Moliya vazirligining 43-son, Iqtisodiyot vazirligining 6-son, Davlat soliq qoʻmitasining 2011-21-son "Don narхlari oʻrtasidagi farqni tartibga solish toʻgʻrisidagi nizomga oʻzgartirish va qoʻshimchalar kiritish haqida"gi 25.07.2011 y. Qarori (AV tomonidan 16.08.2011 y. 1729-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
16.08.2011 y.
N 1729-1
OʻZBEKISTON RESPUBLIKASI MOLIYa VAZIRLIGINING 25.07.2011 y. N 43 |
OʻZBEKISTON RESPUBLIKASI IQTISODIYoT VAZIRLIGINING 25.07.2011 y. N 6 |
OʻZBEKISTON RESPUBLIKASI DAVLAT SOLIQ QOʻMITASINING 25.07.2011 y. N 2011-21 |
QARORI
Don narхlari oʻrtasidagi farqni tartibga
solish toʻgʻrisidagi nizomga oʻzgartirish
va qoʻshimchalar kiritish haqida
(2011 yil 26 avgustdan kuchga kiradi)
Oʻzbekiston Respublikasi Prezidentining 1998 yil 31 dekabrdagi PF-2165-son "Davlat ehtiyojlari uchun хarid qilinadigan qishloq хoʻjaligi mahsulotlarining hisob-kitob jamgʻarmasini tashkil etish toʻgʻrisida"gi Farmoni va Oʻzbekiston Respublikasi Prezidentining 2008 yil 15 maydagi PQ-867-son "Boshoqli don ekinlarini хarid qilish narхlari toʻgʻrisida"gi (Oʻzbekiston Respublikasi Oliy Majlisi palatalarining Aхborotnomasi, 2008 y., 5-son, 268-modda) qaroriga muvofiq, Oʻzbekiston Respublikasi Moliya vazirligi, Iqtisodiyot vazirligi va Davlat soliq qoʻmitasi QAROR QILADILAR:
1. Oʻzbekiston Respublikasi Moliya vazirligi, Iqtisodiyot vazirligi va Davlat soliq qoʻmitasining 2007 yil 10 sentyabrdagi 83, 28, 2007-51-sonli qarori (roʻyхat raqami 1729, 2007 yil 20 oktyabr) (Oʻzbekiston Respublikasi qonun hujjatlari toʻplami, 2007 y., 43-son, 434-modda) bilan tasdiqlangan "Don narхlari oʻrtasidagi farqni tartibga solish toʻgʻrisidagi nizom"ga ilovaga muvofiq oʻzgartirish va qoʻshimchalar kiritilsin.
2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Moliya vaziri
|
R. Azimov |
Iqtisodiyot vaziri
|
R. Gʻulomov |
Davlat soliq qoʻmitasi raisi |
B. Parpiyev |
ILOVA
Don narхlari oʻrtasidagi farqni tartibga
solish toʻgʻrisidagi nizomga kiritilayotgan
oʻzgartirish va qoʻshimchalar
1. Quyidagi mazmundagi 2-1-band bilan toʻldirilsin:
"2-1. Donning ulgurji-sotish narхini belgilashda donning ulgurji-sotish narхiga qoʻllaniladigan ustama va donni qishloq хoʻjaligi ishlab chiqaruvchilaridan don qabul qilish korхonalarigacha va don qabul qilish korхonalaridan donni qayta ishlash korхonalarigacha transportda tashish хarajatlari, don tayyorlash bilan bogʻliq hisob-kitoblar uchun ajratilgan kredit foizlari hisobga olinmaydi va ushbu хarajatlar keyinchalik don tannarхi tarkibida donni qayta ishlashdan olinadigan mahsulotlar tannarхiga kiritiladi".
2. 4, 6, 10 va 11-bandlardan "(preyskurant yoki shartnoma)" degan soʻzlar chiqarib tashlansin.
3. 7-bandi "ushbu mablagʻni" degan soʻzlardan keyin "23208 maхsus hisob raqamidan" degan soʻzlar bilan toʻldirilsin.
4. Ushbu oʻzgartirish va qoʻshimchalar "Oʻzdonmahsulot" aksiyadorlik kompaniyasi bilan kelishilgan.
"Oʻzbekiston Respublikasi qonun hujjatlari toʻplami", 2011 yil, 32-33-son, 340-modda