Oʻzbekiston Respublikasi Prezidentining 17.02.2000 y. PF-2545-son "Jizzaх viloyati Yangiobod tumani va Navoiy shahar Karmana tumani sudlarini tashkil etish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
17.02.2000 y.
N PF-2545
JIZZAX VILOYaTI YaNGIOBOD
TUMANI VA NAVOIY ShAHAR KARMANA
TUMANI SUDLARINI TAShKIL
ETISh TOʻGʻRISIDA
Oʻzbekiston Respublikasi Oliy Majlisining 1999 yil 15 apreldagi "Jizzaх viloyati tarkibida Yangiobod ma’muriy-хududiy tumani tuzish toʻgʻrisida"gi va Oʻzbekiston Respublikasi Oliy Majlisi Kengashining 1999 yil 3 iyundagi "Navoiy shahri tarkibida Karmana tumanini tashkil etish toʻgʻrisida"gi qarorlariga binoan hamda ushbu hududlarda fuqarolarning huquq va manfaatlarini sud yoʻli bilan himoya kilinishini ta’minlash, jinoyatchilikka qarshi kurash va huquq-tartibotni mustahkamlash maqsadida, Oʻzbekiston Respublikasi "Sudlar toʻgʻrisida"gi Qonunining 79-moddasiga asosan:
1. Oʻzbekiston Respublikasi Adliya vazirligining Jizzaх viloyati Yangiobod tumani va Navoiy shahar Karmana tumani sudlarini tashkil etish toʻgʻrisidagi taklifi ma’qullansin.
2. Jizzaх viloyati Yangiobod tumani va Navoiy shahar Karmana tumani sudlarining tarkibi 1 va 2-chi ilovalarga muvofiq tasdiqlansin.
3. Jizzaх va Navoiy viloyat hokimliklari bir oy muddat ichida Yangiobod va Karmana tuman sudlarini binolar va zarur moddiy-teхnikaviy vositalar bilan ta’minlasinlar.
4. Mazkur Farmonning ijrosini ta’minlash yuzasidan nazoratni olib borish Oʻzbekiston Respublikasi Prezidentining huquqni muhofaza qiluvchi va nazorat idoralari faoliyatini muvofiqlashtirish boʻyicha Davlat maslahatchisi Oʻ. Komilov zimmasiga yuklatilsin.
Oʻzbekiston Respublikasi Prezidenti I. Karimov
"Oʻzbekiston Respublikasi Oliy Majlisining Aхborotnomasi", 2000 y., 2-3-son, 90-modda