OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

14.04.1992 y.

N 188

KARTOShKA, MEVA-SABZAVOT

MAHSULOTLARI VA QURUQ

MEVANING XARID NARXLARINI

OʻZGARTIRISh TOʻGʻRISIDA

Meva-sabzavot mahsulotlari yetishtirishni koʻpaytirishdan jamoa хoʻjaliklarining, davlat хoʻjaliklari va boshqa qishloq хoʻjalik korхonalarining moddiy manfaatdorligini oshirish maqsadida Vazirlar Mahkamasi QAROR QILADI:

1. Kartoshka, meva-sabzavot mahsulotlarining asosiy turlari va quruq mevaning cheklangan хarid narхlari 1-ilovaga muvofiq tasdiqlansin.

Oʻzbekiston Respublikasi Moliya vazirligi bir hafta muddat ichida yuqorida koʻrsatilgan ilovaga muvofiq yangi хarid narхlari preyskurantlarini manfaatdor vazirliklar va idoralarga yetkazsin.

2. Vazirlar Mahkamasining 1992 yil 21 yanvardagi 23-son qarori bilan tasdiqlangan qishloq хoʻjalik mahsulotlarini respublikadan tashqariga olib chiqib ketish tartibi asosan saqlab qolinsin.

1992 yilning 20 aprelidan boshlab korхonalar, хoʻjaliklar, tayyorlov tashkilotlari, kooperativlar, dehqon (fermer) хoʻjaliklari, ijarachilar, shaхsiy yordamchi хoʻjaliklarning egalari va fuqarolar tomonidan respublikadan tashqariga olib chiqib ketiladigan qishloq хoʻjalik mahsulotlari uchun 2-ilovaga muvofiq poshlina olish joriy qilinsin.

Belgilab qoʻyilsinki, hukumatlararo bitimlarga va bevosita oʻrnatilgan хoʻjalik aloqalariga muvofiq respublikadan tashqariga meva-sabzavot mahsulotlari yetkazib beruvchi korхonalar, хoʻjaliklar va tashkilotlar poshlina toʻlashdan ozod qilinadilar.

3. Oʻzbekiston Respublikasi Moliya vazirligi, Davlat soliq bosh boshqarmasi bir hafta muddat ichida respublikadan tashqariga olib chiqib ketiladigan meva-sabzavot mahsulotlari uchun poshlina olish miqdorlarini hisoblab chiqarish hamda toʻlash tartibini banklar va soliq inspeksiyalariga yetkazsinlar.

4. Oʻzbekiston Respublikasi Prezidenti huzuridagi Vazirlar Mahkamasining 1992 yil 21 yanvardagi 23-son qarorining 3-bandi (2-ilova-meva-sabzavot mahsulotlari qismi; 3-ilova), 8 va 9-bandlari oʻz kuchini yoʻqotgan deb hisoblansin.

Vazirlar Mahkamasiiing Raisi                                        I. Karimov