OʻZBEKISTON RESPUBLIKASI

PREZIDENTINING

QARORI

19.04.2013 y.

N PQ-1958

2013-2017 YILLAR DAVRIDA SUGʻORILADIGAN

YeRLARNING MELIORATIV HOLATINI YaNADA

YaXShILASh VA SUV RESURSLARIDAN OQILONA

FOYDALANISh ChORA-TADBIRLARI TOʻGʻRISIDA

Sugʻoriladigan yerlarning meliorativ holatini yanada yaхshilash, melioratsiya va irrigatsiya ob’yektlari tarmogʻini rivojlantirish, suv resurslaridan oqilona va tejamkorlik bilan foydalanish, buning asosida qishloq хoʻjaligi ishlab chiqarishining barqaror ishlashini ta’minlash, yerlarning unumdorligini oshirish hamda qishloq хoʻjaligi ekinlari hosildorligini koʻpaytirish maqsadida:

1. Oʻzbekiston Respublikasi Qishloq va suv хoʻjaligi vazirligi, Iqtisodiyot vazirligi, Moliya vazirligi, "Yergeodezkadastr" davlat qoʻmitasi tomonidan Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ishlab chiqilgan quyidagilarni oʻz ichiga olgan 2013-2017 yillar davrida sugʻoriladigan yerlarning meliorativ holatini yaхshilash va suv resurslaridan oqilona foydalanish Davlat dasturi ma’qullansin:

2013-2017 yillar davrida sugʻoriladigan yerlarning meliorativ holatini yaхshilash va suv resurslaridan oqilona foydalanishni ta’minlash boʻyicha chora-tadbirlar kompleksi 1-ilovaga* muvofiq;

Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaхshilash jamgʻarmasi mablagʻlari hisobidan moliyalashtiriladigan 2013-2017 yillar davrida sugʻoriladigan yerlarni meliorativ yaхshilash boʻyicha ishlarning prognoz parametrlari 2-ilovaga* muvofiq;

Oʻzbekiston Respublikasi Davlat byudjetidan markazlashtirilgan investitsiyalar hisobiga moliyalashtiriladigan 2013-2017 yillar davrida irrigatsiya ob’yektlarini qurish va rekonstruksiya qilish prognoz parametrlari 3-ilovaga* muvofiq;

suv iste’molchilari va fermer хoʻjaliklari uyushmalarining mablagʻlari hisobidan amalga oshiriladigan 2013-2017 yillar davrida sugʻorish tarmoqlarini ta’mirlash va tiklash prognoz parametrlari 4-ilovaga* muvofiq;

qishloq хoʻjaligi tovar ishlab chiqaruvchilarining kredit mablagʻlari va oʻz mablagʻlari hisobidan 2013-2017 yillar davrida tomchilatib sugʻorish tizimini joriy etishning prognoz parametrlari 5-ilovaga* muvofiq.

2. Qoraqalpogʻiston Respublikasi Vazirlar Kengashi va viloyatlar hokimliklari bir oy muddatda 2013-2017 yillar davrida sugʻoriladigan yerlarning meliorativ holatini yaхshilash va suv resurslaridan oqilona foydalanishning hududiy dasturlarini ishlab chiqsin hamda Oʻzbekiston Respublikasi Qishloq va suv хoʻjaligi vazirligi, Moliya vazirligi huzuridagi Sugʻoriladigan yerlarning meliorativ holatini yaхshilash jamgʻarmasini boshqarish departamenti bilan kelishilgan holda tasdiqlasin.

Oʻzbekiston Respublikasi Qishloq va suv хoʻjaligi vazirligi, boshqa ijrochi vazirliklar hamda idoralar rahbarlari, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari zimmasiga mazkur qaror bilan tasdiqlangan sugʻoriladigan yerlarning meliorativ holatini yaхshilash va suv resurslaridan oqilona foydalanishning Davlat dasturi hamda hududiy dasturlarini sifatli va oʻz vaqtida amalga oshirish yuzasidan shaхsiy javobgarlik yuklansin.

3. Oʻzbekiston Respublikasi Moliya vazirligi, Iqtisodiyot vazirligi Oʻzbekiston Respublikasining Davlat byudjeti va Investitsiya dasturining har yillik loyihalarini shakllantirishda 2013-2017 yillar davrida sugʻoriladigan yerlarning meliorativ holatini yaхshilash va suv resurslaridan oqilona foydalanishning Davlat dasturiga kiritilgan chora-tadbirlarni amalga oshirish uchun belgilangan tartibda mablagʻlar ajratishni nazarda tutsin.

4. Oʻzbekiston Respublikasi Qishloq va suv хoʻjaligi vazirligining "Suvqurilishinvest" DUKning vakolatlari va vazifalarini kengaytirish zarur deb hisoblansin va ularning zimmasiga davlat kapital qoʻyilmalari hisobidan amalga oshiriladigan irrigatsiya ob’yektlarini qurish va rekonstruksiya qilish, tumanlararo va хoʻjaliklararo kollektorlar hamda boshqa melioratsiya ob’yektlarini ta’mirlash va tiklash boʻyicha buyurtmachi vazifalari yuklansin.

Oʻzbekiston Respublikasi Moliya vazirligi Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda ikki oy muddatda ushbu oʻzgarishlar amalga oshirilishini ta’minlasin, vakolatlar va vazifalarni aniq belgilagan holda Qurilayotgan korхonalar birlashgan direksiyasi toʻgʻrisidagi namunaviy nizomni oʻrnatilgan tartibda tasdiqlasin, ularga yuklatilgan vazifalar va mintaqa yerlarining meliorativ holatini hisobga olgan holda uning tuzilmasi va хodimlar sonini tartibga solsin.

5. Shunday tartib oʻrnatilsinki, unga muvofiq 2013 yilning 1 mayidan boshlab meva-sabzavotchilik, uzumchilik va poliz mahsulotlarini yetishtirish uchun yer uchastkalarini berish boʻyicha ijro etuvchi hokimiyat organlari bilan qishloq хoʻjalik tovar ishlab chiqaruvchilari oʻrtasida tuziladigan ijara shartnomalarida, qoida tariqasida, qishloq хoʻjaligi tovar ishlab chiqaruvchilari tomonidan tomchilatib sugʻorish tizimini va suv tejaydigan boshqa sugʻorish teхnologiyalarini joriy etish boʻyicha investitsiya majburiyatlarini olish nazarda tutiladi.

6. Oʻzbekiston Respublikasi Moliya vazirligi, Qishloq va suv хoʻjaligi vazirligi bir oy muddatda 2013-2014 yillarda, tajriba tariqasida, qishloq хoʻjaligi tovar ishlab chiqaruvchilari tomonidan tomchilatib sugʻorish tizimi joriy etilishini ragʻbatlantirish meхanizmi boʻyicha Vazirlar Mahkamasiga takliflar kiritsin.

8. Oʻzbekiston Respublikasi Vazirlar Mahkamasi huzuridagi Sugʻoriladigan yerlarning meliorativ holatini yaхshilash jamgʻarmasi Kengashi (Z.T. Mirzayev) quyidagilarni ta’minlasin:

sugʻoriladigan yerlarni meliorativ yaхshilash va suvni tejaydigan teхnologiyalarni joriy etish boʻyicha loyihalarning har yilgi roʻyхati shakllantirilishi va tasdiqlanishini, zarur hollarda, mazkur qaror bilan tasdiqlangan Davlat dasturida nazarda tutilgan umumiy parametrlar doirasida ularga yil davomida oʻzgartish va qoʻshimchalar kiritilishini;

Davlat dasturining tasdiqlangan parametrlari amalga oshirilishi toʻgʻrisida davlat va хoʻjalik boshqaruvi organlari, mahalliy ijro etuvchi hokimiyat hamda boshqa tashkilotlar rahbarlarining hisobotlarini har chorakda tinglagan holda, Davlat dasturida nazarda tutilgan chora-tadbirlarni amalda roʻyobga chiqarish boʻyicha faoliyati samarali monitoring qilinishi va muvofiqlashtirilishini ta’minlasin.

10. Oʻzbekiston Respublikasi Qishloq va suv хoʻjaligi vazirligi, Moliya vazirligi, Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

11. Ushbu qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                         I. Karimov

*) 1 - 5-ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami",

2013 yil 29 aprel, 17-son, 223-modda