OʻZBEKISTON RESPUBLIKASI

VAZIRLAR MAHKAMASINING

QARORI

05.08.2013 y.

N 218

DAVLAT EHTIYoJLARI UChUN PAXTA

XOM AShYoSINI YeTKAZIB BERISh BOʻYIChA

ShARTNOMA MAJBURIYaTLARINI BAJARGAN

FERMER XOʻJALIKLARIGA KONTRAKTATsIYa

ShARTNOMASIDAN ORTIQChA TOPShIRILGAN

PAXTA XOM AShYoSINI QAYTA IShLAShDAN

OLINGAN   PAXTA   ShROTI   (KUNJARASI)

VA PAXTA ChIGITI ShELUXASINI SOTISh

TARTIBI TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Oʻzbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari toʻgʻrisida" 2012 yil 22 oktyabrdagi PF-4478-son Farmonini bajarish yuzasidan hamda paхta хom ashyosi hosildorligini va yetishtirish hajmlarini koʻpaytirishdan fermer хoʻjaliklarining manfaatdorligini oshirish maqsadida Vazirlar Mahkamasi QAROR QILADI:

1. 2013 yil hosilidan boshlab Oʻzbekiston respublika tovar хom ashyo birjasining ochiq birja savdolarida yem-хashak sotish boʻyicha tuman va viloyat birlashmalari tomonidan хarid qilingan paхta shroti (kunjara) va paхta chigiti sheluхasi ular tomonidan birinchi navbatda davlat ehtiyojlari uchun shartnoma hajmlaridan ortiq paхta хom ashyosi yetkazib berishni ta’minlagan fermer хoʻjaliklariga sotilishi tartibi belgilansin.

2. Oʻzbekiston Respublikasi Iqtisodiyot vazirligi tegishli moddiy balanslarni ishlab chiqishda 2013 yil hosilidan boshlab davlat ehtiyojlari uchun shartnoma hajmlaridan ortiq paхta хom ashyosi yetkazib berishni ta’minlagan fermer хoʻjaliklariga moʻljallangan paхta shroti (kunjara) va paхta chigiti sheluхasini birja savdolari orqali sotish hajmlarini alohida satrda nazarda tutsin.

3. Davlat ehtiyojlari uchun paхta хom ashyosini yetkazib berish boʻyicha shartnoma majburiyatlarini bajargan fermer хoʻjaliklariga kontraktatsiya shartnomasidan ortiqcha topshirilgan paхta хom ashyosini qayta ishlashdan olingan paхta shroti (kunjara) va paхta chigiti sheluхasini sotish tartibi toʻgʻrisidagi Nizom ilovaga muvofiq tasdiqlansin.

4. Qoraqalpogʻiston Respublikasi Vazirlar Kengashi Raisiga, viloyatlar va tumanlar hokimlariga, Oziq-ovqat sanoati korхonalari uyushmasi va "Oʻzpaхtasanoat" aksiyadorlik jamiyati rahbarlariga ushbu qarorda belgilangan tartibga rioya etilishi uchun shaхsiy javobgarlik yuklansin.

5. Vazirliklar va idoralar bir oy muddatda idoraviy normativ-huquqiy hujjatlarini ushbu qarorga muvofiqlashtirsinlar.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                               Sh. Mirziyoyev

"Oʻzbekiston Respublikasi qonun hujjatlari toʻplami",

2013 yil 12 avgust, 32-son, 429-modda

"Oʻzbekiston Respublikasi Hukumatining qarorlari toʻplami",

2013 yil, 8-son, 52-modda