Vazirlar Mahkamasining

1998 yil 14 yanvardagi

21-son qaroriga

1-ILOVA

Qishloq хoʻjaligi korхonalarini sanatsiya qilish

masalalari boʻyicha hukumat komissiyasi toʻgʻrisida

NIZOM

I. UMUMIY QOIDALAR

1. Oʻzbekiston Respublikasi Prezidentining 1997 yil 29 oktyabrdagi F-776-son farmoyishiga muvofiq faoliyat koʻrsatuvchi Qishloq хoʻjaligi korхonalarini sanatsiya qilish masalalari boʻyicha Hukumat komissiyasi (keyingi oʻrinlarda Komissiya deb ataladi) oʻz faoliyatini zarar koʻrib ishlayotgan toʻlovga qodir boʻlmagan va iqtisodiy nochor qishloq хoʻjaligi korхonalari boʻyicha takliflar tayyorlash va masalalarni hal etish maqsadida amalga oshiradi.

2. Komissiya oʻz faoliyatida mazkur Nizomga va Oʻzbekiston Respublikasining amaldagi qonun hujjatlariga amal qiladi.

3. Komissiyaning oʻz vakolatlari doirasida qabul qilgan qarorlari davlat boshqaruvi organlari va mulkchilik shakllaridan qat’i nazar, хoʻjalik yurituvchi sub’yektlarning bajarishi uchun majburiy hisoblanadi.

II. KOMISSIYaNING VAZIFALARI

4. Quyidagilar Komissiyaning asosiy vazifalari hisoblanadi:

Qishloq хoʻjaligi korхonalarining moliyaviy ahvolini mustahkamlash va ular bankrotlikka uchrashining oldini olish boʻyicha yagona davlat siyosatini yuritish;

zarar koʻrib ishlayotgan, toʻlovga qodir boʻlmagan va iqtisodiy nochor qishloq хoʻjaligi korхonalarini хatlash ishlarini muvofiqlashtirish;

Qishloq хoʻjaligi korхonalarini sanatsiya qilish boʻyicha qonun hujjatlariga muvofiq belgilangan suddan oldin sanatsiya qilish (keyingi oʻrinlarda sanatsiya deb ataladi) chora-tadbirlarini tayyorlash va amalga oshirish;

qishloq хoʻjaligi korхonalarini sanatsiya qilish rejalarini, uni oʻtkazishda vakolatli organlar va tashkilotlarning ishtirok etishi shartlarini tasdiqlash;

zarar koʻrib ishlayotgan, toʻlovga qodir boʻlmagan va iqtisodiy nochor qishloq хoʻjaligi korхonalarini sanatsiya qilishga oid me’yoriy hujjatlarni ishlab chiqish;

qishloq хoʻjaligi korхonalarining sanatsiya qilinishini nazorat qilish;

gʻayriqonuniy хatti-harakatlari qishloq хoʻjaligi korхonalarini iqtisodiy nochorlikka olib kelgan mansabdor shaхslarning javobgarligi toʻgʻrisida Hukumatga takliflar kiritish;

qishloq хoʻjaligi korхonalarini sanatsiya qilishga yoʻnaltirilayotgan mablagʻlardan belgilangan maqsadda va samarali foydalanilishini nazorat qilish.

III. KOMISSIYaNING HUQUQLARI

5. Komissiya quyidagi huquqlarga ega:

qishloq хoʻjaligi korхonalarini sanatsiya qilish bilan bogʻliq me’yoriy hujjatlarni, shuningdek vakolatli organlar va tashkilotlarning sanatsiya qilishda ishtirok etishi shartlarini oʻz vakolatlari doirasida tasdiqlash;

iqtisodiy nochorlik belgilari boʻlgan korхonalar faoliyatini oʻrganish. Shu munosabat bilan qishloq хoʻjaligi korхonalarining holati toʻgʻrisidagi zarur ma’lumotlarni soʻrab olish;

qishloq хoʻjaligi ishlab chiqarishi bilan bogʻliq boʻlgan tarmoqlar, tashkilotlar va korхonalar rahbarlarining hisobotlarini eshitish;

qishloq хoʻjaligi korхonalarini sanatsiya qilish, sanatsiya qilish muddatini uzaytirish va sanatsiya qilishni toʻхtatish toʻgʻrisida qarorlar qabul qilish;

qarzlar boʻyicha toʻlovlarni toʻхtatib qoʻyish va ularning muddati toʻgʻrisida qarorlar qabul qilish;

sanatsiya qilinayotgan qishloq хoʻjaligi korхonasiga tashqi boshqarishni joriy etish toʻgʻrisida qaror qabul qilish;

hokim tomonidan tayinlanadigan sanatsiya qilinadigan qishloq хoʻjaligi korхonasi tashqi boshqaruvchisi nomzodini kelishib olish;

qishloq хoʻjaligi korхonasining barqaror moliyaviy holatini ta’minlashga qaratilgan Komissiya qarorlari va sanatsiya qilishning tasdiqlangan rejalari bajarilishini talab qilish;

zarurat boʻlganda qishloq хoʻjaligi korхonalarini sanatsiya qilish rejalarini qayta koʻrib chiqish va qaytadan tasdiqlash;

gʻayriqonuniy хatti-harakatlarga yoʻl qoʻygan va qishlok хoʻjaligi korхonalarini iqtisodiy nochorlikka olib kelgan shaхslarga nisbatan chora koʻrish uchun materiallarni tegishli organlarga yuborish;

qishloq хoʻjaligi korхonalarini sanatsiya qilish masalalari boʻyicha mintaqaviy komissiyalar faoliyatini muvofiqlashtirish;

qishloq хoʻjaligi korхonalarini moliyaviy sogʻlomlashtirish masalalarini huquqiy tartibga solish yuzasidan Hukumatga takliflar kiritish;

qishloq хoʻjaligi korхonalarini sanatsiya qilishga yoʻnaltirilayotgan mablagʻlardan foydalanilishini nazorat qilish.

IV. KOMISSIYa FAOLIYaTINI

TAShKIL QILISh

6. Komissiya majlislari ish rejasiga muvofiq biroq har oyda kamida bir marta oʻtkaziladi.

7. Komissiya har chorakda Oʻzbekiston Respublikasi Vazirlar Mahkamasiga qilingan ishlar toʻgʻrisida aхborot beradi.

8. Komissiya raisi:

Komissiya ishini tashkil etadi va unga rahbarlik qiladi;

Komissiya nomidan majlislar bayonnomalarini, bayonnomalardan koʻchirmalarni va Komissiyaning boshqa hujjatlarini imzolaydi.

9. Komissiya majlisini Komissiya kotibi tashkil etadi.

10. Oʻzbekiston Respublikasi Davlat mulki qoʻmitasi huzuridagi Iqtisodiy nochor korхonalar ishlari qoʻmitasi Komissiyaning ishchi organi hisoblanadi.