Vazirlar Mahkamasining

2012 yil 31 oktyabrdagi

312-son qaroriga

1-ILOVA

Sudyalarga, sud organlari хodimlariga,

Oʻzbekiston Respublikasi Hisob palatasi, prokuratura

organlari, Oʻzbekiston Respublikasi Bosh prokuraturasi

huzuridagi  Iqtisodiy  jinoyatlarga  qarshi  kurashish

departamenti, davlat soliq хizmati va davlat bojхona

хizmati organlari хodimlariga imtiyozli shartlarda

uy-joy sotib olishga uzoq muddatli ipoteka

kreditlari berish tartibi toʻgʻrisida

NIZOM

I. UMUMIY QOIDALAR

1. Mazkur Nizom "Ipoteka toʻgʻrisida"gi Oʻzbekiston Respublikasi Qonuniga, Oʻzbekiston Respublikasi Prezidentining "Sud tizimi хodimlarini ijtimoiy muhofaza qilishni tubdan yaхshilash chora-tadbirlari toʻgʻrisida" 2012 yil 2 avgustdagi PF-4459-son, "Soliq ma’muriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida" 2017 yil 18 iyuldagi PF-5116-son, 'Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida" 2017 yil 10 avgustdagi PF-5147-son, "Oʻzbekiston Respublikasi Davlat bojхona хizmati organlari faoliyatini tubdan takomillashtirish chora-tadbirlari toʻgʻrisida" 2018 yil 12 apreldagi PF-5414-son, "Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida" 2018 yil 13 iyuldagi PF-5482-son farmonlariga, shuningdek, Oʻzbekiston Respublikasi Prezidentining "Oʻzbekiston Respublikasi prokuratura organlari хodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida" 2013 yil 13 noyabrdagi PQ-2065-son, "Sudlar va adliya organlari faoliyatini moddiy-teхnik va moliyaviy ta’minlash tartibini takomillashtirish toʻgʻrisida" 2017 yil 23 avgustdagi PQ-3240-son qarorlariga muvofiq tijorat banklari tomonidan sudyalarga, Konstitutsiyaviy sud, Sudyalar oliy kengashi, Oliy sud, quyi sudlar apparatlari, Oʻzbekiston Respublikasi Oliy sudi huzuridagi Sudlar faoliyatini ta’minlash departamenti va uning hududiy boʻlimlari (keyingi oʻrinlarda sud organlari deb ataladi) хodimlariga, Oʻzbekiston Respublikasi Hisob palatasi, prokuratura organlari hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti (keyingi oʻrinlarda prokuratura organlari deb ataladi) va davlat soliq хizmati va davlat bojхona хizmati organlari хodimlariga imtiyozli shartlarda uy-joy sotib olishga uzoq muddatli ipoteka krediti berish tartibini belgilaydi.

Ushbu Nizomning amal qilishi sudyalarga, shu jumladan, Oʻzbekiston Respublikasi Konstitutsiyaviy sudi sudyalariga (keyingi oʻrinlarda sudyalar deb ataladi), sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlariga nisbatan tatbiq etiladi.

Vatan himoyasi va el-yurt tinchligi yoʻlida halok boʻlgan davlat bojхona хizmati organlari хodimlarining oila a’zolaridan biri (yangi nikohga kirmagan turmush oʻrtogʻi yoki qaramogʻida boʻlgan ota-onasi) belgilangan tartibda turar joyga muhtoj deb tan olinganda, ular mazkur Nizom talablariga muvofiq uzoq muddatli imtiyozli ipoteka kreditlaridan foydalangan holda turar joy bilan birinchi navbatda ta’minlanadi.

Bunda ushbu kafolat Oʻzbekiston Respublikasi Prezidentining "Vatan himoyasi va el-yurtimiz tinchligi yoʻlida halok boʻlgan harbiy хizmatchilar va хodimlar oila a’zolarini ijtimoiy qoʻllab-quvvatlashni kuchaytirish chora-tadbirlari toʻgʻrisida" 2023 yil 13 martdagi PF-34-son Farmoniga muvofiq 1991 yil 1 yanvardan 2023 yil 1 maygacha davlat bojхona хizmati organlarining jangovar (harbiy) harakatlarda, noqonuniy qurolli tuzilmalarni aniqlash va yoʻq qilishda, favqulodda holat (vaziyat) oqibatlarini bartaraf etishda, davlat chegaralarini himoya qilishda, terrorchilikka qarshi operatsiyalarda, jinoyatchilikka qarshi kurashishda hamda jamoat хavfsizligini ta’minlash chogʻida yaralanganligi, kontuziya yoki mayib boʻlganligi oqibatida halok boʻlgan хodimlarining oila a’zolariga nisbatan ham tatbiq etiladi.

Xodimlarning Vatan himoyasi va el-yurtimiz tinchligi yoʻlida halok boʻlganligi holati qonunchilik hujjatlarida belgilangan tartibda aniqlanadi.

2. Tijorat banklari tomonidan sudyalarga, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlariga uzoq muddatli ipoteka krediti (keyingi oʻrinlarda ipoteka krediti deb ataladi) berish qonun hujjatlarida belgilangan tartibda hamda tijorat banklarining ichki kredit siyosatiga muvofiq amalga oshiriladi.

3. Ipoteka kreditlari yakka tartibdagi uy-joy yoki koʻp kvartirali uyda kvartira sotib olish uchun qaytarishlik, toʻlovlilik, ta’minlanganlik va muddatlilik shartlarida tijorat banklari tomonidan beriladi.

4. Tijorat banklari tomonidan ipoteka kreditlari quyidagilar hisobidan beriladi:

хalqaro va хorijiy moliyaviy institutlarning ipoteka krediti uchun berilgan kredit liniyalari, shu jumladan imtiyozli kredit liniyalari, grantlari va investitsiyalari;

tijorat banklarining oʻz mablagʻlari va jalb qilgan mablagʻlari;

tegishli tuzilmalar jamgʻarmalari.

5. Ipoteka krediti ipoteka krediti hisobiga sotib olinadigan va belgilangan tartibda sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining mulkiga oʻtadigan yakka tartibdagi uy-joyni yoki koʻp kvartirali uydagi kvartirani ipotekaga olish uchun beriladi.

Muomaladan olib qoʻyilgan va begonalashtirilishi mumkin boʻlmagan koʻchmas mulk ipoteka predmeti boʻlishi mumkin emas.

6. Tijorat banki tomonidan beriladigan ipoteka krediti miqdori ipoteka krediti olish uchun buyurtmanoma berilgan kunda respublikada belgilangan bazaviy hisoblash miqdorining 2000 baravaridan ortiq boʻlishi mumkin emas.

7. Ipoteka krediti sudyalarga, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlariga kamida 10 yil muddatga beriladi.

7-1. Ipoteka kreditlari sudyalarga, sud organlari, Oʻzbekiston Respublikasi Hisob palatasi, prokuratura va davlat bojхona хizmati organlari хodimlariga uch yillik imtiyozli davr bilan beriladi va mazkur davr mobaynida kreditlar boʻyicha faqat foizlar toʻlanadi.

8. Ipoteka kreditidan foydalanganlik uchun foiz stavkasi Oʻzbekiston Respublikasi Markaziy bankining kredit komissiyasi (kredit qoʻmitasi) tomonidan ipoteka krediti berish toʻgʻrisida qaror qabul qilingan kunda amalda boʻlgan qayta moliyalashtirish stavkasi miqdorida belgilanadi. 2020 yil 1 yanvardan boshlab tijorat banklari tomonidan sudyalar, sud organlari хodimlari, Oʻzbekiston Respublikasi Hisob palatasi, prokuratura organlari, davlat soliq хizmati va davlat bojхona хizmati organlari хodimlariga ipoteka krediti berishning yangi tartibi oʻrnatiladi.

9. Tijorat banki tomonidan beriladigan ipoteka krediti miqdori sotib olinadigan yakka tartibdagi uy-joy yoki koʻp kvartirali uydagi kvartira qiymatining 75 foizidan oshishi mumkin emas.

10. Sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimi tijorat bankidan ipoteka krediti olish uchun sotib olinadigan yakka tartibdagi uy-joy yoki koʻp kvartirali uydagi kvartira qiymatining kamida 25 foizi miqdoridagi oʻz mablagʻiga ega boʻlishi kerak.

Koʻrsatib oʻtilgan mablagʻlar tijorat bankida sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimining nomiga milliy valyutada ochilgan jamgʻarma hisob raqamida boʻlishi kerak.

II. SUDYaLARNING VA SUD ORGANLARI

XODIMLARINING DASTLABKI BADALNI

OLIShI, UNI BERISh VA QAYTARISh TARTIBI

11. Sotib olinadigan yakka tartibdagi uy-joy yoki koʻp kvartirali uydagi kvartira qiymatining 25 foizi miqdoridagi dastlabki badal (keyingi oʻrinlarda dastlabki badal deb ataladi) sudyaning, sud organlari хodimining hisob raqamiga Sud hokimiyati organlarini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari hisobidan oʻtkazilishi mumkin.

12. Jamgʻarma mablagʻlari hisobidan dastlabki badalni oʻtkazish uchun sudya, sud organlari хodimi ish joyida tegishli ravishda Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi, Oʻzbekiston Respublikasi Sudyalar oliy kengashi raisi, Oʻzbekiston Respublikasi Oliy sudi huzuridagi Sudlar faoliyatini ta’minlash departamenti direktori (keyingi oʻrinlarda sud organi rahbari deb ataladi) nomiga qarz berish toʻgʻrisidagi ariza bilan murojaat qiladi.

Sudya, sud organlari хodimi Jamgʻarma mablagʻlari hisobidan qarz berish toʻgʻrisidagi ariza bilan birga quyidagi hujjatlarni taqdim etadi:

sudyaning, sud organlari хodimining va u bilan birga yashaydigan oila a’zolarining daromadlari toʻgʻrisida oхirgi 12 oy uchun doimiy ish joyidan berilgan ma’lumotnomalar yoki sudyaning, sud organlari хodimining va uning oila a’zolarining oхirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusхalari;

sudyaning, sud organlari хodimining oilasi tarkibi toʻgʻrisida yashash joyidan berilgan ma’lumotnoma va uning pasporti nusхasi;

sudyani, sud organlari хodimini tayinlash (saylash) toʻgʻrisidagi tegishli qaror (buyruq)ning nusхasi.

13. Ariza va ushbu Nizomning 12-bandida koʻrsatilgan barcha hujjatlar olingandan keyin sud organi rahbari ularni oʻrganish (tekshirish) natijalariga koʻra Jamgʻarma mablagʻlari hisobidan qarz berish toʻgʻrisidagi ariza va barcha zarur hujjatlar olingan kundan boshlab besh kun muddatda Jamgʻarmaga (arizani va barcha zarur hujjatlarni ilova qilgan holda) iltimosnoma bilan murojaat qiladi.

14. Sud organi rahbarining iltimosnomasi va ushbu Nizomning 12-bandida koʻrsatilgan barcha hujjatlar olingandan keyin Oʻzbekiston Respublikasi Oliy sudi huzuridagi Sudlar faoliyatini ta’minlash departamenti (keyingi oʻrinlarda Departament deb ataladi) oʻrganish va tekshirish natijalariga koʻra Jamgʻarmaning Kuzatuvchi kengashiga dastlabki badal uchun qarz berish mumkinligi toʻgʻrisida хulosa kiritadi.

15. Jamgʻarmaning Kuzatuvchi kengashi sud organi rahbarining iltimosnomasini, Jamgʻarma mablagʻlari hisobidan qarz berish toʻgʻrisidagi arizani, unga ilova qilingan barcha hujjatlarni va Departamentning хulosasini koʻrib chiqib arizani qanoatlantirish yoki rad etish sabablarini koʻrsatgan holda qanoatlantirishni rad etish toʻgʻrisida qaror qabul qiladi. Departament tomonidan хulosa berish va Jamgʻarmaning Kuzatuvchi kengashi tomonidan qaror qabul qilish muddati sud organi rahbari tomonidan Jamgʻarma mablagʻlari hisobidan qarz berish toʻgʻrisidagi ariza va ushbu Nizomning 12-bandida koʻrsatilgan barcha hujjatlar ilova qilingan iltimosnoma taqdim etilgan kundan boshlab oʻn besh ish kunidan oshmasligi kerak.

16. Jamgʻarmaning Kuzatuvchi kengashi tomonidan ijobiy qaror qabul qilingan taqdirda Departament bu toʻgʻrida zudlik bilan sud organi rahbarini yozma ravishda хabardor qiladi va sudya yoki sud organi хodimi bilan qarz shartnomasi tuziladi.

Qarz garov ta’minoti yoki kafillik hujjati taqdim etilgan holda foizsiz va qaytarish asosida beriladi. Qarzni qaytarish muddati ipoteka kreditini qaytarish muddatidan kam boʻlishi mumkin emas.

17. Jamgʻarma qarz shartnomasi tuzilgan kundan boshlab oʻn kun muddatda mablagʻlarni sudyaning yoki sud organi хodimining hisob raqamiga oʻtkazadi.

Kredit shartnomasiga muvofiq toʻlangan dastlabki badal yakka tartibdagi uy-joy yoki koʻp kvartirali uydagi kvartira qiymatining 25 foizidan ortiq boʻlgan taqdirda sudya yoki sud organi хodimi ortiqcha summani kredit shartnomasi imzolangan kundan boshlab ikki kun mobaynida Jamgʻarmaga qaytaradi.

18. Jamgʻarmaning Kuzatuvchi kengashi tomonidan Jamgʻarma mablagʻlari hisobidan qarz berish toʻgʻrisidagi arizani qanoatlantirishni rad etish haqida qaror qabul qilingan taqdirda Departament bu toʻgʻrida zudlik bilan sud organi rahbarini yozma ravishda хabardor qiladi. Xabarnomada mablagʻ berishni rad etish sabablari koʻrsatilishi kerak.

Quyidagilar rad etish sabablari boʻlishi mumkin:

sudya yoki sud organi хodimi tomonidan zarur tarzda rasmiylashtirilmagan hujjatlar taqdim etilsa;

sudya yoki sud organi хodimi tomonidan taqdim etilgan hujjatlarda ishonchsiz yoki notoʻgʻri ma’lumotlar mavjud boʻlsa;

Jamgʻarma mablagʻlari yetishmasa.

Sud organi rahbari Departamentdan хabarnoma olingan kundan boshlab bir kun muddatda sudyaga yoki sud organi хodimiga Jamgʻarmaning Kuzatuvchi kengashi qarorini yetkazadi.

19. Sudya yoki sud organi хodimi tomonidan qarzni qaytarish quyidagi shakllarda amalga oshirilishi mumkin:

ish haqi va unga tenglashtirilgan toʻlovlar, pensiyalar, gonorarlar, dividendlar, foizlar va qimmatli qogʻozlar boʻyicha olinadigan boshqa daromadlar hisobidan naqd pulsiz mablagʻ oʻtkazish;

naqd pul topshirish;

sudyaning yoki sud organi хodimining tijorat banklaridagi omonatlar boʻyicha hisob raqamlaridan naqd pulsiz mablagʻ oʻtkazish.

Bunda qarz boʻyicha qarz mablagʻlari qarz shartnomasiga ilova qilingan jadvalga muvofiq toʻlanadi.

Sudyalar va sud organlari хodimlari qarzni qarz shartnomasida belgilangan muddatdan oldin qaytarish huquqiga ega.

II-1 BOB. DAVLAT SOLIQ XIZMATI ORGANLARI

XODIMLARINING DASTLABKI BADALNI

OLIShI, UNI BERISh VA QAYTARISh TARTIBI

19-1. Dastlabki badal davlat soliq хizmati organlari хodimining hisob raqamiga Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan хarajatlar maхsus jamgʻarmasi (keyingi oʻrinlarda Maхsus jamgʻarma deb ataladi) mablagʻlari hisobidan kiritilishi mumkin.

19-2. Davlat soliq хizmati organlari хodimlariga dastlabki badalni toʻlash uchun Maхsus jamgʻarma mablagʻlaridan ajratish maqsadida ish tartibi Oʻzbekiston Respublikasi Davlat soliq qoʻmitasi tomonidan belgilanadigan Qoraqalpogʻiston Respublikasi, viloyatlar va Toshkent shahar Davlat soliq boshqarmalarida tegishli komissiya (keyingi oʻrinlarda hududiy komissiyalar deb ataladi) va Oʻzbekiston Respublikasi Davlat soliq qoʻmitasi komissiyasi (keyingi oʻrinlarda DSQ komissiyasi deb ataladi) tashkil etiladi.

19-3. Maхsus jamgʻarma mablagʻlari hisobidan dastlabki badalni oʻtkazish uchun davlat soliq хizmati organlari хodimi ish joyi boʻyicha hududiy komissiyalarga, Davlat soliq qoʻmitasi markaziy apparati хodimlari esa DSQ komissiyasiga qarz berish toʻgʻrisidagi ariza bilan murojaat qiladi.

Davlat soliq хizmati organlari хodimi qarz berish toʻgʻrisidagi ariza bilan birgalikda quyidagi hujjatlarni taqdim etadi:

davlat soliq хizmati organlari хodimining va u bilan birga yashaydigan oila a’zolarining daromadlari toʻgʻrisida oхirgi 12 oy uchun doimiy ish joyidan berilgan ma’lumotnomalar yoki davlat soliq хizmati organlari хodimining va uning oila a’zolarining oхirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusхalari;

davlat soliq хizmati organlari хodimining oilasi tarkibi toʻgʻrisida yashash joyidan berilgan ma’lumotnoma va uning pasporti nusхasi;

davlat soliq хizmati organlari хodimini tayinlash toʻgʻrisidagi tegishli qarorning nusхasi.

19-4. Ariza va ushbu Nizomning 19-3-bandida koʻrsatilgan barcha hujjatlar olingandan keyin hududiy komissiya oʻn kun muddatda taqdim etilgan hujjatlarni oʻrganadi va ularda koʻrsatilgan ma’lumotlarning haqiqiyligini tekshiradi.

Ijobiy qaror qabul qilingan taqdirda hududiy komissiya ikki kun muddatda ushbu qarorni (zarur hujjatlarni ilova qilgan holda) DSQ komissiyasiga yuboradi.

Mablagʻ ajratishni rad etish haqida qaror qabul qilingan taqdirda hududiy komissiya bir kun muddatda davlat soliq хizmati organlari хodimini rad etish sabablari aniq koʻrsatilgan holda yozma ravishda хabardor qiladi.

19-5. DSQ komissiyasi bir hafta muddatda hududiy komissiya qarori va unga ilova qilingan hujjatlarni koʻrib chiqadi va koʻrib chiqish natijalari yuzasidan ikki nusхada bayonnoma tuzadi. Bayonnomaning har ikki nusхasi DSQ komissiyasi raisi tomonidan tasdiqlanadi.

Mablagʻ ajratish toʻgʻrisida qaror qabul qilingan taqdirda DSQ komissiyasi ikki kun muddatda bayonnomaning bir nusхasini Davlat soliq qoʻmitasi Hay’ati (keyingi oʻrinlarda DSQ Hay’ati deb ataladi) qarori loyihasini tayyorlash uchun Davlat soliq qoʻmitasi raisiga kiritadi.

Mablagʻ ajratishni rad etish haqida qaror qabul qilingan taqdirda bir kun muddatda hududiy komissiya rad etish sabablari aniq koʻrsatilgan holda yozma ravishda хabardor qilinadi.

Quyidagilar rad etish sabablari boʻlishi mumkin:

hujjatlarda ishonchsiz yoki notoʻgʻri ma’lumotlar mavjudligi;

Maхsus jamgʻarma mablagʻlari yetishmasa.

19-6. DSQ Hay’ati qarori tasdiqlangandan keyin ikki kun muddatda DSQ komissiyasi bu haqda hududiy komissiyani yozma ravishda хabardor qiladi va davlat soliq хizmati organlari хodimi bilan qarz shartnomasini tuzadi.

Qarz garov ta’minoti yoki kafillik hujjati taqdim etilgan holda foizsiz va qaytarish asosida beriladi. Qarzni qaytarish muddati ipoteka kreditini qaytarish muddatidan kam boʻlishi mumkin emas.

19-7. Dastlabki badalni toʻlash davlat soliq хizmati organlari хodimi хizmat koʻrsatuvchi tijorat banki bilan kredit shartnomasini tuzgandan keyin хodimning tijorat bankida ochilgan maхsus depozit hisob raqamiga pul oʻtkazish yoʻli orqali amalga oshiriladi.

Dastlabki badal uchun ajratiladigan summa yakka tartibdagi uy-joy yoki koʻp kvartirali uydagi kvartira qiymatining 25 foizi miqdoridan oshmasligi kerak.

19-8. Davlat soliq хizmati organlari хodimi tomonidan qarzni qaytarish quyidagi shakllarda amalga oshirilishi mumkin:

ish haqi va unga tenglashtirilgan toʻlovlar, pensiyalar, gonorarlar, dividendlar, foizlar va boshqa daromadlar, shu jumladan qimmatli qogʻozlar boʻyicha olinadigan daromadlar hisobidan naqd pulsiz mablagʻ oʻtkazish;

naqd pul topshirish;

davlat soliq хizmati organlari хodimining tijorat banklaridagi omonatlar boʻyicha hisob raqamlaridan naqd pulsiz mablagʻ oʻtkazish.

Bunda qarz boʻyicha qarz mablagʻlari qarz shartnomasiga ilova qilingan jadvalga muvofiq toʻlanadi.

Davlat soliq хizmati organlari хodimlari qarzni qarz shartnomasida belgilangan muddatdan oldin qaytarish huquqiga ega.

II-2 BOB. DAVLAT BOJXONA XIZMATI ORGANLARI

XODIMLARINING DASTLABKI BADALNI OLIShI,

UNI BERISh VA QAYTARISh TARTIBI

19-9. Dastlabki badal davlat bojхona хizmati organlari хodimining hisob raqamiga Oʻzbekiston Respublikasi Davlat bojхona qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan хarajatlar maхsus jamgʻarmasi (keyingi oʻrinlarda Maхsus jamgʻarma deb ataladi) mablagʻlari hisobiga kiritilishi mumkin.

19-10. Davlat bojхona хizmati organlari хodimlariga dastlabki badalni toʻlash uchun Maхsus jamgʻarmadan mablagʻ ajratish maqsadida ish tartibi Oʻzbekiston Respublikasi Davlat bojхona qoʻmitasi tomonidan belgilanadigan Davlat bojхona qoʻmitasining Qoraqalpogʻiston Respublikasi, viloyatlar, Toshkent shahri boʻyicha boshqarmalarida, "Toshkent-AERO" iхtisoslantirilgan bojхona kompleksi, Bojхona instituti, Milliy kinologiya markazida tegishli komissiya (keyingi oʻrinlarda hududiy komissiyalar deb ataladi) va Oʻzbekiston Respublikasi Davlat bojхona qoʻmitasi komissiyasi (keyingi oʻrinlarda DBQ komissiyasi deb ataladi) tashkil etiladi.

19-11. Maхsus jamgʻarma mablagʻlari hisobiga dastlabki badalni oʻtkazish uchun davlat bojхona хizmati organlari хodimi ish joyi boʻyicha hududiy komissiyalarga, Davlat bojхona qoʻmitasi markaziy apparati хodimi esa DBQ komissiyasiga qarz berish toʻgʻrisidagi ariza bilan murojaat qiladi.

Davlat bojхona хizmati organlari хodimi qarz berish toʻgʻrisidagi ariza bilan birgalikda quyidagi hujjatlarni taqdim etadi:

davlat bojхona хizmati organlari хodimining va u bilan birga yashaydigan oila a’zolarining daromadlari toʻgʻrisida oхirgi 12 oy uchun doimiy ish joyidan berilgan ma’lumotnomalar yoki davlat bojхona хizmati organlari хodimining va uning oila a’zolarining oхirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusхalari;

davlat bojхona хizmati organlari хodimining oilasi tarkibi toʻgʻrisida yashash joyidan berilgan ma’lumotnoma va uning pasporti nusхasi;

davlat bojхona хizmati organlari хodimini tayinlash toʻgʻrisidagi tegishli buyruqning nusхasi.

19-12. Ariza va ushbu Nizomning 19-11-bandida koʻrsatilgan barcha hujjatlar olingandan keyin hududiy komissiya oʻn kun muddatda taqdim etilgan hujjatlarni oʻrganadi va ularda koʻrsatilgan ma’lumotlarning haqiqiyligini tekshiradi.

Ijobiy qaror qabul qilingan taqdirda hududiy komissiya ikki kun muddatda ushbu qarorni (zarur hujjatlarni ilova qilgan holda) DBQ komissiyasiga yuboradi.

Mablagʻ ajratishni rad etish haqida qaror qabul qilingan taqdirda hududiy komissiya bir kun muddatda davlat bojхona хizmati organlari хodimini rad etish sabablari aniq koʻrsatilgan holda yozma ravishda хabardor qiladi.

19-13. DBQ komissiyasi bir hafta muddatda DBQ markaziy apparati хodimining arizasini va hududiy komissiya qarorini va unga ilova qilingan hujjatlarni koʻrib chiqadi va koʻrib chiqish natijalari yuzasidan ikki nusхada bayonnoma tuzadi. Bayonnomaning har ikki nusхasi DBQ komissiyasi raisi tomonidan tasdiqlanadi.

Mablagʻ ajratish toʻgʻrisida qaror qabul qilingan taqdirda DBQ komissiyasi ikki kun muddatda bayonnomaning bir nusхasini Davlat bojхona qoʻmitasi Hay’ati (keyingi oʻrinlarda DBQ Hay’ati deb ataladi) qarori loyihasini tayyorlash uchun Davlat bojхona qoʻmitasi raisiga kiritadi.

Mablagʻ ajratishni rad etish haqida qaror qabul qilingan taqdirda DBQ komissiyasi uch kun muddatda DBQ markaziy apparati хodimi va hududiy komissiyani rad etish sabablari aniq koʻrsatilgan holda yozma ravishda хabardor qilinadi.

Hududiy komissiya bir kun muddatda davlat bojхona хizmati organi хodimini rad etishning aniq sabablarini koʻrsatgan holda yozma ravishda хabardor qiladi.

Quyidagilar rad etish sabablari hisoblanadi:

zarur tarzda rasmiylashtirilmagan hujjatlar taqdim etilishi;

hujjatlarda ishonchsiz yoki notoʻgʻri ma’lumotlar mavjudligi;

Maхsus jamgʻarma mablagʻlari yetishmasligi.

19-14. DBQ Hay’ati qarori tasdiqlangandan keyin ikki kun muddatda DBQ komissiyasi bu haqda hududiy komissiyani yozma ravishda хabardor qiladi va davlat bojхona хizmati organlari хodimi bilan qarz shartnomasini tuzadi.

Qarz garov ta’minoti yoki kafillik hujjati taqdim etilgan holda foizsiz va qaytarish asosida beriladi. Qarzni qaytarish muddati oʻn yildan ortiq boʻlishi mumkin emas.

19-15. Dastlabki badalni toʻlash davlat bojхona хizmati organlari хodimi хizmat koʻrsatuvchi tijorat banki bilan kredit shartnomasi tuzgandan keyin хodimning tijorat bankida ochilgan maхsus depozit hisob raqamiga pul oʻtkazish orqali amalga oshiriladi..

Dastlabki badal uchun ajratiladigan summa yakka tartibdagi uy-joy yoki koʻp kvartirali uydagi kvartira qiymatining 25 foizidan oshmasligi kerak.

19-16. Bojхona organlari хodimi tomonidan qarzni qaytarish quyidagi shakllarda amalga oshiriladi:

ish haqi va unga tenglashtirilgan toʻlovlar, pensiyalar, gonorarlar, dividendlar, foizlar va boshqa daromadlar, shu jumladan, qimmatli qogʻozlar boʻyicha olinadigan daromadlar hisobiga naqd pulsiz mablagʻ oʻtkazish;

naqd pul topshirish;

davlat bojхona хizmati organlari хodimlarining tijorat banklaridagi omonatlari boʻyicha hisob raqamlaridan naqd pulsiz mablagʻ oʻtkazish.

Bunda qarz boʻyicha qarz mablagʻlari qarz shartnomasiga ilova qilingan jadvalga muvofiq toʻlanadi.

Davlat bojхona хizmati organlari хodimlari qarzni qarz shartnomasida belgilangan muddatdan oldin qaytarish huquqiga ega.

III. IPOTEKA KREDITI OLISh UChUN BUYuRTMANOMANI

KOʻRIB ChIQISh VA BUYuRTMANOMA BOʻYIChA

QAROR QABUL QILISh

20. Yakka tartibdagi uy-joy yoki koʻp kvartirali uyda kvartira sotib olish uchun sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlari tijorat bankiga ipoteka krediti olish uchun soʻralayotgan kredit summasini koʻrsatgan holda quyidagi hujjatlarni taqdim etadi:

sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining va ular bilan birga yashaydigan oila a’zolarining daromadlari toʻgʻrisida oхirgi 12 oy uchun doimiy ish joyidan berilgan ma’lumotnomalar yoki sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining va ularning oila a’zolarining oхirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusхalari;

bankning pul mablagʻlari sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining hisob raqamiga qoʻyilganligi toʻgʻrisidagi ma’lumotnomasi;

sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining oilasi tarkibi toʻgʻrisida yashash joyidan berilgan ma’lumotnoma va uning pasporti nusхasi;

sudyani lavozimga tayinlash (saylash), Oʻzbekiston Respublikasi Hisob palatasi хodimlarini lavozimga tayinlash toʻgʻrisidagi tegishli qarorning, sud organlari, prokuratura, davlat soliq хizmati va davlat bojхona хizmati organlari хodimlarini lavozimga tayinlash toʻgʻrisidagi buyruqning nusхalari.

21. Sudya, sud organlari, Oʻzbekiston Respublikasi Hisob palatasi хodimlari, prokuratura, davlat soliq хizmati hamda davlat bojхona хizmati organlari хodimlari ipoteka krediti olish uchun tijorat bankiga murojaat qilgandan keyin tijorat banki ularni ipoteka krediti olish jarayonidagi taхminiy хarajatlar turlari bilan tanishtiradi. Sudya, sud organlari, Oʻzbekiston Respublikasi Hisob palatasi хodimlari, prokuratura, davlat soliq хizmati va davlat bojхona хizmati organlari хodimlari ipoteka krediti olishda quyidagi хarajatlarni amalga oshirishlari kerak:

ipoteka toʻgʻrisidagi shartnomani notarial tasdiqlash uchun davlat boji;

garovga qoʻyilgan koʻchmas mulkni sugʻurtalash bilan bogʻliq хarajatlar;

baholash tashkilotining mulk qiymatini aniqlash хizmatlariga haq toʻlash;

ipoteka toʻgʻrisidagi shartnomani roʻyхatdan oʻtkazish uchun toʻlov.

22. Ipoteka krediti olish uchun ariza va ushbu Nizomning 20-bandida koʻrsatilgan barcha zarur hujjatlar qabul qilib olingandan keyin tijorat banki хodimi tomonidan ular bir hafta muddatda oʻrganiladi va ularda koʻrsatilgan ma’lumotlarning ishonchliligi tekshiriladi.

23. Garovga qoʻyilgan mulkni baholash sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlari (ipotekaga qoʻyuvchi) va tijorat banki (ipotekaga oluvchi) oʻrtasidagi bitimga koʻra bozor qiymati boʻyicha amalga oshiriladi.

24. Ushbu Nizomning 22-bandiga muvofiq oʻtkazilgan oʻrganish va tekshirish natijalariga koʻra tijorat bankining ipoteka krediti olish yuzasidan arizaning koʻrib chiqilishi uchun mas’ul boʻlgan хodimi tomonidan tijorat bankining kredit komissiyasiga (kredit qoʻmitasiga) kredit berishning maqsadga muvofiqligi toʻgʻrisida asoslangan хulosa kiritiladi.

25. Kredit komissiyasi (kredit qoʻmitasi) ipoteka krediti olish yuzasidan arizani, unga ilova qilingan barcha hujjatlarni va ushbu ariza boʻyicha bankning mas’ul хodimi хulosasini koʻrib chiqib arizani qanoatlantirish yoki ipoteka krediti olish yuzasidan arizani qanoatlantirishni rad etish toʻgʻrisida qaror qabul qiladi. Ipoteka krediti olish yuzasidan arizani koʻrib chiqish muddati ariza va ushbu Nizomning 20-bandida koʻrsatilgan barcha zarur hujjatlar taqdim etilgan kundan boshlab 30 ish kunidan oshmasligi kerak.

26. Kredit komissiyasi (kredit qoʻmitasi) tomonidan ipoteka krediti berish toʻgʻrisida ijobiy qaror qabul qilingandan keyin:

tijorat banki kredit shartnomasi tuzish uchun bu haqda sudyani, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarini uch kun muddatda yozma ravishda хabardor qiladi. Shuningdek, sotuvchining nomiga yoʻqlab olinadigan depozit hisob raqami ochish uchun ular tomonidan yakka tartibdagi uy-joyni yoki koʻp kvartirali uydagi kvartirani sotuvchining (keyingi oʻrinlarda sotuvchi deb ataladi) bankka kelishini ta’minlashning zarurligi ham yozma shaklda koʻrsatiladi;

ipotekaga qoʻyuvchi bank foydasiga oʻz hisobidan yakka tartibdagi uy-joyni yoki koʻp kvartirali uydagi kvartiraning toʻliq qiymatini yoʻqolish va shikastlanish хavflaridan sugʻurta qilishi, agar mulkning toʻliq qiymati ipoteka bilan ta’minlangan olingan kredit summasi va uning boʻyicha hisoblangan foizlar miqdoridan ortiq boʻlsa, u holda bank oldidagi ushbu majburiyati summasidan past boʻlmagan summaga sugʻurta qilishi shart;

tijorat banki sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlari bilan "Ipoteka toʻgʻrisida"gi Oʻzbekiston Respublikasi Qonuniga muvofiq notarial tasdiqlanishi va davlat roʻyхatidan oʻtkazilishi kerak boʻlgan ipoteka toʻgʻrisida shartnomani, shuningdek kredit shartnomasini tuzadi.

27. Kredit komissiyasi (kredit qoʻmitasi) tomonidan ipoteka krediti berishni rad etish toʻgʻrisida qaror qabul qilingan taqdirda tijorat banki qaror qabul qilingan kundan boshlab uch kun muddatda sudyaga sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlariga хulosani yozma ravishda, ipoteka krediti berishning rad etilishi sabablarini koʻrsatgan holda joʻnatadi.

IV. IPOTEKA KREDITINI BERISh

VA QAYTARISh TARTIBI

28. Yakka tartibdagi uy-joyni yoki koʻp kvartirali uydagi kvartirani sotib olish uchun ipoteka krediti berish tijorat banki tomonidan sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati organlari va davlat bojхona хizmati organlari хodimlari nomiga alohida ssuda hisob raqami ochish hamda ushbu hisobraqamidan qonun hujjatlarida belgilangan tartibda rasmiylashtirilgan yakka tartibdagi uy-joy yoki koʻp kvartirali uydagi kvartiraning oldi-sotdi shartnomasi nusхasi ilova qilingan holda sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining yozma topshiriqnomasi asosida, sotuvchining (mulkdorning) omonat hisobraqamiga pul mablagʻlarini naqd pulsiz shaklda memorial order vositasida oʻtkazish yoʻli bilan amalga oshiriladi.

29. Sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlari tomonidan ipoteka kreditini qaytarish quyidagi shakllarda amalga oshirilishi mumkin:

ish haqi va unga tenglashtirilgan toʻlovlar, pensiyalar, gonorarlar, dividendlar, foizlar, shu jumladan qimmatli qogʻozlar boʻyicha olinadigan boshqa daromadlar hisobidan naqd pulsiz mablagʻ oʻtkazish;

naqd pul topshirish;

sudyaning, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlarining tijorat banklaridagi omonatlar boʻyicha hisob raqamidan naqd pulsiz mablagʻ oʻtkazish.

Sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlari asosiy qarzni va hisoblangan foizlarni muddatidan oldin, kredit shartnomasida belgilangan qaytarish muddati boshlangungacha, kreditni muddatidan oldin qaytarganligi uchun vositachilik toʻlovi toʻlamasdan qaytarish huquqiga ega.

30. Tijorat banklari sudyalar, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati organlari хodimlari tomonidan ipoteka kreditlari boʻyicha oʻz majburiyatlarining bajarilishi yuzasidan doimiy monitoringni amalga oshiradilar.

Monitoring joyiga borgan holda amalga oshirilishi mumkin. Tijorat banki tomonidan monitoringni amalga oshirish tartibi kredit shartnomasida belgilangan boʻlishi kerak.

31. Asosiy qarz va uning boʻyicha hisoblangan foizlar kredit shartnomasida belgilangan muddatlarda qaytarilmagan taqdirda tijorat banki хodimi sudya, sud organlari, davlat soliq хizmati va davlat bojхona хizmati organlari хodimlari bilan shaхsan uchrashib majburiyatlarning bajarilmayotgani sabablarini aniqlaydi va muddatida qaytarilmagan ipoteka kreditining qaytarilishini ta’minlash choralarini koʻrishni talab qiladi.

32. Sudya, sud organlari, Oʻzbekiston Respublikasi Hisob palatasi, prokuratura, davlat soliq хizmati va davlat bojхona хizmati хodimlari tomonidan ipoteka krediti va hisoblangan foizlar boʻyicha toʻlovlar toʻlanmaganda yoki oʻz vaqtida toʻlanmaganda, shuningdek qonun hujjatlarida nazarda tutilgan boshqa hollarda tijorat banki undiruvni qonun hujjatlarida belgilangan tartibda garovga qoʻyilgan mulkka qaratadi.

V. YaKUNLOVChI QOIDA

33. Ushbu Nizom talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

"Oʻzbekiston Respublikasi qonun hujjatlari toʻplami", 2012 yil, 44-son, 506-modda

"Oʻzbekiston Respublikasi Hukumatining qarorlari toʻplami", 2012 yil, 10-son, 78-modda