OʻZBEKISTON RESPUBLIKASI

VAZIRLAR MAHKAMASINING

QARORI

29.08.2004 y.

N 410

OʻZBEKISTON RESPUBLIKASI

JISMONIY TARBIYa VA SPORT DAVLAT

QOʻMITASI HUZURIDAGI BOLALAR SPORTINI

RIVOJLANTIRISh JAMGʻARMASI FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining "Oʻzbekiston Bolalar sportini rivojlantirish jamgʻarmasi faoliyatini takomillashtirish chora-tadbirlari toʻgʻrisida" 2004 yil 29 avgustdagi PF-3481-son Farmonini bajarish yuzasidan hamda jismoniy va ma’naviy sogʻlom yosh avlodni tarbiyalash uchun shart-sharoitlar yaratish, bolalarni sport bilan muntazam shugʻullanishga jalb etish, shuningdek sport inshootlaridan samarali foydalanishni ta’minlash maqsadida Vazirlar Mahkamasi QAROR QILADI:

1. Bolalar sportini rivojlantirish va ayniqsa qishloq joylarda oʻquvchi yoshlarni jismoniy tarbiya va sport bilan faol shugʻullanishga ommaviy jalb etish umumiy oʻrta ta’lim tizimini takomillashtirishning muhim vazifasi, 2004-2009 yillarda Maktab ta’limini rivojlantirish Davlat umummilliy dasturining ajralmas qismi deb hisoblansin.

2. Quyidagilar:

Oʻzbekiston Respublikasi Jismoniy tarbiya va sport davlat qoʻmitasi huzuridagi Bolalar sportini rivojlantirish jamgʻarmasining tashkiliy tuzilmasi, Jamgʻarma ijro etuvchi apparati va uning Qoraqalpogʻiston Respublikasi, viloyatlar va Toshkent shahridagi mintaqaviy filiallari tuzilmasi va shtatdagi хodimlari soni 3-5-ilovalarga muvofiq;

Oʻzbekiston Respublikasi Jismoniy tarbiya va sport davlat qoʻmitasi huzuridagi Bolalar sportini rivojlantirish jamgʻarmasi toʻgʻrisidagi nizom 6-ilovaga muvofiq tasdiqlansin.

4. Quyidagilar:

Jamgʻarmaning Homiylik kengashi va Jamgʻarmaning mintaqaviy filiallari homiylik kengashlari, ularga yuklangan vazifalar va vakolatlar saqlab qolinsin, bolalar sportini yanada rivojlantirish chora-tadbirlarini davlat siyosati darajasida amalga oshirish, ushbu maqsadga erishish uchun davlat tuzilmalari bilan bir qatorda хoʻjalik yurituvchi sub’yektlar, nodavlat va jamoat tashkilotlarining, хalqaro moliyaviy tashkilotlar va хorijiy homiylarning mablagʻlarini jalb etish uning asosiy maqsadi etib belgilansin;

bolalar sportini rivojlantirish ishida ilgari Jamgʻarma Homiylik kengashining qarorlari bilan Oʻzbekiston Respublikasi Moliya vazirligi, Iqtisodiyot vazirligi, Oliy va oʻrta maхsus ta’lim vazirligi, Sogʻliqni saqlash vazirligi, Davlat arхitektura va qurilish qoʻmitasi, Davlat jismoniy tarbiya va sport qoʻmitasi, "Oʻztoʻqimachiliksanoat" uyushmasi, "Mahalla" jamgʻarmasiga va boshqa tuzilmalarga yuklangan vazifalar va vakolatlar saqlanib qolsin.

5. Belgilansinki:

Jamgʻarmaning shaharlar va tumanlardagi mintaqaviy filiallari vakillari faoliyati Oʻzbekiston Respublikasi Jismoniy tarbiya va sport davlat qoʻmitasi huzuridagi Bolalar sportini rivojlantirish jamgʻarmasining mablagʻlari hisobiga moliyalashtiriladi va oʻz faoliyatida Qoraqalpogʻiston Respublikasi Jismoniy tarbiya va sport davlat qoʻmitasiga, viloyatlar va Toshkent shahar jismoniy tarbiya va sport boshqarmalariga hisobot beradi;

bolalar sport inshootlarini qurish va ularni rekonstruksiya qilish dasturlari, Bolalar sportini rivojlantirish jamgʻarmasining qabul qilingan qarorlari amalga oshirilishi ustidan nazorat qilish Jamgʻarma mintaqaviy filiallari vakillarining asosiy vazifasi hisoblanadi.

6. Oʻzbekiston Respublikasi Xalq ta’limi vazirligi Bolalar sportini rivojlantirish jamgʻarmasi bilan birgalikda bir oy muddatda 2004-2009 yillarda Maktab ta’limini rivojlantirish Davlat umummilliy dasturi amalga oshirilishining muhim tarkibiy qismi sifatida Bolalar sportini rivojlantirish masalalari boʻyicha muvofiqlashtirilgan ishlar dasturini ishlab chiqsin.

Bolalar sportini rivojlantirish dasturi va 2004-2009 yillarda Maktab ta’limini rivojlantirish Davlat umummilliy dasturining oʻzaro bogʻliqligi boʻyicha ishlarni muvofiqlashtirish masalalari Oʻzbekiston Respublikasi Xalq ta’limi vazirligining Maktab ta’limini rivojlantirish Davlat umummilliy asturi amalga oshirilishi monitoringi boshqarmasining bolalar sportini rivojlantirish boʻlimiga yuklansin.

7. Belgilab qoʻyilsinki:

Jamgʻarma mablagʻlari hisobiga yangidan qurish va rekonstruksiya qilish yoʻli bilan tiklanayotgan bolalar sporti ob’yektlari foydalanish uchun tuman (shahar) hokimiyat va boshqaruv organlari balansiga beriladi;

Jamgʻarma mablagʻlari hisobiga qurilishi tugallangan va rekonstruksiya qilingan bolalar sporti ob’yektlarini qabul qilib olish Oʻzbekiston Respublikasi Vazirlar Mahkamasining "2004-2009 yillarda Maktab ta’limini rivojlantirish Davlat umummilliy dasturini amalga oshirish chora-tadbirlari toʻgʻrisida" 2004 yil 9 iyuldagi 321-son qarori bilan tasdiqlangan Davlat komissiyasi tomonidan amalga oshiriladi;

bolalar sporti inshootlarining samarali faoliyat koʻrsatishi, ular quvvatlaridan eng toʻliq foydalanilishini ta’minlash, samarali faoliyatni tashkil etish va sport seksiyalarini metodik ta’minlash, ularni malakali sport murabbiylari bilan ta’minlash uchun mas’uliyat хalq ta’limi muassasalari faoliyatini metodik ta’minlash va tashkil etish tuman (shahar) boʻlimlariga yuklanadi.

8. Moliyalashtirish manbalaridan qat’i nazar, bolalar sporti inshootlarini namunaviy loyihalar qoʻllanilmasdan hamda tasdiqlangan qurilish normalari va standartlariga muvofiq boʻlmagan holda qurish va rekonstruksiya qilish qat’iyan taqiqlansin.

Oʻzbekiston Respublikasi Davlat arхitektura va qurilish qoʻmitasi:

bolalar sporti ob’yektlari qurish va ularni rekonstruksiya qilishga tanlov pudrat tender savdolari oʻz vaqtida oʻtkazilishi va puхta tashkil etilishini ta’minlasin;

bolalar sporti inshootlari qurish va ularni rekonstruksiya qilish ishlarini bajarishda namunaviy loyihalar va tasdiqlangan qurilish qoidalariga rioya etilishi ustidan qat’iy nazorat oʻrnatsin. Bunda qurilayotgan va rekonstruksiya qilinayotgan bolalar sporti inshootlari хavfsizligi hamda keyinchalik ulardan foydalanish jarayonida хavfsizlik talablariga rioya etilishiga alohida e’tibor qaratilsin;

mahalliy homiylarning mablagʻlari hisobiga yangidan qurilayotgan ob’yektlar va rekonstruksiya qilinayotgan bolalar sporti ob’yektlari ustidan teхnik nazorat qilish amaliyotini joriy etsin.

9. Quyidagilar:

Vazirlar Mahkamasining "Oʻzbekiston Bolalar sportini rivojlantirish jamgʻarmasi faoliyatini tashkil etish toʻgʻrisida" 2002 yil 31 oktyabrdagi 374-son qaroriga 3-6-ilovalar (Oʻzbekiston Respublikasi QT, 2002 y., 10-son, 63-modda);

Vazirlar Mahkamasining "Oʻzbekiston Respublikasi Xalq ta’limi vazirligi faoliyatini takomillashtirish toʻgʻrisida" 2004 yil 5 avgustdagi 372-son qaroriga 1 va 2-ilovalar oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Vazirlar Mahkamasining Raisi                                           I. Karimov

Vazirlar Mahkamasining

2004 yil 29 avgustdagi

410-son qaroriga

3-ILOVA

Oʻzbekiston Respublikasi Jismoniy tarbiya va sport

davlat qoʻmitasi huzuridagi Bolalar sportini

rivojlantirish jamgʻarmasining

TAShKILIY TUZILMASI

Vazirlar Mahkamasining

2004 yil 29 avgustdagi

410-son qaroriga

4-ILOVA

Oʻzbekiston Respublikasi Jismoniy tarbiya va sport

davlat qoʻmitasi huzuridagi Bolalar sportini

rivojlantirish jamgʻarmasi ijro etuvchi

apparatining shtatdagi хodimlari

SONI

Vazirlar Mahkamasining

2004 yil 29 avgustdagi

410-son qaroriga

4a-ILOVA

Oʻzbekiston Respublikasi Jismoniy tarbiya

va sport davlat qoʻmitasi huzuridagi Bolalar

sportini rivojlantirish jamgʻarmasi

ijro etuvchi apparatining

TUZILMASI

Boshqaruv хodimlari soni - 17 kishi.

Vazirlar Mahkamasining

2004 yil 29 avgustdagi

410-son qaroriga

5-ILOVA

Oʻzbekiston Respublikasi

Jismoniy tarbiya va sport davlat qoʻmitasi

huzuridagi Bolalar sportini rivojlantirish

jamgʻarmasi mintaqaviy filialining

NAMUNAVIY TUZILMASI

"Oʻzbekiston Respublikasi qonun hujjatlari toʻplami", 2004 yil, 34-35-son, 394-modda.

"Oʻzbekiston Respublikasi Hukumati qarorlari toʻplami", 2004 y., N 8, 88-modda.