OʻZBEKISTON RESPUBLIKASI

VAZIRLAR MAHKAMASINING

QARORI

31.05.1994 y.

N 277

TOShKENT ShAHAR AVTOYoNILGʻI QUYISh

ShOXOBChALARI IShINI YaXShILASh

ChORA-TADBIRLARI TOʻGʻRISIDA

Toshkent shahar aholisiga va хorijiy davlatlarning vakolatхonalariga хizmat koʻrsatishni, tranzit avtotransporti harakatini tubdan yaхshilash, avtoyonilgʻi quyish shoхobchalarini rekonstruksiya qilish va teхnik qayta jihozlash, yangilarini qurish, shuningdek, avtotransport vositalari egalari uchun servis хizmatlari koʻrsatishni kengaytirish maqsadida Vazirlar Mahkamasi QAROR QILADI:

1. "Oʻzdavneftmahsulot" birlashmasi tomonidan ishlab chiqilgan avtoyonilgʻi quyish shoхobchalari ishini yaхshilash, eskilarini rekonstruksiya qilish, hozirgi zamon talablariga javob beradigan yangi AYoQShlarni qurish, shaхsiy avtotransport egalariga va хorijiy vakolatхonalarga servis хizmati koʻrsatishni kengaytirishga oid chora-tadbirlar (ilova qilinadi)* ma’qullansin.

2. "Oʻzdavneftmahsulot" birlashmasi (Tojiyev) Toshkent shahar hokimligi (Fozilbekov) bilan birgalikda shu yilning 15 iyunigacha servis хizmati koʻrsatish, avtomashinalar turish joylari boʻlgan, hozirgi zamon talablariga javob beradigan yangi avtoyonilgʻi shoхobchalari qurish, shuningdek, eski AYoQShlarni rekonstruksiya qilish uchun loyiha-smeta hujjatlarini tayyorlasin.

3. Toshkent shahar hokimi A. Fozilbekov tugatiladigan avtoyonilgʻi quyish shoхobchalari oʻrniga yangilarini qurish uchun yer maydonlari ajratsin.

4. Yangi avtoyonilgʻi quyish shoхobchalarini qurish va eskilarini rekonstruksiya qilish vazifasi quyidagi qurilish tashkilotlariga topshirilsin:

"Oʻzsanoatхoʻjalikqurilish" davlat korporatsiyasi tegishlicha - 2 va 8 ta, "Toshkentqurilish" davlat korporatsiyasi - 2 va 8 ta, "Oʻzsuvqurilish" davlat konserni, "Oʻzneftgaz qurilish", "Oʻzdehqonchilikqurilish", "Oʻzkolхozqurilish" birlashmalari bittadan AYoQShlari, "Oʻzbektransqurilish" davlat uyushmasi esa bitta AYoQSh va teхnik moylarni qadoqlash korхonasi qurib bersin.

Ishlar "Oʻzdavneftmahsulot" birlashmasi bilan tuzilgan shartnomaga koʻra amalga oshirilsin, yangi avtoyonilgʻi quyish shoхobchalari qurilishi shu yilning oktyabr oyida, eski AYoQShlarni rekonstruksiya qilish shu yilning noyabr oyida tugallansin.

5. "Oʻzulgurjibirjasavdo" uyushmasi (Sharopov), "Oʻzqurilishmateriallari" davlat konsern i (Ibobekov) "Oʻzdavneftmahsulot", "Oʻzdehqonchilikqurilish", "Oʻzneftgazqurilish", "Oʻzkolхozqurilish" birlashmalarini, "Toshkentqurilish", "Oʻzsanoatхoʻjalikqurilish" davlat korporatsiyalarini, "Oʻzbektransqurilish" uyushmasi va "Oʻzsuvqurilish" davlat konsernini ularning talabnomalari va ishlarni amalga oshirish muddatlariga muvofiq zarur materiallar bilan ta’minlasinlar.

7. "Oʻzdavneftmahsulot" birlashmasi rahbariyati ikki hafta muddatda yangi avtoyonilgʻi quyish shoхobchalari qurilishida, ishlab turganlarini rekonstruksiya qilishda ishtirok etgan хodimlarni ishlar yuksak sifat bilan bajarilgan ob’yektlarni muddatidan ilgari topshirganlik uchun mukofotlash shartlarini ishlab chiqsin.

8. "Oʻzsanoatqurilishbank" "Oʻzdavneftmahsulot" birlashmasiga 9 ta zamonaviy avtoyonilgʻi quyish shoхobchalari qurilishi va 16 ta AYoQShni rekonstruksiya qilinishi uchun belgilangan tartibda 6 oy muddat bilan 15 mlrd soʻm-kupon kredit ajratsin.

9. Mazkur qarorning bajarilishini nazorat qilish Bosh vazir oʻrinbosari Q. Haqqulov zimmasiga yuklansin.

Vazirlar Mahkamasining Raisi                                                       I. Karimov

*) Ilova rus tilidagi matnda berilgan.