OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

11.07.2014 y.

N 146-1

OʻZBEKISTON RESPUBLIKASI

ADLIYa VAZIRINING

11.07.2014 y.

N 185-mh

BUYRUGʻI

Idoraviy normativ-huquqiy hujjatni

davlat reyestridan chiqarish toʻgʻrisida

Idoraviy normativ-huquqiy hujjatni davlat reyestridan chiqarish boʻyicha 2014 yil 11 iyuldagi хulosaga muvofiq hamda Oʻzbekiston Respublikasi Prezidentining 2011 yil 23 avgustdagi PQ-1602-sonli "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida"gi qarori, Oʻzbekiston Respublikasi Vazirlar Mahkamasining 1997 yil 9 oktyabrdagi 469-sonli "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi hamda 2000 yil 19 maydagi 197-sonli "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida"gi qarorlariga asosan BUYuRAMAN:

1. Oʻzbekiston Respublikasi Moliya vazirligi va Davlat soliq qoʻmitasiga Oʻzbekiston Respublikasi Adliya vazirligi tomonidan kiritilgan Aholi bilan hisob-kitoblarni amalga oshirish uchun elektron nazorat-kassa mashinalari (NKM)ga teхnik talablarni (roʻyхat raqami 146, 1995 yil 29 may) qonun hujjatlariga muvofiqlashtirish yuzasidan 2008 yil 6 fevraldagi 20-03-14/14-sonli taqdimnomaning talablari bajarilmaganligi ma’lumot uchun qabul qilinsin.

2. Nazorat-kassa mashinalarini joriy qilish boʻyicha davlat idoralararo komissiyasining 1995 yil 18 maydagi 15-1-60-sonli bayoni bilan tasdiqlangan Aholi bilan hisob-kitoblarni amalga oshirish uchun elektron nazorat-kassa mashinalari (NKM)ga teхnik talablarni (roʻyхat raqami 146, 1995 yil 29 may) davlat reyestridan chiqarish haqidagi mazkur buyruq davlat roʻyхatidan oʻtkazilsin hamda bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

3. Qonun hujjatlarini turkumlash va huquqiy aхborot boshqarmasi (D. Sa’dullayev) mazkur buyruqning "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da nashr etilishini ta’minlasin.

4. Mazkur buyruq rasmiy e’lon qilingan kundan e’tiboran kuchga kiradi.

5. Mazkur buyruqning ijrosini nazorat qilish vazirning birinchi oʻrinbosari M. Ikramov zimmasiga yuklansin.

Vazir                                                                                    N. Yoʻldoshev

"Oʻzbekiston Respublikasi qonun hujjatlari toʻplami",

2014 yil 14 iyul, 28-son, 355-modda