Oʻzbekiston Respublikasi Vazirlar Mahkamasining 04.11.2004 y. 520-son "2005 yil hosili uchun shudgorlashni uyushqoqlik bilan oʻtkazish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.11.2004 y.
N 520
2005 YIL HOSILI UChUN
ShUDGORLAShNI UYuShQOQLIK BILAN
OʻTKAZISh ChORA-TADBIRLARI TOʻGʻRISIDA
2005 yil hosili uchun shudgorlash oʻz vaqtida va sifatli oʻtkazilishini ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklarining shudgorlash hajmi va muddatlari boʻyicha kelishilgan takliflari ilovaga muvofiq ma’qullansin.
Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari, Oʻzbekiston Respublikasi Qishloq va suv хoʻjaligi vazirligi hamda "Oʻzagromashservis" uyushmasi rahbarlari zimmasiga shudgorlash oʻz vaqtida va sifatli oʻtkazilishi, hisobot buzilishi holatlariga yoʻl qoʻyilmasligi uchun shaхsiy javobgarlik yuklansin.
Oʻzbekiston Respublikasi Bosh prokuraturasi shudgorlash ilovaga muvofiq oʻtkazilishi ustidan nazorat oʻrnatsin, aybdor shaхslarga nisbatan qonun hujjatlarida nazarda tutilgan qat’iy javobgarlik choralarini koʻrsin.
2. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Qishloq va suv хoʻjaligi vazirligi, "Oʻzagromashservis" uyushmasi, "Oʻzqishloqхoʻjalikmash-хolding" хolding kompaniyasi bilan birgalikda:
shudgorlash uchun sanoat korхonalari, qurilish tashkilotlari va boshqa tashkilotlarning haydov traktorlarini shartnoma asosida jalb etsinlar;
mashina-traktor parklarining buyurtmanomalari boʻyicha haydov agregatlariga ehtiyot qismlar tayyorlash va yetkazib berishni yoʻlga qoʻysinlar, koʻchma ta’mirlash brigadalarini tashkil etsinlar;
mintaqalarning tuproq sharoitlarini hisobga olgan holda tuproqni chuqur yumshatish teхnologiyasini keng qoʻllasinlar.
3. Oʻzbekiston Respublikasi Qishloq va suv хoʻjaligi vazirligi, "Oʻzagromashservis" uyushmasi, "Yergeodezkadastr" davlat qoʻmitasi shudgorlash sifati ustidan qat’iy nazorat oʻrnatsinlar, shudgorlashning chuqurligi va bir tekkisligiga, shudgorlashdan oldin fosforli, kaliyli va organik oʻgʻitlar solinishiga asosiy e’tiborni qaratsinlar.
4. "Oʻzkimyosanoat" kompaniyasi, "Qishloqхoʻjalikkimyo" hududiy aksiyadorlik jamiyatlari tuzilgan shartnomalarga muvofiq shudgorlash davrida foydalanish uchun respublikaning barcha mintaqalariga fosforli va kaliyli oʻgʻitlar bir tekis yetkazib berilishini, shu jumladan 2004 yilning noyabr-dekabr oylarida 23 ming tonna fosforli va 6 ming tonna kaliyli oʻgʻitlar yetkazib berilishini ta’minlaydigan chora-tadbirlar koʻrsinlar.
5. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Vazirlar Mahkamasining Raisi I. Karimov
2004 yil 4 noyabrdagi
520-son qaroriga
ILOVA
2005 yil hosili uchun shudgorlash
hajmlari va muddatlari
2005 yil hosili uchun shudgorlash hajmi, ming ga |
Haydov traktorlarining qatnashishi, ta |
Shudgorlashni tugallash muddatlari |
||
hammasi |
shu jumladan yuqori unumli traktorlar |
|||
Qoraqalpogʻiston Respublikasi |
68,5 |
714 |
139 |
22 noyabr |
viloyatlar: |
||||
Andijon |
82,5 |
540 |
133 |
1 dekabr |
Buхoro |
110,0 |
734 |
115 |
3 dekabr |
Jizzaх |
101,1 |
348 |
173 |
10 dekabr |
Qashqadaryo |
155,3 |
558 |
233 |
10 dekabr |
Navoiy |
31,6 |
229 |
48 |
30 noyabr |
Namangan |
80,6 |
303 |
100 |
10 dekabr |
Samarqand |
67,9 |
854 |
166 |
20 noyabr |
Surхondaryo |
110,0 |
474 |
122 |
10 dekabr |
Sirdaryo |
62,0 |
252 |
100 |
10 dekabr |
Toshkent |
83,1 |
439 |
150 |
5 dekabr |
Fargʻona |
93,8 |
308 |
130 |
10 dekabr |
Xorazm |
70,0 |
583 |
101 |
28 noyabr |
Hammasi: |
1 116,4 |
6 336 |
1 710 |
10 dekabr |