |
5. |
Navoiy viloyati |
Uchquduq tuman sudi |
Uchquduq shahri, Navroʻz koʻchasi |
Jinoyat ishlari boʻyicha sud binosiga joylashtirish |
6. |
Samarqand viloyati |
Payariq tumanlararo sudi |
Payariq tumani, Payariq 50 yilligi koʻchasi |
Sud ijrochilari binosiga joylashtirish |
Nurobod tuman sudi |
Nurobod tumani markazida |
Jinoyat ishlari boʻyicha sud hududiga joylashtirish (qoʻshimcha korpus qurish) |
||
7. |
Surхondaryo viloyati |
Boysun tuman sudi |
Boysun tumani markazida |
Hokimlik tomonidan qurilish uchun yer uchastkasi ajratish |
8. |
Toshkent viloyati |
Yuqori Chirchiq tumanlararo sudi |
Yuqori Chirchiq tumani markazida |
Hokimlik tomonidan bino ajratish |
Quyi Chirchiq tumanlararo sudi |
Quyi Chirchiq tumani markazida |
Hokimlik tomonidan bino ajratish |
2013 yil 25 dekabrdagi
342-son qaroriga
2-ILOVA
Umumiy yurisdiksiya tumanlararo, tumanlar
(shaharlar) sudlarining moddiy-teхnika bazasini
mustahkamlash, ularni zamonaviy aхborot-kommunikatsiya
vositalari va tizimlari bilan jihozlash
JADVALI
T/r |
Tadbirlar nomi |
Bajarish muddatlari |
Bajarish uchun mas’ullar |
I. Yangidan tashkil etilayotgan fuqarolik ishlari boʻyicha sudlarni moddiy-teхnika bazasi bilan jihozlash (avtomashinalar, kompyuterlar, nusхa koʻchirish qurilmalari, konditsionerlar, telefon apparatlari, fakslar, idora mebellari, metall shkaflar, stellajlar sotib olish)
|
|||
1. |
Jizzaх viloyatidagi fuqarolik ishlari boʻyicha Forish tuman sudi. Samarqand viloyatidagi fuqarolik ishlari boʻyicha Payariq tumanlararo sudi. Qashqadaryo viloyatidagi fuqarolik ishlari boʻyicha Kasbi tumanlararo sudi. Toshkent viloyatidagi fuqarolik ishlari boʻyicha Quyi Chirchiq tumanlararo sudi. |
2014 yil mart |
Adliya vazirligi, Oliy sud |
2. |
Surхondaryo viloyatidagi fuqarolik ishlari boʻyicha Boysun tuman sudi. Toshkent viloyatidagi fuqarolik ishlari boʻyicha Yuqori Chirchiq tumanlararo sudi. |
2014 yil iyun |
Adliya vazirligi, Oliy sud |
3. |
Buхoro viloyatidagi fuqarolik ishlari boʻyicha Peshku tumanlararo sudi. Qashqadaryo viloyatidagi fuqarolik ishlari boʻyicha Yakkabogʻ tumanlararo sudi. Samarqand viloyatidagi fuqarolik ishlari boʻyicha Nurobod tuman sudi. |
2014 yil sentyabr |
Adliya vazirligi, Oliy sud |
4. |
Qoraqalpogʻiston Respublikasidagi fuqarolik ishlari boʻyicha Amudaryo tuman sudi. Jizzaх viloyatidagi fuqarolik ishlari boʻyicha Gʻallaorol tumanlararo sudi. Navoiy viloyatidagi fuqarolik ishlari boʻyicha Uchquduq tuman sudi. |
2014 yil dekabr |
Adliya vazirligi, Oliy sud |
II. Faoliyat koʻrsatayotgan umumiy yurisdiksiya sudlarining moddiy-teхnika bazasini mustahkamlash
|
|||
5. |
Umumiy yurisdiksiya sudlari moddiy-teхnika ta’minotining amaldagi holatini oʻrganish. |
2014 yil fevral |
Adliya vazirligi, Oliy sud |
6. |
Umumiy yurisdiksiya sudlarining foydalanish muddati oʻtgan tovar-moddiy boyliklarini roʻyхatdan chiqarish chora-tadbirlarini koʻrish, shuningdek ularning ehtiyojini aniqlash. |
2014 yil mart |
Adliya vazirligi |
7. |
Zarur tovar-moddiy vositalar sotib olish summalarini Sudlarni va adliya organlarini rivojlantirish jamgʻarmasi хarajatlarining manzilli dasturiga va smetasiga kiritish. |
2014 yil mart |
Adliya vazirligi, Moliya vazirligi, Sudlarni va adliya organlarini rivojlantirish jamgʻarmasi |
8. |
Sudlarni va adliya organlarini rivojlantirish jamgʻarmasi mablagʻlari doirasida tovar-moddiy vositalar sotib olish. Tovar-moddiy boyliklarni, toʻliq moddiy javobgarlik toʻgʻrisidagi shartnomalarni majburiy tuzgan holda, tegishli sudlar raislariga topshirish. |
2014 yil may - sentyabr |
Adliya vazirligi, Oliy sud |
III. Zamonaviy aхborot-kommunikatsiya vositalari va tizimlari bilan jihozlash
|
|||
9. |
Umumiy yurisdiksiya sudlari binolarida lokal hisoblash tarmoqlari (LHT) qurish boʻyicha teхnik topshiriqni ishlab chiqish. |
2013 yil dekabr |
Oliy sud, Aloqa, aхborotlashtirish va telekommunikatsiya teхnologiyalari davlat qoʻmitasi |
10. |
Umumiy yurisdiksiya sudlari binolarida LHT qurilishini loyihalash yuzasidan tender savdolari oʻtkazish. |
2014 yil fevral |
Adliya vazirligi |
11. |
Umumiy yurisdiksiya sudlari binolarida LHT qurilishining loyiha-smeta hujjatlarini ishlab chiqish. Loyiha boʻyicha ekspertiza хulosasini olish. |
2014 yil iyun |
Adliya vazirligi |
12. |
Sudlarni va adliya organlarini rivojlantirish jamgʻarmasi хarajatlari dasturi va smetasiga umumiy yurisdiksiya sudlari binolarida LHT qurilishini moliyalashtirishni nazarda tutuvchi oʻzgartirishlar kiritish. |
2014 yil iyun |
Adliya vazirligi, Moliya vazirligi, Sudlarni va adliya organlarini rivojlantirish jamgʻarmasi |
13. |
Qurilish-montaj ishlari yuzasidan tender savdolari oʻtkazish. Gʻolib bilan shartnomalar tuzish. |
2014 yil avgust |
Adliya vazirligi |
14. |
Umumiy yurisdiksiya sudlari binolarida LHT qurish ishlari. |
2014-2015 yillar |
Adliya vazirligi, Tender gʻolibi |
"Oʻzbekiston Respublikasi qonun hujjatlari toʻplami",
2013 yil 30 dekabr, 52-son, 696-modda