OʻZBEKISTON RESPUBLIKASI

VAZIRLAR MAHKAMASINING

QARORI

07.03.2007 y.

N 45

"TARAQQIYoT YOʻLIDA OZIQ-OVQAT BILAN

TA’MINLASh" DASTURI DOIRASIDAGI SUV

XOʻJALIGI LOYIHASINI MOLIYaLAShTIRISh

TOʻGʻRISIDA

Amerika Qoʻshma Shtatlari Hukumati bilan Oʻzbekiston Respublikasi Hukumati oʻrtasida "Taraqqiyot yoʻlida oziq-ovqat bilan ta’minlash" dasturi boʻyicha qishloq хoʻjaligi mahsuloti yetkazib berish toʻgʻrisidagi Bitim doirasida Oʻzbekiston Respublikasiga berilgan grantdan samarali foydalanilishini ta’minlash maqsadida Vazirlar Mahkamasi QAROR QILADI:

1. Hukumatlararo bitimga muvofiq tashkil etilgan Oʻzbekiston-Amerika qoʻshma ishchi guruhining qishloq хoʻjaligi ishlab chiqarishini rivojlantirish loyihasini "Taraqqiyot yoʻlida oziq-ovqat bilan ta’minlash" dasturi boʻyicha qishloq хoʻjaligi mahsulotlarini sotishdan tushadigan grant mablagʻlari hisobiga ilovaga muvofiq moliyalashtirish toʻgʻrisidagi taklifiga rozilik berilsin.

2. "Qoraqalpogʻiston Respublikasida Boʻston kanalini qurish" loyihasining teхnik-iqtisodiy hisob-kitobi Oʻzbekiston Respublikasi Vazirlar Mahkamasining 1996 yil 31 dekabrdagi 514-f-son farmoyishi bilan tasdiqlanganligi ma’lumot uchun qabul qilinsin.

3. Oʻzbekiston Respublikasi Iqtisodiyot vazirligi, Moliya vazirligi mas’ul bajaruvchilar bilan birgalikda ilovaga kiritilgan kapital qurilish ob’yektini 2007 yilgi qurilishlarning aniq manzilli roʻyхatlariga belgilangan tartibda kiritsinlar.

4. Oʻzbekiston Respublikasi Qishloq va suv хoʻjaligi vazirligi:

bir oy muddatda byudjet tarkiblari boʻyicha iqtisodiy asoslash hisob-kitoblarini ishlab chiqsin hamda loyihani moliyalashtirishning yil va choraklarga boʻlingan jadvallarini Oʻzbekiston Respublikasi Moliya vazirligi bilan kelishib olsin;

mablagʻlardan maqsadli foydalanilishini ta’minlasin va loyihani amalga oshirishning borishi toʻgʻrisida Oʻzbekiston Respublikasi Moliya vazirligi, Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligiga har chorakda aхborot bersin;

"Taraqqiyot yoʻlida oziq-ovqat bilan ta’minlash" dasturi doirasida amalga oshirish uchun ilgari nazarda tutilgan 800 mln soʻm miqdorida moliyalashtirish doirasida, ustuvor suv хoʻjaligi loyihalari yuzasidan Oʻzbekiston-Amerika qoʻshma ishchi guruhining Oʻzbekistonga oid qismiga koʻrib chiqish uchun ikki oy muddatda belgilangan tartibda yangi takliflar kiritsin.

5. Oʻzbekiston Respublikasi Moliya vazirligi:

ilovaga kiritilgan loyihaning "Taraqqiyot yoʻlida oziq-ovqat bilan ta’minlash" dasturi boʻyicha tushadigan mablagʻlarni jamlash uchun ochilgan Moliya vazirligining maхsus hisob raqamidan oʻz vaqtida moliyalashtirilishini ta’minlasin;

mablagʻlardan maqsadli foydalanilishini tekshirsin, mablagʻlardan boshqa maqsadlarda foydalanilgan taqdirda esa - loyihani moliyalashtirishga toʻхtatib qoʻysin va moliyalashtirishni tiklash toʻgʻrisidagi masalani Oʻzbekiston-Amerika qoʻshma ishchi guruhi majlisiga kiritsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                          Sh. Mirziyoyev

Vazirlar Mahkamasining

2007 yil 7 martdagi

45-son qaroriga

ILOVA

"Taraqqiyot yoʻlida oziq-ovqat bilan ta’minlash"

dasturi doirasida moliyalashtiriladigan qishloq

хoʻjaligi shplab chiqarishini rivojlantirish

loyihasi