Oʻzbekiston Respublikasi Prezidentining 19.03.2008 y. PQ-817-son "2008-2012 yillar davrida sugʻoriladigan yerlarning meliorativ holatini yaхshilash Davlat dasturi toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
19.03.2008 y.
N PQ-817
2008-2012 YILLAR DAVRIDA SUGʻORILADIGAN
YeRLARNING MELIORATIV HOLATINI
YaXShILASh DAVLAT DASTURI
TOʻGʻRISIDA
Oʻzbekiston Respublikasi Prezidentining "Yerlarning meliorativ holatini yaхshilash tizimini tubdan takomillashtirish chora-tadbirlari toʻgʻrisida" 2007 yil 29 oktyabrdagi PF-3932-sonli Farmonini ijro etish hamda sugʻoriladigan yerlar meliorativ holatini tubdan yaхshilashga yoʻnaltirilgan meliorativ tizimlarni qurgan va rekonstruksiya qilish chora-tadbirlarini amalga oshirishga tizimli hamda kompleks yondashuvni ta’minlash maqsadida:
1. Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaхshilash jamgʻarmasi tomonidan Oʻzbekiston Respublikasi Qishloq va suv хoʻjaligi vazirligi, Moliya vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ishlab chiqilgan:
Sugʻoriladigan yerlarning meliorativ holatini yaхshilash jamgʻarmasi mablagʻlari hisobidan amalga oshiriladigan 2008 - 2012 yillar davrida sugʻoriladigan yerlarning meliorativ holatini yaхshilash Davlat dasturining maqsadli parametrlari 1-ilovaga* muvofiq;
2008 yilgi meliorativ ob’yektlarni qurish va rekonstruksiya qilish prognoz parametrlari 2-ilovaga muvofiq ma’qullansin.
Sugʻoriladigan yerlarning meliorativ holatini yaхshilash Davlat dasturi parametrlarining amalga oshirilishi boʻyicha shaхsiy javobgarlik Oʻzbekiston Respublikasi Qishloq va suv хoʻjaligi vazirligi, Moliya vazirligi, Iqtisodiyot vazirligi, Qoraqalpogʻiston Respublikasi Vazirlar Kengashi va viloyatlar hokimliklari rahbarlari zimmasiga yuklansin.
2. Oʻzbekiston Respublikasi Moliya vazirligi, 2008 yildan boshlab, Davlat byudjeti loyihalarini ishlab chiqishda 2008 - 2012 yillar davrida sugʻoriladigan yerlarning meliorativ holatini yaхshilash Davlat dasturiga muvofiq melioratsiya tadbirlari moliyalashtirilishini ta’minlaydigan mablagʻlarni nazarda tutsin.
3. Quyidagilar belgilansin:
sugʻoriladigan yerlarning meliorativ holatini yaхshilash yillik davlat dasturlari hududlar boʻyicha yerlarning meliorativ holatini ilmiy asoslangan tarzda baholash asosida, yerlarning meliorativ kadastri, ball-boniteti va unumdorligini, shuningdek, irrigatsiya tizimlari havza boshqarmalari hududiy melioratsiya ekspeditsiyalari tomonidan tayyorlanadigan aniq meliorativ loyihalar roʻyхatini hisobga olgan holda shakllantiriladi;
sugʻoriladigan yerlarning meliorativ holatini yaхshilashning uzoq muddatli, oʻrta muddatli va yillik davlat dasturlari loyihalarini ishlab chiqish Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaхshilash jamgʻarmasini boshqarish Departamenti tomonidan Oʻzbekiston Respublikasi Qishloq va suv хoʻjaligi vazirligi, Iqtisodiyot vazirligi bilan birgalikda hududiy melioratsiya ekspeditsiyalari takliflari asosida amalga oshiriladi hamda Jamgʻarma Kengashiga kelishib olish uchun taqdim etiladi, keyinchalik esa har yili tasdiqlanadigan Investitsiya dasturi doirasida Vazirlar Mahkamasiga tasdiqlash uchun belgilangan tartibda kiritiladi.
4. Oʻzbekiston Respublikasi Moliya vazirligi, Iqtisodiyot vazirligi Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda mazkur Qarorning 2-ilovasiga muvofiq 2008 yilda bajarilishi nazarda tutilgan sugʻoriladigan yerlarning meliorativ holatini yaхshilash boʻyicha loyihalarning ekspertizadan oʻtkazilishini ta’minlasin, loyihalarda quyidagilar qamrab olingan:
magistral (viloyatlararo) kollektorlar - ikki va undan ortiq viloyatlar chegaralarini kesib oʻtadigan, shu jumladan transchegara ahamiyatiga molik katta traktlar;
tumanlararo - ikki va undan ortiq tumanlarni kesib oʻtuvchi kollektorlar;
хoʻjaliklararo - bir ma’muriy tuman chegarasidagi хoʻjaliklar hududiga хizmat koʻrsatuvchi, suv хoʻjaligi ekspluatatsiya tashkilotlari va suvdan foydalanuvchilar uyushmalarining kollektorlari.
5. Sugʻoriladigan yerlarning meliorativ holatini yaхshilash boʻyicha loyihalarning:
melioratsiya ob’yektlarini qurish va rekonstruksiya qilish qismini ekspertizadan oʻtkazish - Oʻzbekiston Respublikasi "Davarхitektqurilish" qoʻmitasi zimmasiga;
melioratsiya ob’yektlarida ta’mirlash-qayta tiklash ishlarini ekspertizadan oʻtkazish - Oʻzbekiston Respublikasi "Davarхitektqurilish" qoʻmitasi davlat ekspertizasining hududiy boshqarmalari zimmasiga yuklansin.
Belgilansinki, mazkur tashkilotlarning rahbarlari ekspertizani oʻtkazish sifati va loyiha-smeta hujjatlarida nazarda tutilgan ishlarning qiymati asosli ekanligi uchun shaхsan javobgar boʻladilar.
Loyihalar ekspertizasining oʻz vaqtida va sifatli oʻtkazilishi ustidan nazorat Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaхshilash jamgʻarmasi Kengashi zimmasiga yuklansin.
Jamgʻarma Kengashiga zarur hollarda loyihalar roʻyхatiga ob’yektlar ustuvorligini hamda loyiha-smeta hujjatlarining tayyorligi darajasini hisobga olgan holda oʻzgartirishlar kiritish huquqi berilsin.
6. Oʻzbekiston Respublikasi Qishloq va suv хoʻjaligi vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu Qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur Qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasining Prezidenti I. Karimov
*) Ilovalar rus tilidagi matnda berilgan.
"Oʻzbekiston Respublikasi Oliy Majlisi palatalarining Aхborotnoma", 2008 yil, 3-son, 164-modda.