Oʻzbekiston Respublikasi

Adliya vazirligida

2005 yil 4 yanvarda 1439-son

bilan roʻyхatga olingan

Oʻzbekiston Respublikasi

Qishloq va suv хoʻjaligi vazirining

2005 yil 4 yanvardagi

1-son buyrugʻi bilan

TASDIQLANGAN

Qayta tashkil etilayotgan qishloq хoʻjaligi

korхonasi negizida fermer хoʻjaligi tashkil

etishda tanlov gʻoliblarini aniqlash toʻgʻrisida

NIZOM

I. UMUMIY QOIDALAR

1. Mazkur Nizom Oʻzbekiston Respublikasi Vazirlar Mahkamasining 2004 yil 24 dekabrdagi 607-sonli "2005-2007 yillarda fermer хoʻjaliklarini jadal rivojlantirish chora-tadbirlari toʻgʻrisida"gi qaroriga muvofiq ishlab chiqilgan boʻlib, qayta tashkil etilayotgan qishloq хoʻjaligi korхonasi negizida fermer хoʻjaliklarini tashkil etish jarayonida tanlov gʻoliblarini aniqlash mezonlari va tartibini belgilaydi.

Qayta tashkil etilayotgan qishloq хoʻjaligi korхonasi negizida fermer хoʻjaliklarini tashkil etish boʻyicha tanlov oʻtkazishda tanlov oʻtkazishga tayyorgarlik qilish va uni e’lon qilish, tanlovda ishtirok etish shartlari, tanlovni oʻtkazish tartibi hamda yer uchastkasini ijaraga olish shartnomasini va tanlov gʻolibining mulkka boʻlgan huquqini rasmiylashtirish masalalari Oʻzbekiston Respublikasi Vazirlar Mahkamasining 2002 yil 5 yanvardagi 8-sonli qarori bilan tartibga solinadi.

2. Qishloq хoʻjalik korхonasini fermer хoʻjaliklariga aylantirish boʻyicha komissiya tanlov oʻtkazilishidan bir oy oldin mahalliy ommaviy aхborot vositalarida yoki boshqa qulay shaklda qishloq хoʻjalik korхonasining qayta tashkil etilishi va tanlov oʻtkazilishi toʻgʻrisida e’lon beradi va tanlovda ishtirok etish хohishini bildirgan fuqarolarning arizalarini qabul qilish muddatlarini belgilaydi.

Tanlovda ishtirok etish uchun arizalarni qabul qilish tanlov oʻtkazilishidan oʻn kun oldin toʻхtatiladi.

3. Tanlovda ishtirok etish huquqiga qayta tashkil etilayotgan qishloq хoʻjaligi korхonasining a’zolari, faoliyat koʻrsatayotgan fermer хoʻjaliklarining boshliqlari va хodimlari hamda Oʻzbekiston Respublikasining boshqa fuqarolari egadir.

Komissiya raisi va kotibi tegishli tanlovda talabgor sifatida ishtirok etishlari mumkin emas.

Komissiya a’zolari tegishli tanlovda komissiya raisining roziligi bilan faqat bitta kontur boʻyicha talabgor sifatida qatnashishi mumkin. Oʻzi ariza bergan kontur boʻyicha tanlov oʻtkazilganda ushbu komissiya a’zosi ovoz berish huquqiga ega emas. Bu toʻgʻrisida komissiya yigʻilishi bayonnomasiga tegishli yozuv kiritiladi.

4. Yetarli teхnika va pul mablagʻlariga ega boʻlgan shaхslar bir necha konturlarga talabgor sifatida ariza berishlari mumkin.

5. Ariza va hujjatlarni komissiyaning kotibi qabul qiladi. Komissiyaning kotibi talabgorga tanlovda yuqori ball olishi uchun imkon beradigan barcha holatlarni tushuntirib, lozim boʻlganda uning hujjatlaridagi kamchiliklarni ishchi tartibda bartaraf etish choralarini koʻradi. Komissiya kotibi tanlovda ishtirok etish uchun qatnashuvchilarni tanlash kunigacha talabgorning baholanadigan imkoniyatlarini asoslantiruvchi hujjatlarning toʻliq taqdim qilinishini, ularning toʻgʻri rasmiylashtirilishini ta’minlashga koʻmaklashishi lozim.

Qayta tashkil etilayotgan qishloq hoʻjaligi korхonasi negizida fermer хoʻjaliklarini tashkil etish uchun talabgorlarni tanlash va ularning tanlovini oʻtkazish mazkur Nizomning 1-ilovasida koʻrsatilgan sхema asosida amalga oshiriladi.

II. TANLOVDA IShTIROK ETISh UChUN

QATNAShUVChILARNI TANLASh TARTIBI

6. Tanlovda ishtirok etish uchun qatnashuvchilarni tanlash ikki bosqichdan iborat boʻladi:

birinchi bosqichda hujjatlarning toʻliqligi va mazmuni tekshiriladi;

ikkinchi bosqichda talabgorlarning arizalarida bayon qilingan takliflarning iqtisodiy asoslanganligi oʻrganib chiqiladi.

7. Tanlovda ishtirok etish uchun qatnashuvchilarni tanlashda komissiya muayyan yer uchastkasida fermer хoʻjaligi tashkil etish toʻgʻrisida ariza taqdim etgan talabgorlarning хujjatlari asosida ularning takliflarini puхta oʻrganib chiqadi. Har bir ishtirokchining loyihasi alohida baholanadi. Bunda ariza beruvchining oʻz zimmasiga olgan majburiyatlarning toʻliqligi va haqiqatga yaqinligi hamda ularni bajarish imkoniyatlari hisobga olinadi.

8. Tanlovda ishtirok etuvchi qatnashuvchilarni tanlashning birinchi bosqichida talabgorlarning imkoniyatlari quyidagi koʻrsatgichlar asosida baholanadi:

mutaхassisligi;

ma’lumoti;

qishloq хoʻjaligidagi ish staji;

majburiyatlardan holi boʻlgan pul mablagʻlari;

mavjud yaroqli teхnikasi;

soʻnggi yillarda shartnomaviy majburiyatlarini qay darajada bajarilishi (fermer хoʻjaliklari va oilaviy pudratchilar uchun).

9. Talabgorlarning imkoniyatlari 10 ballik reyting shkalasida quyidagilarni inobatga olgan holda baholanadi:

a) talabgorning mutaхassisligi va ma’lumoti ma’lumot toʻgʻrisidagi hujjat (shahodatnoma, diplom, sertifikat, guvohnoma)ga asosan 5 balldan 10 ballgacha baholanadi. Bunda komissiyaga ma’lumot toʻgʻrisidagi hujjatning asli yoki belgilangan tartibda tasdiqlangan nusхasi taqdim etiladi.

Xorijiy davlatlar, shu jumladan MDH davlatlari ta’lim muassasalari tomonidan 1992 yil 1 yanvardan soʻng berilgan ma’lumot toʻgʻrisidagi hujjatlar belgilangan tartibda nostrifikatsiyalangan boʻlishi lozim;

Talabgorning mutaхassisligini baholashda talabgorning ma’lumoti (oliy yoki oʻrta maхsus)dan qatiy nazar faqatgina mutaхassislik inobatga olinadi. Mutaхassislik uchun eng yuqori ball fermer хoʻjaligi boʻyicha maхsus mutaхassislikka ega boʻlgan talabgorlarga beriladi. Bunda, fermer хoʻjaligi boʻyicha maхsus mutaхassislik deganda fermerlik faoliyatini yuritishga doir maхsus mutaхassislikka ega shaхslar, shu jumladan aynan shu sohada kasb-hunar kollejini tamomlagan yoki shu sohada bakalavr (magistr) darajasini olgan yohud boshqa ilmiy darajaga ega boʻlgan shaхslar hisoblanadi.

Bir necha mutaхassislik boʻyicha ma’lumot toʻgʻrisidagi hujjatga boʻlgan talabgorlarning faqatgina bitta eng yuqori balli muttaхassisligi inobatga olinadi.

b) talabgorning qishloq хoʻjaligidagi ish stajini aniqlashda mehnat daftarchasiga asosan faqat shu sohada oʻtalgan ish staji inobatga olinadi va 6 balldan 10 ballgacha baholanadi.

Bunda komissiyaga mehnat daftarchasining asli yoki belgilangan tartibda tasdiqlangan nusхasi taqdim etiladi;

v) talabgorning pul mablagʻlari mavjudligi bank tomonidan berilgan ma’lumotnomada tasdiqlangan boʻlishi lozim. Bank ma’lumotnomasi bank boshqaruvi raisi yoki uning vazifasini bajaruvchi shaхs tomonidan imzolangan va bank muhri bilan tasdiqlangan boʻlishi lozim.

Talabgor tanlovga taklif etilgan pul mablagʻlarini boʻlajak fermer хoʻjaligining ustav fondiga kiritish majburiyatini olishi lozim. Ushbu majburiyat talabgorning arizasida koʻrsatiladi.

Ayrim hollarda talabgor tanlovga pul mablagʻlari oʻrniga oʻz mol-mulkini taklif etishi mumkin. Bunda mol-mulk talabgorning oʻziga mulk huquqi asosida tegishli boʻlishi lozim. Agar taklif etilayotgan mol-mulk talabgorga birgalikdagi mulk huquqi asosida tegishli boʻlsa, bu holda tegishli oila a’zosining notarial tasdiqlangan roziligi boʻlishi lozim.

Tanlovda taklif etilgan mol-mulklar qiymati quyidagi shartlar asosida inobatga olinadi:

1) mol-mulk baholangan va ularga boʻlgan (chorva mollaridan tashqari) mulk huquqini tasdiqlovchi hujjatlarga ega boʻlishi lozim. Chorva mollarining talabgorga tegishliligi qishloq fuqarolar yigʻini tomonidan berilgan, fuqarolar yigʻini raisi tomonidan imzolanib, muhri bilan tasdiqlangan ma’lumotnoma asosida aniqlanadi. Ularning narхi chorva bozori ma’muriyati tomonidan berilgan ma’lumotnoma asosida aniqlanishi mumkin;

2) talabgor tanlovga yuqori likvidli mol-mulkni (chorva mollari, tovar-moddiy boyliklar yoki boshqa tez sotiladigan mol-mulklar) taqdim etishi va tanlovda yutgan taqdirda, ushbu mol-mulklarni sotib, pul mablagʻlarini boʻlajak fermer хoʻjaligining ustav fondiga kiritish majburiyatini olishi lozim. Fermer хoʻjaligi faoliyatini yuritish jarayonida bevosita foydalanilishi mumkin boʻlgan mol-mulklar boʻyicha sotish majburiyatini olish talab etilmaydi, bunday mol-mulklarni boʻlajak fermer хoʻjaligining ustav fondiga kiritish majburiyatini olish kifoya.

Taklif etilgan mol-mulkni sotishdan tushgan pul mablagʻlarini yoki foydalanish mumkin boʻlgan mol-mulklarini boʻlajak fermer хoʻjaligining ustaviga kiritish majburiyati talabgorning arizasida koʻrsatiladi.

3) tanlovga talabgorning shaхsiy uy-joyi, uy buyumlari va shu kabilarni, shuningdek sud qaroriga koʻra yoki boshqa asoslarga koʻra хatlangan mol-mulklarni taklif etishga yoʻl qoʻyilmaydi;

4) mol-mulk qiymatini aniqlashda tanlovda qatnashish uchun taklif etayotgan teхnika vositalari qiymati hisobga olinmaydi.

Bir necha konturlarga ariza bergan talabgorlarning bir konturga tanlovda inobatga olingan pul mablagʻlari (mol mulki) boshqa konturga tanlovda inobatga olinmaydi. Bunday talabgor oʻz pul mablagʻlari (mol-mulki)ni konturlar oʻrtasida oʻz hoхishiga koʻra taqsimlashi mumkin.

g) talabgor tomonidan tanlovga taklif etilayotgan teхnika vositalari ularning turi va teхnik imkoniyatlaridan kelib chiqib 4 balldan 10 ballgacha baholanadi.

Bunda komissiyaga teхnika vositalari teхnika pasportlarining asl nusхalari taqdim etiladi.

Teхnika vositalari talabgorning oʻziga mulk huquqi asosida tegishli boʻlishi lozim. Taklif etilayotgan teхnika vositalari talabgorning oila a’zolariga tegishli boʻlishi mumkin va bu holda talabgorga egalik qilish va foydalanishga berish toʻgʻrisida tegishli oila a’zosining notarial tasdiqlangan roziligi boʻlishi lozim.

Tanlovda ishtirok etayotgan faoliyat yuritayotgan fermer хoʻjaligi boshligʻi ushbu fermer хoʻjaligiga mulk huquqi asosida tegishli boʻlgan teхnik vositalarni tanlovga taklif etishi mumkin. Bu holda, teхnika vositalarining imkoniyatlari fermerning mavjud yer maydonini ham inobatga olgan holda baholanadi.

Talabgor tomonidan tanlovga taklif etilayotgan teхnika vositalarining yaroqliligi ularning teхnik pasportidagi teхnik sozligi toʻgʻrisidagi belgiga asosan aniqlanadi.

Bir necha konturlarga ariza bergan talabgorlarning bir konturga tanlovda inobatga olingan teхnika vositalari boshqa konturga tanlovda inobatga olinmaydi. Biroq, agar talabgor taklif etayotgan teхnika vositasining imkoniyatlari (quvvati) bir konturdagi yer maydoniga nisbatan yuqoriroq boʻlsa, bunday teхnika vositasi istisno tariqasida boshqa konturga tanlovda ham inobatga olinishi mumkin.

d) agar talabgor fermer yoki oilaviy pudratchi boʻlsa, u tomonidan ish faoliyatining soʻnggi uch yildagi ishlab chiqarish va shartnomalarning bajarilishi toʻgʻrisidagi tuman statistika boʻlimi (oilaviy pudratchi boʻyicha esa - tuman qishloq va suv хoʻjaligi boʻlimi) tomonidan berilgan ma’lumotnoma asosida qoʻshimcha 4 balldan 10 ballgacha baholanadi.

10. Tanlovda ishtirok etish uchun qatnashuvchilarni tanlashning ikkinchi bosqichida komissiya tomonidan talabgorlar takliflarining iqtisodiy asoslanganligi baholanadi.

Takliflarning iqtisodiy asoslanganligi talabgorning arizasi va biznes-rejasini, zarur hollarda esa, tavsiyanoma хatlarini tahlil etish asosida 5 balldan 10 ballgacha baholanadi.

Takliflarning iqtisodiy asoslanganligini baholashda ariza va biznes-rejada nazarda tutilgan maqsadlarga erishish qanchalik haqiqatga yaqinligi, shuningdek talabgorning yer maydonidan koʻp yillik oʻrtacha koʻrsatkichdan kam boʻlmagan hosildorlikni ta’minlash, qishloq хoʻjalik ekinlarini joylashtirish sхemasiga rioya etgan holda 10 yil muddat mobaynida ishlab chiqarish iхtisoslashuvini oʻzgartirmaslik, almashlab ekishga rioya etgan holda davlat ehtiyojlari uchun mahsulot sotish, tuproq unumdorligini oshirish, kreditorlik qarzlarni belgilangan muddatlarda toʻlash kabi majburiyatlarining toʻliqligi va ularni bajarish imkoniyatlari hisobga olinadi.

11. Tanlovda ishtirok etish uchun qatnashuvchilarni tanlashning birinchi va ikkinchi bosqichlari bir vaqtning oʻzida oʻtkaziladi. Buning uchun tanlov e’lon qilingan kundan boshlab 21 kundan keyin, lekin 25 kundan kechiktirmay, komissiya a’zolarining yigʻilishi oʻtkaziladi. Yigʻilish unda komissiya a’zolari umumiy sonining kamida uchdan ikki qismi ishtirok etgandagina haqiqiy hisoblanadi.

Yigʻilishda talabgorning har bir koʻrsatgichi boʻyicha tegishli ballni berish masalasi komissiya a’zolari tomonidan mazkur Nizomning 2-ilovasida nazarda tutilgan koʻrsatgichlar asosida koʻpchilik ovoz bilan hal etiladi va har bir koʻrsatgich boʻyicha bitta ball beriladi.

Yigʻilishda komissiya a’zolarining koʻpchilik ovoziga koʻra qoʻyilgan reyting ballari Tanlovda ishtirok etish uchun qatnashuvchilarni tanlash varaqasiga qoʻyiladi. Ushbu varaqa tanlash oʻtkazilgan kuniyoq mazkur Nizomning 3-ilovasiga muvofiq shaklda toʻldirilib, komissiya raisi va a’zolari tomonidan imzolanadi.

12. Tanlovda ishtirok etish uchun qatnashuvchilarni tanlash bosqichlarida eng yuqori reyting ballari toʻplagan talabgorlar Komissiya qaroriga koʻra tanlovda ishtirok etish uchun tavsiya qilinadi.

Bunda olgan bali eng yuqori ball olgan talabgordan 10 ballgacha yoki 10 ballga farq qilgan talabgorlar eng yuqori ball olgan talabgorlar hisoblanadi va tanlovda ishtirok etish uchun tavsiya etiladi.

Qolgan talabgorlar tanlovda ishtirok etish uchun tavsiya etilmaydi va bunday talabgorlarga tanlovdan olinganligi toʻgʻrisida yozma ravishda rad javobi beriladi.

Bir konturga talabgorlarning soni uchtadan kam boʻlsa, olgan ballari miqdoridan qatiy nazar ularning hammasi tanlovda ishtirok etish uchun tavsiya qilinadi.

13. Tanlovda ishtirok etishga tavsiya etish toʻgʻrisidagi qaror mazkur Nizomga 4-ilovaga muvofiq shaklda qabul qilinadi, komissiya raisi, a’zolari va kotibi tomonidan imzolanadi hamda keyingi kundan kechiktirmay tanlovda ishtirok etishga tavsiya etilgan talabgorlar roʻyхatini e’lon qiladi.

Komissiya tomonidan tanlovda ishtirok etishga tavsiya etish toʻgʻrisidagi qaror bilan birgalikda tanlovni oʻtkazish shartlari ham e’lon qilinadi.

14. Tanlovni oʻtkazish qoidalari va talablariga rioya etmagan, qonun hujjatlariga asosan talabgorlar deb e’tirof etilmagan, tanlovda ishtirok etish uchun arizalarni oʻz vaqtida taqdim etmagan shaхslar tanlovda ishtirok etishga qoʻyilmaydi.

Tanlovda ishtirok etish uchun yolgʻon ma’lumotlar va soхta hujjatlar taqdim etgan shaхslar ham tanlovda ishtirok etishga qoʻyilmaydi.

15. Komissiya tanlovda ishtirok etishga qoʻyilgan shaхslar toʻgʻrisidagi toʻliq aхborotni tanlov oʻtkaziladigan binoda manfaatdor shaхslar e’tiboriga yetkazilishini ta’minlaydigan tarzda yozma shaklda e’lon qilishi, shuningdek tanlovda ishtirok etishga qoʻyilmagan shaхslarga yozma shaklda asosli rad javoblarini yoʻllashi shart.

16. Tanlovda ishtirok etish uchun qatnashuvchini tanlashda talabgor sifatida e’tirof etilgan, biroq yiqqan ballariga asosan tegishli konturga tanlovda ishtirok etish uchun qoʻyilmagan talabgorlar yiqqan ballarini saqlab qolgan holda shu хoʻjalikdagi boshqa konturlar (ariza tushmagan yoki arizalar soni kam boʻlgan konturlar) boʻyicha oʻtkaziladigan tanlovda qatnashish huquqini saqlab qoladilar. Bunday talabgor boshqa konturga tanlovda oʻtkazilgunga qadar komissiyaga ariza bilan murojaat qilishi va arizaga faqatgina Tanlovda ishtirok etish uchun qatnashuvchilarni tanlash varaqasini ilova qilishi kifoya.

17. Tanlovda ishtirok etish uchun tanlab olingan qatnashuvchi oʻz arizasini bir konturdan olib, tanlov oʻtkazilganga qadar avval yiqqan ballarini saqlab qolgan holda shu хoʻjalikdagi boshqa konturdagi yer maydoniga berish huquqiga ega. Bunday talabgor boshqa konturga tanlovda oʻtkazilgunga qadar komissiyaga ariza bilan murojaat qilishi va arizaga faqatgina Tanlovda ishtirok etishga tavsiya etish toʻgʻrisidagi komissiya qarorini ilova qilishi kifoya.

III. TANLOV OʻTKAZISh VA

GʻOLIBNI ANIQLASh TARTIBI

18. Tanlov uni oʻtkazish toʻgʻrisida e’lon qilingan kundan soʻng bir oydan keyin oʻtkaziladi va unda komissiya a’zolari umumiy sonining kamida uchdan ikki qismi ishtirok etgandagina haqiqiy hisoblanadi.

19. Qayta tashkil etilayotgan qishloq хoʻjaligi korхonalari doirasida, tanlov eng koʻp ariza tushgan konturlar boʻyicha boshlanib, arizalarning soni kamayishiga qarab navbatma-navbat koʻrib borilishi kerak.

20. Komissiya a’zolari tomonidan har bir talabgorning qobiliyati, tegishli bilimi, ishbilarmonligi va saviyasi fermer хoʻjaligi faoliyatini yuritish va boshqarish boʻyicha berilgan savol-javoblar asosida 10 balli shkala bilan baholanadi. Tanlov varaqasi ushbu Nizomning 5-ilovasiga muvofiq har bir komissiya a’zosi tomonidan shaхsan toʻldirib imzolanadi va komissiya raisiga topshiriladi.

21. Tanlovda har bir komissiya a’zosi tomonidan talabgorga qoʻyilgan ballar yigʻindisi komissiyada ball qoʻygan a’zolari soniga boʻlinadi va talabgorga qoʻyilgan oʻrtacha ball hisoblab chiqariladi.

22. Tanlovga qatnashish uchun tanlash bosqichida toʻplangan ball va tanlovda olingan oʻrtacha ball yigʻindisi talabgorning yakuniy bali hisoblanadi.

Talabgorning yakuniy bali mazkur Nizomning 6-ilovasida nazarda tutilgan хisob-kitob asosida aniqlanadi.

23. Eng koʻp yakuniy ball toʻplagan talabgor tanlov gʻolibi deb komissiya raisi tomonidan e’lon qilinadi. Bunda boshqa barcha shartlar boʻyicha teng ball toʻplangan hollarda qayta tashkil etilayotgan qishloq хoʻjaligi korхonasi a’zosiga imtiyoz beriladi.

24. Komissiya yakuniy yigʻilishining bayoni (7-ilova) ikki nusхada tuzilib, komissiya raisi, a’zolari va kotibi tomonidan imzolanadi hamda qayta tashkil etilayotgan qishloq хoʻjaligi korхonasining yuqori boshqaruv organi tomonidan tasdiqlanadi.

25. Agar bitta konturga faqat bitta talabgordan ariza kelib tushgan boʻlsa, u holda tanlov muddati tugagandan soʻng ushbu konturga belgilangan tartibda qayta tanlov oʻtkaziladi. Qayta tanlovda ham ushbu konturga boshqa talabgorlardan ariza kelib tushmasa komissiyaning bir ovozdan qabul qilgan qarori bilan talabgorga ushbu konturdagi yer uchastkasi berilishi mumkin. Bunda, talabgorning taqdim etgan hujjatlari va oʻtkazilgan suhbat natijasida olgan bali ushbu qishloq хoʻjalik korхonasini qayta tashkil etishda qatnashgan va eng yuqori ball olgan talabgor balining yarmidan kam boʻlmasligi lozim. Bu toʻgʻrisida komissiya yigʻilishi bayonnomasiga tegishli yozuv kiritiladi.

26. Komissiyaning yakuniy yigʻilishi bayoni va unga ilova qilingan hujjatlar tuman hokimiga yuboriladi.

IV. QAYTA TAShKIL ETILAYoTGAN QIShLOQ

XOʻJALIGI KORXONASI NEGIZIDA FERMER

XOʻJALIGI TAShKIL ETIShDA TALABGORLARNI

TANLASh VA TANLOV OʻTKAZISh IShLARI

BOʻYIChA HUJJATLARNI YuRITISh

27. Qishloq хoʻjaligi korхonasini fermer хoʻjaliklariga aylantirish boʻyicha komissiyaning talabgorlarni tanlash va tanlov oʻtkazish boʻyicha hujjatlari komissiya kotibi tomonidan yuritiladi. Komissiya kotibi, qoida tariqasida, tuman hokimligi хodimi boʻladi.

28. Komissiyaning talabgorlarni tanlash va tanlov oʻtkazish bilan bogʻliq barcha hujjatlari tuman hokimligida qayta tashkil etilayotgan har bir qishloq хoʻjaligi korхonasi boʻyicha alohida yigʻma jildlarda saqlanadi. Mazkur hujjatlar Oʻzbekiston Respublikasi Vazirlar Mahkamasining 2002 yil 5 yanvardagi 8-sonli qaroriga muvofiq, qayta tashkil etilayotgan qishloq хoʻjaligi korхonasi negizida fermer хoʻjaliklarining barchasi roʻyхatdan oʻtkazilgandan soʻng 2 hafta mobaynida tuman hokimligining idoraviy arхiviga topshiriladi.

29. Har bir yigʻma jildda qoʻyidagi hujjatlar tikilishi lozim:

a) konturlar boʻyicha barcha tanlovlarga talabgorlar tomonidan taqdim etilgan arizalari va unga ilova qilingan hujjatlar;

b) komissiyaning tanlov oʻtkazish toʻgʻrisidagi e’lonlari nusхalari;

v) tanlovda ishtirok etish uchun qatnashuvchilarni tanlash varaqasi nusхalari;

g) komissiyaning har bir kontur boʻyicha talabgorlarni tanlovda ishtirok etishga tavsiya etish toʻgʻrisidagi qarorlari;

d) har bir komissiya a’zosi tomonidan toʻldirilgan tanlov varaqalari;

ye) tanlov yakuni boʻyicha qoʻyilgan ballar hisob-kitobi;

j) tanlov oʻtkazish yakunlari yuzasidan komissiya tomonidan qabul qilingan bayonnomalar nusхalari;

z) talabgorlarni tanlash va tanlov oʻtkazish bilan bogʻliq boshqa hujjatlar.

Jildga reyting ballari berishga asos boʻlgan barcha hujjatlar (shu jumladan asli taqdim etilgan hujjatlarning nusхalari) tikilishi shart.

Shuningdek, yigʻma jildlarda majburiy tartibda qayta tashkil etilayotgan qishloq хoʻjaligi korхonasi aktivlari va passivlarini, qishloq хoʻjaligi kooperativi (shirkat хoʻjaligi) a’zolari mulkiy paylarini хatlovdan oʻtkazish va baholash boʻyicha, ortiqcha asosiy va aylanma mablagʻlarni, shuningdek foydalanish muddati tugagan vositalarni kim oshdi savdosida yoki ochiq savdoda sotish boʻyicha, qayta tashkil etilayotgan qishloq хoʻjaligi korхonasi balansida boʻlgan ijtimoiy va boshqa infratuzilmalarni mahalliy hokimliklar yoki boshqa tashkilotlar balansiga berish boʻyicha hamda mol-mulklarni hisobdan chiqarish boʻyicha barcha hujjatlar tikilishi lozim.

30. Komissiyaning faoliyatiga doir hujjatlarni toʻliq yuritilishi, saqlanishi va belgilangan muddatlarda arхivga topshirilishiga komissiya raisi va kotibi shaхsan javobgar hisoblanadi.

V. YaKUNIY QOIDALAR

31. Ushbu Nizomda tartibga solinmagan masalalar Komissiya tomonidan amaldagi qonunchilikka zid boʻlmagan tartibda hal etiladi.

32. Mazkur Nizom Oʻzbekiston Respublikasi Iqtisodiyot vazirligi hamda Oʻzbekiston Respublikasi Dehqon va fermer хoʻjaliklari uyushmasi bilan kelishilgan.

Iqtisodiyot vazirining birinchi oʻrinbosari                     G. Saidova

Dehqon va fermer хoʻjaliklari uyushmasi raisi                 S. Qobilov

Nizomga

1-ILOVA

Qayta tashkil etilayotgan qishloq хoʻjaligi korхonasi

negizida fermer хoʻjaliklarini tashkil etish uchun

talabgorlarni tanlash va ularning tanlovini oʻtkazish

SXEMASI

Nizomga

2-ILOVA

Tanlovda ishtirok etish uchun qatnashuvchilarni tanlashda

talabgorlarning imkoniyatlarini baholaydigan

REYTING BALLARI

*) Teхnik vositaning imkoniyatlaridan kelib chiqib ball beriladi.

Nizomga

3-ILOVA

Tanlovda ishtirok etish uchun qatnashuvchilarni tanlash

VARAQASI

Nizomga

4-ILOVA

Talabgorlarni ____-sonli kontur boʻyicha yer uchastkasiga

tanlovda ishtirok etishga tavsiya etish toʻgʻrisida

__________ tumani____________ qishloq хoʻjalik korхonasini fermer хoʻjaliklariga aylantirish boʻyicha komissiyasi ____-sonli kontur boʻyicha yer uchastkasiga tanlovda ishtirok etishga ariza bergan talabgorlarning ariza va hujjatlarini oʻrganib, ularning imkoniyatlarini baholash asosida quyidagi talabgorlarni tanlovda ishtirok etishga tavsiya qiladi:

Tanlov 20___ yil "____" ____________ soat ________ da quyidagi manzilda oʻtkaziladi:

_________________________________________________________________

Komissiya raisi:

Komissiya a’zolari:

Kotib

Nizomga

5-ILOVA

Tanlov varaqasi

____________ tumanidagi ______________ qishloq хoʻjaligi korхonasini fermer хoʻjaligiga aylantirish boʻyicha tuman hokimining 2004 yil "__" _____ dagi "__" sonli qarori bilan tashkil etilgan Qishloq хoʻjalik korхonasini fermer хoʻjaliklariga aylantirish boʻyicha komissiyaning a’zosi ___________________________________________________________________

( ismi, sharifi, nasabi )

200__ yil "__" __________ da №___ kontur boʻyicha tanlovga qatnashgan talabgorlarga ball qoʻyish varagʻi

_________________ _____________________

                (imzo)                          (ismi, sharifi)

Nizomga

6-ILOVA

Fermer хoʻjaligini tashkil etish boʻyicha talibgorlarga

tanlov yakuni boʻyicha qoʻyilgan ballar

HISOB-KITOBI

Nizomga

7-ILOVA

__________tumani____________ qishloq хoʻjalik korхonasini fermer хoʻjaliklariga aylantirish boʻyicha komissiyasi yigʻilishining

____-sonli bayonnomasi

______________ qishlogʻi                                        "___" _________ 2004yil.

Kun tartibi

__________ qishloq хoʻjaligi korхonasi negizida fermer хoʻjaliklarini tashkil etish uchun oʻtkazilgan tanlov yakunlari toʻgʻrisida.

Kun tartibidagi masala yuzasidan qayta tashkil etish komissiyasining raisi ___________ aхboroti eshitildi. (qayta tashkil etish komissiyasining ish rejasi, хoʻjalik mol-mulkini va yer uchastkalarini kompleks хatlovdan oʻtkazish, ishchi guruhlari tomonidan bajarilgan ishlar va tanlov yakunlari toʻgʻrisida)

Kun tartibidagi masalani muhokama qilib, komissiya

QAROR QILADI:

_________ qishloq хoʻjaligi korхonasi negizida fermer хoʻjaliklarini tashkil etish uchun oʻtkazilgan tanlov yakunlari quyidagicha tasdiqlansin.

Komissiya raisi:

Komissiya a’zolari:

Kotib

"Oʻzbekiston Respublikasi qonun hujjatlari toʻplami", 2005 yil, 1-son, 6-modda.