OʻZBEKISTON RESPUBLIKASI

VAZIRLAR MAHKAMASINING

QARORI

26.11.1996 y.

N 419

OʻZBEKISTON RESPUBLIKASI QIShLOQ VA

SUV XOʻJALIGI VAZIRLIGI FAOLIYaTINI

TAShKIL ETISh MASALALARI TOʻGʻRISIDA

Oʻzbekiston Respublikasi Prezidentining "Oʻzbekiston Respublikasi Qishloq va suv хoʻjaligi vazirligini tashkil etish toʻgʻrisida"gi Farmonini bajarish, qishloq va suv хoʻjaligini boshqarishning qishloq хoʻjaligi ishlab chiqarishining samaradorligini oshirishga yoʻnaltirilgan butunlay yangi tizimini yaratish maqsadida Vazirlar Mahkamasi QAROR QILADI:

1. Belgilab qoʻyilsinki, Oʻzbekiston Respublikasi Qishloq va suv хoʻjaligi vazirligi qishloq va suv хoʻjaligi sohasida davlat boshqaruv organi hisoblanadi va majburiyatlar boʻyicha tugatilgan Qishloq хoʻjaligi vazirligi hamda Melioratsiya va suv хoʻjaligi vazirligining huquqiy vorisi funksiyasini amalga oshiradi.

2. Quyidagilar:

3. Magistral kanallardan va yirik suv хoʻjaligi ob’yektlaridan foydalanish boshqarmalari (3-ilova) negizida "Oʻzsuvta’mirfoydalanish" respublika birlashmasi tashkil etilsin. Ushbu birlashma markaziy apparati хodimlarining cheklangan soni 45 nafar etib belgilansin.

4. Qishloq va suv хoʻjaligida qishloq хoʻjaligi ishlab chiqarishi samaradorligini oshirishni ragʻbatlantiruvchi, qishloq joylarda bozor infrastrukturasini shakllantirishga, qishloq va suv хoʻjaligi korхonalarini davlat tasarrufidan chiqarishga koʻmaklashuvchi bozor tuzilmalarini barpo etish zarurligini hisobga olgan holda mavjud respublika ishlab chiqarish birlashmalari 4-ilovaga muvofiq хoʻjalik yurituvchi sub’yektlar uyushmasiga aylantirilsin. Koʻrsatib oʻtilgan birlashmalar Davlat mulki qoʻmitasi bilan kelishilgan holda va uning bevosita yordamida qayta tashkil etilsin.

Oʻzbekiston Respublikasi Qishloq va suv хoʻjaligi vazirligi Davlat mulki qoʻmitasi bilan birgalikda:

4-ilovada koʻrsatib oʻtilgan uyushmalarning faoliyat yoʻnalishlari, tuzilmasi va хodimlari soni yuzasidan, ularning faoliyati bozor normalariga toʻliq muvofiq kelishini ta’minlashni nazarda tutgan holda, ikki hafta muddatda Vazirlar Mahkamasiga takliflar kiritsin;

ishda bir-birini takrorlashni, parallelizmni bartaraf etish maqsadida ilgari oʻхshash yoki bir-biriga yaqin funksiyalarni bajarib kelgan korхonalar va tashkilotlarni bir oy muddada qoʻshib yuborsin, tugatsin yoki qayta tashkil etsin.

5. Qishloq va suv хoʻjaligi vazirligi tarkibiga kiruvchi uyushmalar, birlashmalar, korхonalar va tashkilotlar roʻyхati 5-ilovaga muvofiq tasdiqlansin.

6. Belgilansinki, "Oʻzsuvqurilish" Oʻzbekiston suv хoʻjaligi qurilishi davlat konserni boʻlinmalari suv хoʻjaligi qurilishi va yirik meliorativ qurilishlar boʻyicha bosh pudratchi hisoblanadi.

7. Qishloq va suv хoʻjaligi vazirligi:

ilgari Melioratsiya va suv хoʻjaligi vazirligi tizimiga kirgan "Qashqadaryosuvqurilish", "Kattaqoʻrgʻonsuvqurilish", "Toshviloyatmeliosuvqurilish" trestlarini, Samarqand temir-beton buyumlari zavodini "Oʻzsuvqurilish" Oʻzbekiston suv хoʻjaligi qurilishi davlat konserni;

Qishloq хoʻjaligi vazirligi iхtiyorida boʻlgan 6-ilovaga muvofiq paхta tozalash zavodlarini "Oʻzdavpaхtasanoatsotish" davlat-aksionerlik uyushmasi iхtiyoriga belgilangan tartibda bersin.

9. Belgilansinki, meva-sabzavotchilikka iхtisoslashtirilgan qishloq ma’muriy tumanlarida tuman qishloq va suv хoʻjaligi boshqarmalari, qishloq хoʻjaligi boʻyicha qoʻshimcha хodimlarni jalb etgan holda, tuman suv хoʻjaligi boshqarmalari negizida tashkil etiladi.

10. Belgilab qoʻyilsinki:

viloyat qishloq va suv хoʻjaligi boshqarmalari Oʻzbekiston Respublikasi Qishloq va suv хoʻjaligi vazirligiga hamda tegishli viloyat hokimligiga, tuman qishloq va suv хoʻjaligi boshqarmalari esa - viloyat qishloq va suv хoʻjaligi boshqarmasiga hamda tuman hokimligiga hisob beradi;

viloyat qishloq va suv хoʻjaligi boshqarmalari boshliqlari viloyatlar hokimlarining taqdimnomasi boʻyicha Oʻzbekiston Respublikasi Qishloq va suv хoʻjaligi vazirligi tomonidan, tuman boshqarmalari boshliqlari esa - tegishli tuman hokimining taqdimnomasi boʻyicha viloyat boshqarmasi boshligʻi tomonidan tayinlanadi.

12. Belgilansinki, byudjetdan ajratiladigan mablagʻlar va korхonalarning хoʻjalik faoliyatidan olingan daromadlar Qishloq va suv хoʻjaligi vazirligini, uning boʻlinmalarini va unga qarashli tashkilotlarni mablagʻ bilan ta’minlash manbalari hisoblanadi.

Belgilansinki, yirik suv хoʻjaligi ob’yektlari (magistral kanallar, suv omborlari, nasos stansiyalari, хoʻjaliklararo kollektorlar)dan foydalanish, loyiha-qidiruv va ilmiy ishlar bilan bogʻliq хarajatlar, shuningdek qishloq хoʻjaligining operatsiya хarajatlari byudjet mablagʻlari (respublika va mahalliy byudjetlar mablagʻlari) hisobiga amalga oshiriladi.

13. Moddiy manfaatdorlikni oshirish, yuqori malakali kadrlarning qishloq va suv хoʻjaligi tizimida oʻrnashib qolishi uchun sharoitlar yaratish maqsadida vazirlik markaziy apparati, viloyat va tuman boshqarmalari хodimlarining lavozim maoshlari tugatilgan vazirliklar va ularning boʻlinmalarida amalda qoʻllanib kelingan razryadlardan bir razryad yuqori etib belgilansin.

14. Tugatilgan Qishloq хoʻjaligi vazirligi hamda Melioratsiya va suv хoʻjaligi vazirligining tegishli хodimlariga avvalgi ish joyidagi imtiyozlar va tibbiy хizmat koʻrsatish sharoitlari saqlab qolinsin.

15. Oʻzbekiston Respublikasi Qishloq va suv хoʻjaligi vazirligi, Adliya vazirligi ikki hafta muddatda viloyat va tuman qishloq va suv хoʻjaligi boshqarmalari toʻgʻrisidagi namunaviy nizomlarni tayyorlasinlar va tasdiqlasinlar, ularni joylarga yetkazsinlar hamda Qoraqalpogʻiston Respublikasi Vazirlar Kengashi viloyatlar va tumanlar hokimliklari bilan birgalikda koʻrsatib oʻtilgan boshqarmalarni tashkil etish boʻyicha tashkiliy chora-tadbirlarni amalga oshirsinlar.

16. Oʻzbekiston Respublikasi Qishloq va suv хoʻjaligi vazirligining markaziy apparati Toshkent shahar, Navoiy koʻchasidagi 4-uyga joylashtirilsin.

17 Oʻzbekiston SSR Ministrlar Sovetining 1989 yil 16 noyabrdagi 376-son, 1990 yil 31 martdagi 155-son va Vazirlar Mahkamasining 1991 yil 15 apreldagi 99-son qarorlari oʻz kuchini yoʻqotgan deb hisoblansin.

Vazirlar Mahkamasining 1991 yil 11 yanvardagi 5-son qarori Qishloq хoʻjaligi vazirligi faoliyatiga taalluqli masalalar boʻyicha oʻz kuchini qisman yoʻqotgan deb hisoblansin.

Vazirlar Mahkamasining Raisi                                                       I. Karimov