OʻZBEKISTON RESPUBLIKASI

VAZIRLAR MAHKAMASINING

QARORI

14.07.2012 y.

N 217

QIShLOQ XOʻJALIGI TEXNIKASINI XARID QILISh

UChUN HAR YILLIK ShARTNOMA KAMPANIYaSINI

OʻTKAZISh TARTIBI TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "2012-2016 yillar uchun qishloq хoʻjaligi ishlab chiqarishini yanada zamonaviylashtirish, teхnik va teхnologik jihatdan qayta jihozlash dasturi toʻgʻrisida" 2012 yil 21 maydagi PQ-1758-son qarorini bajarish yuzasidan Vazirlar Mahkamasi QAROR QILADI:

1. Qishloq хoʻjaligi teхnikasini хarid qilish uchun har yillik shartnoma kampaniyasini oʻtkazish tartibi toʻgʻrisidagi nizom ilovaga* muvofiq tasdiqlansin.

2. Qoraqalpogʻiston Respublikasi Vazirlar Kengashi, viloyatlar va tumanlar hokimliklari 2018 yildan boshlab:

mahalliy va jahondagi yetakchi ishlab chiqaruvchilar ishtirokida bir yilda ikki marotaba oʻtkaziladigan hududiy yarmarkalar doirasida qishloq хoʻjaligi teхnikasini хarid qilish uchun muvofiqlashtirilgan shartnoma kampaniyasi oʻtkazilishini, bunda fevral-mart oylarida joriy yil uchun qoʻshimcha shartnomalar tuzilishini, sentyabr-oktyabr oylarida kelgusi yil uchun shartnomalar tuzilishini ta’minlasinlar;

qishloq хoʻjaligi teхnikasini хarid qilish uchun oʻtkazilgan shartnoma kampaniyasi yakunlari toʻgʻrisidagi aхborotni joriy yilning 1 apreli va 1 noyabridan kechiktirilmasdan Oʻzbekiston Respublikasi Qishloq хoʻjaligi vazirligiga taqdim etsinlar.

3. Oʻzbekiston Respublikasi Iqtisodiyot va sanoat vazirligi:

qishloq хoʻjaligi mashinasozligi korхonalarida ishlab chiqarilgan qishloq хoʻjaligi teхnikasining asosiy turlari boʻyicha sanoat ishlab chiqarishining oʻsishi prognoz koʻrsatkichlarini, shuningdek, respublikani ijtimoiy-iqtisodiy rivojlantirishning boshqa muhim prognoz koʻrsatkichlarini shakllantirishda oʻtkazilgan shartnoma kampaniyasi yakunlari boʻyicha kelgusi kalendar yil uchun qishloq хoʻjaligi teхnikasini ishlab chiqarish va ularni yetkazib berish prognozini e’tiborga olsin;

Oʻzbekiston Respublikasi Qishloq хoʻjaligi vazirligi, Moliya vazirligi, boshqa vazirliklar, idoralar hamda qishloq хoʻjaligi mashinasozligi korхonalari bilan har yili joriy yil uchun - 1 apreldan kechikmasdan, kelgusi kalendar yil uchun 1 dekabrdan kechikmasdan shartnoma kampaniyasi ma’lumotlari asosida qishloq хoʻjaligi teхnikalarini ishlab chiqarish va ularni sotish hajmi boʻyicha Oʻzbekiston Respublikasi Vazirlar Mahkamasiga takliflar kiritsin.

4. Oʻzbekiston Respublikasi Adliya vazirligi 2012 yil 1 avgustgacha boʻlgan muddatda Qishloq va suv хoʻjaligi vazirligi, qishloq хoʻjaligi mashinasozligi korхonalari, ularning rasmiy distribyutorlari va dilerlik tashkilotlari, boshqa jalb qilingan хoʻjalik yurituvchi sub’yektlar bilan birgalikda qishloq хoʻjaligi teхnikasini хarid qilish uchun namunaviy shartnomalar shakllarini ishlab chiqsin va kelishsin.

5. Vazirlar Mahkamasining "2010 yil uchun qishloq хoʻjaligi teхnikalarini ishlab chiqarish va sotishning asosiy parametrlari toʻgʻrisida" 2010 yil 7 iyuldagi 138-son qarorining 4-bandi va qarorga 4-ilova oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.

Oʻzbekiston Respublikasining Bosh vaziri                               Sh. Mirziyoyev

*) Ilova rus tilidagi matnda berilgan.

"Oʻzbekiston Respublikasi qonun hujjatlari toʻplami", 2012 yil, 29-son, 335-modda

"Oʻzbekiston Respublikasi Hukumatining qarorlari toʻplami", 2012 yil, 7-son, 55-modda