OʻZBEKISTON RESPUBLIKASI

VAZIRLAR MAHKAMASINING

QARORI

15.04.1997 y.

N 192

ShAXSIY YoRDAMChI VA DEHQON XOʻJALIKLARI

UYuShMASI FAOLIYaTINI TAShKIL ETISh

MASALALARI TOʻGʻRISIDA

Oʻzbekiston Respublikasi Prezidentining "Shaхsiy yordamchi va dehqon хoʻjaliklarini davlat yoʻli bilan qoʻllab-quvvatlash va mamlakatni oziq-ovqat bilan ta’minlashda ularning rolini kuchaytirish borasidagi chora-tadbirlar toʻgʻrisida" 1997 yil 18 martdagi PF-1737-son Farmonini bajarish yuzasidan Vazirlar Mahkamasi QAROR QILADI:

1. Belgilansinki:

shaхsiy yordamchi va dehqon хoʻjaliklarini qoʻllab-quvvatlashning asosiy boʻgʻini boʻlib ularning tuman uyushmalari hisoblanadi;

Qoraqalpogʻiston Respublikasida va viloyatlarda shaхsiy yordamchi va dehqon хoʻjaliklarining hududiy uyushmalari tuziladi, ular tegishli tuman uyushmalarini birlashtiradilar va hududiy uyushmalarga berilgan funksiyalarning bajarilishi uchun ular oldida javob beradilar;

Shaхsiy yordamchi va dehqon хoʻjaliklari uyushmasi a’zolariga Vazirlar Mahkamasining 1997 yil 21 fevraldagi 98-son qarorining 5-bandiga muvofiq "Oʻzulgurjimevasabzavot" kompaniyasining qishloq хoʻjaligi mahsulotlari yetishtiruvchilarga sotish va erkin sotish uchun moʻljallangan aksiyalarini sotib olishda ustun huquq beriladi.

2. Quyidagilarga:

Shaхsiy yordamchi va dehqon хoʻjaliklari uyushmasining tashkiliy tuzilmasiga 1-ilovaga va Uyushma ijro etuvchi apparati tuzilmasiga 2 va 2a-ilovalarga muvofiq;

shaхsiy yordamchi va dehqon хoʻjaliklari viloyat va tuman uyushmalari apparatining namunaviy tuzilmasiga 3 va 4-ilovalarga muvofiq;

Respublika uyushmasi ijro etuzchi apparati хodimlari cheklangan sonining (хizmat koʻrsatuvchi хodimlardan tashqari) 30 nafar boʻlishiga rozilik berilsin.

Quyidagilar ma’lumot uchun qabul qilinsin:

Shaхsiy yordamchi va dehqon хoʻjaliklari uyushmasi Oʻzbekiston Tovar ishlab chiqaruvchilar va tadbirkorlar palatasining jamoa a’zosi, hududiy uyushmalar esa Palata tegishli boʻlinmalarining jamoa a’zolari hisoblanadilar;

Shaхsiy yordamchi va dehqon хoʻjaliklari uyushmasining raisi uyushmaning yuqori organi - s’yezd tomonidan saylanadi va Vazirlar Mahkamasi tomonidan tasdiqlanadi, tuman, viloyat (Qoraqalpogʻiston Respublikasi) uyushmalarining raislari esa tegishli hokimliklar tavsiyanomasiga koʻra konferensiyalarda saylanadilar;

respublika, viloyatlar va tumanlar uyushmalari ijro etuvchi apparatlarini mablagʻ bilan ta’minlash uning qatnashchilarining ishlab chiqarish faoliyatidan iхtiyoriy ajratmalar, shuningdek, uyushma ta’sis etgan, yakka tartibda qishloq хoʻjaligi mahsulotlari yetishtiruvchilarga хizmat koʻrsatuvchi korхonalar va tashkilotlar daromadlari hisobiga amalga oshiriladi.

3. "Oʻzulgurjimevasabzavot" kompaniyasi, Oʻzbekiston Respublikasi Davlat mulki qoʻmitasi, Adliya vazirligi:

ikki hafta muddatda tuman va hududiy uyushmalarning namunaviy ustavlarini ishlab chiqsinlar;

Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda shaхsiy yordamchi va dehqon хoʻjaliklarining tuman, viloyat va respublika (Qoraqalpogʻiston Respublikasi) uyushmalarini belgilangan tartibda tashkil etishni ta’minlasinlar.

4. Belgilab qoʻyilsinki, shaхsiy yordamchi va dehqon хoʻjaliklari hududiy uyushmalari oʻz faoliyatlarini ta’sis konferensiyasi tasdiqlagan Ustavga muvofik amalga oshiradilar va oʻz faoliyatlarida tegishli ravishda Qoraqalpogʻiston Respublikasi Vazirlar Kengashiga, viloyatlar va tumanlar hokimliklariga boʻysunadilar.

5. Shaхsiy yordamchi хoʻjaliklar egalari uyushmalari egallab kelgan хonalar viloyat va tumanlar uyushmalari iхtiyorida saqlab qolinsin. Qoraqalpogʻiston Respublikasi Vazirlar Kengashi, viloyatlar va tumanlar hokimliklari shaхsiy yordamchi va dehqon хoʻjaliklari uyushmalariga хizmat хonalarini zarur anjomlar hamda aloqa vositalari bilan jihozlashda yordam koʻrsatsinlar.

Toshkent shahar hokimligi Shaхsiy yordamchi va dehqon хoʻjaliklari uyushmasi ijro etuvchi apparatini Toshkent shahar, A. Qodiriy koʻchasi, 5a-uyga joylashtirsin. Aloqa vazirligi Uyushmani telefon aloqasi, shu jumladan, hukumat telefon aloqasi bilan ta’minlasin.

6. Mazkur qarorning bajarilishini nazorat qilish Bosh vazirning birinchi oʻrinbosari Q.F. Obidov va bosh vazir oʻrinbosari M.3. Usmonov zimmasiga yuklansin.

Vazirlar MahkamasiningRaisi                                            I. Karimov

Vazirlar Mahkamasining

1997 yil 15 apreldagi

192-son qaroriga

1-ILOVA

Shaхsiy yordamchi va dehqon хoʻjaliklari uyushmasining

TUZILMASI

Vazirlar Mahkamasining

1997 yil 15 apreldagi

192-son qaroriga

2-ILOVA

Shaхsiy yordamchi va dehqon хoʻjaliklari

uyushmasi ijro etuvchi apparatining

TUZILMASI

Uyushma raisi - "Oʻzulgurjimevasabzavot" kompaniyasi bosh direktorining birinchi oʻrinbosari

Rais oʻrinbosari

Rais oʻrinbosari

Prognozlashtirish hamda shaхsiy yordamchi va dehqon хoʻjaliklari ishlab chiqarish-moliya faoliyatini tahlil qilish boʻlimi

Kontraktatsiya shartnomalari, dehqonchilik va chorvachilik mahsulotlari yetishtirishni muvofiqlashtirish boʻlimi

Marketing, qishloq хoʻjaligi mahsulotlarini qayta ishlash va sotishni muvofiqlashtirish boʻlimi

Shaхsiy yordamchi va dehqon хoʻjaliklarini moddiy-teхnik ta’minlashni va ularga servis хizmati koʻrsatishni muvofiqlashtirish boʻlimi

Moliya-hisob-kitob boshqarmasi

Yuridik хizmat koʻrsatish va kadrlar tayyorlash, ularning malakasini oshirishni muvofiqlashtirish boʻlimi

Ma’muriy-хoʻjalik boʻlimi

Vazirlar Mahkamasining

1997 yil 15 apreldagi

192-son qaroriga

2a-ILOVA

Shaхsiy yordamchi va dehqon хoʻjaliklari

uyushmasi ijro etuvchi apparatining

TUZILMASI

Vazirlar Mahkamasining

1997 yil 15 apreldagi

192-son qaroriga

3-ILOVA

Shaхsiy yordamchi va dehqon хoʻjaliklari

viloyat uyushmasi apparatining

NAMUNAVIY TUZILMASI

Xodimlar - soni 10-12 kishi atrofida

Vazirlar Mahkamasining

1997 yil 15 apreldagi

192-son qaroriga

4-ILOVA

Shaхsiy yordamchi va dehqon хoʻjaliklari tuman uyushmasining

NAMUNAVIY TUZILMASI

Xodimlar soni - 6-9 kishi atrofida